الأحد، أبريل 26

احلم براحتك....ميضرش



لما يبقى معندكش حاجه تبقى ببساطه عندك كل حاجه
هتقولي ازاي
بسيطه لما مبيكونش عندك مثلا عربيه
تنزل من بيتك الصبح طول ما انت رايح شغلك بتتفرج على العربيات دي حلوه دي مبعجره دي لذيذه دي غاليه دي دي دي ....وهكذا
ليه بقى عمال تفنط وتتفرج كده علشان لسه الأختيارات قدامك مفتوحه لسه محددتش انت هتشتري ايه
ومش شرط يكون معاك تمن العربيه دلوقتي انت بس بتخطط انك في المستقبل هتبقى تشتري عربيه
يبقى لما ميكونش عندك حاجه بتبقى مالك كل حاجه
لما واحد يكون مش مرتبط ولسه قلبه فاضي
بيقوم من النوم وهو بيحلم بالليله اللي قضاها مع هند رستم او غاده عبد الرازق
ينزل شغله وهو متخيل نفسه رايح الشغل مع منى ذكي في عربيه واحده
يرجع من الشغل في الحر والجري في الشارع وهو ماسك ايد نور القمرايه دي وبيجروا بمنتهى النشاط
كل شويه يتخيل نفسه مرتبط بواحده شكل مختلف
وبرده ده بينطبق على البنات كل واحده قافشه ممثل في خيالها وهاتك يا احلام

الفكره ان كل واحد فينا عنده في عقله خيالات وقدره على انشاء واقع ليه لوحده يعيش فيه ويعمل كل اللي نفسه فيه
كل واحد بيعمل لنفسه مجموعة احلام وامالات هايله وحاجات نفسه تتحقق
بس المشكله بقى مين هيتحرك ناحية احلامه
مين هياخد فعل حقيقي علشان يحقق احلامه
الفرق بين الناجح والفاشل مش في الفرص ولا الحظ
الفرق ان ده اتحرك ناحية حلمه
والتاني مستني الحلم يتحرك ناحيته وعمال يدعي وخلاص
مع ان الدين بيقول توكلوا على الله ولا تتواكلوا

يعني الخلاصه اللي عايز يتجوز غاده عبد الرازق يقوم يعمل اي حاجه في حياته علشان ينجح ويكبر ويعرف يتجوزها
وابقوا سلمولي عليها كتير

هناك 15 تعليقًا:

بت خيخة وأي كلام يقول...

اممممممممممممممممم
طب انا بحلم اكون رقاصة
اعمل ايه دلوقتى

ما انا لو متحركتش
ناحية حلمى هاكون فاشلة

لا لا لا
الا الفشل انا مش بحبه
خلاص انا هاتحرك ناحية حلمى
اول خطوة
هاقلع الحجاب
وهالبس عريان
وهاروح اتعلم الرقص على اصله
وهاروح ارمى السي في بتاعتى
فى كل كباريهات شارع الهرم
وقبل كل ده هاطلب من هانى الطلاق وهارميله الواد شريف يربيه هو بمعرفته بقى



وهاشتغل رقاصة
وهاغنى على الصاجات
ماخلاص قلعت حجابى
ولبست الفسفورات
وايييييييييييييييه
ايييييييييييييييه

وخلاص حققت حلمى
ولبست بدلة رقص
وهاطلق من هانى
وهاعيش حياة الهجس
وايييييييييييه
اييييييييييييييييه



سلام
اختك خيخة

الشنكوتي الكبير يقول...

هههههههههههههههههه

بنت خيخه واحلى كلام

هههههههههههههه
مش عارف اقولك ايه يا مصيبه انتي
بقى هو ده اللي انا بقوله
تاخدي قرار زي ده وتنسي اخوكي
امال مين هيشتغلك بلطجي يا بنت
انا جاي معاكي مقدرش اسيبك لوحدك اخاف عليكي

يالا بينا يا خيخه هنرقص ونبلطج سوا
هييييييييييييه

خلاص هسيب شغلي
وهشتغل بلطجي
العبي يا بنت براحتك
وارقصي واتبهرجي
وراكي انا جاي دوغري
علشان تتدحرجي
انا كنت يا ناس مش عارف
السكه تكون منين
خلاص انا خدت قراري
وهشتغل بلطجي
وهييييييييييه
هييييييييييه

==================

يالا بقى وبقينا بلطجيه
ههههههههههههههههههههه

ربنا يسعد قلبك يا فقريه

سلاااااااااااااااااااااااااام
اخوكي ايهاب

mimi يقول...

وأنا بحلم أكون قطة ويكون أسمي بسبس
وامشي في الشارع وحد يقوللي خربش ، وما أشلش هموم خالص ، اما الأكل فالرزق علي الله
وانت بقي بتحلم بإيه؟؟

mimi يقول...

