الثلاثاء، يونيو ٢٦

العرافه




هل قابلتم يوما عرافه


لا اظن ان كثير منكم قد فعل لكن انا اقدر ان اقول نعم لقد قابلتها هل تذكرون اغنية عبد الحليم حافظ قارئة الفنجان


انا للأسف لم القاها في بيتها او مغارتها ولكني لي الحق فقط في محادثتها من بلوره مسحوره اجلس امامها لساعات اتحدث معها وتكلمني وتخبرني بالحقائق التي غابت عن عيني وهي امامي كلماتها بريئه ورقيقه دائما هي على صواب لم اجرؤ على ان اقترب منها كي احبها لأنها كما اخبرتني قد كتبت منذ الأزل لملك الجان وقد اخذتني مره لأراه وقد هالني شكله ولكنها كانت دائما بجواري منذ فتره القى بعض العفاريت علينا لعنه فدمرت البلوره التي كنت اراها من خلالها وظننت اني فقدتها للأبد ولكن في احدى الأيام وجدت من يهمس في اذني بصوت ناعم مرتعش يسألني انت يا هذا (انت ميت ولا ايه) لم اعرف ماذا اقول اهذا انت ؟


وكيف وصلتي اللي قالت في رقه وثقه انا اعلم كيف اجدك دائما سألتني عن حالي بدونها


ومن جديد اعادت الي الألهام


حتى عندما كنت في اصعب الامي وحزنت لألم صديقي وجدتها تكلمني من وراء السحاب مرة اخرى وتسألني


ماله صاحبك؟


وفتحت لها قلبي كالعاده واخبرتها بكل الأمر


وكعادتها اخبرتني بكل ما يهمني وفهمت منها كيف يكون الكلام وعجزت ان اشكرها


احيانا اسألها ان لكل ساحر بلوره سحريه يرى فيها الأجابات ولكني لم اراكي تنظرين في اي بلوره قالت في هدوء


انت برج ايه؟


واجبتها برج الأسد وفي لمح البصر كانت قد اخبرتني بكل اسراري وصفاتي حتى تمنيت ان تتوقف قبل ان تخبرني بما اخجل ان تعرفه امرأة عني وقلت لها حسنا لقد اقتنعت


وعندما سألتها عن صاحبي سألتني كعادتها عن برجه وطبعا لم اعرف فأخبرتها بيوم ميلاده ومنه اخبرتني بالكثير


اعرف انكم تحسدونني عليها انا نفسي احسد نفسي عليها


انها صديقتي الجديده التي لم اتوقع ان القاها ابدا انا لا اعرف كيف بدا الأمر وكيف اصبحنا اصدقاء ربما كان سحرا خفيا لم اعرفه


بقي ان اخبركم امرا واحدا


ان ساحرتي من بنات شبرا



هناك ٤٧ تعليقًا:

اسلام رفاعى يقول...

لاياعم الحبيب عمرى ماقابلت عرافة
...................
سعيد بزيارة مدونتك

عصفور المدينة يقول...

اللهم عافني وعاف إخواني وأحبابي من مقابلة العرافات والعرافين والجلوس إليهم ولو مكذبا

Antony يقول...

إزيك يا عم الشنكوتي
أولاً : أنا مبسوط إنك بتقول إنك ممكن تكون تعرفني ، وديه حاجة حلوة تدل علي المودة من أول كلمة ، لكن للأسف أنا أول مرة أدخل موقعك المرة اللي فاتت ، بس تشرفني معرفتك
ثانيا : عايز أقولك إن كل منا له عرافة خاصة به تشاركه أفكاره وتساعده علي حل مشاكله ، وتكون قريبة ليه أكتر من أي حد تاني ، ممكن تكون مادية في صورة إنسان قريب ومخلص ، أو في صورة خيالية حسب تصور الشخص ويختلف التصور ده من إنسان لآخر
عموماً أحنا فعلا المفروض نحسدك علي العرافة ديه اللي ممكن تكون بتطمنك في وقت بتحتاج فيه للأمان

ويارب تكون فهمت كلامي وعجبك لأنه ممكن يكون مش مفهوم شوية

hoda omran يقول...

