الخميس، مايو 24

مص صدر زميلتك عشان تبقى امك..........والله حاجه تكسف

يعني يا ريت حد بس يأكدلي او ينفي يعني هو فعلا ده حصل ولا مجرد اشاعه
هو صحيح ان فيه حد بيفهم يقول الكلام ده
يعني ايه عايزين يخلوا الخلوه بين الموظفين شرعي يعني هو الحل انهم يرضعوا بعض ممكن حد يقولي العك ده معناه ايه
يعني انا اجيب واحد شحط واقوله ان مينفعش تقعد مع زميلتك لوحدكوا عشان الشبهه بمعنى انه حرام انك تلمسها او تشوفها لوحدكوا عشان الشيطان
اقوم انا اقوله قوم حط صدر زميلتك في بقك وخدلك مصتين عشان بعد كده تقولها يا ماما
يعني راجل بكامل فحولته وشهوته يعمل ايه بلاش كده...نفرض ان
انا مثلا لو واحده زميلتي وقالولي بس الفكره ممكن يجرى حاجات كتير قوي ادخل بعدها السجن بتهمة اغتصاب انثى
ده جنان يا جدعان موضوع الرضاعه ده بيحصل لعيل معندوش اي حاجه تتأثر بشكل جسم الست يعني من الآخر صدر الست بالنسبه ليه هو مجرد شكل من اشكال معلبات التغذيه
اما الشحط الكبير فلو بس زرار البلوزه بتاعتها اتوارب شويه ممكن عينه تنط تمزع بقيت البلوزه
على العموم بالشكل ده ممكن نقنع كل بنت محترمه انها تستقيل من شغلها
وانا عن نفسي بعد ما اطمن ان كل بنت او ست بتمثل لي حاجه في حياتي سابت الشغل خلاص واطمن عليهم
هاكون اول واحد يشجع
واول واحد يشفط اول مصه
اصلهم بيقولوا ان لبن السرسوب مفيد قوي
وسامحوني على كلامي بس اصلها بقت حاجه تنرفز

هناك 15 تعليقًا:

شادي فايد يقول...

كنت ناوي اقولك متفق معاك

بس انت قفلتها وحش

بيتهيئلي
اللي مش ترضاه لنفسك مش ترضاه لغيرك

farida يقول...

طبعا كلام الرجل غير منطقي

انا جيت اقرا لك
و اجاوب على سؤالك
فإسلوبي ده سببه القراءه
فقط
قرايتي كتير

بالنسبه لمدونتك

مش لازم نكتب بالفصحى و نكون اسلوبنا بليغ علشان نكون كويسيبن
انت اخترت العاميه
و المهم انك تعبر عن نفسك

و مش مهم الطريقه اللي بتوصل بيها الفكره
المهم تكون فكره تستحق الوصول
تحياتي و شكرا لك

الشنكوتي الكبير يقول...

انت يا شادي فهمتني كده صح جدا
انا كنت عايز الكلام يكون وحش قوي قوي لأني حسيت ان الموضوع بقى يقرف ازاي حد يتجرأ على الفتوى بالطريقه دي
في كلمه بتقول
ومش عارف ان كانت حديث ولا قول ماثور"اجرأكم على الفتوى اجرأكم على النار" يعني عشان المسؤليه الكبيره
لكن حد يقول الكلام اللي اتقال ده ازاي كان عنده الجرأه لكده ويا ترى قد كده احنا سمحنا للمنحلين انهم يخربوا دينا لحد ما اصبحوا بيتلاعبوا بيه كده
وطبعا يا شادي انا فرحت جدا انك قولتلي رأيك بصراحه وبكده بقيت في منزلة اخ بعد ان كنت في منزلة الصديق
عشان الأخ هو بس اللي بيخاف على اخوه فبيحب ينبهه
وبرده دوبه كمان دايما بتنبهني عشان كده انتو اغلى اتنين عندي في اصدقائي المدونين
____________________________
معلمتي فريده
واسمحي لي ان اعتبرك معلمتي
شكرا لرايك ولحضورك اولا
وانا سأحاول ان اقرأ اكثر واكثر لأنظم افكاري واسلوبي في العرض
اما عن طريقتي فبعد كلامك قررت اني يجب ان استمتع بأن اكون انا نفسي ولا يهم ان اكون كالأخرين وشكرا لكي مرة اخرى
وابقي تعالي شوفينا من وقت لآخر فلا ضرر من بعض العاميه
سلاااااااااااااااااااااااااااام

Doba يقول...

لا تعليق......وانت فاهم
سلام

الشنكوتي الكبير يقول...

