الأحد، أكتوبر ٢١

كل الناس دي بتكتب عن ايه

في عندي كلام كتير

مش عارف اتكلم عن ايه بالظبط كل ما ادخل عند الناس الاقي كل واحد شايف حاجه غلط بيحكي عنها او شايف حاجه صح بره بلدنا
طبعا وعايزنا نعمل زيها

وفي ناس بتتكلم عن الدين والخلاق وبتحرب وتزعق علشان الناس تحس وحالها ينصلح

وفي ناس ناسيه الدين والأخلاق خالص وعايشينها كده هبلاوي الجبلاوي يعني زي ما تيجي تيجي
مش مهم اي حاجه المهم يكونوا مبسوطين

وفي ناس بتتحدى الدين والأخلاق والقيم وكل الرموز الجميله حوالينا علشان محدش يحاسبهم او جايز علشان الكل يبقى زي بعضه الدنيا تبقى كلها عك في عك

وفي ناس بتتفرج بس مش بتشارك براي يعني ممكن يكتب تعليق صغير يشجع بيه مره او يعترض مره بس مبيحاولش يبين رايه او يعرض قضيه في باله

وفي ناس زي العسل عايشه بدماغ فله تقريبا محششين يعني ميهمهمش من الليله كلها الا انه يطلع بمصلحه حلوه يظبط مع بنت لذيذه يديها ميعاد او يكلمها ويتعرف عليها يمكن العمليه تصيب وتطلع مزه في الجون مثلا

وفي ناس تانيه جايه تفرغ شحنة الكبت والمشاعر المدفونه الو المقتوله جواها وتلاقيهم يا اخي بيكتبوا شوية اشعار تجنن مش عارف بيجيبوا الكلام منين وفي الغالب بيكونوا حساساين ومش بيشاركوا في اي قضيه او راي

وفي ناس غاويه تسخين وخلاص يعني يدخل مدونه واحد مجاهد وبيدافع عن فكره معينه يشجعه ويهتف معاه وبعدين يخلع من دماغه وهوب يروح مدونه تانيه يلاقيها رقص وفرفشه ومزه بتكتب عن رغباتها الدفينه يبقى ناقص يطبلها علشان ترقص شويه

ويا سلام بقى لو وقعت في واحد من بتوع الحركات اياها يعني مثلا ليه فكر سياسي او فكر ديني او فكر سياسي ديني متفهمش هو عايز ايه بالظبط وتلاقي القضايا عنده سخنه ويقولك ده اتحبس من فتره ولسه خارج انا طبعا مبعيبش على اصحاب الأراء الحره بس فيه البعض بيستغل العمليه دي وينط يحط نفسه مع الأبطال مع انه اصلا ابن ..... كافر والعياذ بالله وتلاقي منهم اللي يطلعنا كلنا كفره ولاد .....

وفي ناس بقى تحس ان فيه قلم جامد قوي اترزعوه على غفله فجايين وهم حالفين يخربوا الدنيا خالص يتكلموا في كل حاجه وبكل صراحه ويمكن وقاحه بس المهم ميسيبوش قضيه ولا موضوع مهما كان شائك الا ويتكلموا عنه ويناقشوه بصراحه جدا وفي ناس منهم بصراحه بتجيب حاجات جامده قوي خاصة لما الصراحه بتاخد حقها تلاقي نفسك عرفت بلاوي منهم

وفيه ناس تانيه الموضوع بالنسبه ليهم مجرد مذكرات يفضي اللي جواه فيا ويريح دماغه مالهوش دعوه بحد ولا بيبص على كلام حد تاني خالص ودول مالهومش احتكاك بحد كتير حتى التعليقات مبيردوش عليها

وفيه ناس تانيه تلاقيها عامله علاقات ومعارف واصحاب يجي سبعتلاف واحد ويبقى مش عارف هو بيجيب وقت يروجح للناس دي كلها امتى بس وتلاقيه متابع في كل مدونه وصورته ملطوعه عند كل الناس وتدخل عنده تلاقي يجي سبعتلاف لينك للمدونات اللي عاجباه ودول منهم ناس فعلا دماغها حلوه قوي بس هاموت واعرف بيجيبوا الوقت منين

