الثلاثاء، مايو 22

آخر حاجة لأحمد فؤاد نجم وبقينا زي الفراخ


آخر حاجة لأحمد فؤاد نجم

طاطي راسك طاطي طــــاطي

انت ف وطن ديمقراطـــــــي

انت بتنـــعــــم بالحــــــــــرية

بس بشرط تكون مطاطــــــي

لما تكون شغــال بذمــــــــــة

خايف على مصــلحة الأمــة

شغلك يطلع من غير لازمــة

علشان مبيعلاش غير واطي

طاطي راسك طاطي طاطـــي

انت ف وطن ديمـــــقراطي

لما حاميها يكون حراميــها

وبلاده ورا ضهره رامـيـها

طالع نازل واكل فيـــــــــها

مسنود بالبدلة الظباطــــي

طاطي راسك طاطي طاطـــي

انت ف وطن ديمـــــقراطي

لما شــقاك يصــبح مش ليك

فقرك سد السكة علــــــــــيك

تتلفّت تلــــقى حـــوالـــــــيك

إما حرامي و إما عقــــاطي

طاطي راسك طاطي طاطــــي

انت ف وطن ديمقراطـــــــي

لماتلاقي بـــــلاد الـدنـيـــــــا

فيها البني آدم حــــاجة تانية

وانت في الطبقات الـــــــدنيا

قرد مسلسل أو وطواطــــي

طاطي راسك طاطي طاطـــي

انت ف وطن ديمقراطــــــي !

لما الجهلة يبــــــقوا أمــامــك

أو فوقك ماسكــين ف زمامك

ويسوقك ع الهــلكة إمامك

تشرب م السم السقـــــراطي

طاطي راسك طاطــــي طاطي

انت ف وطن ديمقـــــــراطي

لمــــا الكلـــمة تكون بتدينـك

لما تخبي ف قلـــــــبك دينــك

لما الذل أشوفه ف عيـــــــنك

هات إحباطك على إحباطــــي

طاطي راسك طاطي طاطـــي

انت ف وطن ديمقراطــــــي

انت ف وطن ديمقراطـــــــي


وديه قصيده ل اخمد فؤاد نجم بعتهالي صديق عمري واخي احمد فاخر

يارب تكون خلصت الصور بتاعتي يا احمد

هناك 4 تعليقات:

Doba يقول...

هيييييييييه انا أول كومنت- وياريتنى هقدر أفيدك -- بس للأسف انا حمارة سياسة - مليش فيها خالص

لما بحاول افهم بحس انى بهنج ودماغى بتقف وبتغم فبعمل هبلة هههههههههه

بس أحمد فؤاد نجم جامد جدا طبعا
قريتله وسمعتله حاجات كتير مع أحمد منيب حاجات جامدة قوى حاول تدور عليها وتجيبها اكيد هتعجبك

تحياتى - سلام

الشنكوتي الكبير يقول...

سلامتك من الحموريه
عيب ده انت الأستاذ
انا سمعت له كلم اغنيه بصوت الشيخ سلامه

mariam يقول...

ليه مش بيشخرفى الآخر

الشنكوتي الكبير يقول...

يا مريم يا فقريه
هو تلاقيه شخر بس الشخاره بتاعته بايظه