دوبه يا سكره
انا طبعا فاهم خلاص سماح بقى يا شيخه
سلاااااااااااااااااااااام

نبض اسكندرية يقول...
أزال المؤلف هذا التعليق.
نبض اسكندرية يقول...

حلو قوى الكلام دة


لكن بص هيا باردو الناس دى موضحتش فكرتها اية قوى

واظن الكلام دة لية حدود

مش عايمة كدة

الشنكوتي الكبير يقول...

شرفت ارض الشنكوتيه يا اسكندراني
ويا ريت فعلا ان الموضوع يطلع اشاعه او حد بيهول او اي حاجه تخلينا نحس انها مش بظرميط كده
وبعدين هو انتي مجبتيليش معاكي اي حاجه من اسكندريه ليه
سلاااااااااااااااااااااااااااام

نبض اسكندرية يقول...

ان شاء الله يا شنكوتى


بس انت مقولتش اجبلك حاجة؟

قول بس وملكش دعوة وهاجبلك اللى انت عاوزة يا عم

الشنكوتي الكبير يقول...

انا عايز سمك هاتولي سمك
انا عايز سمك هاتيلي سمك
انا عايز سمك هاتيلي سمك
انا عايز سمك هاتيلي سمك
هو انا لازم اقولك هاتيلي كذا ولا كذا انتي اسكندراني يعني اول ما تخشي تقومي قايله ايووووووووووووووووووووه اسكندراني كده
وبعدين تقومي رازعاني علبة هريسه وعلبة بسبوسه من عند احمد حسنين وصينية سمك جباره
هو انا هاقولك على اسكندريه

نبض اسكندرية يقول...

طيب اوكى

بس لو كل مرة هدخل اجيب معايا كل دة

انا كدة هيتخرب بيتى يا عم

عموما مافيش حاجة تغلى عليكوا يا جيزاويا

والصيف جة اهو يلا نورنا بقة

Doba يقول...

شنكوتى لو معزمتنيش عالسمك معاك....هخاصمك جدا جدا

انا عاشقة للسمك وأقرانه، ثم مش انا قلتلك انى هسامهم فى حق المايوه علشان لما نروح اكسندرية احنا وكل البلوجرز

يبقى تردهالى بعزومة السمك بدل هعلن الحرب عليكو من موقعى هذا

طاخ طوخ طييييييخ......سلام
تحياتى

الشنكوتي الكبير يقول...

نبض اسكندريه
يا اسكندراني يا جميل قدها وقدود كمان ده انت خيرك مغرق الجيزاويه والمصراويه كلهم
ثم ان انا قولتلك ممكن تعوضينا عن ده كله بحاجه واحده بس
يا عروسة البحر انا اكيد انشاء الله هاجي اسكندريه وساعتها مالكيش مفر انا جدتي عايشه هناك ولو روحتلها ممكن ابقى اكل السمك عندها بس الهريسه عليكي انتي بقى
سلاااااااااااااااااااااام
________________________________

الشنكوتي الكبير يقول...

هوبه دوبه
يا بنت هو انتي دايما متسرعه كده ما انا كنت ناوي اديكي حته كبيره من اللي هايجي من الأسكندرانيه الجدعه دي
وبعدين السمك هاعمل غدا كبير واعزمكوا كلكم وطبعا انتي بقى اكتر واحده هاديكي سمك يا بنت ده انتي اسمك على اسم نور عيني اختي هبه
بس هو موضوع المايوه ده مش عارف انا مش عايز اجيبه دلوقتي عندي واحد بتاع بابا من ايام الشقاوه بتاعته وبصراحه مش عارف الناس بتاعة زمان دي كانت روشه قوي ومش بينكسفوا ده انا بانزل البحر ببنطلون وفانله
ما علينا انا ممكن البسه برده بس تحت الهدوم
هههههههههههههههههههه
وبعدين يا اختي ابقي هاتي انتي كمان حاجه معاكي وانتي جايه ممكن حتى شوية لب ابيض اصلي بموت فيه
سلاااااااااااااااااام

Antony يقول...

القصة أساسها أن في بداية الإسلام ، وفي عهد الرسول ، تم تحريم التبني ، فكان فيه إمرأة عندها إبن متبنياه من سنين طويلة ، فلما نزل الأمر بتحريم التبني ، قالت إن كده الإبن ده يبقي حرام يقعد معاها في نفس البيت ، وكانت محتاجه له يخدمها فقال لها الرسول - علي حد علمي - بأن تعطيه من ثديها كإبن لها ، فكان منها أن أعطته من لبن ثديها ولم ترضعه كالأطفال وهذا ما حدث ، ولكن كإستثناء فقط ولا تنسي أنها فعلا لم ترضعه كما تتخيل