الأربعاء، أبريل ٢٢

قرار



علشان تاخد قرار لازم تكون قد القرار ده
عارف يعني ايه قد القرار ده يعني تكون قادر على تحقيقه
وقادر على تحمل تبعياته – حلوه تبعياته دي – المهم يعني الفكره انك لازم تاخد قرار في حياتك كلها
مش معقول هتفضل طول عمرك كده من غير ما تاخد قرار
بس هو ينفع اي حد ياخد قرار مش يمكن القرار ميكونش صح
مش يمكن ياخد قرار مش في مصلحته
امال هو ربنا عمل لينا صلاة استخاره ليه علشان نستخير ونتوكل
وبعدين هو يعني ايه مش مصلحته وهيعرف منين انه غلط ومش مصلحته الا لو جرب وشاف بنفسه مفيش حاجه اسمها تعرف وتتعلم من غير تجربه
ده الرياضيات واللي كلها قوانين ثابته واضحه يقولك مبتثبتش في دماغك الا لما تحل عليها مسائل عمليه كتير
يعني ايه
يعني لازم تجرب
لازم تمسك بايدك راس الكبريت بعد ما ينطفي على طول علشان تفهم انه برده هيلسع لأنه لسه سخن وملحقش يبرد علشان تفهم يعني ايه بروده لازم تقف في السقعه تحسها
كل حاجه مش هتعرفها وتقدر قيمتها وخطورتها الا لما تجربها بنفسك
عارف من كتر ما الأفلام الأجنبي مثلا بيتعرض فيها انفجارات ضخمه على طول بقت المشاهد ديه برغم حجم المصاريف اللي بتتصرف فيها مبقيناش نحسها قوي
لأننا اتعودنا نتفرج عليها كده من ورا الشاشه الزجاج بتاعة التلفزيون
قاعدين ولا حاسين يعني ايه نار ولهيب وحطام بيطير وناس ممكن تموت فعلا
كل ده علشان محدش فينا وقف جنب انفجار حقيقي في معركه حقيقيه وشاف يعني ايه ممكن راسك تطير بحديده طايره جنب منك يبقى لازم نرجع نقول ان التجربه هي خير برهان
عايز تاخد قرار ولا لأ بقى دلوقتي
ايوه هاخد قرار
ايه هو
قررت اني مروحش جنب اي انفجار ولا نار علشان راسي متطيرش

هناك ٨ تعليقات:

كاميليا بهاء الدين يقول...

القـــرار ..

تلك الكلمة التى تلعب دور البطل فى نهاية كل فصل من فصول حياتنا ..

قرار بإنهاء فصل الشتاء ..
اذا كان القرار صحيحا.. ستشرق الشمس
واذا كان خاطئ .. سنلتحف بمزيد من الصقيع الغير محتمل ..

قرار يخفف حرارة الصيف ..
قد يأتى بنسائم الراحة
وقد يقتل الشمس فى الأفق

قرار بجمع زهور الربيع
قد تدمى بعض الاشواك كفوفنا
لكن .. سـ يطوقنا العبير

قرار صالح للخريف
ربما يصلح تساقط الاوراق حولنا
وذهاب البعض عنا .. بلا ذنب أو جريرة
لكننا نقف موقف المتفرج لنرى الى اين ستذهب الاوراق بقلوبنا التى طُبعت عليها.





























كنت مدين لى بمشوار
وها أنا أرد لك الدين
(وش شرير اوى خالص جدا)

ههههههههههههههه


أخى .. إيهاب
عندما آتى عندك
أضم بعض من دفء صفحاتك قبل أن أمضى
لاقاتل بها شعور ما ..

القمر الساهر يقول...

سبب ازمة كثير منا الان تتمحور حو شبح كلمة قرار

فالكثير منا اخذ قرار ان لا يأخذ قار في حياته

اتخيل القرار شخص داخل دائرة تحيط بها النار والاشواك ونخشى ان نعبرها

مع اننا لو قررنا ان عبر الدائرة سنجد خلفها بساتين وحياة مزدهرة

ahmed_k يقول...

ههههههههههه
ما هو الإنفجار بياجي من غير
منعرف أن في هنا إنفجار

القدر والمكتوب لازم تشوفه العين يا صاحبي
إحنا نتوكل على الله وهو خير الحافظين

دمت بكل خير يا هوبه

غير معرف يقول...

إن الواحد ياخد قرار صح دى حاجة مش سهلة أبدا

بس كل اللى على الواحد أنه يصلى إستخارة و بعدين يدرس الموضوع كويس و يحط فى دماغه إن اللى مكتوبله حيلاقيه و يتوكل بس خلاص

أينَ ؟ يقول...

القرار بالنسبة لي ...
هوالخطوة التي تسبق اي منعطف هام ...
فبمقدار قوته وصحته ...
نضيف مكاسب أو خسائر ...
بمشوارنا في هذه الحياة ...
باختصار ...
بقراراتنا نتحكم بحياتنا .

الشنكوتى ,,,
كن بخير .

دعاء العطار يقول...

هههههههههههههه

حلو اوووى القرار اللى انت اخدته

قرار قرار يعنى

:::::::::::::::::

على قد مالقرار ده حاجه صعبه اوى

وكتير بيتردد انه ياخد قرار فى حياته

الا انه بيعلمنا حاجات كتير

بيعلمنا معنى كلمة مسئوليه

لو اخدت قرار غلط هتحمل نتايجه وبالتالى هبقى مسئول عنه

وبكده هدرب نفسى ع المسئوليه

ده غير اننا اصلاً فى الدنيا دى عشان نتعلم

يبقى ليه بقى نخاف من اى قرار حتى لو كانت نتايجه مش فى صالحنا

" من لا يخطىء لا يفعل شىء "

احيك على موضوعك ده

تقبل مرورى

هندسة وصفية يقول...

بافكر اجرب اقف جنب انفجار
لاكتساب الخبرة
المشكلة هعمل ايه بالخبرة دي بعد كدة

زقطـوطـة يقول...

قرارات كتير أوي دي يا إيهاب : )
أولى قراراتي الفترة اللي فاتت
هي إني أكون أنـا كما عهدت أن أكون
: )
أتصالح معايا شوية..حاكم أنا بهدلتني أوي معايا بقالي كام سنة كده
قلت آخدلي هدنة مني
والحمدلله نجحت : )
وتاني قرار
إني أرجع للتدوين
بس لسه مش نجحت أوي
عايزة تسخين : ))))
تحياتي