السبت، يوليو 19

في الغردقه شفت كتيييييييييييير




اهداء الى احمد صديقي من الغردقه



عايش عمرك كله بتسمع
ناس بتقولك اوعى تصاحب
وان الصاحب حاجه صعيبه
وانك تلقى في وسط الغابه
ناس فيها طيبه
ناس جواها صداقه وحب
ناس رجاله بجد الجد
ناس من غير ما تفكر تطلب
هم يقابلوك زي اخواتك
يوم تقابلهم تلقى عنيهم
فيها رجوله وحب وطيبه
خير جواهم مالي قلوبهم
من غير ما المصلحه بيك تربطهم
هم كفايه عليهم انك
تبقى صاحبهم من حبايبهم
حتى سلامهم لما تشوفهم
اول مره تشوفك عينهم
احلى سلام في الدنيا تشوفه
زي ما اكون واقف في الغابه
وفجأه الاقي ايد يتاخدني
وبتحضني
سابلي النمره قال كلمني
لما طلبته راح مقابلني
شاب لقيته
راجل حق
جوه عيونه طيبه وحب
وفي اخلاقه زي الأب
اخ كبير واقف مستني
لما اقابله ياخد بأيدي
شافني وشفته
فرحت بطيبته
راجل نادر اني اقابله
ياما كان نفسي
انه يكون عايش في بلدنا
بينا وبينه مسافه طويله
الغردقه مشوارها يا احمد
صعب علينا
ساب مصلحته
وقلق راحته
وقابلني وكأني انا ضيفه
انا مش هاقدر اقولك حاجه
غير كلمه قالهالي ابويا
انك لما تقابل راجل
فعلا راجل
هو ده كنزك اللي لقيته



احمد من الغردقه وهو احد المدونين الجمال جدا اصله صعيدي شخصيه جدعه جدا اول لما عرف اني مسافر الغردقه سابلي رقمه وقابلني هناك وقام معايا بأجمل واجب وكأني ضيف عليه في بيته مش معدي بالصدفه من بلده وبجد بجد عرفت ان معرفة الرجال كنوز
حقيقي يا احمد انا بشكرك على موقفك الكريم معايا انا وزمايلي
انشاء الله هاحكي عن رحلة الغردقه بس حبيت ابتدي بالشخصيه الجميله دي

جزاك الله خير يا احمد

هناك 32 تعليقًا:

ahmed_k يقول...

أخي وصديقي ايهاب

تعجز كلمات الشكر عن وصف ما يجول بخاطري تجاه قلمك وما خطته اناملك من مشاعر تعبر عن اخويه وحب صادق
فجزاك الله عني كل خير
اخي ايهاب
كتبت كلماتك الجميله رغم تقصيري معك جدا
فأنا لم تسعني الظروف لقضاء كل المده هناك برفقتك
ولم أقم اتجاهك بالواجب اللأئق بك كما كنت احب ان يكون
ولكنها البدايه ولنا لقاءات ولقاءات
وأدعو الله العلي القدير ان يديم المحبه والأخوه الصادقه فيما بيننا

نعكشة يقول...

ربنا يخليكوا لبعض يا رب

فعلاً كنوز

مش عارفة أقولك انا فرحانة ازاي

الواحد بيبقي نفسة يقابل ناس زي دية

فعلاً ربنا يعزكوا يا رب
و يعزك يا أحمد و يعز كل امثالك

دمتما سالمين

سلامٌ عليكما

كاميليا يقول...

حمد الله على السلامة

يارب تكون اتبسطت واتغردقت كويس
D:

فى انتظار جديدك

شوية نشاط بقى ...

تحياتى لاخى العزيز

appy يقول...

حمد لله على السلامه يا ايهاب
يا رب تكون عجبتك
اما احمد فبجد حسيت فيه الجدعنه حتى من ردوده عند الناس

Doba يقول...

ماشى
ماشى

بقى نا كنت ناوية اعمل فيك زنبه
ونبلغ عنك الحكومة بانك رايح بلد البنوتات القمرات

الاقيك راجع بتحكى عن أحم
مش هعرف يعنى افرح فيك انا

ماااااشى
ماااااشى
المرة الجاية
ها
==============
جميل من نصادف فى طريق حياتنا
الحمد لله انت انسان ممتاز وتستاهل كل الخير

ربنا يبارك فيك ويسعدك
تحياتى
هبة

lyssandra يقول...

