السبت، يوليو ٥

الى الغردقه


نبأ هااااااااااااااااااام

رحلة شرم والغردقه في بيوت الشباب احجز الأن

شرم الشيخ 70 جنيه بالأضافه الى 20 قيمة اشتراكك في بيت الشباب

الغردقه 60جنيه بالأضافه الى 20 قيمة اشتراكك في بيت الشباب


الرحله اربعة ايام وثلاث ليالي

مواعيد رحلة الغردقه

13 - 7

15 - 7

29-7

مواعيد رحلة شرم الشيخ تقريبا مقاربه ليها بس مش فاكرها

روحوا بنفسكم بقى الحقوا قبل الحجز ما يخلص



طبعا كلكم عارفين ان بلدنا فيها حاجات جميله كتيييييييييير قوي بس كالعاده مش للناس اللي زينا العاديين او حتى لو هي لينا بتتحول كده بقدرة قادر لغيرنا وتختفي عننا زي مثلا الرحله دي اللي بقول عليها فرصه جميله تروح اماكن تجنن وباسعار تعتبر ملاليم بالنسبه لأسعارها تبع اي شركة سياحه لكن الغريب ان مفيش ناس كتير تعرف عنها حاجه بيوت الشباب نفسها مبتروجش للموضوع كأنه حاجه عيب انها تتعرف عنهم لكن انا عايز كل اللي ليه مزاج يصيف في مكان شيك ولذيذ وميدفعش كتير لازم يدور على الفرص دي ويلحقها قبل ما تتهف وتضيع مننا زي كل حاجه ما هي ضايعه


الغردقه شباب وبنات

شرم الشيخ للشباب فقط البنات يمتنعون

مش علشان حاجه معينه بس هو نظام البيوت كده نظرا لعدم توافر قسم سكني للبنات في شرم بعكس الغردقه ليهم جناح مخصوص ليهم


والحاضر يعلم الغايب والغايب يسال الحاضر

انا عن نفسي حجزت في رحلة 15 - 7 اشوفكم على خير انشاء الله

اه كنت هنسى العنوان

1 ش الأبراهيمي جاردن سيتي بجوار سفارة كندا وسفارة السودان

ت 0227940527

هناك ٣١ تعليقًا:

كاميليا بهاء الدين يقول...

هههههههههه

طيب انا أعلق اقول ايه بقى؟؟

عموما

رحلة سعيدة وممتعة ان شاء الله
بس مش تنسى تاخد القمر معاك
ماهو مش هاتصييف لوحدك يعنى

تحياتى

Mafrousa يقول...

رحلة سعيده

فارس بلا جواد يقول...

شكرا يا إيهاب علي المعلومة .. فعلا الواحد محتاج يزور الاماكن دي ..لان مصر بلدنا فيها أماكن روعة وعيب أننا مازرنهاش لحد دلوقتي
بس ماعرفتش الموضوع ده تبع الجامعات ولا مراكز الشباب ولا ايه بالظبط

nigro يقول...

ده إعلان ده ولا إيه يا أبو الشناكيت؟
بس تصدق بالله انت راجل جدع على حركة زي دي

رحلة سعيدة يا ريس

يلا سلام

سمر الشافعى يقول...

رحله سعيده ياشنكوتى ويارب تتبسطو هناك وهنستناك لما ترجع تحكيلنا بقى اللى حصل

Doba يقول...

رحلة سعيدة
وبلاش شقاوة
لاحسن انت عارفة
هنبلغ الحكومة كلنا
وتروح ف حيص بيص
وبدل متتفسح
تتلسوع
==========
ترجع بالسلامة

Ehab يقول...

