الثلاثاء، يوليو ٢٤

انا حر وانت حر وانت من الأحرار يا علي

النهارده كنت ماشي في ممر غريب كده وفجأه سمعت صوتها طبعا عارفينها العرافه بتاعتي اصلها رجعت من عالم البحار اللي زارته مع ملك الجان حبيبها
فرحت قوي بيها بس كانت مش مبسوطه انا خفت تكون عرفت عني مصيبه جديده من مصايبي
بس لقيتها بتكلمني عن تعليقي عند اجندا حمراء على البوست اللي فات وعرفت منها ان الموضوع ليه بدايه انا معرفتهاش وان فيه قصه ومعركه حصلت وانا مكنتش موجود وحتى لما جيت مشوفتش اثار الحرب ولا الدماء على الساحه المهم عشان ما اطولش عليكم هي قالتلي ان كان فيه ناس خبطت في الدين وفي ربنا وحاجات كتير لا تليق بأي حوار محترم انا مش عارف اجيب الحاجات دي او حتى اقرأها دلوقتي لكن ده م موضوعنا انا النهارده عايز اقول كلمتين لكل الناس اللي بعرفهم وبعتبرهم اصدقائي سواء كانوا اشخاص عاديين زي حالاتي او مثليين حتى انا يا جماعه لما بدأت التدوين كان عندي هدفين بمنتهى الصراحه ومالهومش تالت
الأول اني يكون عندي مكان انشر فيه كلامي براحتي من غير ما اتحايل على حد عشان يساعدني انشره
الثاني وهو الأهم فكرة اني انضم لمجتمع جديد مخهم حلو وموافقين يعتبروني صديق ليهم
ودي كانت اهم حاجه تكوين صداقات مع كل الناس شباب وكبار بنات وولاد مسلمين مسيحين عرب او اجانب عاديين او مثليين
وقررت اني اعمل الحاجه اللي اتعلمتها من فاخر صاحبي اني لما اصاحب حد عمري ما اجي على اسلوب حياته واعدله واقوله اعمل دي ومتعملش دي لأن كل واحد في الدنيا نفسه يكون حر وبيكره اللي بيفرض رأيه عليه وانا لأني استمتعت جدا بصداقة فاخر وعرفت يعني ايه ميزة الصديق اللي عمره ما يحاول يفرض حاجه عليك او يخنقك بالنصايح
وحتى لما ابتديت اتعرف على المثليين في المدونات في البدايه كانت عندي اعتراضات لكن كنت ملتزم بالعهد اللي اخدته على نفسي اني ما اعترضش حرية حد وبصراحه زي ما لقيت منهم ناس مش عجبوني خالص وحسيت انهم جايين فاكرينه شات للمثليين وبيدوروا على علاقات وخلاص لكن شويه ولقيت منهم ناس بتتكلم في مواضيع جميله جدا ودماغهم حلوه قوي وبيتكلموا في مواضيع بعيد عن فكرة المثليه وابتديت اعجب بيهم واحاول اقرب منهم
وفعلا خبيت منهم ناس كتير اسلوبهم حلو واحتقرت ناس تانيه فقررت اني اواصل علاقتي بالناس اللي حسيت انهم بيحترموا انفسهم ولغيت كل علاقتي باللي مش عاجبني وخلاص
وكنت سعيد جدا الفتره اللي فاتت لأن برغم بعدي عن النت كله كنت شايفهم كل اصحابي المدونين بيسألوا عني وبيحبوني
وكنت في غاية السعاده ان منهم اللي اتصل بتليفوني يطمئن على صحتي

المهم كل ده حلو قوي بس فجأه لقيت حاجه مش قادر اسكت عنها ايوه انا فعلا مصر اني ما اعترضش على حد او على كلام حد لكن انا اعتراضي المره دي على اللي دخلوا الدين في مجال الحريه الشخصيه طبعا كل واحد حر في تدينه لكن مش حر يغير الدين ويعدله على هواه انا لما بغلط واعمل ذنب مش بقول اني صح وده حلال انا عارف اني غلطان ولو مش مقتنع بكلام الناس مش بدخل الدين في الجدل واحلل واحرم على مزاجي
لكن مش معقول نغير الأحاديث والقرآن يعني انا مش هادخل معاهم في جدل مش هايغير من فكرهم ككتير لكن ارجو ان زي ما انا بحترمك ومش بهين فكرك انت كمان لا تهين ديني ولا تعبث به

انا قولت اللي عندي مش عايز حد يزعل مني بس برده مش عايز حد يزعلني
كلنا احرار زي بعض بس محدش يتعدى حدود الدين



وحشتوني كلكم
سلااااااااااااااااااااااااااااااااام

هناك ٤٠ تعليقًا:

Dalia يقول...