اولا اسلوب الكتابة جميييييل جدا
ورقيق ورومانسى جدا
حاجة كدة تخطفك
لكل منا عرافه الخاص الذي يتمنى ان يلقاه
اتمنى احساسك ده يزييييد ويكبر وتفضل كدة مسروق دايما
:)

Unknown يقول...

ههههه
عرافه مره واحده
طب وبعدين هتعمل ايه في رئيس الجن ده؟

غير معرف يقول...

لا والله محصليش القرف انى قابلت عرافه قبل كده لكن همه مش امله يعنى دول حتى كدابين و القرآن قال كده..
أسلوبك رائع يا شنكوتى و طلعنا قرايب انا برج الأسد بردو..
سلام

انتظار مؤقت يقول...

لو تبطل القعده على الرصيف مع الوليه بتاعة ابيين زيين ابين و اوشوش الودع ..شبرا مره واحده اه من شبرا و بنااات شبرا يا بناتك يا شبراااااااااا
انت غايب من مده مش بتعدي و لا بتمر عسى ان يكون المانع خيراا
تحياتي

Ehab يقول...

اسلام رفاعي
انا اسعد بزيارتك يا اسلام انا شوفت مدونتكك وعجبني انك انسان صريح وحر وعندك هدف ومبدأ ربنا يوفقك ويجازيك خير
شكرا لزيارتك الجميله
_____________________


عصفور المدينه

جزاك الله خيرا على الدعاء الجميل
بس انا مش بتكلم عن عرافه من اللي بيدعوا علم الغيب والعياذ بالله دول بيكفروا والجلوس معهم وتصديقهم كفر والجلوس معهم كما يدعي البعض انه من باب الفضول يبطل العمل الصالح اربعين يوم على قدر علمي
اعوذ باله ان اكون من الجاهلين
شكرا يا زوق على كلامك نورتني
تحياتي
__________________

antony
مش مفهوم ازاي بس ده انت جبت اللي انا عايز اقوله كله من القصه يعني عايز الناس تفهم كده بالظبط انا مش بتعامل مع مشعوذه او دجاله دي صديقه عزيزه عندي جدا وبتنصحني دايما ومهتمه فعلا بالأبراج مش الدجل فأنا حبيت احطها في قالب خيالي جميل
وانت فهمتها زي ما انا عايز بالظبط
انت يا جدع انت شكلك بتفهم حلو بص انت لازم تبقى صاحبي وكل ما اكتب حاجه تبقى تيجي تقراها
اتفقنا
نورتني جدا وسعيد بصداقتك
بس ليه انا مش عارف ادخل عندك
تحياتي
________________________________
همسات
شكرا يا جميله يا عسل على المجامله بس انا مش عايز اتسرق الله يباركلك خليني اكمل الشهر باللي فاضل من المرتب على خير من غير شحاته يعني
هههههههههه
عموما تشكري يا رقيقه واتمنى فعلا تلاقي انتي كمان الساحر اللي يعرف يفك طلاسم قلبك ويهديكي البلوره السحريه
ربنا يسعدك يا قمر
تحياتي
____________________

اسراء
ايوه عرافه مره واحده انتي بتستهوني بأتصالاتي يا بنت
طيب ايه رأيك انا هاخليهم يبعتلوك عفريت صغير يخوفك ولو كنتي مؤدبه وشاطره هابعتلك جني يخدمك ويساعدك
سلام يا فقريه
______________________
سلاااااااااااااااااااااااااااام

Ehab يقول...

queen ereaser
يعني انتي يا فالحه لسه واخده بالك دلوقتي اننا برج الأسد زي بعض ماهو مكتوب في البروفيل بتاعي وبتاعك يا فالحه
وعموما متخبطيش في العرافه بتاعتي عشان انا هاعرف منها انتي شخصيتك ايه واغيظك
بقاللي كتير مش سامع منك حاجه يا ندله
سلام

___________________
انتظار مؤقت
نورتني يا باشا وليك حق تعاتبني انا مقصر اليومين اللي فاتوا في الرد على مدونات الناس اصحابي ليك عندي واجب حلو لما تنورنا كده مره تاني هاعملك كوباية شاي ماشي
وعموما معاك حق يا ابني هو فيه زي بنات شبرا
مصر فيها اجرأ بنات وهم الشبراويه والأسكندرانيه
الأتنين احلى من بعض
وبعدين مالها بتاعة الودع اهو الواحد بيرزق جنبها بأي حاجه حد يديها رغيف ولا قرص طعميه وهي تديني منه حته
سلاااااااااااااااااااااااام

Doba يقول...

