الخميس، يونيو 7

صوري في رحلة اسكندريه ولسه فاضل كتييييييييير





واخيرا وبعد طول انتظار فاخر جابلي الصور بتاعتي في اسكندريه انا طبعا كنت عايزكوا تفضلوا متخيلني شبه شوم كونري كده وانا كبير او حتى بيرس بروسنان بس مش مهم الواقع المر لابد من مواجهته

فاخر فعلا فنان في التصوير ايه رأيكم

هناك 36 تعليقًا:

Dalia يقول...

هييييييييييه هييييييييييه انا اول واحده اسيب تعليق

جميله اوى الصور ... واضح انك كنت واخد اسكندريه من شرقها لغربها ... انت ليه ماتصورتش فوق القلعه المكان هناك تحفه اوى


مستنيين باقى الصور

بس قولى الاول مين شوم كونرى ده ؟؟؟

عصفور المدينة يقول...

حمدا لله على سلامتك
مش وحش برضه بس شنكوتي

shahy يقول...

جميلة قوي الصور والمناظر كمان تجنن
وفاخر فعلا فنان
وفي انتظار الباقي آيووة قصدي سلام

البتاع يقول...

بيرس بروسنان ايه وشون كونرى ايه؟؟؟؟؟؟؟؟

يااااااااااه
تصدق انك شبه الشنكوتى الكبير جدا؟؟؟؟؟؟
انت تقربلة؟؟
:-)

نقطة مية يقول...

يا بختك روحت اسكندرية و اتصورت كمان...بس احنا كنا عارفين انك اكيد مش شكل شون كونري و بيرس بروسنان عشان هم مبيروحوش اسكندرية!!!؟
:-)
بس على فكرة عجبني جدا البوست اللي فات بتاع محمد بتاع الفول..مش انا بس اللي براقب الناس

تحياتي

الشنكوتي الكبير يقول...

داليا
ايه يا بنتي انا اتصورت في كل حته فوق وتحت وجوه كمان بس دول 85 صوره مش معقول انشرهم كلهم كده مره واحده
نورتيني يا سكره وعايزك تكتبي حاجه جديده قريب متغيبيش كده وبعدين ازاي مش عارفه شوم كونري انتي مبتشوفيش كوره
ههههههههههههه
نورتيني يا سكره
___________________________
عصفور المدينه
ايه يا ياعم ما انا عارف انه مش وحش ده انا شنكوتي يابا والأجر على الله
تحياتي ليك وشكرا على مرورك يا باشا ابقى دايما نورني متغيبش كده
_____________________________
shahi
ايووووه يا شاهي ده اسكندريه حلوه بشكل المره الجايه اخدك معايا وهابقى ابعتلك شوية صور حلوين انشاء الله
نورتيني يا جميل
_____________________________
البتاع
اوعي يا بنت تنتحري يا مصيبه انتي ده البشريه هتخسر كتير قوي
شرفتيني وتسلمي على الكلمتين الحلوين بس هو انتي شوفتي الشنكوتي الكبير فين يا اروبه
____________________________
نقطة مياه
طيب الحمد لله انه عجبك يا باشا المهم تيجي على طول وبعدين هو شون كونري ولا حتى بروسنان هيلاقوا احلى من اسكندريه فين كل الحكايه ان اسكندريه مش اي حد يفهم سحرها وجمالها عايزه ناس بتفهم وتلاحظ يعني انت لو رحت وبنظرتك الفاحصه المحلله كالعاده اكيد هتحبها عشان انت بتعرف تحس الحاجات دي زيي تحياتي ليك واعجابي بمدونتك
سلااااااااااااااااااااااااااام

الشنكوتي الكبير يقول...

داليا
انتي ليه مانعه حد يدخل مدونتك وكل ما اجي ادخل يقولي لازم تجيب دعوه انا ماليش دعوه انا عايز دعوه

sendbad يقول...

اسكندرية قبلة الجمال والهدوء يابختك

Dalia يقول...

معلش يا شنكوتى انا قفلتها امبارح بس كنت فى حاله نفسيه يرثي لها

انا مبسوطه اوى ان فيه حد اهتم و دخل و كمان بيسأل

ربنا يخليك يارب

انا فتحتها النهارده و الدعوه معاك اهى يا سيدى و نزلت فيها بوست جديد كمان ... يلا انشاله مع عن حد حوش

نبض اسكندرية يقول...

خيانة؟؟؟؟؟؟؟؟؟؟؟؟؟؟


نزلت اسكندرية من غير ما نعرف


كدة باردو يا شنكوتى

مكنش العشم

دة حتى عشان خاطر الهريسة
مطمرش فيك صنية السمك

ماشى الاسكندرانية كلهم زعلانين منك

ومافيش هريسة بقة

يلا بقة

reri يقول...

