الثلاثاء، مايو 8

معاكسات وتحرش و إغتصاب ليه......

انهارده قرأت موضع عن المعاكسات في الشارع على بلوجر اسمه موجود في المفضلة تحت
هي كتبت قائمة بكل الأسباب اللي هي شايفه انها ادت الى ما يحدث في شوارعنا من معاكسات وتحرش و إعتداء و إغتصاب كمان بس انا شايف ان هي نسيت اهم حاجه نسيت السباب المباشره لو انتوا نزلتوا الشارع وتابعتوا المعاكسات او حتى قراتوا في الجرايد عن حوادث الإغتصاب هتلاقوا ان كل موقف كان فيه سبب رئيسي هو اللي سببده كله انا حاسس ان احنا من كتر التفكير في الاسباب الخلفيه و الأعماق النفسيه اصبحنا لا نرى الواقع المجرد وياريت محدش يفهم كلامي اللي هاقوله في المثله على اني متحيز او متجني على اي طرف مثلا نبص على معاكسه حصلت في الشارع ونبص بعين الناقد الدقيق هنلاقي بنت لابسه بدي يهبل يعرض لنا التشريح الدقيق لكل معالم نصفها العلوي ناهيك عن لونه الأحمر الفاقع مع جملة انجليزية معناها المفيد ان دي بنت ممكن تعمل معاها احلى شغل و ننتقل الآن الى البنطلون اللي نفسي اقابل الخنزير اللي فصلهولها و التيس اللي سابها تلبسه و الحمار اللي معندوش مانع ان مراته او اخته تنزل بيه كده قماش رائع الملمس من غير متلمسه تحس انك عارف ملمسه وطبعا من كتر ضيقه عليها تقدر تحدد لون و شكل الأندروير اللي هي لابساه المهم نيجي للولد شاب لذيذ قوي لابس بنطلون ساقط عند نصه متعرفش ازاي مبينزلش اكتر ويقع خالص ضارب في شعره جيل و شكله منكوش و معفن طبعا بعد الفرجه على الكليبات و افلام الكمبيوتر التثقيفيه الهايله و الرغي مع اصحابه عن إحتياجاته الجنسيه بيبقى عامل زي صباع الديناميت اللي عايز ينفجر في اي حاجه

انا عايز الناس تفكر معايا هم ليه بيعاكسوا وليه بيتعاكسوا البنات طبعا وعجبني قوي كلام العسيلي في OTV
لما قال لو عايز تعاكسها و هتموت خلاص قولها كلمه حلوه مش تشتمها
وللحديث بقيه المره الجايه عايز اسمع ردود

هناك 4 تعليقات:

7usam يقول...

ياااه على المعاكسة شو انها منتشرة
مش بس في مصر صدقني وين ماكان
المشكلة انو مش شباب كبار بس
حتى الاولاد في المدارس
الله بيعين

غير معرف يقول...

أم أحمد
---------
علي فكرة انا بشوف بنات لابسة محترم وبتتعاكس برضه بس انا ملاحظة ان الرجالة اللي بتعاكس هما قاع المجتمع

الشنكوتي الكبير يقول...

يا ام احمد يا حبيبتي انا عارف ان ده بيحصل ساعات حتى اختي مع انها لابسه خمار وبتلبس طويل جدا الا انها برده ساعات بتتعاكس لكن مش بهجموا عليها زي الجراد كده انا اللي اقصده ان مفيش ثوره بتحصل على الفاضي او من مفيش لازم يكون حد اشعل نارها
وبصراحه لبس اليومين دول يشعلل اتخن ثوره
وعن اذنك في موزه حلوه معديه عايز اروح اتعرف عليها

Doba يقول...

للأسف المجتمع فى الوقت الحالى معندهوش اى توعية دينية

فيه حاجة كده كانت موجودة زمااااااااان كانت عند البنات اسمها الحياء فى ان تخاف حد يجرحها اقصد جسدياً وكانت عند الولاد اسمها غض البصر واعتقد دى معناها مفهوم

معتقدش ان اى ام دلوقتى وهيه بتربى اولاادها بتقولهم ان الرسول عليه الصلاة والسلام حث على غض البصر وان الواحد لما يتعمق قوى فى البص ايش حال المعاكسة فده يعتبر نوع من انواع الزنا

ارجو انى مكونش رخمة بس لازم الواحد يحق الحق - البنت اللى هتقلع زى مبيقولو برقع الحيا اكيد الشيطان هيحطلها فى طريقها اللى متعملشى حاجة اسمها غض البصر

سلامى