يعجز لسانى عن وصف مشاعرى تجاه ما كتبت ولكن كل ما يمكننى قوله هو - أشكرك

كتابتك ووصفك والصورة اللى متخارها ممتازين جدا

تحياتى يا صديقى العزيز
هبة

Ehab يقول...

هبه
لن اقول سوى رد واحد لا شكر على واجب
لعل هذا يفيها عشر حقها على
وتعلم مقدار ضئيل من معزتها وتقديري لها
هو يعني ايه
" متخارها "
هو انتي مش بتعرفي تتملي
انا هاقدملك في نحو الأميه
هههههه
سلااااااااااااااااااااااااااام

Doba يقول...

معلش يا بنى اصل السلوك كلها ملمسة فى دماغى علشان منمتش خالص من امبارح

حاضر هاروح اخد كورس الامية ده
بس هموت وانام بقى احسن حاسة انى دماغى بتسيييييييييييح من قلة النوم والحر - الدنيا حر قوى عااااااا

تصبحو على خير
خخخخخخخخخخخخخخخخخخخخخخخخخخخخ

هوبة اللهلوبة

shahy يقول...

يا خبر ابيض
انت كاتب حاجات هنا وانا سايبالك تهزيء هناك
دة انا وحشة بشكل
معلهش
شوف بقى
انا اعرف العرافة بتاعتك دي......ايوة
وانا متفقة معاك في كل كلمة قلتها عليها
بس خلي بالك
لازم العرافة دي تكون صديقتك وبس وبس وبس
اوعى تسيب نفسك لاكتر من كدة ماشي يا معلم

سلام

Ehab يقول...

shahi
ياباشا فداك التهزيء
انا كتبت بوست جديد هناك عشان خاطرك يارب تاخدي بالك قبل ما تمشي وتشوفيه عشان تكوني اول حد يعلق عليه
اما بخصوص صاحبتي العرافه هو انتي سوسه كده وفاهمه على طول ياساتر
امال لو مكنتش كاتبها بالرموز
عموما هي عارفه كويس ان هي وبس وبس وبس
مع انها تستاهل اكتر والله
بس يا خساره ياريتني اتولدت سنتين بس بدري
ههههههههههه
عموما نورتيني
سلااااااااااااااااااااااااااام

smraa alnil يقول...

جايز اكون حالمة انا ايضا
فانت قد قابلت عرافتك وانا قد قابلت ساحري
قابلت ملكا متوجا

فق لا يهمك من امير الجان

فقد تعلم من سحرها كيف تسرحها لتحظي بها لوحدك
تعلم من سحرها كيف تفك طلاسم لعنة ملك الجن عليك وعليها

ومعلش يا ابني نحن السابقون وانتم اللاحقون ان شاء الله

بس انت قول يارب

ربنا يسعدك يارب

Ehab يقول...

سمراء النيل
ربنا يسعدك يارب ويكرمك انتي والملك المتوج اللي سحرك ده يا بختك يا ملك
انا سعيد بيكي جدا
بس يا خساره هي مش هينفع تسيب ملك الجان عشان هي كمان بتحبه قوي
بجد فرحتلك قوي يا جميله ربنا يسعدكم
شرفتيني واسعدتيني واتمنى نعرف المحظوظ ده قريب ابقي هاتيه وتعالي المدونه ولا استني لحسن يكون بيغير يعورني عشان بقولك يا جميله
سلاااااااااااااااااااااااام

Dalia يقول...

!!! عرافه

بجد اسلوبك لذيذ اوى فى الكتابه
الواحد بيفرح لما يلاقى حد يسأل عليه

لو بتفهم فى الابراج اسألها على برج القوس

keda-sponsor يقول...