وفي ناس بتتكلم زي ما تكون بتحسب ان ده حمام بيتهم المصون تلاقي الفاظ هايله متتقالش في خناقة عربجيه وتلاقي شتيمه وقلة ادب مع عدم مراعاة ان ممكن بنات تدخل او اطفال ساعات وانا عارف ان البنات بقت عارفه كل حاجه وعصر السهوكه انتهى لكن الحياء حلو برده وميصحش اني استغل اني مختفي واتحول لكل قلة الأدب دي

وفي ناس بقى عجبوني قوي واحده لقيتها حاطه كومنت عندي حسبتها بتهزر لكن لما فتحت المدونه بتاعتها لقيتها فاكره نفسها في احدى بيوت الدعاره على رأي هنيدي صور اباحيه والفاظ سافله واللي يجننك مش البنت انما الناس اللي بتعلق عندها واحد بيشتم وواحد بيبدي استعداده للقاء العاطفي الحار وواحد عامل ناصح قوي قال ايه بيبدي اعجابه بصراحتها وصدقها خلاني كنت هاموت من الضحك عليه يا ابني دي شكلها رقاصه ومهتجيبش معاها حركات الأعجاب بعقلها دي

وطبعا المثال المناقض ليها هو البنت اللي بتكتب بجرأه مجنونه وبتدخل مواضيع شائكه جدا ومع ذلك تلاقي انها مش صايعه ولا هي اصلا تربية كابريهات بس الدنيا علمتها والقرأه والتلفزيون وكلنا دلوقتي عارفين كل حاجه لكن هي مبتتدعيش انا بريئه ومش فاهمه بتقول وتناقش وتتخانق بس هي لسانها طويل شويه

وفي ناس عاملها معارض يعني حاطط صور عجبته وناس مصاحبهم واي حاجه عايز يعرضها يعني

يا لهوي ده لسه في ناس كتير

اه كنت هانسى اصحابي الأعزاء الساده المثليين الله يهديهم حاجه تموت من الضحك لما الاقي واحد منهم بيجادل الناس ويتهم العلماء بالجهل والتخلف ويحول كل الحرام حلال ويستشهد على الأيات بالعكس كله عك في عك كده ومنهم ناس عارفه انهم بيغلطوا لكن زي اي حد فينا مش قادر يبطل نفسه يكون كويس ويقولك بصلي وبصوم لكن دي حاجه صعب اتخلى عنها ودول اتمنى ربنا يهديهم وينجيهم على القل هم على اول الطريق للصلح ما داموا عارفين ان فيه غلط ومش بينكروه ولو ان اللي يغيظك ان في منهم ناس دماغهم في المواضيع العاديه حلوه قوي لكن تيجي لحد الموضوع ده والعك يشتغل

وفي اللي بحتقرهم صراحه العلمانين اللي بيشتموا العلماء والرسول وكل ما هو متعلق بالدين يا اخي انت كفرت وقررت تروح النار بتغلط ليه في الناس دي الا اذا كنت متغاظ منهم زي الشييطان لما ربنا وعده بدخول النار قالك لازم الكل يروح في داهيه زيي

وعلى ذلك احب اقول لكل واحد ياريت كل واحد يفكر هو مين في دول ويقولي لو شاف اشكار تانيه ويقيمني انا نفسي ممكن اكون مين في دول

اصلي اكتشفت اني من كل خطأ شفته وقعت في جزء منه برده
ماعدا المثليه والإلحاد

تحياتي
سلاااااااااااااااااااااااااام

هناك ٣٠ تعليقًا:

Lemonada يقول...