معاك حق يا ايهاب

كل واحد يعمل اللى هو عاوزه بس مايتعداش على حرمه الدين

بوست رائع كعادتك

Antony يقول...
أزال المؤلف هذا التعليق.
Antony يقول...

أكيد طبعاً كلامك صح 100% ، إحنا كلنا نعاني من تسلط المجتمع علي آرائنا وأفكارنا ، علشان كده فيه فرق كبير بيننا وبين المجتمع اللي احنا بشكل غير إرادي نحاول نبعد عنه بأقل شئ حتي لو كان بالألفاظ المستخدمة في حياتنا
أهم حاجة ان الواحد يحس بحريته ، مش كده بس ، لكن يحس ان مفيش حد متضرر من حريتك ديه ، واضح ان صداقتك بفاخر فيها حرية بينكم مش موجوده عند حد ، فيه مقولة بتقول " كن حر ما لم تضر " ، وانا مع المقولة ديه ، لكن أنا معاك إن فيه بديهيات في حياتنا مش ينفع نشغل دماغنا فيها كتير علشان ده مش بيضراللي بيعمل كده بس لكن بيضر كل من حوله وديه الكارثة ،..... من الآخر عايز أقولك إني معاك في رأيك ولكن كل حاجة وليها حدود برضه وإلا تبقي فوضى

آسف طولت عليك لكن حبيت أقولك رأيي
سلام يا أنتكة

غير معرف يقول...

كلامك صح وتمام جدا واحييك عليك كمان
فيه حاجات ماينفعش تندرج تحت باب الحريه الشخصيه
ولو كنت قلت كلام غير ده كنت هازعل موت
اه على فكره
حفلة أيامنا الحلوه يوم 27 يوليو الساعه 8:30 فى ساقية الصاوى
اكبر تجمع بلوجرى اوعى يفوتكو
Blogger Radio Station

ولــــــــــو يقول...

انا اتفق معاك ان كل واحد حر طالما انه مش هايأذي اللي حواليه بحريته وكمان الحريه دي مش حريه ف المطلق ولكن فيه خطوط حمرا ماينفعش اي حد يتعداها لانه ببساطه مش هايتسمح بتخطيها
شكرا ليك

Doba يقول...

بصراحة شديدة وكعادتى معاك هتكلم بمنتهى الصراحة

كما يقال المرء على دين خليله - واذا كنت بتعتبر الكل من المدونيين والمدونات أصدقاءك إذن فلتنتقيهم بعناية لكى يتفقو معك عقلا وقلبا على الرغم من صعوبة هذا الأمر - انا الأخرى سبق لى وتعاملت مع هؤلاء ولكننى كنت ومازلت اضع تعليقى فقط على الشكل والعمل الفنى

كذلك الرسول (ص) يقول - من رأى منكم منكراً فليغيره بيده وإن لم يستطع فبلسانه فإن لم يستطع فقلبه وهذا أضعف الإيمان

يعنى المفروض انك كمسلم شايف ان فيه حاجة منكرة ومن الكبائر بتحصل قدامك وللأسف ببتفشى فى المجتمع - ولقد أصبح لهم صوتاً عاليا ويقولون نحن ها هنا الآن فلتحذروا ولتعلموا أننا منذ الآن لنا صوتاً عاليا ومدوياً

بدل مالواحد يقف او بأضعف الإيمان يقاطع هؤلاء بنقول لا دى حرية شخصية وبراحتهم واللى هما عاوزينه يعملوه وانا معاكم يا أحرار

مش عارفة يمكن اكون غلطانة او بتجنى عليهم بزيادة بس بصراحة انا متغاظة وثائرة جدا على ديننا ومصرنا ومجتمعنا اللى المفروض يكون بداية اصلاحه من خلنا ومن خلال كل فرد فيه

تحياتى يا ايهاب ومتزعلشى منى
هبة

Doba يقول...

ياريت تبقى تدخل اللينك ده وتقرا اللى فيه وأتمنى انهم هما كمان يدخلوها ويستفيدو - اعتقد ان ده نوع من المجاهدة - حقيقى موضوع متميز

http://sadbrd.blogspot.com/

تحياتى
هبة

غير معرف يقول...