شنكوتي باشا
أهم حاجه أنك تكون مبسوطيس أنا عموما ما بؤمنش بالعرافات

أنا عمري ما قابلت عرافه
بس أي حد يعرفني كويس ممكن يعمل عليا عراف

الأسلوب حلو قوي

سلااااااااااااااام

Ehab يقول...

داليا
نورتي يا سكره وبعدين هو انتي متعرفيش ان انا متمكن وواصل جدا
انا اعرف الجن الأزرق كمان
ههههههههه
وبعدين يا سكره لازم الواحد دايما يسأل عن اصحابه واحبابه
مينفعش ننسى الناس اللي نعرفهم مهما كانت زحمة الحياه حوالينا
اما بخصوص حكاية القوس هاسألها وابعتلك ردها
سلاااااااااااااااااااااام
_______________________

كده سبونسر

عيب يا مان مفيش حد يعرف يعمل عليك عراف ده انت اللي فيهم والباقي سلطه
نورت يا باشا
وبعدين يا جدعان هي مش دجاله ولا حاجه دي صديقه عزيزه وانا كتبت الموضوع في صوره خياليه
تحياتي ليكم جكيعا
سلاااااااااااااااااااااااااااام

Egyptiana Trapped Soul يقول...

عزيزى الشنكوتى
كلماتك ووصفك للعرافة جميل وفى منتهى العمق... من الجميل ان نضع مشاعرنا واحاسيسنا والاحداث التى تمر بنا فى اطار ساحر ملئ بالخيال

فذلك يزيد من قيمتها ويلونها بالوان مختلفة

هنيئأ لك بها يا عزيزى وفى انتظار المزيد

Ehab يقول...

Miss Egyptiana "Trapped Soul"
نورتي المدونه وشرفتينا بزيارتك الرقيقه
انا سعيد جدا انك عجبتك الفكره
ساعات بنحب نشكر حد قريب على حاجه عملها او نوصف موقف معين بس بحس ان الوصف الخيالي في شكل قصه اسطوريه بيعطي للموضوع طعم تاني خالص
اتمنى تكون مش الزياره الأخيره
سلاااااااااااااااااااام

الدمعه يقول...

السلام عليكم
كلامك جديد وغريب في نفس الوقت
انا قبلت عرافه قبل كدة وكلامها فعلا كان صح
بس انا مش بثق فيهم
المهم سيبك من دة كله وخليك مع شبرا احسن بردو
احيانا بيكون الواقع احسن من الخيال وشبرا اجمل واقع
ربنا يوفقك بوست رائع فعلا

Ehab يقول...

الدمعه
نورتيني يا جميله
وانا بكره الدجالين والعرافين اللي بيدعوا المعرفه
لكن انا كنت بتكلم بصوره خياليه
عموما نورتيني جدا
وفعلا يا بنتي شبرا اجمل واقع
انا بحب اسكندريه وشبرا اكتر من اي مكان تاني في مصر
سلااااااااااااااااااااااااااام

نبض اسكندرية يقول...

حلوة قوى يا ايهاب

بجد الاسلوب تحفة يا خدك معاه لبعيد قوى

بس بصراحة موضوع العرافات دة هو اللى بختلف معاك فية

تقدر تقول ان فى ناس بصيرتهم قوية جدا ودوا بيكونوا ابصارهم من نور ربنا بس بيكون نتيجة التقرب من ربنا

لكن غير كدة انا مش بعترف

عموما بوست جنان

تسلم ايدك

تحياتى

صاحب البوابــة يقول...

اسلوب جميل

وان كنت لا احب العرافين والعرافات لأنهم يعيشون على بيع الاوهام للسذج

تحياتي

Ehab يقول...

