الأحد، نوفمبر 9

ابن البواب .... خسرتنا القضيه يا منيل



تحديـــــــــــــــــــــــــــث
يا جدعان مين قال بس ان انا بتهم البنت او بحملها الجريمه انا بقوله خسرتنا القضيه واثبت للكل ان البنت مش هي اللي عليها اللوم ده في قضية الأغتصاب لكن انا بتهم البنت وبلوم عليها في قضية التحرش بصوره عامه ان البنات برضه بقت بتتساهل قوي في لبسها وده في ظل ظروف بلدنا اللي كلنا عارفينها متوقع رد فعل الشباب يكون ايه متحطش البنزين جنب النار وتقولي متخافش متحطش اللحمه عريانه ورخيصه جنب الجعان وتقولي مش هيجي جنبها انما الأغتصاب ده قضيه محسومه طبعا وعمري ما قلت ان البنت هي اللي غلطانه وهي اللي تتحمل جريمه زي دي
انا لو ماشي في الشارع واتخبطت في واحد بلطجي بدون قصد وبعدين اتلفت رزعني بالبونيه في وشي نزلني مغمى عليا المفروض ان الناس تقولي انا عيب عليك تتخبط فيه ولا ايه بالظبط
الموضوع يا جماعه واضح ومفيهوش لبس او عدة اراء
انا بس حبيت اذكر جوانب قضية التحرش كلها من اغتصاب وعري وتسيب .


اكيد كلنا سمعنا عن قضية ابن البواب اللي حاول يغتصب الدكتوره وقتلها لما قاومته .
حادثه مفجعه ورعبت ناس كتير من فكرة ان حتى بيوتنا مبقتش امان واننا بقينا لازم نحرص قوي وننسى اسلوب زمان ونظام الدنيا امان والناس لسه طيبين مبقاش خلاص حاجه من الكلام ده

الواد ابن البواب استغل ان الدكتوره لوحدها وبالحيله اخد منها المفاتيح ودخل هجم عليها ولما قاومته قتلها و طبعا اتقبض عليه وبيتحاكم دلوقتي
المشكله بقى يا جماعه ان انا كنت من الناس اللي بتأيد فكرة ان انتشار ظاهرة الإغتصاب دي سببها الأول وليس الأوحد هو العري المتفشي والتسيب وتساهل البنات والستات في حاجات مينفعش يتساهلوا فيها ابدا وحتى موضوع التحرش في الشوارع ده كنت باني نظريه ان لجوء البنات للبس الضيق والشفاف واللافت قوي ده طلبا للجواز السريع هو ده السبب وراء التحرش .
بس المره دي الجريمه اثبتت ان نظريتي مش صحيحه قوي يعني
دكتوره وفي بيتها واكيد يعني لما تعرف ده متتوقعش انها بنت لسه عايزه تتعايق بجسمها وشبابها ولابسه محزق وملزق



طيب ايه السبب
ايه اللي ممكن نبني عليه الدوافع



مش قصدي دوافع الواد المجرم, ده دوافعه معروفه شاب ومش لاقي واكيد المخدرات لعبت دور هايل وفعال جدا ومفيش دين ولا تربيه ومفيش فلوس يظبط نفسه مع اي واحده بالفلوس وشاف ست جميله طمع فيها .
لكن انا بتكلم ايه اللي خلى المجتمع كله عباره عن مغتصبون بعد شويه بلدنا هيبقى اسمها المغتصبون المتحدون
كل واحد بيغتصب بطريقته
واحد بأيده وواحد بعينه وواحد بلسانه وواحد بودانه وواحد بمناخيره وواحد بيصدق على ده كله بجسده
طيب نبص على الطرفين بالراحه كده ونشوف مين اللي غلطان اكتر
ومحدش يرمي التهمه على طرف واحد
الطرفين في رأي بقوا مجرمين
ايوه مجرمين