والله انت فاهم الحياة وشخص مرتاح مع نفسو
تحفة بجد
مبسوطة ومش متوقعة اني اكون اول وحدة بتعلق
الموضوع جميل جدا جدا جدا جدا
وصح جدا جدا جدا
ومش عارفة لميت كل الافكار بالطريقة اللذيذة دي
وعبرت عن المدونات بناسها وافكارهم و حالاتهم بطريقة بجد روعة
يا عم هو انت جاي منين
وشنكوتي ازاي
لاء مايصحش بعد البوست دة لازم تغير اسمك
تحياتي واحترامي
ليمو
بجد هايل

truelove يقول...

شكلك هتجيبه لنفسك يا ايهاب وهتخلي الناس يجولك يقطعوك تقطيع موضوع في الجون يا ايهاب وحلوة قوي الغربلة دي

simple girl.. ..simple dream يقول...

كل واحد وله فكره وله اسلوبه
واللى يعجبنى مش شرط انه يعجبك
بس ليه الشئ اللى مش عاجبك تهاجمه
كل واحد من حقه انه يعبر عن نفسه بالشكل اللى هو شايفه

عصفور المدينة يقول...

على فكرة أنا ملقيتش نفسي في دول والحمد لله

Egyptiana Trapped Soul يقول...

اعجبنى البوست ولم استطع تحديد نفسى بالظبط

ولكنى اعتب عليك بعض الملاحظات... فكما simple girl قالت ،

كل واحد له فكره واسلوبه
ورجائى ان تقرا موضوع مفصل عن العلمانية التى لا علاقة لها بالاحاد عند مدونة د. اياد حرفوش "للفجر نغرد

تحياتى

Doba يقول...

انا بعد مقريت البوست حسيت انى تايهة
انت مين يا بنى وعاوز ايه

انت لفيت عالبساتين وجبت من كل بستان وردة - بس لازم تعرف ان الاذواق فى الورد مختلفيين وكل شخص بيحب وردة شكل وكل واحد بيحب وردة لون

وكل واحد على حسب فكره وارائه ومبادئه بيمشى فى حياته يعنى انا بتوافق مع شخصيات وشخصيات لا اكيد هتلاقينى مع اللى بيعجبنى آرائهم واسلوبهم ولما بقابل غيرهم بتفادى التعامل معاهم لانى بشعر انى مش لاقيه نفسى وسطيهم

ممكن تكون مصاحب شخص وفيوم يعزمك تخرج مع اصحابه اللى بيموت فيهم لكن متلاقيش نفسك معاهم وتمشى على الرغم ان الشخص ده صديقك الصدوق

المدونات معمولة لكا واحد يطلع اللى جواه فى ناس بتتعامل مع الموضوع بعقل ومنطق نوعا ما وفيه ناس سايقة ودايسة بنزين وماشيه عالتاسع ومش فارق معاها تدوس حد ومينفعشى نقلهم اقفلوا وروحو لكن الواحد ميملكشى غير انه يقتصر عنهم باختياره

بوست هايل طبعا وتعبت نفسك جدا فى حصر المجموعات دى لكن ارى ان تختار فالمرأ على دين خليله ولينظر كل منكم من يصاحب

اشكرك وتحياتى
هبة

فى القلب يقول...

بص يا عم الجامد
مش بقلك كل مواضيعك جامده و فى الجون

و اللهى أتصور انا قعت ادور على نفسى فى وصت دول مش لقتنى

بس انا عايزه حب المدونين و دفأهم و خلاص
بص أقولك صنفنى أنتى

Nani يقول...

السلام عليكم
يمكن اكتر حاجة بتنطبق عليا البنت ام لسان طويل
بس مبشتمش اكمن الشتيمة عيب ان كانت من ولد او بنت
وعالم المدونات عبارة عن مراية للعالم الحقيقي الي بنعيشو
وبصراحة اقلك
كل واحد حر في رايه طالما مبيشتمش ولا يتعدى على حق غيره
ولما بتكلم عن الحرية بقصد المسؤولية امام نفسك وامام الغير الحرية واجبات قبل ما تكون امتيازات
و عمر الحرية ما كانت مرادفة للانحلال والبذاءة
الا بالحق هو كل الطقم الي بعلق هنا حريمي ليه؟
:)

غير معرف يقول...