نبض اسكندريه
نورتي يا عروسة البحر
انا متفق معاكي في رأيك وانا عارف طبعا ان مفيش حاجه اسمها عرافه والكلام الفاضي ده لأن كلهم في الأخر بيطلعوا نصابين
لكن طبعا اكيد ربنا اعطى البصيره للمؤمنين من عباده وهم قليلون ومبيستخدموش الموضوع في التكسب ولا حتى بيعلنوه لحد
نورتيني
الموضوع كله كان عن شخصيه في حياتي بس بيت احكيه بأسلوب خيالي شويه بعيد عن الملل والتكرار
___________________________
صاحب البوابه
حمد لله على سلامتك
انا عارف انها متأخره بس سامحني
انا سعيد جدا بزيارتك دخولك عندي وقرائتك لكلامي يذيدني شرف
عموما انا بكررها تاني انا لا اؤمن بالدجالين كل الموضوع اني حبيت احكي بصوره خياليه
شرفتني
سلاااااااااااااااااااام

Doba يقول...

قعدت تقول عرافة عرافة

كلهم افتكروك بتعرف عرافة بصحيح - الراجل غلب يقولكم انها شخصية أو صديقة لييييييييييه مش أكتر

بس هو صحيح صحيح مفيش احسن من شبرا واسكندرية - ولا ايه يا بوب

وسلام مربع هنا للبشوات اللى من شبرا واسكندرية و------الباقى سلامين

تحياتى --- هبة

Ehab يقول...

دوبه هبهوب
يا بنتي تعالي شوفي الناس دي عمال اقولهم دي حاجه خياليه ومفيش دجالين ولا يحزنون انما كل واحد يجي يكلمني عن الدجل والخرافات مش عارف الظاهر انا نسيت اوضح ده في الموضوع نفسه
عموما انتي عامله ايه في البحر والبلبطه وهاترجعي امتى
وحشتينا يا فقريه
اوعي تنسي البسبوسه والهريسه والجمبرييايه بتاعتي
سلاااااااااااااااااااااااااام
سلميلي على يوسف كتير

حقى اهرتل يقول...

ابين زين
واوشوش كل اصدافك
ولو تصبح ف يوم خايف راح ارجع وابقى عرافك
ولا عمرى ف يوم هصبح متيم تحت اشرافك

عين ضيقة يقول...

قالت ياولدى لا تحزن
فالحب عليك هو المتوب يا ولدى


حلو نزار
العرافة عبقرية زيه كده؟

ماافتكرش

عموما
تحياتى

مريم يقول...

بيقولوا اللى يروح لعرافة صلاته متتقبلش اربعين يوم
بس شبرا دى يعنى سحررررررررر بطعم الكشرى
لا يقاوم
ع العموم انا نصحتك وانت حر

ahmad hussameldin يقول...

3ala ra2ye 7akeem,
el7ob nar, wel we7da mora(:

Ehab يقول...

حقي اهرتل
اخيرا نورتني يا اجمد شاعر في المدونات
ايه اخبارك يا فنان تسلم ايدك على البيتين الحلوين دول دايما تسيبلي كده حاجه جميله تنور الصفحه
شرفتني يا فنان
_______________________

عيون ضيقه
اولا احب ارحب بيكي واشكرك على الزياره الرقيقه
ثانيا يا عسوله انا كتبت القصه من وحي اغنية نزار انا كنت هاكتبها عادي واحكي عن انسانه عزيزه عندي وبترشدني في مواقف كتير وهي مهتمه بالأبراج فعلا وسمعت الأغنيه بالصدفه فقررت اكتبها كده
عموما نورتيني ويارب متكونش اخر مرة
تحياتي
_______________________

مريم
ماشي يا ستي انا عارف
بس انا مش بروح عند حد من الدجالين دي كل الحكايه بتتكلم عن الأبراج والشخصيات مش المستقبل والعياذ بالله
ثانيا انتي غايبه كتير ليه وحشتينا
____________________

احمد حسام الدين
والله يعني انا مش شايف العلاقه كويس انا بقول صديقتي مش حبيبتي
نورتني يا باشا
وعموما مش انا قلتلكوا انها محجوزه لملك الجان
للي هو جوزها يعني
نورت يا باشا
تحياتي
*********
سلاااااااااااااااااااااااام

غير معرف يقول...