بص يا ايهاب كنت لسة بتكلم مع هبة في الموضوع ده انبارح انا مش بقول تتدخل في حياة حد او حتى تحاول تغيره بس ياايهاب اللي اقصده اننا لما بندخل عند حد وهو كاتب في المواضيع دي كما لو كنت بقله للامام واحيانا بياخد من تعليقنا تشجيع او اننا متضامنين معاه هو ده اللي اقصده بس

Mirage يقول...

يعنى ايه الواحد ميتعداش حدود الدين ؟

كل واحد ممكن يقول رأيه فى اى دين هو عايزه وبمنتهى الحرية

ايه المشكلة يعنى ؟

انا عن نفسى مش شايف فيها اى غلط

بس الغلط هو انك تفسر الدين على مزاجك او تحلل وتحرم الاشياء

لان فى النهاية ربنا هو اللى بيحاسب مش البنى آدم
ومحدش له حاجة عند حد

من منكم بلا خطيئة فليرمها بحجر

Ehab يقول...

داليا
تسلمي يا جميله على كلامك
وطبعا اهم حاجه ان محدش فعلا يتطاول على الدين ويحلل الحرام بدعوى الحريه
سلاااااااااااااام
_________________
antony
تسلم يا غالي على التشجيع الحلو
بص يا انتوني انا مصر جدا ان محدش يحاول يغصب حد على حاجه لكن برده محدش يفكر ان حريته معناها انه يخوض في كل الحدود مش معنى اننا مدونين بندعو للحريه اننا بندعو للفجور والتهجم على الدين
يعني جملتك هي اللي انا اقصدها بالظبط تسلملي يا غالي
سعيد بكلامك
______________________
وينكي
ربنا يكرمك يا وينكي انا مش اقدر على زعلك
عموما هاحاول اكيد اني احضر الحفله انشاء الله
واحتمال اجيب فاخر معايا
بس مين هايعرفني هناك اصلا
شرفتيني يا قمر
______________________
ولو
وحشتنا يا باشا
عموما انا طبعا متفق معاك في ان اللي يتعدى حدوده لازم يحس اننا كلنا مش معاه وانه غلط
تحياتي
سلاااااااااااااااااااااام

Ehab يقول...

اختي دوبه
ومش هاقول صديقتي انتي فعلا مثل اختي
اولا انتي زعلانه مني اني في اصدقاء من اصدقائي مثليين والمرء على دين خليله فلينظر احدكم من يخالل
انا معاكي طبعا ان ده كلام سيد المرسلين وهو فعلا لا يحتمل النقاش لكن انا عندي حاجه عايز اقولها قصتين سمعتهم واحده من عمرو خالد والتانيه مش فاكر منه برده ولا من وجدي غنيم
الأولى عن واحده كانت غير ملتزمه تماما وكانت بتلبس لبس منطلق خالص وليها جاره مسلمه ملتزمه جدا وطلبت البنت من الجاره الملتزمه انها تنزل معاها تشتري بنطلون استرتش نازل جديد حلو قوي
لكن الغريب ان الست مرفضتش ولا حاجه زي ما انا توقعت لكن طلبت منها انها تعدي معاها بس بسرعه على الجامع الأول وبعدين تروح معاها وبالصدفه كانت حلقه عن الحجاب وبعد الحلقه انفجرت البنت بالبكاء ورفضت تخرج من المسجد بملابسها العاريه المجسمه وفعلا احضروا لها شال وطرحه تروح بيهم وبمجرد خروجها من المسجد في طريق البيت خبطتها عربيه وماتت
اللي عايزك تاخديه من القصه كلها ان الملتزمه ما شخطتش في البنت وبعدت عنها لكن بالراحه وبالتدريج ساعدتها تخرج من خطأها
القصه التانيه عن بنت اجنبيه
وكانت بتشتغل راقصه استريبتيس
لكن كانت على علاقه ببعض المسلمين مش عارف احداث القصه كلها لكن علاقتها بالمسلمين ومعاملتهم الطيبه معاها شدتها للدين وفعلا سابت الحياه الفظيعه اللي كانت عايشاها واصبحت مسلمه
يعني من الآخر مش معنى ان في حد بيتنيل يعمل مصيبه او ذنب صغير او كبير نقوم نسيبه يتحرق لأ مادمنا عايشين يبقى فيه مجال للتوبه وربنا لا يغلق باب التوبه امام العبد حتى يغرغر
اما حكاية اني مش بعمل حاجه
جايز انا لسه معملتش اي خطوه ملموسه قدام حد لكن ده شيء بيني وبين نفسي انا بس عارف امتى ممكن اتحرك وامتى علاقتي بحد منهم هتسمحلي اكلمه واناقشه من غير ما يهرب مني لأن اللي لاحظته انهم بيرفضوا المناقشه وحتى لما بيناقشوا بيجادلوا بالباطل يعني مفيش فايده من المجادله والصراع لكن اكيد في اسلوب تاني نقدر ندخل ليهم بيه عشان هم مش كافرين وطول ما هم بيوحدوا الله وبيعبدوه وده شيء لمسته في ناس منهم انهم عارفين ربنا ومعنى انهم يحاولوا انهم يحللوا الموضوع ويحاولوا يثبتوا شرعيته انهم فعلا خايفين من ربنا يبقى ليه مانأخدش بأيديهم واحده بواحده ممكن في يوم نقدر نساعد حد منهم واللي مش نقدر نساعده ممكن في يوم حد غيرنا يقدر بس نكون حاولنا مش نقول الله يحرقكم انتوا هاتتحرقوا في جهنم
انا عارف انك انتي نفسك لمستي في كلامهم البعيد عن المثليه لما بيتكلموا عن موضوع مهم في حياتنا بيعجبنا كلامهم يبقى هم مش مجموعة مسوخ ولا حاجه


