السبت، مايو ٢٦

خلاص يا بابا والله مش حعان حرام كده


مش عارف اقولها ازاي بس انا بصراحه تعبان من الموضوع ده قوي ومخنوق وعايز ابعبع شويه يا جماعه

انا مش عايز اكل مع بابا تاني في الشغل

طبعا هتسألوني ازاي

اصل انا سبت شغلي القديم ورحت اشتغلت مع ابويا في نفس الشركه اللي هو شغال فيها وكنت بشتغل قي مكتب فيه 3 شباب فقريين جدا وكانت ايام دماغ طول الوقت نهرج ونهزر ونحكي لبعض على مشاكلنا وخطط المستقبل وهووب ابويا كان طبعا بيحاول ينقلني مكان احسن ويا سلام لو يكون في نفس الإداره بتاعته عشان نبقى جنب بعض طبعا انا لما بقيت بشتغل معاه في نفس الشركه بس بيني وبين مكتبه حوالي 200 متر وبشوفه قليل كنت زهقان من انه كل شويه يسأل عني وعايز يعرف كل خطوه بعملها طول اليوم المهم ان انا دلوقتي بقيت جنبه بالظبط يعني هو في الدور الأول وانا في الدور التاني على طول وطبعا ما ادراكم بإن ابوك يبقى جنبك بالظبط كده طول الوقت عايزني عنده وعايزني افطر واتغدى ويمكن كمان اتعشى هنده ماهو احنا بنقعد في الشركه 12 ساعه متواصله ويا سلام لو عايز اغيب يوم يفضل يسألني ليه وعشان ايه اكتر من المدير بتاعي وطبعا مينفعش اقوله معلش حضرتك اصل عمتي ماتت ورايح ادفنها ويا سلام لو شافني خارج من المكتب على طول يروح صايدني من قفايا انت رايح فين وليه وهو ده شغلك وانت ليه بتروح هناك ومتتأخرش كتير هناك وطبعا نظام الصداقه ده شيء تاني ممنوع عليه اني اصاحب اي حد يكون هو شايفه دمه تقيل او شخصيه مش محترمه وساعات بيكون رأيه مبني على اعتقاد شخصي غير صحيح لكن هو انا اقدر اعترض ده غير الناس اللي بتتبرع مشكوره بإنها تبلغه عن اماكن تواجدي طول اليوم عشان يطمنوه عليه المهم بقى ان انا ساعات بحب اروح اقعد او اكل مع اصحابي اللي كانو زمايلي في المكتب القديم فبعيدا عن انه عايزني انسى بقى الناس القدام واتلفت لمكاني الجديد فأنا مينفعش اكل مرتين يعني لو كنت فطرت معاهم ببقى مش جعان لكن لو اتجرأت وقلت لأ مش عايز اكل انا مش جعان تبقى مصيبه واكيد انا مبوز عشان اسد نفسه وانا جاحد وناكر للجميل يا عم انا بقولك مش جعان هو بالعافيه المهم انا تعبت خلاص وبقيت على طول بطني بتوجعني من كتر الوجبات المذدوجه

وطبعا هاتقولولي خلاص متاكلش مع زمايلك وخلاص لكن انا بحب اكل معاهم الأكل برضه مع اللمه الحلوه واصحابك ليه طعم تاني بس تقول ايه

لكن طبعا لسه فيه جزء تاني لسه لازم احكيه الأول عن ابويا وطبيعته قبل ما اكمل

وللحديث بقيه......سلام


ايوه يا بابا جاي اهوه عشان ناكل

عن اذنكم عشان رايح اتغدى للمره التالته

هناك ٣٣ تعليقًا:

مريم يقول...

احمد ربنا
انا فى سنك وعمرى ما جمعنى بابويا اى حوار ودى ودى حاجة مزعجة جدا
بوس ايدك شعر ودقن وروح كل

Ehab يقول...