هاي عليك ازيك معلش الناس كده احيانا بيحصل عندها حبة خبلان ومش بيبقوا فاهمين ايه القصد وتحياتي للشبراوية وربنا يوفقكم يا عم " بيبو "

shahy يقول...

ياعيني يا اخويا
الناس فاكرينك بتروح لعرافة بجد ههههههه
مع ان واضح في كلامك انها انسانة ومن شبرااااا يا ناس

اعمل بقى تصحيح بدل ما يكفروك ويصدر قرار باحالة اوراقك بعد الشر بعد الشر لمفتي الديار المهلبية

سلام يا بتاع الدجل والسحر اعوذ بالله
استغفر الله العظيم
سامحوة يا اسياد دة جاهل مايعرفش حاجة

ولــــــــــو يقول...

طب ده كلام برضه
عرافه ايه بس
وكمان ابراج وبللوره مسحوره
ده الموضوع كبييير
ربنا يسترها علينا من اللي بييجوا من شبرا وعبود والخلفاوي وكل المناطق الماهوله بالسكان
ده الزحمه مخبيه مهازل

šσяšαяαα يقول...

عراااااافه

الله بجد انا بحب العالم الغريب دا اوى

عارف حاجة كدا كلها خيال وملهاش دعوة بالواقع اللى محدش طايقه

ولكل منا عرافة بس احنا اللى بنقولها ايه اللى عاوزينه وهى تتنبأ بيه:))

تحياتى ليك

Ehab يقول...

قلوب حائره
نورتيني يا جميله
معاكي حق وشكرا على الدعوه الجميله ادعيلي ربنا يوفقني مع الشبراويين كلهم
شكرا على الزياره
________________________
شاهي
سامحوه يا سياد
الله يكرمك يا شاهي قوليلهم الحقيقه دول قربوا يحاكموني مع الساحرات في محاكم التفتيش
اظن انتي فهمتي كويس يعني ايه عرافه من شبرا
عموما انا خلاص قربت اتجنن
بس سيبك انتي المهم ان رسالتي وصلت للحبايب
__________________________
ولو
ليه بس كده دول الشبراويه احلى ناس في القاهره المحروسه
لو لم اكن جيزاويا لوددت ان اكون شبراويا
هه
نورت يا باشا
____________________
sorsara
يا صرصور يا عسل
جميل ان احنا نعيش الخيال شويه عشان نحلي الواقع الصعب
يعني الواحد يبطل حالة اليأس والزهق ويحول اعداءه لتنين كبير واصدقاءه يبقوا سحره طيبين
وبيته يصبح قصر جميل
نورتيني ونزرتي المدونه
سلاااااااااااااااااااااااااام

shahy يقول...

نتكلم جد شوية

جميل قوي انك تحس ان في حد بيفهمك قوي كدة وساعات تبقى لسة هاتقول حاجة تلاقية هو بيتكلم فيها
وساعات كتير بتحس انة يعرفك اكتر منك كمان
يا سلام لما الواحد يلاقي انسان كدة بيبقى عاوز يمسك فية بأيدة وسنانة
بس اوعى تعضة هههههه

ربنا يرزقك ببنت حلال تكون زي العرافة كدة

سلاااامات

NeRmeeN يقول...

والله يا بختك يا شنكوتى انك لاقيت حد يفهمك كده..الواحد بيحس بأمان فظيع لما يلاقى حد معاه كده وفهمه ....ادعيلى الاقى حد كده ...عشان الوحدة اللى الواحد بيحس بيها لما مايلاقيش حد فهمه او يقراه من غير ما يتكلم شعور وحش أوى
:(
وسمعنى اغنية الوحدة بتقتلنى :ي

تحياتى ليك ايها الشنكوتى

shahy يقول...

انت فين
بقالك يومين مختفي

اوعى تكون سافرت اسكندرية

والا انت في البلد

ابقى طمنا يا عم الشنكوتي

rashida يقول...