ممكن أقترح أقتراح..
لو هنا في المدونة دي قرار إنشاء كبارية مشترك مع خيخة وايهاب ... فممكن أطلب انه يتعملي حصة من أكل المطبخ للقطة أختكو ... وخربش

mimi يقول...

صباح الخير :::
أنا جيت هنا أقول مساء الخير وتصبحوا علي خير بقي

هندسة وصفية يقول...

:)
يعني مثلا الي يتجوز و يطلق هيبقي بعد كدة عنده كل الاختيارات ما عدا واحدة
الل لو كان غبي و ممكن يروح يتجوزها تاني

(أم البنين) يقول...

السلام عليكم ورحمة الله وبركاته
أخي الكريم
من المعلوم أنه ليس هناك زر لنضغط عليه فتتوقف الأحلام...وأحلام اليقظة
وإن فاض نهر ال؛لام...سيغرق كل شيء
لابد أن لا نستهلك أنفسنا في أحلام وإن كان حلما فلنحاول قدر استطاعتنا أن نحلم ونأمل بخير نفرح به ونستبشر عندما نقف بين يدي الله ونرفع رأسنا وننظر إلى وجهه الكريم يوم لقائه عزّ وجلّ
قد لا تملك شيئا بتاتا...لكنك بمعية الله تملك كل شيء...لأنك معه
أسأل الله أن يرزقك لذّة النظر إلى وجهه والشوق إى لقائه

princess يقول...

شكلك معجب بغادة عبد الرازق هى دى الخلاصة ههههههه
لا بجد نظريتك عاجبنى اينعم هيا بعيدة شوية عن الحقيقة لان الناس مش بتبص للامور بالشكل البسيط اللى انت بتتكلم بيه بس برده عجبانى:)

dodoo يقول...

نظريه فعلاً صح اوووووووى

اللى مش بيملك حاجه بتلاقيه معاه كل حاجه

بس زى ما قلت نعمل اللى علينا عشان نوصل لحلمنا ده

:::::::::::::::::::::::

مش عارفه ليه وانا بقراها فكرتنى لحاجه زيها لانيس منصور

هى مش نفس المعنى لكن افتكرتها وانا بقرالك

" من لا يملك شىء لا يملكه شىء "

:::::::::::::::::::::::::::

بوست جميل

تقبل مرورى

Rasha* يقول...

اللى معندوش حاجة عنده كل حاجة بعينيه عشان ناقصه كل حاجة بدماغه
لا مؤاخذه يعنى :)
فكرة واقعية جداً...ومتعبه جداً الا اذا الواحد سمع نصيحتك وسعى لملء عينيه ودماغه.
اسلوبك سهل وبسيط ودايماً فيه فكرة عميقه وحقيقية...من غير زيف.
تحياتى يا فندم :)

زقطـوطـة يقول...

لو بطلنا نحلم نموت
لو عاندنا...نقدر نفوت
: ))))
رؤية سليمة 100 %
الحمدلله
أنا راضية و مش ناقصني حاجة
ولا عايزة سيارة
ولا عايزة عغيس يا كوغومبو
ولا بدور على شغل
الحمدلله
التصالح مع النفس..أهم شيء في الحياة والله : )
أي نعم جه بعد شوقة
بس أهو جه : ))
تحياتي يا إيهاب
كالعادة..بوستاتك دايما قوية : )
أنا باجي كتير أوي عندك..بس ماكنتش بحب أعمل دوشة : )

كيــــــــــــارا يقول...

ههههههههههههههههههههههههههههههه

بصراحه تعليق نوران موتني من الضحك

هههههههههههههههههههههههه


وانا بقي مساعدتها ههههههههههههههههه

Foxology يقول...

تصدق فكرتنى بحاجة مهمة

زمان واحد صاحبى قالى حاجة حلوة اوى : احلم زى منتا عاوز بس دايما قبل ما تحلم اسأل نفسك هعرف احقق الحلم ده ؟ ولو لقيت نفسك مش هتعرف تحققه يبقى لازم تحققه :)


تحياتى :)

Tadwina.com يقول...

مرحبا شاب شنكوتي
لقد قام أحد المعجبين بمدونتك بإضافتها إلى تدوينة دوت كوم، بيت المدونات العربية.

قام فريق المحررين بمراجعة مدونتك و تصنيفها و تحرير بياناتها، حتى يتمكن زوار الموقع و محركات البحث من إيجادها و متابعتها.
يمكنك متابعة مدونتك على الرابط التالى:
http://www.tadwina.com/feed/489

يمكنك متابعة باقى مدونات تدوينة دوت كوم على الرابط التالى:
http://www.tadwina.com

لعمل أى تغييرات فى بيانات مدونتك أو لإقتراح مدونات أخرى لا تتردد فى الإتصال بنا من خلال الموقع.

و لكم جزيل الشكر،
Dr.ASAS
فريق عمل تدوينة دوت كوم.
http://www.tadwina.com

زقطـوطـة يقول...

مش عارفة أشكرك إزاي ؟
: ))))