حمدالله علي السلامة

مستنيين الجديد

بس عاوزين جديد هنا وفي المدونة التانيه

لا تكتفي بالتعليق بس

أظن رحلة زي دي الواحد يرجع منها مرتاح جدا وباله صافي أوي
تقوم تظهر إبداعات جديدة

---------------------------

فعلا معرفة الرجال كنوز
ومش بالوقت بتتكون الصداقه
بالوقت بتكتشف اذا كانت صداقه حقيقيه او مزيفه
انما الصداقه من وقت بدايتها اما بتكون صح أو بتكون غلط
فمش صعب انك تحس باطمئنان وراحه واعتزاز بشخص ماقابلتوش غير لفترة قصيرة

ربنا يسعدك بمعرفة الكنوز فعلا

دمت بألف خير
تحياتي يا أخي


lyssandra

فى القلب يقول...

والله راجل قابل رجل

جسدى اقشعر وأنا أقراء كلمات صادقه حقيقيه من القلب لصديق

معنى الرجوله من النادر الأن وقد رأيته وأنا أقراء الان

أعذك الله شنكوتى و رفع شأنك أنت ومن تحبهم

بت خيخة وأى كلام يقول...

ايهاب الجميل
انا لسة ماقريتش البوست ده بصراحة
لكن جاية اقولك
انى قريت تعليقك عندى على البوست بتاع يصبح ويابح

وعايزة اعرف حاجة واحدة بس
انت ناوى فعلا تكمله وتنشره عندك
ولا اخد الجزء اللى انت كتبته عندى وانشرهولك انا فى بوست عندى؟

علشان لو هتكسل تنشره عندك
انا بجد مش هاقدر استحمل انه يكون مجرد تعليق
ده لازم يكون بوست علنى مقروء من الجميع


انا وبلوجى تحت امرك
هاستنى يومين كدة
لو مارديتش عليا ولو مكملتهوش ونشرته عندك
اسمحلى انا هانشره عندى
علشان بلوجى يزداد شرف بكلامك ده


تحياتى ليك

اختك خيخة

دعاء مواجهات يقول...

فعلا عالم التدوين بيدينا فرصة جميلة اوى ونادرة اوى اوى اننا نعرف ناس جميلة جدا

كان صعب اوى نعرفهم فى فرص تانية

انا جربت دة

تحياتنا ليك ولأحمد وللغردقة

منورنى ديما


بيس

ňįĝŗő يقول...

أبو الشناكيت
إزيك يا هوبة
حمدلله على السلامة يا ريس
من الغردقة و شواااارع الغردقة و اسفلت الغردقة و بحر الغردقة و هوا الغردقة
بصراحة عجبتني قوي كلمة في تعليق ( في القلب )

راجل قابل راجل

و انت راجل يا إيهاب .. بجد الجد

ما تتأخرش علينا يا معلم و احكيلنا عن الكتييييييير اللي شوفته في الغردقة و شواااااااع الغردقة و ......


يلا سلام

ساعد نسرين الايمن يقول...

عاجبني اوي مشاعرك ناحيته
ربنا يجمع بينكم دايما ف كل خير
كمان عاجبني رده اوي
اد ايه المشاعر بتاعكم جميلة
ادام الله الود

enjy يقول...

هو طبعا اكيد واضح من كلامك ان معرفته كنز بس كمان لمجرد انك حسيت بكدة وشلت جميله يبقى انت كمان راجل محترم ومعرفتك كنز.............
اما بقى الشعر جميل جدا ومعبر و يا بختك بصحوبيته ويا بخته بصحوبيتك....

Do not Press F1 يقول...

السلام عليكم
بجد حاجه تفرح انك تلاقى حد كويس معاك فى الزمن دا.
بجد انا بحس الاحساس دا مع صاحباتى اللى على الرغم من انى مش بشوفهم طول السنة الاانى لما بقابلهم بحس باحلى احساس فى الدنيا احساس انك تلاقى حد بيحبك لوجه الله احساس انك تلاقى حد بيفرح بوجود وسطهم احساس انك لو احتجت نصيحة هيكونوا اول حد ينصحك احساس لو اتزنقت فى اى حاجه هتلاقى ايدهم بتتمد ليك مافيش احلى من كدا احساس.
ربنا يديم المعروف بين الناس .

سلاموز

رصيف نمره خمســــــه يقول...

السلام عليكم

حمد لله على سلامتك ياايهاب ايوه ياعم حد قدك دلوقتىىىى

صحيح فيه ناس جدعة جدا بتقابلنا فى حياتنا

ربنا يسعدك اكتر واكتر

سلااام

كيكى يقول...

عوووووووووووووووووووووووو انا جيت اتخديت
..........................
اييييييييييييييييييييوة ياعم يا بختك
حمد الله على السلامة وفعلا
معرفة الرجال كنوز
والستات ايضا منعا للتفرقة العنصريةالستات الماظ.......
وربنا يخليك ويسعدك على طولللللللللل الخط
عووووووووووووووووووووو

الشنكوتي الكبير يقول...