لكن قبل ما اختم كلامي معاكي احب أأكد للجميع عشان بس احدد موقفي انا ضد المثليه طبعا ولا اوافق على فكرة اننا نتحول لقوم لوط وتخسف بينا الأرض عقابا على ما فعلنا
وطبعا اظن عارفين ان سيدنا لوط قبل ما يترك قومه لعقاب ربنا دعاهم وحاول معاهم عارفين ان لو سيدنا لوط تركهم ولم يحاول مساعدتهم كان اصبح مثل الشخص اللي كان صالح في قوم طاغين فأرسل الله ملائكته لعقابهم فقالت الملائكه يارب فيهم عبدك فلان قال ابدؤا بيه
لأنه محاولش يدعيهم ويساعدهم
انا مش عايز اتكلم بالدين عشان ماقولش حاجه وتطلع مش مظبوطه شرعا لكن اتمنى ان ربنا يرحمنا جميعا ويعفنا وينقذنا من شهواتنا
وطبعا معاكي حق يا بطه انك تغاري على دينك وبلدك
وعلى فكره انا عمري ما ازعل منك عشان بتناقشيني في حاجه قولتها امال المفروض يعني مين يناقشني
انتي صديقتي يعني لازم تخافي عليه وتنبهيني لو غلطت في حاجه

Ehab يقول...

قلوب حائره
يا عزيزتي واختي
انا مش بقولهم اني بشجعهم واتمنى اني مكونش قولت حاجه تتفهم بالمعنى ده ممكن اكون قصدي على فكره قالوها لكن مش على فكرة المثليه نفسها
يعني انا اعترضت على فكرة التعذيب
لأني اكتر حاجه بكرهها في بلدنا هي القمع والتعذيب
اتمنى يا جماعه محدش يزعل مني ابدا
انا قولت اني ممكن اموت لو فقدت صديق عزيز على قلبي
تحياتي
سلاااااااااااااااااااااااام

Ehab يقول...

ميراج صديقي المزعج دائما
"
بس الغلط هو انك تفسر الدين على مزاجك او تحلل وتحرم الاشياء

لان فى النهاية ربنا هو اللى بيحاسب مش البنى آدم
ومحدش له حاجة عند حد"
هو انا موافق طبعا على الكلمتين دول لكن يا باشا مش معنى اني اقول رأيي بحريه اني اخترع شرع جديد واغير في احكام الدين على مزاجي في حدود انا ممكن اقعد اتخانق مع واحد مثلا واقوله لأ ممكن نأخر الحاجه الفلانيه شويه ونقدم الحاجه التانيه او مثلا انا صليت الفريضه من غير سنه وهو مصر اني اصليها عادي انا اللي اختار اعمل ايه لكن مينفعش اقوله لأ الفريضه كمان مش مهمه
فاهم يا مان
عموما
انا برده معاك اننا كلنا بنغلط لكن كل واحد شايف انه يعني كويس من جواه ود المهم وان الناس التانيه هي اللي خربت الدنيا
عموما ربنا يهدينا كلنا وربنا يهديك بطل تزعق كده في المدونه
روح يا واد وتعالى بسرعه
سلااااااااااااااااااااااام

الطائر الحزين يقول...