حاضر يا ستي باكل اهو
يلرب يا مريم يا بنت حوا وادم ابوكي يقعد يرغي معاكي وياكل ودنك زي ابويا مبيعمل وتقعدي تاكلي معاه لحد بطنك متوجعك زي بطني قادر يا كريم
______________________________
على فكره انا كنت في اسكندريه من حوالي شهر وكانت رحله دماغ مع فاخر صاحبي جايز اكلم عنها في بوست
وممكن انزل الصور كمان لأن فاخر غاوي تصوير ومعاه كاميرا ديجيتال هايله عملنا حوالي 390 صوره تقريبا
بس هو اختار الأفضل منهم
اوعي يا بنت تطلعي في الصور وانتي بتشاوري
سلاااااااااااااااااااااااام
يا عروسة البحر

Amr Ahmed يقول...

ااااااااااااه
يا جاحد
يا ناكر للجميل
يا عاااااااااااااق
للوالدين

ايه يعني اما تفطر سبع تمن مرات

فيها حاجة دي

جيل اخر زمن
عاوز يصيع

ههههههههههههههههه
فرحان فيك بصراحة
فيس بيطلع لسانه

حد كان قالك اتنقل

Ehab يقول...

ماشي ياعم احمد افرح براحتك قوي
بس انا مش بإيدي النقل يا باشا يعني انا مش قادر اعترض على الأكل هاعترض على النقل ما علينا ربنا يخلي بابا
ويبطل يزغطني بالعافيه
سلاااااااااااااااااام
_________________________________
بس سيبك انت اخيرا صورة جيفارا طلعت عندي في المدونه دي حاجه عايزه فرح يا باشا نورت المدونه والشوارع اللي حواليها
سلااااااااااااااام

لــــيــــالـــــــى يقول...

انا ضيفة جديد اذا اردت صداقتى ستذيد حياتى سعادة واذا رفضت ستسعدنى مجرد زيارتك

صاحب البوابــة يقول...

تحياتي لمدونتك الجميلة

ولقصتك الممتعة

وارجوك لا تغضب والدك

تحياتي

Mirage يقول...

جاية فى السكة بقية الحكاية يامان
متستعجلش على رزقك
بس بصراحة انا عن نفسى طول عمرى منفض للوالدين ومتأكد ان عمر مهيبقى فى اى نوع من التواصل بينى وبينهم لأن باختصار شديد هم من زمن ونحن من زمن اخر تماما

أسوور يقول...

مش ممكن انت موتنى من الضحك والله
على فكرة انا عشت نفس الموقف بس بطريقة تانية انا سيادتك بعد ما اتخرجت قرر ابويا انى أشتغل معاه فى شركته .. هو بقى سيادتك صاحب الشركة .. فرحت فى الأول وفكرت انى هبقى مديرة بقى
بس هو فى الحقيقة شغلنى احقر شغلانات وكان بيهزأنى قدام كل الموظفين مرة عشان مديرى ومرة عشان أبويا وماكنتش بأعرف أغيب ابدا من الشغل حتى لو عيانة يقولى تعالى معايا ولو تعبتى أروحك
وممنوع عقد صداقات مع الموظفين والموظفات عشان هم منافقين وعاوزين يتمسحوا فية عشان انا بنته وهم هيصاحبونى ليه يعنى وعلى ايه غير كدة
برضه ما تاكليش معاهم عشان دى قلة قيمة
سبت ال شغل بعد 4 سنين عنده بخناقة وسيبان بيت
و وصلت لأعلى المراكز فى القطاع الخاص بسبب قسوته على .. فقد علمنى كثيرا دون ان يدرى
تحياتى

Ehab يقول...

