الخميس، مايو ١٠

مين المفتري

غريبه قوي تصرفاتنا كل واحد شايف ان هو بس اللي صح و ماشي بحد الله و ان الناس كلها ولاد كلب جزم و مبيختشوش لكن تلاقي ان الحقيقه غير كده اما شايف ان كلنا ولاد كلب جزم عشان متزعلوش انا هابتدي بنفسي انا لقيت ان انا لما بحب اكسب رضا حد عشان مصلحتي بعرف ازاي اظبطه و ادلعه و احوله من غريب عني لواحد صاحبي وممكن يقعد يصارحني بمشاكله و اكلم معاه او بمعنى اصح اسيبه هو اللي يتكلم عشان لما الواحد بيفتح قلبه لحد و ينفس عن مشاعره بيستريح وكنتيجه مباشره ارتياحه النفسي بيبقى متلازم مع الشخص اللي هو بيتكلم مععم فبيقرب ليه اكتر وبعدين ابتدي العب على خصائص شخصيته هو بيحب ايه يتكلم في الكوره ولا الستات ولا النكت و طبعا في النكت لازم اسيبه هو اللي يقول النكت وانا اضحك على خفة دمه وحاجات كتير تانيه مش عايز اقولها عشان انا ابتديت اكره نفسي وعايزكوا تتأكدوا ان انا طيب جدا جدا جدا جدا
طبعا هو فيه حد هيقول على نفسه انه مفتري

هناك تعليقان (٢):

Doba يقول...

حقيقى حقيقى ...........طيب جدا جدا جدا جدا جدا


ههههههههههههههههههههههههه
سلام

Ehab يقول...

يا لهوي دوبا كل دي كومنتات تبعتيها ده انا مش هاعمل لك تمثال ده انا ناوي اجيب فرقة حصب الله
الله يرحمه
واقف تحت بيتكوا اديكي سلامات وتحيات للصبح
وبعدين عجباني قوي ثقتك البالغه في اني
طيب جدااااااااااااااااااااااا
سلااااااااااااااااااااااااااام