نبتدي بالراجل الله يهديه
اولا دينا منعنا عن اننا اصلا نقعد في الطريق الا لضروره عارفين ليه علشان منتحرش بالنساء الماره ولا ننظر اليهم بصوره سيئه
والنبي (ص) قال انه لا يصافح النساء كل ده علشان منحاولش نلتصق بيهم باي صوره ومع ذلك تلاقي الناس في المواصلات احلى مكان ينقيه الراجل والعربيه كلها فاضيه لازم تلاقيه يجري يقعد جنب بنوته حلوه قاعده وسايب الكراسي الفاضيه كلها واحد تاني وهو معدي في العربيه تحس ان هو ناقص يقعد على رجلها وهو معدي جنبيها وياسلام بقى على اللي ماشي في الشارع وكل واحده معديه عينه في عينها يبصلها لدرجة انها تتخض منه وساعات تبصله باستغراب من نظرته هو بقى يقولك اهي استجابت للمعاكسه يقوم ناقل للمرحله اللي بعديها ويبتدي يسبل بالكلام
وغيره بقى اللي معندوش كلام يثبت بيه المزز يقوم ايه يخلي بنت حلوه معديه مهما كانت بقى وهوب تلاقي شتيمه قذره او نص قذره يرزعها في قفاها بدون سبب وكأنه ذنب انها حلوه وعاجباه
ده غير بقى الموضه بتاعت التحرش بالأيد وشد الهدوم والحركات دي وبتبقى جماعيه كمان تقريبا علشان ياخدوا ثواب الجماعه الله يهديهم




واللي برده غايظني هو سلوك الناس في الشارع ورد فعلهم لما بيبقى فيه موقف من دول, الناس بقت تنحه بشكل ولا ليهم دعوه كأنهم في اوروبا ولاد المنكوبه بنت بتستنجد وواحد بيضايقها والناس ايه تبص بتناحه كده وتمشي ويجيلك واحد ابن تيييييييت يقولك اصلها لو محترمه مكانش حصلها كده يعني هو البعيد اللي عاكسها هو اللي محترم بقى.




وياسلام على التحرش في الشغل وده انواع فيه المباشر القذر وده غالبا من شخص ليه سلطه عليها وفيه اللي غير مباشر يعني نظام عايز كل بنت تهزر معاه وتسلم عليه وتقف تهزر جنب منه شويه ودول معروفين والبنت تقدر توقفهم عند حدهم , اما اللي يغيظك بقى هم اللي غيتهم التريقه والشتيمه من وراها طبعا والتلقيح باشاعات وسفالات لا تصدق .

طيب كل ده وحاجات تانيه كتيره هي سفالات واسائات من الرجاله نيجي بقى للطرف التاني

تلاقي الستات ماشاء الله بقوا حلوين ونغشين كده في الشوارع وكأن لا عندنا دين بينهانا عن التبرج ولا عن العري وكأن التحايل على الدين بقى لعبتهم كل واحده ايشي باديهات وايشي بناطيل واتحدى بنت تقولي لا ده لبس محترم!!!!!!!



بلاش نضحك على نفسينا اللي بيغلط يقول بغلط ونفسي اتغير مش يقولي لا ده عادي ومفيهوش حاجه وحريه شخصيه
لو عايزين دي تبقى الحريه الشخصيه ونبقى زي الدول الأجنبيه يبقى تتحملوا الإغتصاب والسفالات وكل البلاوي اللي عندهم هناك مش تقوليلي الرجاله معندهاش نخوه
هي اصلا في النخوه اللي عند الرجاله اللي سايبين بناتهم وستاتهم بالمنظر ده وكأنهم عميوا فجأه ومحدش بقى شايف حاجه
المكياج بقى اجباري لكل بنت والحواجب اللي نهى الرسول عن المساس بيها بقت نضافه شخصيه الحجاب بقى مجرد منديل ملون على قد الراس والقصه بتهفف من تحتيه لحسن نقول عنها قرعه البدي مجسم كل تفصيله في جسمها واسمحولي اقول انكم عباره عن كتل دهن متراصه فوق بعضها وطبعا البنطلون اللي بحجة انه عملي ومريح في المواصلات لا هو عملي ولا نظري حتى ضيق لدرجه خانقه وجسم كل تفصيله حتى لون الأندر وير باين منه ده غير الساقط والذي منه وياسلام بقى على الحياء في الشارع الضحك بصوت عالي والهزار مع الشباب بالأيد وفي مناطق مذهله بصراحه في جسمهما مبقاش فيه مشكله في اي حاجه كله عادي
يعني تقدروا تقولوا ان البنت رخصت قوي عند نفسها علشان توصل للمنظر ده