بص يا شنكوتى..
و خد بالك حديلك السم ف العسل.. :) بهزر بهزر

1-انت جمعت نقط كتير أوى ف جزء صغير أوى و أعتقد ان اللى ذكرته ده أغلب الأنواع.

2-اللى كتبته ده نتيجة ملاحظة دقيقة و من مده كمان... مش نتيجة يومين.

3-حسيت انك مفقوع و مخنوق من كام نوع كده ده ان مكانش من الحوار كله أصلا.

4-أنا معرفتش أنا نوعى أيه بس اعتقد انى ميكس كده بين كام نوع..

5-مش عارفة كمان انت نوعك إيه بالظبط بس مش لازم نصنف الناس مدام مش عاملين مشاكل أو طالما همه بيقولوا كلام مفيد يعنى.

6-أحييك على إبدائك رأيك بصراحة ف كل الأنواع اللى ذكرتها.

بعد البوست ده...
انت شنكوتى رسمى يا شنكوتى.


كله بيقرا..بس مين بيفهم اللى بيقراه؟؟؟

shahy يقول...

اية كل دة
ياعم لغبطني خالص

انا لما عملت المدونة ماكانش ليا هدف محدد بس لقيت نفسي بكتب عن حاجات بتحصل معايا وحاجات بشوفها يعني كلام عادي واكتر حاجة فرحتي جدا اني اتعرفت على اصدقاء هايلين وامورين وحلوين خالص

تحياتي

Ehab يقول...

lemonada
يا صديقتي الجميله ربنا يكرمك وشكرا على الرد الجميل
كل الحكايه اني بحب الف كتير بين المدونات وفي حاجات كتير لفتت نظري في الناس اللي بتكتب حسيت ان كل واحد فاتح قلبه وبيرمي اللي فيه ومن هنا فكرت ليه محاولش اني اعرف انواع الناس دي ايه
بس ان كان على اسم الشنكوتي انا بحبه بس علشان من خلاله اتعرفت على اصدقاء مدونين كتير بحبهم جدا
واتمنى تعجبك بوستاتي دايما
سلااااااااااااااااام

Ehab يقول...

قلوب حائره
الله يسعدك يا جميله
بس هو مين ده اللي يقطعني انا ورايا رجاله تاكل الزلط يا باشا
نورتيني
سلااااااااااام

Ehab يقول...

simple girl.. ..simple dream
يا خبر ابيض مين قال بس اني بهاجم انا بس قلت رأيي وحاولت على قد ما اقدر اني اكون حيادي ولا اهين احد وانا بتعامل مع كل الناس والشخصيات حتى لما بختلف مع احد مبكرهوش ولا بعاديه بس بحب اقول رأيي واحبه هو كمان يقول رأيه ومش معنى اني شرحت الناس بطريقتي يبقى الناس وحشه وانا كويس ما يمكن يجي واحد يصنفني على اني اسوأ شخصيه في عالم التدوين هل معنى كده اني احاربه لأ طبعا ده رأيه
وانا احب كل الناس تقول رأيها براحتها
سعدت بالتعليق جدا
سلااااااااااااااااااااام

Ehab يقول...

عصفور المدينه
يا صديقي انا مكتبتش كل الناس انا كتبت الناس اللي اندهشت منهم او استفزوني او حبيت تعرفوهم علشان محدش يستغرب لما يقابلهم
ولسه عايز اتكلم عن ناس كتير بحبهم واحترم مدوناتهم
وانت يا صديقي من الناس اللي فعلا بحترمهم وبحبهم
سلاااااااااااااااااام

Ehab يقول...