كامي

ازيك يا عروستنا
وبعدين هو ايه اللي اخد القمر معايا هوا انا رائد فضاء يعني
هههههههههههههه
ومينفعش طبعا اخد القمر امال يبقى مصيف ازاي بس
ههههههههههههههههههههه

سلااااااااااااااااااااااام
اخوكي ايهاب

=======================

واحده مفروسه

الله يبارك فيكي وخدي بالك اهو مش تايم شير ولا حاجه
ههههههههههههههه

ربنا يسعدكم

سلاااااااااااااااااااام
=============

فارس بلا جواد

يا باشا الموضوع تبع بيوت الشباب دي منظمه علميه مش مراكز الشباب وبعدين مفيش اي شروط للموضوع صورة بطاقتك وصورتين شخصيتين فقط لا غير
عايزين نشوفك هناك

-----------------

نيجرو

حبيب قلبي يا كبير

يا باشا لو كان ينفع تيجي معانا هانبسط قوي شوف نظامك ايه عايزن نطلع ونغيظ البنات اللي عمالين يخرجوا مع بعض ويعملوا تجمعات مدونين بنات
وانا لازم اروح اغيظ خيخه
يالا شد حيلك كده

سلاااااااااااااااااام

=================

سمر الشافعي

برده هنستناك مشبعتيش من بوست انتظار
يا ستي الله يسعدك
عموما انشاء الله هابقى اوريكم الصور بس بعد الرقابه ما تسمح بنشرها
هههههههههههههه

سلااااااااااااااااااااااام

=====================

دوبا

يا بنت عايزه تبلغي عني الحكومه بتاعتي
عموما انا واخد منها تصريح بس من غير شقاوه طبعا

ومن غير حضرتك ما تقولي هي اكيد هتوصي المخابرات الأمريكيه والوسفيتيه والجستابو وكل الناس

سلاااااااااااااااااااااااااااام

بنوتة من وسط البلد يقول...

يا سيدى رحلة سعيدة
بس لما ترجع ابقى قولنا اخبار البراغيت فى بيت الشباب نظامها ايه .. اليفة يعنى ولا ايه .. ؟؟

وبعدين رحلة ايه دى الى ب70 و 60 جنية ... انتوا رايحين مششي ..؟؟ :)


ع العموم بجد بتمنالك رحلة سعيدة .. وترجع بالسلامة يا اخويا ان شاء الله :)

قوس قزح يقول...

و الله يا ايهاب انت نعم الاخ
و بتفكر فى اخواتك كمان
ربنا يجزيك خير على المعلومة دى
لان فعلا كتير ميعرفهوش حاجة عن بيوت الشباب

الاهم بقى
انك لما ترجع تحكى لنا على البيوت دى و ايه عيوبها و ايه مميزاتها

تروح و ترجع بالسلامة

مواطن مصرى نايم يقول...

يا بختك يا بوب
مفيش عندنا فى اسكندرية الكلام ده
حتى شرم الشيخ اللى تبع الكلية وكيل الكليه اللى هو ابو اعز اصحابى
اللى خلاص انا كرهته هو و ابنه بسبب انه لغى الرحله
ههههههههههههههههههههه
اه و الله اتلغت

ثوانى ادعى عليهم
منك لله يا اسامة انت و ابوك

عدنا
رحلة سعيده يا بوب
تروح و تيجى بالسلامة
تحياتى
eslam

كيكى عوووووو يقول...

عووووووووووووووووووووووو انا جيت اتخديت
............................
اةةةةةةةةةةةةةةةةةةةةةةةةةة هتسفررررررررر
ياا بن الاية.....
وانا قعدة اغسل فى الموعين....
على العموم رحلة سعيدة..بقولها من معميق معميق قلبى.....
ربنا يستر عليك بقى
عوووووووووووووووووووووووو

Unknown يقول...

و الله اسعار خيالية فعلا
اوعى بس تكون حركة نصب و لا حاجة
:)
ان شاء الله تقضوا وقت سعيد

klmat يقول...

ترجع بالف سلامه ورحله سعيده بأذن الله
اعلانك للرحله بيدل على نفس جميله ترغب
فى سعاده الآخرين
ربنا يسعدك ويوفقك

الـسـيـدة نـون يقول...

تروح وترجع بالسلامة يا شنكوتى

والف الف الف شضكر على ردك غيبتى

متحرمش منك
اختك خيخة

دعاء مواجهات يقول...

ايوا ياعم ع الرحالااات ياعم

وانا اقول ولا بيسال

ولا بيقوول انا فين

ولا ترجعى بالسلاامة

ولا اى حاجة

اتاارى بقى

ربنا معاك ياعم

سلااام

حنين القلب يقول...

رحله سعيده ان شاء الله
تروح وترجع بالسلامه
خلى بالك من نفسك ومن اللى معاك
سلام يا ايهاب

Radwa يقول...