عارف هتاحكموني على كلامي ده بس المصيبه بقت واقع ولازم نقول الحقيقه لنفسنا علشان ميبقاش بلدنا بعد كام سنه اكبر نسب للإغتصاب والدعاره عندنا
نفسي لما اخلف بنت تنزل تروح مدرستها وانا مطمن
بصراحه نفسي

هناك 16 تعليقًا:

~*§¦§ Appy §¦§*~ يقول...

طيب اصطباحه وخد القصتين دول علشات اثبت ل فعلا ان نظريتك كانت فاشله
من تلات سنين بنت جارتى فى مدينه نصر العمارة اللى بعدى اتصلت ببتاع الخضار راح الولد يودى لها الحاجات حاول يتهجم عليها لما صوتت كتم نفسها وقتلها
كل ده يمكن عادى الادهى البنت دى عندها 25 سنه متجوزة الكلام ده قبل عيد الام بيوم
عندها طفله مكملتش سنه
البنت محجبه ولما دخلت المباحث علشان المعاينات لقوها لابسه كويس مش فاتحه بقميص نوم
التانيه بقى
من كام يوم واحد اتحرش بواحده لابسه عبايه فى 6 اكتوبر وجوانتى يعنى لبس فضفاض
بجد يا ايهاب انا قولت لك ده له علاقه باخلاق صدقنى
وصباحه يا شنكوتى
على فكره برضه ملوش علاقه بابن بواب ولا ابن وزير فيه ولاد بوابين محترمين اوى بجد واولهم ولاد البواب اللى كان عندى فى مدينه نصر ربنا يحميهم له بجد اخلاق وشطارة فى مدارس ومساعده ابوهم كمان

كاميليا يقول...

مش عارفة اقولك ايه؟

شئ محزن بجد ...

كل يوم السلبيات بتزيد وتزيد

والانهيار يتوالى

من انهيار اقتصادى لانهيار اجتماعى لسياسى لأخلاقى .. طب وبعدين؟

إحنا رايحين فين؟

لو يوم رجعت بأولادى علشان نعيش فى بلدنا .. أقولهم ايه؟

هنا بنقول للصغيرين .. مش تتكلم مع أغراب .. مش تفتح الباب لحد .. مش تمشى فى شارع هادئ مش فيه ناس .. مش تتأخر للساعة كذا ده لو شاب او فتاه .. مش تشيل فلوس كاش أو تلبس ساعة قيّمة او شئ يخلى حد يستوقفك

ياترى هنوصل لكده؟؟

ربنا يرحمنا

تحياتى

جبهة التهييس الشعبية يقول...

لا يا عزيزي الشنكوتي نظريته وئدت في مهدها لان احداث التحرش في العيد الاولاني والتاني كان ضحاياها ستات محجبات ومنقبات
وفيه ست محجبة ولابسة جوانتي عباية واحد تحرش بيها لحد ما وقعها على الارض
ده اولا
ثانيا جريمة هتك العرض دي جريمة، زي السرقة زي القتل زي النصب والاختلاس
مافيش حاجة اسمها انت استفزتني فقتلتك يقوم تطلع انت اللي غلطان
انا سبت شنطتي على الترابيزة وقمت ده يبرر لك انك تسرقني؟

دي اعراض ناس يا استاذ شنكوتي
هو مش ربنا عرفنا ان اعراض الناس لها حرمة؟
اشمعنى سرقة فلوس الناس ماحدش بيلاقي لها تبرير وسرقة اعراض الناس كلكوا بتلاقوا لها تبرير؟

رئـــــيسـة حزب الأحلام يقول...