احمد

اخي الطيب احمد اخبارك ايه
كل ما فعلته وتتهم نفسك بالتقصير يبقى انت قاصد تزعلني بجد وتحرجني منك

عموما ربنا وحده هو القادر يجزيك خيرا على كرمك وضيافتك الطيبه

جزاك الله خيرا

اخوك ايهاب

=======================

نعكشه

ازيك يا بنتي ربنا يسعد ايامك ويرزقك بكنوز الأرض كلها

انتي انسانه كويسه ورنا اكيد هيرزقك بأطيب وافضل الناس

سلاااااااااااااااام

=====================

كاموليا

اتغردقت يا اختشي
حاجه فزييييييييييعه انتي طبعا عارفه الخواجات مش هاقولك بقى عليهم

هههههههههههههههههه

النشاط جاي اهو
سلاااااااااااااااااااام
اخوكي ايهاب
==========================

آبي

بتنجانه الجميله ازيك
الله يسلمك وعقبال ما نقولك حمد الله على السلامه من شهر العسل

====================

دوبا

ازيك يا ام يوسف
تعملي فيا زنبه برده الله يسامحك كده برده وانا اللي قلت هتخبيني عندك ساعة الخناقه

ربنا يحفظك والحمد لله على نعمة الصحاب الكويسين زيك كده طبعا

سلااااااااااااااااااام
اخوكي ايهاب

======================

ليساندرا

الجديد في دماغي بس لسه مش عارف اطلعه
اديني بوست حلو من بتوعك وانا هانطلق فورا

سلاااااااااااااااااااااام

==================

في القلب

واحششششششششششششششني يا غايب انت

اخبارك ايه والعيال عاملين ايه
ربنا يحفظك يا اجدع واطيب اخت ياريتك تقدري تيجي تجمع التبرع بالدم اللي منظماه خيخه

سلااااااااااااااااااااام
اخوكي ايهاب

====================

بنت خيخه و....كلام

ازيك يا اختي الجدعه جدا جدا جدا

عامله ايه متشكر قوي قوي على تعليقك وعلى نشرك للبوست بتاعي ربنا يسعد قلبك

سلااااااااااااااااااام
اخوكي ايهاب
========================

دعاء مواجهات
حمد الله على السلامه يا حاجه
ولا نقول يا معتمره
المهم حمدا لله على سلامتك
ربنا يكرمك ويسعد ايامك

سلاااااااااااااااااااااام

==================

نيجرو

الراجل اللي تاعبني بقلبه الجميل واخلاقه الحلوه
ربنا يسعدك ويخليك ليا يا اخي
كلامك دايما زي السكر وبيسعدني جدا ربنا يحفظك اخ كريم ويبارك فيك

اخوك ايهاب

=======================

ساعد نسرين الأيمن

ربنا يكرمك نورتني جدا ويارب دايما

-----------------------

انجي

ده انت اللي كنز يا باشا
ربنا يحفظك ومتشكر قوي على كلامك اللي كسفني كده ووشي احمر خالص
ربنا يسعدك
سلاااااااااااااااااااااااام

==================

Do not Press F1

وليه بقى مندوسش يعني

ما علينا المهم انك نورتيني جدا
ربنا يحفظك ويسعد ايامك يارب مش تكون الأخيره

عايزينك هنا على طووووووووووووول

سلااااااااااااااااااام

===================

رصيف نمره خمسه
لا طبعا مفيش حد قدي انا عندي 25 سنه وكام يوم
مين بقى قدي

ربنا يحفظك
سلااااااااااااااااااااااام

======================

كيييييييييكي

نورتيني وخضتيني كالعاده

بخخخخخخخخخخخخ

يالا يا فقريه

الستات طبعا كنوز بس لما نبيعهم في سوق الكانتو

سلاااااااااااااااااااااام

قلب مصرى يقول...

اللهم لك الحمد والشكر
أسعد جداً كلما تأكدت أن مصر لم تخلو بعد من الشهامة والرجولة والجدعنة
وان ما نراه من مظاهر التخلى عن الروح المصرية الصميمة ما هو إلا غبار يخبئ الجواهر تحته
مطلوب منا أن نزيل هذا الغبار عنا لنعود إلى أخلاقنا الجميلة
سعدت بالمرور جدا جدا

مواطن مصرى نايم يقول...

ايييييييييييييييه
ايه يا بوب
حمدالله بالسلامة
يا رب تكون اتبسطت
عقبال كل سنة ان شاء الله
و احمد فعلا شكله جدع بجد
يا رب يديم الصداقة
نادرا ما تجد الصديق بجد فى الايام دى
بس انت برضوا يا بوب حد جدع
و الجدع بيلاقى الجدع
تحياتى
اسلام

mostafarayan يقول...