مرحبا بك يا ليالي
وبالتوفيق
____________________
صاحب البوابه
نورتني جدا وشرفتني بزيارتك الجميله وادعيلي ان علاقتي بأبويا تتحسن ويرضى عني
واتمنى تشرفني كتير
______________________________
ميراج
ايوه يا عم الدماغ نفض براحتك لحد ما تيجي تتزنق في مره وتقول انا عيل
انجز واكتب كتير انا على نار
سلام
_______________________________
ياسمين
اسم حلو قوي وبحبه من ايام اعدادي كان ليا زميله دمها زي العسل اسمها ياسمين
انتي نورتينا وطبعا انتي كده اكتر واحده فاهمه اللي انا فيه دلوقتي احييكي على موقفك اللي انا مش قادر اخده
انما انت يا عم الجامد بتشتغل فين دلوقتي ومادام وصلتي لأعلى الدرجات كده انا هاعمل زي ابوكي ما قالك
"ممكن حضرتك تديني كارت عشان اشتغل عندكوا يا فندم عشان العيال تدعيلك" انتي نورتيني وهاروح ابصبص على مدونتك واعاكسك شويه بالكومنتات
اتمنى تكرري الزياره كتير واكون موجود في مفضلتك
سلاااااااااااااااااااااااااااام

Reema يقول...

salaaaam shankooty

to7faaa el post as usual.bgad mawteny men elde7k:)))

eb3at posts aktar w aktar men fadlak.

salam

Doba يقول...

يا سى حففى
عشان تكبر وتسمن وتشطر وتتنفخ وتنفجرررر هههههههه

بالهنا والشفا وبصراحة فرحانة فيييييك جدا - حاول شوية بالسياسة على قد متقدر واقلب الموضوع بردفى المعدة أو قولون وقول انا بطلت افطر غير بقسماط وبس

عاااا انا عاوز بقسماط يا بابا وبس


كلمة أخيرة الأب والأم هما اللى هيودوك الجنة برضاهم عنك - ولا تقل لهما أف ولا تنهرهما وقل لهما قولاً كريما - سلامى

Ehab يقول...

thanks sweet reema
I'll do my best to satisfy the customer
hahahahahahahaaaaa
thanks alot for your support dear sister
I wish we could meet some day
slaaaaaaaaaaaaaaaaaam
__________________________
دوبه
ماشي يا ست هبوب انا مسيري هامسكك واقعدك تاكلي معانا لحد ما تبقي عامله ذي دكر البط المتزغط
وشكرا كتيييييييييييييير على زيارتك الجميله يا سكر
سلااااااااااااااااااااااام
بخصوص الكومنت التاني
لو شفتي ردي على شادي ممكن تفهميني وبرده اعتذاري ليكي نسيت ان فيه انسات عسولات بيجوا هنا
سلااااااااااااااااااااااام

Ma 3lina يقول...

loooool

this a big disadv for working with ur dad kol ta7rkotaek ma7soba nd u canot lie about anything :))

beside u will be with him like 24 hr
which is a disaster still thx god that u have a job aslan :))

nice post we hat el 3'ada dah aan ga3naa now

غير معرف يقول...

مدونة الشنكوتي ظريفة و جميلة كمان
مستنيين حاجات جديدة يا سيد الشنكتة

Ehab يقول...

اه يا ما علينا لو تعرف النظام بقى عامل ازاي متراقب 24 ساعه ومش عارف ازوغ خالص
في الشغل مينفعش ازوغ بحجة البيت وفي البيت مينفعش ازوغ بحجة الشغل
نورتي المدونه انتي وقطتك الجميله
اما عن الغدا فالعيال فرشوا السفره اهم بس الظاهر انتي مشيتي بسرعه
اكلهم انا بقى
__________________
نورتنا بزياده يا عتيج الصوف
يا سلام وادي اخ جديد من الكويت اتمنى نكون اخوات مش بس اصحاب انا ابن خالتي ببيشتغل في الكويت وليه هناك اصحاب كتير وبيشكر فيهم قوي
تحياتي ليك
سلاااااااااام

reri يقول...