حصلنا الشرف يا شنكوتي
الصور حلوه
وفكرتني بإسكندريه اللي هموت وأروحها
ماشي بتذلني يعني
عااااااااااا
:))))


سلامااااااااااااات

الشنكوتي الكبير يقول...

سندباد
الله يخليك وعقبال عندك يا باشا بس مش سندباد ده اللي لف الدنيا كلها امال انت مش بتسافر زيه ليه
نورتني يا باشا
_______________________________
داليا يا سكره
اوعي تزعلي من حاجه ابدا انا امبارح وبقالي يومين كده عني مشاكل تهد جبل بس لما بتعب قوي بنسى كل حاجه واجي ادور عليكوا هنا عشان انسى الزعل
وطبعا لازم نسأل عليك يا جميل هو انت شويه في البلد ده انت زينة المنطقه يا عم امال انتي فاكره ايه
نورتي وشكرا على الدعوه يارب تكوني عازماني على لحمه ولا بسبوسه
ابقي قوليلي على اللي زعلك عشان اموتهولك
____________________________
نبض اسكندريه
يا سلااام يعني انتي فاكره ان انا لو نزلت اسكندريه ممكن اسيبك كده بالساهل الصور دي من فتره كبيره كل الحكايه انه لسه جايبهوملي من يومين بس لكن دول عنده من حوالي شهرين
وبعدين حمرقه ودلع مش عايز هاتجيبي السمك والهريسه والبسبوسه يعني هاتجيبيهم مفيش فايده انتي اتبستي
ده انا كل شويه اتفلحس في المدونات واقول للناس انا جايلي اكلة سمك من اسكندريه انما تحفه تقومي تقولي مفيش اصبري علي وانا هاجي اكلك انتي لو مجبتيش الطلبيه يا سكره
وحشتيييييني موت يا بنتي اتمنى فعلا اشوفك قريب ومتغيبيش كده تاني
سلام يا عروسة البحر ياجنيه
_________________________________
ريري العزيزه السكره
بصي يا ريري هي الدنيا كده زي البطيخه حمراء من جوه وخضراء من بره وفيها بذر صغير اسود ومتسألنيش ازاي
المره الجايه وانا رايح اسكندريه هابقى اقولك عشان اغيظك بس مش عشان اخدك معايا
ههههههههههههه
تحياتييا قمر
انا طبعا قصدي على صورتك وانتي صغيره مش عارف دلوقتي بقيتي شبه مين هههههههههههههههه
__________________________
وشكرا لكل اللي شافوا صوري وعجبتكم
نحياتي يا اعز الأصدقاء
سلاااااااااااااااااااااااااااااام

mariam يقول...

بس والله كويس انك نشرت صورك
انا كنت متخيلاك شبه غريب محمود
زى القمر يا معلم

MAKSOFA يقول...

ياعم أرحم المزز وبلاش تدوخهم بصورك دي

NeRmeeN يقول...

شوقتنا لاسكندرية :) انا كل صيف بروح اقضى معظم الصيف فى العجمى من غير ما انزل اسكندرية نفسها...بجد تحفة ...اخر صورة المنظر فيها روعة ..تحياتى ليك ولمدونتك اللذيذة

الشنكوتي الكبير يقول...

مريم
يا اسكندرتني يا عسل متشكرين لزوقك
بس احنا نيجي ايه جنب الجمال الأسكندراني اللي شارب من حلاوة البحر يا سكره
شرفتيني ووحشتيني
_________________________________
مكسوفه
الف حمد الله على السلامه مش تطمنيني عليكي الأول وبعدين سيبك انتي من الموزز النص كم دول اللي بتقولي عليهم ايه رأيك انفع يعني
لما ترجعي مصر لازم تيجي تخطبيني من بابا لحسن هاموت نفسي واقول انتي السبب
نورتيني يا شقيه وسلامتك وبعدين هو كده مايقع الا الشاطر علشان هو بس اللي يعرف يقوم تاني
___________________________
نرميين
يا نرمين اسكندريه بقت تحفه متتخيليهاش سيبك من العجمي وانزلي لفي في الأسواق وبين الناس وعلى الكونيش
اما المنظر ده فممنوع حد يعدي عند الفناره لكن لقيا العيال الصغيره بتنط السور روحنا نطينا وراهم واتصورنا هناك كام صوره
نورتي المدونه ويا ريت تنوري اسكندريه وتبعتيلي صورك هناك ماشي يا جميل تحياتي وسلاماتي
______________________
سلااااااااااااااااااااااااااااااام

Mirage يقول...

صور جامدة يامعلم

يابختك

رحت غيرتلك جو

الدور والباقى علينا

Ma-3lina يقول...