Miss Egyptiana "Trapped Soul
يا صديقتي العزيزه
انا انشاء الله هاقرأ الموضوع اللي انتي ذكرتيه جايز يفيدني بمعلومه اجهلها
وشكرا على اهتمامك بنصيحتي
هي دي فائدة الأصدقاء
بس ليه عايزه تحددي نفسك بين دول ما يمكن انتي حاجه مختلفه لسه انا موصفتهاش
وعموما يا ستي انتي انشاء الله هتكوني في البوست الي هاكتب فيه عن المدونات اللي اذهلتني
ماشي
سلاااااااااااااااااااام

Ehab يقول...

دوبه
او هبه
كالعاده ردك يجنن يا هبهوب هو ده المفيد الدنيا فيها من كل شيء واللي يعجبني ممكن ميعجبش غيري وممكن ادخل مدونه اعلق فيها انتي استحاله تدخليها وممكن العكس
لكن المهم اني لما اختار صديق فعلا اتأكد انه جدير بصداقتي واتأكد برده اني جدير بصداقته
تحياتي يا عزيزتي
سلامي ليوسف
وابوه
سلااااااااااااااااام

Ehab يقول...

في القلب
يا اوشه يا اعز الأصدقاء
اذا كان على حب المدونين يا سوسه انتي عارفه ان اللي بيحبوكي من المدونين مش ممكن اعدهم لأنك من الذ وافضل الشخصيات في عالم التدوين
وزي ما قلت هتكوني انشاء الله في احسن المدونات
سلااااااااااااااااام

غير معرف يقول...

و في ناس فاكرة نفسها بتفهم في كل حاجة و عارفة كل واحد بيفكر في ايه و هما أصلاً مش فاهمين نفسهم
و في ناس تقول أي هيافة و تصاحب اللي يقوللهم إنتا تحفة
و في ناس تدخل مدونات و تعلق حسب شكل المدونة و الستايل شيت منغير ما تقرا حرف
و في ناس تشتم كل اللي حواليها و شايفة كل اللي بيفكر بطريقة غيره يبقى غبي و\أو كافر
و في ناس بتكتب عشان تمرن ايدها عالكيبورد و دماغهم فاضية
في ناس بتحدد الأخلاق اللي المفروض غيرها يمشي عليها و تشتم اللي ميسمعش الكلام
فيه ناس سفلة ميهمش لما يشتموا حد محترم لأنهم فاكرين كل الناس زيهم
في اللي فاكرين نفسهم أعلى من مستوى الحوار ميناقشوش اللي يختلفوا معاه لكن يروحوا مدوناتهم يشتموا و يقولوا أي كلام, و كل كلامهم خوار
فيه اللي عنعده دماغ كبيرة, و في اللي عنده صغير, و في اللي معندوش أو بالأصح بيتعالى على اللي خالقهاله و مش بيستخدمها
فيه شناكيت كبيرة, و فيه صغيرين, و طبعاً لازم أقولهم و في كلٌ خير


أشكر سيمبل جيرل على الشرح المستفيض منغير اللت اللي أنا قلته

Ehab يقول...

Nani
يا صديقتي انتي مش لسانك طويل ولا حاجه بعد اللي انا شفته في المدونات انتي هتاخدي ملكة اللسان المختشي يا عزيزتي
اما عن موضوع الطقم كله حريم بطلي يا سوسه احنا هنقطع على بعض ولا ايه
وبعدين اصبري شويه هتلاقي الشباب جايه تعلق برده بس السيدات اولا
تحياتي
سلااااااااااااااام

----------------------

Queen eraser

يا بنتي هو انتي لسه فاكره السم والعسل فكرتيني بأيام ما كانت واحده صاحبتنا لسه في اول المشوار
تعالي نشوفها دلوقتي بتكتب بوستات ماشاء الله احسن من احسن مفكر
بجد بجد احييكي على اسلوبك اللي اصبح اكتر من رائع في التدوين
اما عن البوست ده فمعاكي حق انا بقالي كتير بقارن وافكر واحلل في الناس دي علشان اتكلم عن اكتر حاجات استغربتها هنا
ولسه هاكتب عن الناس اللي فعلا حبتهم
اما عن التصنيف مش لازم نصنف يا ستي
تحياتي

سلاااااااااااااااااام


--------------------------



شاهي


يا شاهي ايه اللي لخبطك بس كل الحكايه حبيت افكر بصوت مسموع في احوال الناس والأشكال المختلفه الكتيير قوي حوالينا ويمكن محدش كان شاف كل الأصناف دي في حياته بنقابل نوع او اتنين لكن التدوين خلانا نقابل من كل شكل وكل لون
وبكره نشوف كمان

سلاااااااااااااااااام

غير معرف يقول...

