الأحد، نوفمبر ٢٣

البلوره السحريه



يا صاحبي ياللي في الشده كنت بالجأ ليك
وفي نور كلامك بشوفلي طريق
ولما احس غبائي يستحكم
اروح واقولك شدني وانا غريق
انا كنت لما احس الدنيا بتضلم
واحس اني عبيط ومتنيل
انا كنت بجري على بابك واخبطلك
وانده واقولك شدني انا غريق
تفتح ببانك بلهفه وشوق
وتمد ايدك في ايدي تشدني للنور
وبمعلقه فضه بتلمع نور
تسقيني طعم العلم والمعرفه والنور
وافتح ببان القلب والشبابيك
واكب منه الغبا والضيق
واعبي عقلي وقلبي منك خير
صحيح انا مشكلتي مش وياك
ولا الحكايه خناقه كانت معاك
كل الحكايه انا وانت برده يا زوق
واقعين في حيره ولخبطه بالكوم
يا صاحبي مين ينجدك من الغبا
وانت اللي كنت زمان رمز الأمل والنور
بلورتك السحريه راحت فين
افتحها ابوس ايدك وورينا
شوف مين غلط ومين اذى مين
افهم وفهمني وقول للكل
وافصل بحكمك في امر الغل
ده انا كنت مطمن ومسنود بيك
ومعتمد على رؤيتك بعين العقل
دلوقتي بتزعقلي ومتغاظ ليه
د ه انا عمري ما خنتك ولا كدبت عليك
انا بس مش عايز قراري يكون
غباوه في غباوه وظلم في ظلم
فهمت يا صاحب البلوره يا صديقي

هناك ٢٠ تعليقًا:

Empress appy يقول...

هو مين ده انا مبقتش اصدق فى الكلام ده يا بني ما انت عارف اللى فيها ربنا على الظالم يا رب

Empress appy يقول...

وبعدين يا ايهاب بجد محدش بيشوف لحد الغل لما بيتولد فى القلوب والحقد والغيره بتقتل حسيى الله ونعم الوكيل استفتى قلبك يا ابنى
روح لربنا هو اللى يقولك متستناش بشر زيك وزي مد ايدك انت للنور وشوف حكم الخالق فى خلق البحور
متحتارش يا صحبى ومتحيرناش وياك

Doba يقول...

الموضوع مش بيتقاس ببلورة سحرية او رموز وبتتفكك

الموضوع وما فيه اننا نتعامل مع 3 حاجات
1- الدين
2- الضمير
3- العقل

تأكد لما تجمع التلاتة مع بعضيهم وتحكمهم كلهم وكل واحد فيهم قال كلمته من غير نفاق او تذويق تأكد انك هتوصل بمنتهى السهولة للحق والنور والعدل

بس انت صح
لازم تفكر كتير
علشان يبقاش الموضوع
غباوة ف غباوة
أو ظلم ف ظلم

أشكرك كتير قوى
تحياتى
هبة

princess يقول...

الفكرة مش فى البلورة الفكرة فى الدين والاخلاق وشوية حاجات لازم يبقوا موجودين فى البشر ومع الاسف مع الايام بيقلوا
تحياتى

رندا يقول...

صاحبك دة مش عايز بلورة دة عايزلة الساحرة الشريرة تحكيلة حكاية حلوة تفوقة ولا يهمك ياهوبة فى ناس بتنسى مع الاسف القلوب الى بتحبها ولا يهمك بكرة هيرجعلك ويطلب منك الصفح واكيد قلبك هيسامحة
طيب لية بلورة سحرية ياهوبة هو انت كنت بتخلية يشوفلك البخت اوعى يكون اسمة علاء الدين كنت حبستة فى مصباحة ومش خرجتة ههههههههههه

البلورة انشرخت وحتى لو اتصلحت مع الاسف الشرخ بيكون مكانة اتحفر فاهمنى طبعا اقصد اية خلى بالك من اى صديق الصديق ممكن يتقلب اكتر من العدو لانة بيكون عارف كتير او لكن العدو بيحارب ومش يعرف عنك حاجة

تحية صافية منى

البت المشمشية حلوة بس شقية يقول...

الدين ثم الدين ثم الدين ثم العقل ال بوست حلو اوى ياريت تنور مدونتى

حروف يقول...

كلامك حلو جدا محسسني بالحيرة الواحد في الزمن دة مبئاش حد عارف يروح فين ولا يعمل ايه ولا عارف هو الغبي ولا الناس هي اللي غبية هو الظالم ولا المظلوم كلاك كتير حلو واول مرة ادخل مدونتك

الـسـيـدة نـون يقول...

هو الكلام ده موجه لحد بعينه؟

حاسة انها رسالة لشخص ما
مش مجرد خاطرة

غير معرف يقول...

في حاجات كتيرة ممكن نشوفها من غير بلورة وبنبقى قادرين نستشفها من بداية العلاقة على اساس الدين والاخلاق والفكر المشترك تحياتي لكلماتك

اقصوصه يقول...

امممممممممم

اعتقد ان هالكلام

مش موجود

الا في عال الخيال

تدوينه جميله

تقبل مروري من هنا

محمد شوقي يقول...

السلام عليكم ورحمة الله وبركاته
لدي مشكلة عرضتها في مدونتي
http://la7zat200.blogspot.com/
ارجو اعاطئ رأيك

شكرا

حاسوباتيه يقول...

مين ده

م/ الحسيني لزومي يقول...

تم ارسال كود بنر الحملة الشعبية للقيد بالجداول الانتخابية علي ميلك
هل هناك مشاكل فنية في وضعه؟
مع خالص حبي وتقديري

Kiara يقول...

امممممممممم

افتي قلبك

قلبك هو بنورتك

قول يارب وهيجيلك الدليل

بس في حاجه مش مريحاني بينك وبين صحبك

عامة حتي في علاقتك بصحبك افتي فيها قلبك

ميرسي ياايهاب لسؤالك عني انا بخير الحمد لله

kh يقول...

السلام عليكم ورحمه الله وبركاته
ما هو صاحب البلوره لو شاف كل حاجه وعرفها يبقى اكيد يقدر يصلح الكون وطالما ان ده اختصاص ربنا يبقى ما فيش صاحب بلوره بس يبقى فيه واحد جوا كل واحد مننا هوا ده صاحب البلوره

الضميييير

وسلاااااااااااااااام

رندا يقول...

كل سنة وانت طيب

عيد سعيد عليك وعلى كل اسرتك

يارب تكون بخير

تحياتى

ahmed_k يقول...

رفع الحجيج أكفهم
يرجون رحمة ربهم
ورفعت كفي أدعوه
يجعل ثوابك مثلهم
وكل عام وأنتم بخير

م/ الحسيني لزومي يقول...

تقبل الله منا ومنكم
وكل عام وانتم بخير

kochia يقول...

(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)

غير معرف يقول...

ياريتها كانت بقت ببلورة سحرية

لكن للآسف لازم تتوافر اللى أهم من البلورة و أصعب منها

(الأخلاق)


كل سنة و انت طيب يا شنكوتى و عيد سعيد عليك