رحلة سعيد
بس بجد معلش مش تعملوا حسابى فى الرحلة دى خالص

رصيف نمره خمســــــه يقول...

ياعم ياعم ع الرحلات الى الغردقة طويب انا مش هحسدك ولا هحقد ولا اى حاجة بماانى بدرس كورس ومعرفش اتحرك ولا اسافر بس ربنا معاك وتستمتع كده وتشحن وترجعلنا وترجع بالسلامة

حلوة فكرة بيوت الشباب واسعارها اول مرة اشوفها بس هسأل برده

سلااااااام

saragebaly يقول...

رحلة سعيدة باذن الله

سارة

maha zein يقول...

الله
حلوة جدا
عارف انا طلعت تبع الجامعة بتاعت الغردقة
والله الغرف وهمية
والسكن ليه شط لوحده
وفيه مراجيح كمان
الله
والاكل حلو جدا
رحلة سعيدة
والله جريت ريقي يا شنكوتي انت
كده تعمل فيا كده
اعمل ايه
اهرب انا دلوقت واطلع الرحلة ولا اعد اتحسر واحقد عليك
رحلة سعيدة يا عم

ahmed_k يقول...

أول زياره لي لمدونتك الاقيك عامل اعلان رحلات
كويس ياريت تحجزلي معاك رحلة الغردقه
اصلي نفسي اروحها ههههههههههههههه

تنور يا ايهاب ولما تيجي اديني تليفون ونعمل اجتماع مدونين
اشمعنى المدونات يجتمعوا لوحدهم
تليفوني 0105600059
نشوفك في الغردقه

سلااااااااام

•√أريـ السمر ـج√• يقول...

شعور جميل انك تعلن عن معلومة زي دى لعل الغير يستفيد

ان شاء الله رحلة سعيدة و عودة سالمة

كلبوشستان يقول...

ترجع يا شنكوتي بالسلامة وتحكي لنا بالتفصيل عن كل اللي شفته قصدي الاماكن بلاش الظن الوحش دا يا ساتر

يلا مستنيك لغايه لما اروح اعاين الاماكن بنفسي

اشوفك بخير ان شاء الله

فى القلب يقول...

طروح وترجلنا بالسلامه باجمل قصص و أجل صور وأجمل مشاعر يا جميل

فى القلب يقول...

طروح وترجلنا بالسلامه باجمل قصص و أجل صور وأجمل مشاعر يا جميل

سبهللة يقول...

انا نزلت مرة فى بيت شباب شرم ومة فى الغردقة وبصراحة ولا كأنى كنت فندق

ahmed_k يقول...

ازيك يا هوبه
انا لسه سايبك
بس جيت حبيت اطمئن عالمدونه أخبارها ايه
يا جماعه ايهاب انهارده من الساعه 8 صباحا حيطلع يزور الجزيره داخل أعماق البحر الأحمر
يعني حيركب لنش يوديه الجزيره هو وبرفقته صديقاه الأحمدان (انا مش فيهم طبعا )ويرجع ان شاء الله الساعه السادسه مساء
حكون في أنتظاره وأقابله بعد ميرجع من الرحله البحريه

اديني قلتلكم اخبار ايهاب

يلا سلاااااااااااااااام

shabfa2re يقول...

الف شكر يا شنكوتى يا كبير

غير معرف يقول...

ياستاذ شنكوتى
الكلام الى بتقوله على بيت شباب شرم الشيخ دا غلط
هو فيه جناح كامل للعائلات والبنات الفرادى , جناح الشباب بدون حمام خارجى , وجناح العائلات بغرف فيها حمام وبيفصل بينهم الريسيبشن
اخوك / تامر العشرى موظف استقبال فى بيت الشباب شرم الشيخ
واى استفسار دا رقم تليفونى الخاص
0101980974
0122474696

Ehab يقول...

تامر العشري

شكرا ليك جدا على كلامك والمعلومه
وياريت تبقى بداية معرفه طيبه
تحياتي ليك

سلاااااااااااااااااااااااام

غير معرف يقول...

لقد مجدت رحله الغطس في البحر الأحمر مع www.saratours.de و أنا منتظر بفارغ الصبر لهذه الرحله . هل تعامل اي شخص هنا مع الشركه .اكون شاكرا باي نصيحه