رقاصة ؟؟

صحيح عرب متخلفين

اي حاجة مش عاجباكم تروحوا شاتمين على طول من غير تفكير

و لما واحد يشتمكم و لا يشتم نبيكم او تصرفاتكم و ارهابكم يبقى كافر عميل زنديق خسيس

اتعاملوا مع الناس بإحترام قبل ما تطلبوا من حد انه يحترمكم

صدق اللى سماك شنكوتي

ملحوظة : لانك عربي فأنا مش هبقى متضايقة ابدا لو مسحت تعليقي لان ده المتوقع منكم

غير معرف يقول...

هو انا طلعت كام واحد يا باشا

علاء و منال
وائل عباس
شارم
عبد المنعم
كوكي
عبد الكريم عامر
امرأة مثلية
ياسمين
رجل مثلي
سمراء النيل

انا صح كام في المية ؟
عشان لو طلعت فوق الخمسين هفتح مدونة بقى و امري لله

-_- يقول...

ايهاب الموضوع رائع جدا
معجبنيش انك تهاجم بعض الناس و حبيت انك تنقدهم بس

truelove

محدش يقدر يقطع ايهاب , وراه رجالة

Ehab يقول...

خالد خليل
تسلم ايدك على الحته اللي انت اضفتها يبقى انت كده فهمت برده ان الناس انواع وانا مش بحجر على حد لكن من حقي اقول رأيي برده
ويا اخي اهو الواحد ينكش الناس علشان كل واحد يفكر في حاله
ويمكن انا نفسي عندي عيوب في مدونتي والناس شايفاها
بس ادينا بندردش مع بعض
ومن كلامك انت برده شايف حاجات زيي عجيبه في المدونات
نورتني وسعيد بمعرفتك بس عايز اللينك بتاعك علشان ازورك برده

سلااااااااااااااااااااااااااااااااام



----------------------

koki

كوكي
هههههههههههههههههههه
هههههههههه
انتي ليه متخيله اني همسح تعليقك
تفتكري تعليقك بيسيء ليه انا لأ ده بس بيعرض للناس مثال عنك وعن اللي زيك واظن اي حد هيدخل مدونتك هيعرف على طول انتي انهي نوع

لكن اللي بيشتمنا ويشتم نبينا
هو المتخلف الحقيقي
بس هنعمل ايه السفيه يشتم الباشا
المثل بيقول كده
وانتي يا استاذه متوقعه الناس بتحترمك ولا ايه

مش عايز ارد عليكي كتير اصلك مش هيفيدك الكلام انا بس حبيت اجر رجلك لحد هنا علشان اعملك مثال الناس تتفرج عليه
بس مش اكتر ولا اقل رأيك ميهمنيش

وعلى فكره انتي شكلك تعبان قوي
روحي اتعالجي
سلام

--------------------------
غير معروف
طيب يا واد كنت حط اسمك علشان اتعرف بيك
بس عموما انا مقدرش اقولك صح كام في الميه
لأن انا اتكلمت بصفه عامه مش على شخص معين يعني وممكن تكون صح وممكن تكون غلط

اهم حاجه ان في من الناس اللي انت حاططهم دول ناس اصحابي قوي
عقبال ما تفتح مدونتك وتبقى صديقي انت كمان