شوم كونرى ؟؟؟؟؟؟؟؟

فضحتنا يا راجل وسط الاجانب

شون كونرى يا شنكوتى

Sean Connery

الصور رائعة بغض النظر عن الاشخاص اللى فيها

فاهمنى طبعا هههههههه

يالا ما علينااا

Queen eraser يقول...

انت عامل فرح ان الصور حلوة ليه؟؟ها؟
مش متصور ف اسكندرية يابنى ده أساسى اسااااسى.. و بعدين مصورك واحد حسه عالى قوى ف المناظر يبقى لازم تتطلع صور حلوة و عشان الفيلم الهندى اللى انت عملته مفيش هريسه ولا جمبرى ولا هى أوامر و خلاص؟؟بطلنا الدليفرى شطبنا يا باشمهندز..
بجد بقى الصور حلوة فعلا و لو فى صور ف نيلسون بتاعت ابو قير او المنتزة أكيد حتبقى جبااارة انا عايزة أشوف دول بقى و ساعتها حابعتلك سمك و هريسة سادة :)

Doba يقول...

يا حلاوة يا اولاد - شوم كونرى هنا وسطينا - ماشاء الله

هو من موقعى هذا انقل لفاخر وفاخر فقط واللى سامع اسمه بس هو اللى يكمل أجمل تحياتى وتقديرى على الصور والمواقع الهايلة دى

اما بالنسبة للأشخاص اللى فى الصور واللى هما شوم كونرى ومش عارفة مين التانى دول مش باطلين برده يعدى بدرجات الرأفه

انا بنبه من موقعى هذا انى هعمل عمايل واسوى الهوايل لو مأكلتش من صينية السمك ومن الهريسة ولقد أعزر من أنزر

سلامووووز ----هبة

الشفافية يقول...

أهلا عزيزي/ شاب شنكوتي

الصور جميلة .. والشاب اللي فيها .. أجمل

طبعا أنت

أحييك... على الكلام الذي فوق
لازم نكون صريحيين

أعجبتني.. العبارات..جدا جدا

أتمنى لك السعادة

أخوك
الشفافية

الشنكوتي الكبير يقول...

شفافيه
ده انت نورتني جدا وسعيد بيك جدا انك نورت عندي هنا
ياريت فعلا نكون اخوات يا اخي ده يبقى شرف كبير ليه
وبعدين بخصوص الصراحه هو حلم عندي ان الناس تكون اكثر صراحه ويمكن احلى حاجه في المدونات ان الناس مش بتنكسف وبتقول حاجات كتير بصراحه اوعى تغيب عننا كتير وابقى نورنا هنا دايما
سلااااااااااااااااااام
اخوك ايهاب

ahmad hussameldin يقول...

awalan a7eb ashkorak ya shankoti bik 3ala zyatak lel blog beta3ii we commentatak henak, wema3lesh enii makontesh barod 3ashan ba2ali fatra kebira kot mashghool fel ette7anat.
sanyan el blog beta3atak laziza ma3a eni lesa ma2aretsh 7aga feeha,,bas esara7a elmokadema eli enta katebha fel awal di beta3et nase7tak lel kora2 elmoghafaleen ,eldakhla di mazegetni,, we7asesetni enak ragel betefham,
bas da maymna3sh bardo enak shankotii gedan )(;
ahmad

حقى اهرتل يقول...

طب عشان اكتب شعر انا كده مش هقدر اكتب غير عن اسكندريه

الشنكوتي الكبير يقول...

احمد حسام
نورتني يا احمد وطبيعي اجي مدونتك عشان اسلوبك جميل قوي تحياتي
واتمنى اني انا كمان اكون قد مسؤلية الصراحه واكون دايما صريح معاكوا
شرفتني واتمنى تكررها كتير
__________________
حقي اهرتل
وحشتني يا شاعر
امال يعني لو متكتبش في اسكندريه هتكتب في مين احلى منها
اوعى تغيب كتير تاني
نورتني ووحشني كومنتاتك الشعريه
سلاااااااااااااااااااام

اجندا حمرا يقول...

صور جميله اوي عزيزي
و زي ماقال شفافيه اللي فيها اجمل
فعلا الواحد بينسي نفسه لما بيروح اسكندريه مكان خرافه الصراحه
تحياتي ليك و لصورك الجميله و لشخصك الكريم
:))))

الشنكوتي الكبير يقول...