انا كنت معدية ومش ناوية اعلق بس القضيه دى بجد كل يوم عمالة تتفاقم
بشكل مذرى ومش عارفة نهايتها هتكون اية بس مااحبش القى اللوم على الضحية ودة الصراحة بيغظنى جدا الضحية ضحية يعنى لو واحد ماشى فى امان الله واتسرق من محفظته وانضرب هل المجتمع هيعاقبه ولا هيعاقب الجانى انا ارى التحرش كهذا ايضا ومعلش عاوزين نظرة حيادية شويه فى هذة القضيه المتحرش مثلة مثل السارق وانما ابشع وللاسف نلقى دوما على الضحية التى تصمت لانها تعلم نظرة المجتمع وافكاره
تحياتى

همس الاحباب يقول...

بصراحة متفق معاك فى بعض النقاط ومختلف فى بعضها
لانه مهما تكن البنت متبرجة او غبر ذلك
لايدعو ذلك الى التحرش والاغتصاب مهما يكن
ولكن فعلا ضاعت النخوة وانعدمت الاخلاق
واختفى دور المدرسة والمنزل فى التربية
والاشراف
ولا حول ولا قوة الا بالله
الموضوع اصبح جد خطير
اللهم ارفع مقتك وغضبك عنا

بت خيخة وأى كلام يقول...

طريقة لبس البنات اذا كانت فيها نوع من التحرر
ايوة بتشجع الغير على المعاكسة
ولو انى شايفة ان ده برضه مايديش الحق ان الرجالة تعاكسها او تتحرش بيها
لكن فى الحالة دى الغلط بيقع على الطرفين


لكن فيه رجالة ولاد كلب وسخين
ماتفرقش معاهم اذا كانت عريانة ولا منقبة
اهى واحدة ست والسلام
يعنى جسم مستباح للتحرش
وفى الحالة دى الغلط بيقع على الرجالة بس
لانهم معنهدمش اى مبرر انهم يتحرشوا بواحدة محترمة فى لبسها وطريقة مشيها

دى بتبقى وساخة بعيد عنك متعشقة جواهم

سلام
اختك خيخة

ahmed_k يقول...

الله ينور عليك يا هوبه
أختصرت المشكله وأسبابها فعلا في البوست ده
الخطأ بالفعل يقع على عاتق الطرفين ولابد أن يصلح كل فرد من نفسه لينصلح حال مجتمعنا
يعني الشاب اللي أهله مربوهوش وبيتصرف التصرفات الحمقاء دي يحاول يعف نفسه ويبحث عن الحلال ويتأكد بأن الله سيسهل له أموره ويساعده للوصول للعفه
والبنت اللي بتتهاون في حدود الله عليها أن نراعي الله في نفسها وتصلح من حالها وتمتنع عن التبسط اللي ودانا في داهيه
بجد عجبني كل ما قلت وربنا يجعل لكلماتك
آذانا مصغيه وعقولا متفهمه

حاجه أخيره تليفوني أصيب بوعكه صحيه فأضطررت لعمل سوفت له فطارت كل أرقام التليفونات فياريت تكلمني عشان اخزن رقمك من تاني

دمت بكل خير يا صديقي

princess يقول...