والله بجد مفيش بوست بقرأه ليك غير ما يضحكني من قلبي ... إنت إسلوبك جامد جدا جدا ... هفضل أقول جدا لبكره وبرده مش هتكفي
أما حكاية الأاكل دي ... فإنت والدك مش هيستريح غير لما تتخن وتبقي بكرش ساعتها هيسيبك .. ههههههههه
يا إبني غلط عليك كتر الأكل
تجيلك تخمه
هههههههههه
بس تعرف أنا لو مكانك آكل نص نص معاهم الإتنين
بس بيني وبينك هي حاجه ممله وخنقه إنك تلاقي والدك أو والدتك مراقبه مستمره كده علي طول بدون أي راحه أو فاصل


سلاماااااااااااااات

أحمد يقول...

الله دا انت طلعت شنكوتى بجد يا جزرة
يعنى مش مكسوف شاب شنكوتى طويل ظى الهلف زيك كدا... يمشي ورا ابوه وهو ساحبه في كل حته

دا حتى منظرك شبه منظر جمال مبارك وهو ماشي ورا ابوه في اروقة الحزب الوطنى

نياه نياه نياه نياه

smraa alnil يقول...

معلش يا ابني كلنا لها
انا عايزة اقولك ان ابويا عمره ما كر يقولي تعالي كلي
ولا في اي حوار بينا خالص
يعني بجد استحمل بجد
غريبة الدنيا دي اوي
لا كدة عاجب ولا كدة عاجب
انت عايز ابوك يفك حصاره عليك شوية
وانا كنت عايزة ابويا يهتم بيا شوية

بجد طول ما انت بار بابوك كدة
صدقني ربنا هيكرمك
بس احتسب اعمالك عند الله

Dalia يقول...

فيها ايه لما تاكل مع باباك مرتين و تلاته

الله يكون فى عونك

بس اهو برضه باباك و خايف عليك

Ehab يقول...

قبل اي تعليق احب الفت نظر الجميع اني لأول مره في حياتي ارفض صداقة حد او حتى معرفته وهو احمد
لأني دخلت مدونته وعرفت انه شخص اقل ما يقال عنه كلمه لا يمكن اقوله هنا عشان البنات ولو وصفته بموضوعيه هاشيل زنوب انا في غنى عنها عشان كده ارجو انه ما حطش اي كومنت هنا تاني ولا عايز اعرف الناس اللي زيه يكفي اقول انه بيدعوا لحرب اهليه بين المسلمين والمسيحين وبيطالب المسيحين انهم يقتلوا كل مسلم يقدروا يقتلوه وبيفتخر ان ليه اصول يهوديه وانامش عارف هو اختار اسم احمد ليه
شكرا ليكم كلكم

Ehab يقول...

ريري العسوله
انا مش مصدق نفسي دي شهاده اعتز بيها يا سكره انا بس اتمنى ان انا اكون عند حسن ظنكوا بيا يا جماعه انتوا عارفين واحد جامد في البلد زيي بيبقى مشغولياته كتير لكن لازم يرضي الجماهير الغفيره
هههههههههههههه
متشكر ليكي جدا
وبخصوص الشات بوكس يا بنتي ده انتي اللي منفعاني وبتعبريني فيه يارب الاقيكي كاتبالي فيه مليون مره
_____________________
سمراء النيل
بصي يا سماره يا جميل انتي متعرفيش العلاقه بيني وبين ابويا كانت ازاي الأول طول عمرنا انا واخواتي بنخاف منه جدا لأن عنيف جدا معانا من صغرنا لكن لما كبرت وحسيت اني هاتجنن على اب يحس بيا واحكيله همومي واتعلم منه الدنيا ودورت بين الناس كلها عن حد بداله يقوم بالدور ده لكن عمري ما حسيت ان فيه حد زي الأب الحقيقي عشان كده قررت اجرب اقرب منه واجبرت نفسي اني ما اخافشي منه واحاول اجرب اتكلم معاه بس في المعقول كده وعلى مدار عدة سنوات وصلت لمرحله كويسه جدا لكن للأسف لسه برده طبع ابويا وعصبيته بتتعبني جدا معاه لكن انا مصر اني لازم هاوصل للي انا عايزه واخليه يقرب مننا انا واخواتي
ادعولي وادعوله
ونورتي المدونه يا سمراء
______________________

داليا
ده ايه الهنا اللي انا فيه ده وبنفسك يا باشا كمان جاي تنورنا وتحط كومنت كمان
بس ايه كومنت جامد انا مسيري اقعدك معاه تاكلي انتي كمان لحد ما اشوفك قد البالونه
نورتي يا سكره
سلااااااااااااااااااااااام

غير معرف يقول...