جميل انك لاقيته
تحياتي لك وله

how to invest stock market يقول...
أزال أحد مشرفي المدونة هذا التعليق.
free lotto يقول...
أزال أحد مشرفي المدونة هذا التعليق.
Diyaa' يقول...

إيه يا ريس إيهاب ده
لأ لأ هو ده فعلاً الكلام اللي طالع من القلب عشان يدخل القلب..وواضح من الصورة بس إنه حد رجولة فعلاً ويا رب نعرف نشوفه في أقرب فرصة
سعيد إني شفتك أوي يا إيهاب وفعلاً إنت حد جدع وميقولش الكلام ده ويقدر الرجولة إلا راجل وأخ زيك :)
ربنا يديمها عليك نعمة
من القلب للقلب
مش إعلان لإم نبيل ده
والسلام عليكم

بنوتة من وسط البلد يقول...

اهنيك بصديقك الصدوق الجديد
وفعلا الشهامة مش محتاجة كلام كتير يتقال

لانه بيتحس ومن غير ما تبقى منتظر مقابل ولا الطرف التانى مستنى منك المقابل

يا ريت لو ناس كتير تفهم معانى الكلمتين دول .. اكيد كنا هنبقى غير كده

و اتغردقت يا اخويا ؟؟؟!!!!
:)

عاليا حليم يقول...

الصداقة دي أحلي نعمة في الوجود
و الي قالوا الكلمتين دول

عايش عمرك كله بتسمع
ناس بتقولك اوعى تصاحب
وان الصاحب حاجه صعيبه
وانك تلقى في وسط الغابه

صراحة ما بيفهمش دي الصداقة دي هي الحاجة الوحيدة الي بتعينا ع الوجود

bastokka طهقانة يقول...

ما شاء الله انا بغبطك
و الغبطة هي حاجة كويسة يعني بتمنى نعمتك تطول و ربنا يديني زيها
لاني اخدت زونب كتيرة من الاصدقاء

اوروفوار

حنين القلب يقول...

حمد الله على السلامه
يا رب تكون استمتعت بالرحله
ويااااااااااا رب اعيش واروح الغردقه انا كمان
احسن حاجه انك تلاقى صديق بجد
وقت الشده تلاقيه اخ من غير اى مصلحه
ربنا يديم المعروف بينكم
ايهاب جبت ليه ايه من هناااااك؟؟؟

المنسى يقول...

أنت أصلا زى العسل وأى حد يبسطه إنه يخدمك ويسعدك
ويكون صديق ليك
مدونتك جميلة أوى
إن شاء الله مش هتكون أخر زيارة
على فكرة أنا ضيفت أيميلك
إن شاء الله أشوفك قريب
تحياتى ليك

قلوب حائرة يقول...

ايهاب والله انت انسان تستاهل كل خير كفاية الحب الي مالي قلبك لكل الي حواليك وده كفيل برده ليك اضعاف مضعفة اسعد الله قلبك وادام حب الاخرين لك
ا ختك
بيبو

رصيف نمره خمســــــه يقول...

ايهاب انت صيفت وكسلت ولا ايه

فين الجديد ؟؟؟؟؟؟؟؟

سلام

maha zein يقول...

الله
حلوة اوي حركات الجدعنة
المدونين دول بجد بقوا عملين ذي الاسرة الواحدة
وممكن حد ميعرفكش ولا تعرفه وتلاقيه لما يشوفك يتكلم معاك ويعاملك بطيبة وحب ولا كانه يعرفك من خماشر سنة
يوه يا جرعان
بجد ربنا يديم الي بينكم والله

دعاء مواجهات يقول...

فينك ياأبو الشنااكيت

اين اختفييت؟؟

عاوزة رايك ف بوستى الجديد يهمنى..

اكيد عارف لية؟

بيس

kiki يقول...

情趣商品,情趣用品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

情趣用品,情趣,A片,AIO,AV,AV女優,A漫,免費A片,情色,情色貼圖,色情小說,情色文學,色情,寄情竹園小遊戲,色情遊戲,AIO交友愛情館,色情影片,情趣內衣,情趣睡衣,性感睡衣,情趣商品,微風成人,嘟嘟成人網,成人,18成人,成人影城,成人圖片,成人貼圖,成人圖片區,UT聊天室,聊天室,豆豆聊天室 ,哈啦聊天室,尋夢園聊天室,聊天室尋夢園,080苗栗人聊天室,080聊天室,視訊交友網,視訊

借錢,黃金,黃金回收,黃金價格,黃金買賣,當舖

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