معلش انا شايفاك شوية متحامل
معاك ان فى بنات بتلبس وتتصرف زى ما انت قلت
ومش مجال ان كل حد يدخل هنا يتكلم عن نفسه ويبرىء نفسه لان ربنا شاهد
بس انا اتصدمت فى نظريتك اللى قلتها فى الاول لانها مش مبرر للجريمة دى خالص
وبرده انا ضد كل التصرفات او اللبس اللى مش كويس لانها مش حرية خالص زى ما انت قلت
وعلى فكرة حتى المنتقبات بيتعاكسوا!!
انا قصدى ان المشكلة جوانبها كتيرة اوى وكل الاطراف عليها مسئولية
تحياتى

kochia يقول...

يا تري الموضوع ده بقي ظاهرة في بلدنا ؟؟
يعني المفروض ندرس ونحلل بقي ونحط مناهج دراسية وبرامج اعلامية زي الظواهر السيئة التانية؟؟؟

هذا اكثر ما يحزنني .. انها في سبيلها انها تبقي ظاهرة للاسف

الشنكوتي الكبير يقول...

آبي يا بتنجانه انتي

ازيك الأول
ثانيا بقى انا مقتنع بكلامك وعارف ان فكرة تحميل البنت الجرم كله او حتى جزء كبير منه ده مش صحيح لأن الأغتصاب جريمه قذره وبشعه لا يبررها اي شيء
لكن انا حبيت في الموضوع ده اطرح وجهة نظري في لبس البنات وتصرفاتهم حاليا واللي في الغالب بيعملوها بحسن نيه وده معناه انهم انربوا على ان ده صح
ومعنى كده ان المصيبه بقت في التربيه من اساسها في حاجه ناقصه
فهمتي بقى
انما انا مش بقول ان علشان بنت لبست حاجه عريانه حتى نقوم نهجم عليها نغتصبها

سلااااااااااااااااااااام

==========================

كامي

انتي جبتي النقطه اللي خايف منها بجد
اننا بكره هنربي ولادنا على انهم عايشين في بلد كل اهلها مش موثوق فيهم انهم يخافوا من جارهم واصحابهم ومدرسينهم
فاضل ايه بعد كده
ربنا يسترها
سلامي لعريس الجميل

سلااااااااااااااااااااااام
اخوكي ايهاب
------------------------

جبهة التهييس الشعبيه

بالراحه بس هو انا قلتلك انا هاغتصب حد بالراحه كده انا مقتنع برايك ان العري والتبرج والتسيب اللي بقت فيه البنات دلوقتي مش مبرر للإغتصاب لكن انا بس حبيت اوضح ان البنات لازم تاخد بالها من اخطائها ايه
وان التحرش ممكن يكون بسبب استفزازها لمجرم او حتى شاب عادي ولا هو القضيه بس في الأغتصاب
النظره والكلام والمعاكسات بأنواعها برده اغتصاب وبجد بيبقى لبس البنت وحركاتها سبب كبير في انها تتعرض للمعاكسه
انما الأغتصاب فده مفيش جدال بينا انه جريمه ميحتملهاش الضحيه بأي حال من الأحوال

---------------------

رئيسة حزب الأحلام

فكرتيني بسعيد صالح
انا كنت معديه قلت اخد الجمعيه
بصي زي ما بتقولي مينفعش نحمل الضحيه الجريمه
لكن انا يا ناس بتكلم عن فكرة ان البنت برده مسؤله بنسبة ما عن اللي بيحصل في البلد سيبك من الأغتصاب دي جريمه معروفه من زمان مالهاش دعوه بلبس البنت او غيره لكن انا بتكلم عن حال المجتمع ككل دلوقتي من تسيب
معاكسات وتحرش وغيره

--------------------------

خالد همس الأحباب

حبيب قلبي ازيك اخبارك ايه
عموما يا سيدي ماختلفناش ولا حاجه متفقين انشاء الله
----------------------