يا عم هو حد لاقي الهنا و الواسطة اللي انت فيها ده...مش هتحس بالنعمة ده إلا لما تبعد و تشوف

truelove يقول...

هو حد لاقي على الاقل توفر تمن الاكل اللي بيكلفني في الشهر فوق 150جنيه احمد ربنا ياخويا ابوك بيكفلك كبير وصغير وموظف حد لاقي ...قطيعة ناس غاوية فقر

Doba يقول...

ايه يا بنى النق اللى نازل يرف على دماغك ده

بس تصدق انا فرحانة بيك قوى علشان عاوز تقرب منه اكتر وتقربه لاخواتك

جو اون.....شطور منطور

سلامووووووز ولا على رأى طهقانة اللى وحشتنا - اورفوار

Ehab يقول...

يعقوب + true love
هو انت متفقين يا عم انت وهو ولا ايه وبعدين انا شاكك انكم مرشدين من بتوع ابويا
ههههههههههههههههههه
شرفتوني طبعا وشكرا على الكومنت اللذيذ بس انا مش بقول انه غلطان قوي انا بس بقول ان من حق كل واحد ان يكون عنده مساحه بتاعته هو ويحب يتحرك بحريه شويه مش قصدي ان حنان ااهل شيء مكروه
دي نعمه بحمد ربنا عليها كل ما اسمع عن حد اهله بيتعبوه او بيعاملوه بقسوه
وفي الأخر يعني اتمنى انك توفر ا150 ج يا عم المبذر فيه حد ياكل ب150ج بحاهم ناس مفتريه

Ehab يقول...

انا يا دوبه هاخلي ماما ترقيني وتبخرني عشان العيال النقاقه دي واحد مبذر والتاني عامل زي قاسم السماوي ماعلينا تلاقيهم اصلا بياكلوا برده زيي مع اهاليهم بس مخبيين
نورتيني دايما يا هبهوب

Ehab يقول...

ههههههههههههههههههههههههههههه
ههههههههههههههههههههه
ههههههههههههههه
هههههههههههههه
ههههههههههه
انا بصراحه اول ما شوفت كلامك قولت على طول لازم احذفه عشان فيه ناس محترمه بتيجي هنا وفيه بنات يهمني ان جحش زيك ميخدش حيائهم
بس انا رجعت غيرت رأيي لعدة اسباب
1 انت اصلا رأيك لا يساوي شيء
2 ان كل ما الجهله والغوغاء تعاديني يبقى بيثبوتا اني شخص افضل منهم وبتبقى نقطه ليه مش عليه
3ان كل واحد من الناس اللي بحبهم وبيدخل هنا اكيد ممكن يواجه ناس زيك يبقى لازم يتعود يشوفهم وميتأثرش
4ان كلامك بيفضحك قدام الناس قد ايه انت شخصيه منحطه
5ممكن انا كمان ارزع فيك كام شتيمه في مدونتك ونقضيها شتايم بس ده مش اسلوبي