اجندا حمراء
شكرا على زيارتك اللطيفه واحييكي على رايك في بوست محمد بتاع الفول ومعاكي حق فعلا اما اذل كنتي شايفه فعلا ان الصور حلوه واللي فيها كمان حلو فده من زوقك وشكرا ليكي على المجامله الرقيقه وياريت لامره الجايه اروح اسكندريه واخد معايا كل اصحابي المدونين ونقعد هناك مع بعض ونتعرف اكتر
نورتيني وشرفتيني شكرا ليكي
وياريت تكرريها كتير
سلااااااااام

قلوب حائرة يقول...

اهلا باهل اسكندرية والاسكندرانية وعلى فكرة انت اد اللي انت قولته ده في انك هتعزمن في اسكندرية لو انت عنده انا موافقة بس اعمل حساابي

شيماء الجيزى يقول...

اول مرة ازورك :)

وجيت على صورك لا بجد حلوة
والاحلى صورك فى اسكندريه
بعشقها رغم حبى لبورسعيد
ورغم انى مشوفتهاش
بس بحبها اهو بقى

اة على فكره
بجد الى مصورك ده فنان
بالذات اخر صورة تحفه
تحياتى
..............
بدعوك للقاء المدونين فى بورسعيد
ولمزيد من التفاصيل ارجو زيارة مدونتى
تحياتى

Sharm يقول...

صور جامده يا شنكوتي

متغيرة شوية يقول...

حالة غريبة من الحقد بتحصلي لما حد يتكلم عن لما كان في اسكندرية..مع اني بروح من وقت لاخر برضه بس بما ان البحر يحب الزيادة برضه الواحد مش بيشبع من مرواح اسكندرية

الشنكوتي الكبير يقول...

قلوب حائره
يا الف اهلا وسهلا بيك يا جميل
بس انا يا خساره مش من اسكندريه بالظبط كل الحكايه ان جدتي من امي كانت اسكندرانيه اما بقيت العائله فمن الصعيد ولي الفخر طبعا
لكن انا كنت عامل عبيط وبتسنكح على نبض اسكندريه ومريم وقلم رصاص واستيكه عشان يجيبولي اكلة سمك من هناك وقلت اعزم الحبايب معايا نورتيني يا باشا واتمنى تيجي كتير
________________________
شيماء الجيزي
نورتني يا شيماء
ومتشكر جدا على الدعوه لو فعلا قدرت اخد اجازه هاحاول اجي الأجتماع ده ولو اني كنت طبعا اتمنى يكون في مصر
وشكرا على اعجابك بالصور
فاخر صاحبي فعلا فنان وبيحب التصوير جدا وهو اللي علمني ازاي اختار الكادر اللي يحلي الصوره
شكرا على زيارتك الغاليه
بس بذمتك مش احلى حاجه فيها الشاب الشنكوتي اللي منورها
__________________________
شرم
تسلم يا غالي على الكلمتين
وعقبال ما اروح شرم واتصور هناك ويا سلام لو ساعتها نتقابل
نورتني يا غالي
___________________________
متغيره شويه
يعني احط خرزه زرقاء في الصفحه عشان النق ده ولا ايه
انا عافرت لحد ما عرفت اسافر وانتي كل شويه تسافري وجايه تنقي عليه ماشي يا ستي عشان بس اول مره سماح المره دي وانا اكيد هاجي مدونتك ارزعك عين مدوره تفلق المدونه نصين
شكرا على الزياره الجميله
تحياتي
_____________________________
اسف على التأخير في الرد كنت مسافر بلدنا
سلااااااااااااااااااااام

واحـــد مـــــن الـنـــاس يقول...

سبحاااااان الله

سبت احلى مكان في الاسكندرية للتصوير وما اتصورت فيه
القلعة يعني ؟؟

انا متصور شوية صور في القلعة انما ايه
نااااار


بقولك
اللي يشوفك ميقولش عليك شنكووووتي خااالص


..

طلب جانبي .. ياريت ياباشا تخليي التعليقات في نفس الصفحة عشان كده مخلياني مش عارف اكتب التعليق خاالص
وبتهنج بطريقة شنيعة

Antony يقول...

حلوة صور إسكندرية ، بس بصراحة يا عم الشنكوتي أكيد فيه عندك أحسن من كده أو مش عندك أنت عند اللي صورك من الآخر ، قوله أنه كويس بس برضه أكيد عنده حاجات أحسن من كده لأن المناظر في الصور ديه محدودة شوية ، وعقبال ما تروح ويصورك في شرم أو الغردقة ، ولو عندك صور تانية أتصورتها أبقي فرجنا عليها ...... بااااااااااااااااااااااااي

S H A H يقول...

اي شون كونري بس و بيريس بروسنان

احنا هنا شايفين واحد اشد من كولوني نفسه يا جماعة

بس سيبك, الرك على التصوير و سلامي لفاخر

غير معرف يقول...

أنا الشينيور
متؤول حاجة


يا كسلان