سلااااااااااااااااااام


-----------------


شارم

بص يل شلرم من صفات الصديق

انه ينصح صديقه لو حس انه في موقف غلط او موقف صعب

انه يقف مع صديقه ويسانده ضد اي خطر

وانت في كلمتين عملت الحاجتين دول
انت صديق قديم يا شارم ومتوقع منك دايما انك تهتم بكلامي وتنصحني كأخ عزيز
عمري ما هزعل من نصيحتك طبعا

وشكرا على وقفتك ضد اللي هيقطعوني بس خد بالك قلوب حائره دي فنجرية بق بس مش هتقطعني ولا حاجه
جايز من غير ما اقصد انا هاجمت حد بس انا حاولت اكون حيادي على قد ما قدرت

سلاااااااااااااااااااااام

Hannoda يقول...

وأنا بقى عرفت مدونتك من كومنت انت سايبه في بوست عندي من زماااان و أنا للأسف الشديد جدا ما شفتهوش غير انهاردة و أنا بعمل جولة على القديم عندي

بجد بتأسفلك جدا على عدم ملاحظتي له

أما عن المدونات فهي رغم كل الألوان السيئة اللي اجتمعت فيها

إلاانها فرصة كبيرة جدا اننا نجرب نبدي رأينا
بصراحة جدا
ونشوف أراءنا من وجهة نظر عقول مختلفة عن قولنا.. فنقدر نكون عنها رأي صحيح

ادتنا فرصة للتفاهم و تقبل الآخر.. و يمكن علمتنا نفهوم المناقشة

المدونات مليانة عيوب
و يمكن السيئات اللي فيها نفسها عيوب
يعني أنا لما أشوف حاجة تخليني استنكرها و أشوف وجهة نظر كل اللي استنكروها و اختلاف ردود أفعالهم

حاتعلم ازاي لما أستنكر شيء أستنكره بسلوك سليم

أحييك على البوست

وأكرر أسفي

simple girl.. ..simple dream يقول...

would u plz visit my blog and participate in my poll
i really need ur opinion

with my best regards

مريم يقول...

التدوين عالم بلا رقيب
لازم تلاقى فيه كل الاصناف دى وما خفى كان اعظم
انا يوم ما قررت اكتب قلت
المهم ان يبوح الانسان

يعنى هى فرصة بس احلى حاجة ان معظمهم صادق
يعنى كل البلاوى بتطلع وكل شيجن بينكشفن ويبان من الكلام
بس انت كان لازم تتكلم عن الناس العساسيل الامامير اللى زيي كده
ماشى يا هوبا

تــــ(حـنة)ــــر يقول...

فينك
وحشتنا تعليقاتك
المهم
ايه البوست الجامد ده
بس على فكرة انت شكلك كده نسيت تقول مين فى دول كلهم عجبك
اصلك بجد مسبتش حد فى حالوه خالص

يلا ..خير

تحياتى
تمر حنة

Unknown يقول...

انا احييك على النظرة التأملية دى و أنا شيفاك كده من الى بيطتبوا عشان يفرغوا همومهم و تأملتهم

بس أنا ملاقتش نفسى فى كل الى أكلمت عليهم دول ليه ؟ أنا باه يا سيدى واحدة مالقتلهاش مكان فى الصحافة و الأدب فلقيت التدوين وسيلة كويسة أنشر فيها الى فى الدرج

Unknown يقول...

لا تحليل واقعى وجامد بجد لعالم المدونات

مش عارفة انا مين فيهم الصراحة بس بجد استمتعت اوى وانا بقرا البوست

جزاك الله خيرا اخى الكريم

غير معرف يقول...

أنا عارف من زمان إن الناس أنواع يا شنكوتي, حتى بالمناسبة فيه منهم المحترم اللي بيحترم غيره, و فيه عدم اللا مؤاخذة الأفاق المخادع اللي يقول لضيفة أجر رجلك عشان أعملك مثال, و هو أصلاً ميهمهوش رأي قراءه و يقولهم كده بكل وقاحة, يكتب هو و يقرا هو و اللي زيه دول بس اللي يهموه
النوع السافل ده عمري ما أسعد بمعرفته