بنت خيخه واي كلام

يا باشا اللي تقوله صح من غير نقاش
بس يعني بعد اذنك اقولك على حاجه
في الأغتصاب البنت ولبسها وتصرفاتها مبيبرروهوش وده متفق عليه
لكن في المعاكسه لبس البنت لو كان مستفز بالطريقه المنتشره دي انا شايف انه مبرر قوي جدا للمعاكسه اللي مش عايزه تتعاكس مبتلبسش لبس يكشف جسمها بالطريقه دي
خلينا نتكلم بصراحه اللبس بقى دعوه صريحه للفرجه على اجسامهم
اما عن العينات اللي مبيفرقش معاهم محجبه ام لأ اهي ست وخلاص دول مش كتير دول الشواذ عن القاعده وده شيء طبيعي لكل قاعده شواذ ودول ناس زباله لا فارق معاهم لبس او اخلاق او غيره زيهم زي اللي بيسرق مال اليتيم مبيفرقش ده يتيم ولا مش يتيم حاجه كده يعني

نورتيني يا سكره

---------------------

احمد باشا اخويا وحبيبي

ربنا يحفظك ويحفظ بناتنا ويهديهم

انت فهمتني يا برنس

--------------------------

princess

يا استاذه انا نظريتي نوع من السخريه مش اكتر يعني مش ده رأيي ولا حاجه مفيش حد يقدر يبرر جريمة الأغتصاب باي دافع
المهم يعني انا مش متحامل على البنات ولا حاجه تقدري تنزلي شوارع المحروسه كلها وتتفرجي الوضه وصل لأيه
متقوليليش ان البنطلون اللي هيفرقع لأنه منتشر يبقى محترم مش معنى انتشار الخطأ يبقى كويس
البدي والعريان والمكياج اللي يليق بالكاباريهات بقى حاج كويسه
من الأخر الوضع بقى زفت خالص وانا مش متحامل ولا حاجه انا بقول اللي انا شايفه
واوعي يا بنت تزعلي مني
سلاااااااااااااااااااااااام
اخوكي ايهاب

--------------------------

كوشيا

يا بنتي هو كل همك المناهج الدراسيه
ههههههههههههه

عمر التعليم في بلدنا ما بيصلححاجه
لازم الموضوع ينبع من الأهل اولا

سلاااااااااااااااااااااااااام

اخوكم ايهاب

كـــيــــــــارا يقول...

مش اللبس اقولك انا ليا اصحاب منقباااااااااااات

وعهد الله بيتعاكسو وبيتم التحرش بيهم

والله ما بلبس

princess يقول...

ايهاب
انا مقلتش اللى بيعملوه صح
انا قصدى انه دينا زى ما قال البس والحاجات دى غلط ما قالش لو حد عامل كده يبقى مستباح يتعمل فيه اى حاجة فاهمنى؟
طبعا زى ما انت قلت الوضاع من سيىء لاسوء اكيد مثلا واضح فى كتابتك انك حد محترم لو شفت بنت فى الشارع لبسة مبالغ فيه هتعاكسها
طبعا لا
الى يمنع عشان دينك قال لا
ده اللى اقصده
مش قصدى ادافع عن البنات اللى بتعمل كده
اتمنى تكون فهمت قصدى\
تحياتى

الشنكوتي الكبير يقول...

كيارا

عايزه الحق ولا ابن عمه
انا مش هاكدب ولا ادافع بالباطل عن الموضوع ده لأني لاحظته فعلا
المنقبات بالذات بيلفتوا نظر الشباب هتقوليلي ازاي دي منقبه يعني ملتزمه جدا اقولك علشان الممنوع مرغوب في بعض الشباب ودول صدقيني مش كتير بتلفت نظره قوي فكرة المنقبه دي وتلاقي عينه في عينها بتناحه رائعه
وده طبعا راجع لكلام بعض السفله عن ان المنقبات بيداروا بلاوي ورا النقاب والكلام الفاضي ده
فالبتالي عقله المتخلف بيصورله انه ممكن يقع في واحده من دول ويلاقي سكه معاها
طبعا ده غير ان فيه منقبات عنيها تهبل بجد يعني بس مش تقولي لحد طبعا
ههههههههههه