وعايز اقولك بخصوص حكاية ان السهوكه والسهتنه اللي بعملهم دول مش انت اللي هاتحكم علي وتقول رأيك يا عديم القيمه
وبرده يعني هو انت جبت جديد لما قولت ان ممكن الجنس يكون سهل الوصول ليه طيب ماهو طبيعي انه يكون سهل لما اتجوز لكن بالنسبه ليك صعب تلاقي الناس اللي انت بتدور عليها عشان المجتمع مبيعترفش بيكوا وانت فاهمني
وانا مش محتاج اقولك ان اي حد ممكن يمارس دلوقتي
وطبعا بالنسبه لألفاظك الخارجه
فأنا بشتغل في مصنع فيه سبعتلاف شاب وراجل وشيوخ يعني الشتايم والأفاظ ديه سهل كتير نسمعها وحتى نقولها لكن هي مبتدلش غير على الضعف
وطبعا انت اكيد ماما جابتلك شقه وعروسه عشان نشوف شوية يهود صغننين كده لكن هي متعرفش انك عايز عريس مش عروسه
وفي الأخر احب اسأل الناس رأيهم ايه اسيب الكومنت واعتبره وسام على صدري ولا احذفه عشان الصوره بتعصبني
سلااااااااااااااااااااااام

أحمد يقول...

لا لا
طلعت ضعيف خالص وحذفت التعليقات

عصفور المدينة يقول...

انا جيت وقريت وضحكت
وبعدين أنا عارف الكلام اللي انت كاتبه ده كويس
وبعدين والله أنا دائما أحذر أصدقائي الكبار من هذه النقطة وأنا كاتب في الموضوعات المعلقة عندي عندما يكبر الصغير

مشكلة الآباء إنك ترعرعت أمامهم فمش بيغيروا نظرتهم بسهمولة ويفضلوا شايفينك حمادة
الحقيقة أنني كأب لست كذلك وواخذ بالي من النقطة دي من زمان

عارف؟
أنا كنت بعد مرحلة معينة كدة أقول لوالدي هو انت مش بتقول لي ذاكر ليه زي زمان يقول لي أنا اختبرتك وعرفت إنك راجل

shahy يقول...

ههههههاي
شوف ياسيدي
حاول تستمتع بوجود والدك معاك في الشغل ودور على ايجابيات للحكاية دي واكيد هاتلاقي بس انت دور كويس


وابقى خد حاجة تساعدك على الهضم

هااااااهااااهااااة

Ehab يقول...

عصفور المدينه
انا سعيد جدا جدا بيك وبزيارتك ليه انت شرفتني جدا واسعدتني بتعليقك وجميل انك بتفكر ازاي تربي اولادك صح
ربنا يباركلك فيهم ويسعدك انت وهم واتمنى تعتبرني اخ صغير ليك
شرفتني جدا جدا
_______________________
shahi
والله يا شاهي انت معاك حق انا مقدرش انكر ان الموضوع ايجابياته كتير لأن ابويا عصبيته معروفه للكل فالبتالي الكل بيخاف يغلس عليه عشان ميجيش في سكة ابويا ومره كنت راكب عربية الشغل والسواق كان غتت ومش عايز ينزل الناس قريب من بيوتهم وعمال يقول في المحطات بس يا جماعه وانا معرفش ابويا وبعدين انا جيت انزل راحوا قالولوه عارف ده ابن مين وطبعا بعد ما عرف نزلني مكان ما انا عايز بعد كده عرفت انه كان مره غلس على ابويا زمان وبابا طبعا طلع عينه وكان هيموته فيها
يا سلام بابا ده وحش كاسر
شرفتني يا شاهي واتمنى تكرر الزياره كتير جدا يا لذيذ
سلاااااااااااام

انتظار مؤقت يقول...

انا الاول بشكرك على مرورك عندي و بالعكس انا فرحان بيك اكتر من اي حد مش عشان لسانك طويل او بتحب اسكندريه زي ما انا بحبها بس عشان انت مفهمتش الكلام غلط زي باقي الخوه و الاخوات الي شويه و حيستبيحو دمي و اتمنى انكتكون صديق دائم و تحياتي

شيماء الجيزى يقول...

ايه ده يابنى ده
اة بوست قديم شويه بس بعلق عليه
فى حد يعمل كده
انت عارف لو هشحت
مش هشتغل مع ابويا
ابويا ده فى البيت وبس
الشغل له احكام
يلا بقى كل كتييييير
علشان بابا يفرح بيك
ههههههههههههه
تحياتى