شنكوتى باشا
هاو ار يوو
والله يا صديقي انا عاوزة رايك فى موضوع حيوي
سمعت عن اعتداء اليسا على صحفي في لبنان ؟
لو مسمعتش قولى و هعطيك لينكات تعرف منها التفاصيل المهم ان الصحفيين عاملين حملة عليها
لو انت مبتحبهاش قولي يمكن نحشر اسمك في موضوع كده و لا حاجة
تتمسى بالخير

Ehab يقول...

shahy
ربنا يسعدك ويكرمك يا جميله على الدعوتين الحلوين دول وفعلا صعب قوي نلاقي ناس قريبين مننا قوي وبيحسوا بينا قوي عشان كده لازم نتمسك بصداقتهم وبأكد بصداقتهم عشان الموضوع يفضل بجماله
اما حكاية غيابي اصل النت اتقفل عندي في الشغل فبالتالي لازم ادخل من البيت او من سيبر بعد الشغل وكان عندي فرح احمد واحد من اعز اصحابي اتجوز يوم الجمعه والحنه كانت قبليها فانشغلت معاه شويه عقبالي يارب انا واللي في بالي
بجد يا شاهي متشكر على سؤالك وبعدين انا مش مسافر اسكندريه دلوقتي اصل مللك الجان اخد العرافه وراحوا يصيفوا عقبال عندك
تحياتي يا عسوله

______________________
نرمين
يا قمر انتي انشاء الله هتلاقي اللي يتهبل عليكي ويفهمك على طول متخافيش كل الحلوين الحساسين بيتخطبوا على طول عقبال ما احضر فرحك يارب قريب
اكيد اللي هيعرفك هيحبك واللي يحبك لازم يحس بيكي ويفهمك اتمنى ليكي السعاده
_________________
رغده صفوت

منوره يا عسل
انا بصراحه كنت بحب اليسا جدا عشان اغانيها الجديده حلوه وعشان هي بتعرف تكون انثى بجد ومش بتخبي اي حاجه من جملها
لكن لما تتحول لشخصيه عدوانيه تبقى فقدت الأنوثه الناعمه واصبحت واحده من المتشردين اللي مش بطيقهم ضميني معاكي في الحمله ميضرش برده
نورتي يا عسل
سلاااااااااااااااااااااااااام

Seren يقول...

يالها من عرافة

جميله اوى المدونه بتاعتك وجميله اوى العرافة وانا كمان ليه العرافة بتاعتى اللى ماتختلفش كتير عن عرافتك

بحس معاها انى مصنوعة من ازاز وهى عماله تشوف اللى جوايا وتقراه

عشان كده امسك فى العرافة بتاعتك وماتسبهاش عشان العرافات اليومين دول عملة نادرة وخصوصا لو الواحد عنده عرافه جميلة زى عرافتك

Unknown يقول...

الى الشاب الشنكوتي الروش انا على فكرة اتا لسة اول مرة اكتبلك لكن بجد اسلوبك يجنن وانت بتتكلم عن العرافة انت اد اية انسان رومانسى وربنا يوفقك انت والعرافة بس حاول تخطفها من ملك الجان وتنقذها على خصانك وتسافر انت وهى بعيد لجزيرة الأحلام ربنا يوفقك وياريت تعرفنا اخر اخبار العرافة olivea

Unknown يقول...

الى الشاب الشنكوتي الروش انا على فكرة اتا لسة اول مرة اكتبلك لكن بجد اسلوبك يجنن وانت بتتكلم عن العرافة انت اد اية انسان رومانسى وربنا يوفقك انت والعرافة بس حاول تخطفها من ملك الجان وتنقذها على خصانك وتسافر انت وهى بعيد لجزيرة الأحلام ربنا يوفقك وياريت تعرفنا اخر اخبار العرافة olivea

Ehab يقول...

سيرين
نورتي يا جميله
امسكي قوي في عرافتك يا عزيزتي فهم عمله نادره في هذه الأيام
بجد نورتيني
______________________
اوليفيا
نورتيني يا قمرايه
بس ليه مش فاتحه مدونتك
اما عن عرافتي يا عزيزتي فلا استطيع ان اخطفها منه لأني تأخرت كثيرا
واتمنى لها السعاده معه فهي تحبه
وشكرا يا عزيزتي على كلماتك الرقيقه
اتمنى ان نظل اصدقاء دائما
نورتيني
سلااااااااااااااااام