انا معاكي ان الموضوع استفحل لدرجة ان مبقاش في قاعده ولا حل جذري واحد ليه الموضوع بقى ليه مئات الاسباب بتختلف من شخص للتاني وكل واحد عنده تبريره الخاص
ربنا يهدي الناس كلها يارب

متشكر على ردك

----------------------

princess


يا اميرتنا الجميله بصي انا برده مقصدش طبعا انها علشان غلطانه تبقى مستباحه كده بس انتي عارفه هو الموضوع زي ايه لما يبقى عندك عيل صغير وبيلعب مع واحد مش كويس لعبه خطر وبعدين يقع يتعور او يتخبط خبطه صغننه كدههتقوليله احسن علشان تبطل معاه تاني لكن لو لقيتي الواحد ده قطع صباعه بعد الشر يعني هتروحي تقطعي رقبته مش هتقولي انت اللي غلطان علشان لعبت معاه
هي نفس النظريه لما البنت بتلبس مبالغ فيه كده وتحول صورتها من بنت ناس لبنت ليل غصب عنك هتقولي هي اللي عايزه تتعاكس لكن لو حد هاجمها واغتصبها اكيد هتلاقي نفسك عايزه تقطعي رقبته ومفيش اي مبرر لتصرفه ده


اما عن اني مش هاعاكس بنت لابسه محزق فده لسببين اولا علشان ديني منعني والحمد لله
ثانيا علشان غاده لو عرفت هتقطع رقبتي انتي مش عارفاها اصلك
هههههههههههههه

وربنا يسعدك ومتشكر على ردك الجميل ده

سلاااااااااااااااااااااام
اخوكي ايهاب

كباريه يقول...

شنكوتي العسل


موش عارفه ليه حاسه أنك أتغيرت جامد


مكنتش كده اول ما بديت تدوين

صدقني البنات ماشيه عريانه في اماكن كتير من الدنيا احنا اللي عندنا حاجه غلط

موش الحجه لبس البنات، ده مرض نفسي وإجتماعي ،اقول لك على حاجه في البلد اللي انا عايشه فيها، فيها السنه دي هجمه من المصريين اللي بيشتغلوا في مهن بسيطه زي مشرف أمن في مول ، بياع بيوزن الخضار في سوبر ماركت كبير وغيرها، تصدق أنهم الوحيدين من الجنسيات التانيه الموجوده هما اللي بيلقحوا كلام على الستات والبنات، تعرف ليه لأنهم لسه مايعرفوش قوانين البلد وإن اللي يعمل كده بيسجنوه ويسفروه، علشان كده وبعد كذا شهر ممككن تلاقيه موش موجود في نفس المكان

لأنه إطرد

دعاء مواجهات يقول...

كل واحد بيغتصب بطريقته
واحد بأيده وواحد بعينه وواحد بلسانه وواحد بودانه وواحد بمناخيره وواحد بيصدق على ده كله بجسده

جبت م الاااخر

لأن الاغتصاب مش بس المفوم بالشكل الكامل لكن لانظرة نفسها فيها دة

تحياتى كمان لإعترافك

ان البنت مش دايما شريك فى الجريمه

بتجيب انت م الاخر ديما

بيس ياهووبا

kiki يقول...

情趣商品,情趣用品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

情趣用品,情趣,A片,AIO,AV,AV女優,A漫,免費A片,情色,情色貼圖,色情小說,情色文學,色情,寄情竹園小遊戲,色情遊戲,AIO交友愛情館,色情影片,情趣內衣,情趣睡衣,性感睡衣,情趣商品,微風成人,嘟嘟成人網,成人,18成人,成人影城,成人圖片,成人貼圖,成人圖片區,UT聊天室,聊天室,豆豆聊天室 ,哈啦聊天室,尋夢園聊天室,聊天室尋夢園,080苗栗人聊天室,080聊天室,視訊交友網,視訊

借錢,黃金,黃金回收,黃金價格,黃金買賣,當舖

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