الأحد، مايو 20

انا مش بهزر مع حد انا جد جدا جدا

مين منكم ممكن يقولي ازاي يعرف ان الشخص اللي قدامه وبيكلمه ده هيتحول لشخص تاني خالص فجأه كده وعلى سبب غريب جدا
يعني مثلا واحد تتعرف بيه وتبقى مبسوط قوي وتقول يا سلام على الشخصيات المحترمه ده انا محظوظ اني بتعرف على ناس كويسه كده
لكن هوووب تلاقي الواحد من دول بيعاملك فجأه كانك حشره عنكشيه متخلشه ومحدش يقولي يعني ايه المهم انك ممكن في الأول تقول ياه ده تلاقي في مشكله كبيره عنده ومضايقاه يعني لازم تتحمل صاحبك في ازمته امال صاحبك ازاي بس الغريب انك تكتشف ان الحكايه انه خلاص قرر يعتبرك مش على مستوى صداقته او معرفته
انا ممكن اكون يعني بحب اهزر كتير لكن ده مش معناه اني بحرج حد بكلام سخيف انا بس بحب اهرج لكن تلاقي واحد بيرد عليه بنرفزه انت ايه اللي بتقوله ده اعرف حدودك وكاني غلطت في سلطان الماهايا يعني المهم انا قررت اني احاول امسك نفسي في موضوع الهزار ده يعني استنى اشوف الأول مين عنده استعداد للهزار وبيحبه وهو اللي يبتدي وبعدين انا هاهزر معاه على طول
الغريب انهم بيقولوا ان الشعب المصري ابن نكته
وعجبي
سلاااااااااااااااااااااااااااااااااااااااااام
يا ريت لو حد يعرف ميعاد مقابلة المدونين المصريين يبقى يقولي مش كل مره تفرقعوني كده
عيب عليكوا ويا ريت يوصفلي العنوان لحسن انا زي ابو عمه مايله في الليله الكبيره لعمنا صلاح جاهين

هناك 9 تعليقات:

ShAb 3AdY يقول...

حشره عنكشيه متخلشه

هوا الشعب المصرى كدة

ابن .... نكتة

تحياتى

reri يقول...

كده هتعملي تمثالين... أول كومنت علي البوست الجديد... هههههههه...الناس أشكال وألوان يا شنكوتي... كل واحد غير التاني... إسلوبك ممكن يضايق ناس ويعجب ناس ... لأننا مختلفين ... خليك إنت والناس اللي قريبين منك هيفهموك صح... بس ما ينفعش حد بتقابله لأول مره تعامله بنفس إسلوب صديق عمرك مثلا
فاهمني يا شنكوتي

سلاماااااااااااات

reri يقول...

يا خساااااااااااره ضاع التمثال التاني ... في حد سبقني وكان أول كومنت
ياللا خير

سلاماااااااااااات

الشنكوتي الكبير يقول...

طبعا يا ريري هاعملك برده التمثال التاني يا سلام هو انا اقدر على زعلك
اوعي بقى لحسن فيه واحد تاني ساب كومنت
يالهوي يا جدعان هو انا اتشهرت ولا ايه
سلاااااااااااااااااااااام ومحبه وشوق وخضار
على فكره انا اقتنعت بنصيحتك بس برده هاهزر معاكي زي ما اكون اعرفك طول عمري

الشنكوتي الكبير يقول...

تسلم يا شاب مش عادي
متشكر على الزياره الجميله يا ريت تبقى كتير مش مره وتحرم تيجي تاني

سيبني بقى عشان اروح اشوف انت كاتب ايه
سلاااااااااااااااااااام

esraa يقول...

هو فعلا في اختلاف بين الناس
في ناس تحب الهزار جدا
وفي ناس تحب ترسم دور الجد
انت شوف هو من مين الأول وبعد كده بقي ربنا معاك

Doba يقول...

انا هقولك عاللى فى ضميرى وامشى
اضحك وهزر وولا يهمك من اى حد...بس طبعا فى حدود الأدب....واللى هيزعل يمشى وهو الخسران خسر قعدة حلوة وضحكة لذيذة.....ولو انبسط يبقى كسبا واحد فرحان جديد.....وعجبى

سلام يا بووووووى
دوبه

حقى اهرتل يقول...

انا كنت من غير الصحاب صاحب قلق
وكنت عايش ف الحياه ع المفترق
مين اللى قال انك هتقدر تنتفض
من غير ما حد يشد ايدك م الغرق

الشنكوتي الكبير يقول...

حقي اهرتل
ده انا لو اعرف انك هتكتبلي شعر كمان ده انا كنت رشيتلك الأرض ورد قبل ما تيجي
متشكر على كلامك
وبيتهايألي اني فهمته
بس نسيت تقول وعجبي عشان
بكره تبقى شاعر مشهور زي عمنا
صلاح جاهين