السلام عليكم
انت بتقول اصاحب كل الناس ومليش دعوة زاخذت عهد على نفسك الا تغيرهم

ابسط واجبات الصداقة انك لما تلاقى حاجة غلط فى صاحبك تنبه ليها وتحاول تصلحها فيه من منطلق حبك له لانك بتخاف علية

تحياتى

Ehab يقول...

الطائر الحزين
يعني هو لازم دايما اطلع ناسي حاجه كده ايوه صح معاك حق ان الصاحب ليه حق عندي اني لما الاقيه بيغلط انصحه
بس النصح ده ليه شروط واساليب لازم الواحد يراعيها
نورتني وشكرا على ردك الجميل
سلاااااااااااااااام

NeRmeeN يقول...

حمد الله على السلامة يا استاذ شنكوتى ..ايه الغيبة دى

بص بالنسبة لموضووع تقبل الاخر انا عندى حطاله حدود
يعنى انا عندى 3 انواع من المدونات اللى مستحيل اتقبل فيهم الرأى والرأى الاخر :

المدونات اللى فيها حاجات مش محترمة ..بمعنى شتايم وحشة اوى و قلة ادب

او
مدونات المثليين

ماعدا ذلك بعلق عادى و بحترم اى دماغ تختلف عن دماغى

اما لو مدونة وصلت بقى لحد الدين الاسلامى و هاجمته ...اكيد مش هحترمها ولا هقول ان دى حرية رأى ..وعلى حسب بقى لو عندى حجة ممكن ارد بيها على الكلام المكتوب اكتبه لو ماعنديش مش بشتم ولا بهاجم حد فى مدونته ...بس مش بدخولها تانى

ماعلينا ...حمد الله على السلامة :ي

تحياتى

Unknown يقول...

ده كلام فى الصميم يا ريت كل الناس كده ، لكن تقول أيه لو أعترضت حتلاقى هجوم ققققققققققققققققققد كده
بس البلوج بتاعك ظريف قوى و بتبظ منه الشقاوة

نبض اسكندرية يقول...

ايهاب

اولا زعلانة منك

ثانيا عودا حميدا

ثالثا كلام جامد جدا اللى كتبتة مع انى عندى اعتراض على موضوع الصديق اللى منصحوش يبقى انا ماليش لازمة فى حياتة اصلا زى زى اى تشيرت عندة بيلبسة وقت ما هو عايز وخلاص

واخيرا لازم اقول راى فى اى حاجة مش عاجبانى مش اقعد لا اسمع لا ارى لا اتكلم


يبقى اقعد فى البيت ومطلعش برة باب الشقة

ميرسى كتير

تحياتى

Ehab يقول...

نرميين
يا جميلتي انتي ادبك وزوقك غني عن التعريف
"ماعدا ذلك بعلق عادى و بحترم اى دماغ تختلف عن دماغى "
بس لاحظي من كلامك انك لما بتلاقي حاجه غلط بتترفعي عنها وزي ما انا قولت ان اللي بيحركني اني لازم اتكلم لما حد يدخل في موضوع الدين
بجد نورتيني يا جميله
سلاااااااااااااااااام

Ehab يقول...

عاليا حليم
نورتيني يا جميله ونورتي المدونه كلها
الف شكر على كلامك اللذيذ
وبعدين احييكي على مدونتك الجميله وكتاباتك الجامده
نورتيني
________________________
نبض اسكندريه
يا خبر ابيض يا عروسة البحر زعلانه مني ليه بس انا مش اقدر على زعلك يا جميلتي عارف والله اني مقصر معاكي جدا بس والله انا اليومين دول مقصر مع كل اصحابي بسبب الشغل وعدم دخولي النت كتير معلش اكيد انا لازم اصالحك يا قمر
اوعي يا جميله تزعلي مني
نورتيني
سلاااااااااااااااااام

one true thing يقول...

بصراحه دي تاني زياره ليا للمدونه
وكل مره بيزيد تقدير واحترامي لها
هو انا بصراحه مش فاهمه اوي الموضوع
بس عاجبني اوي اللي اتعلمته من صاحبك فاخر بجد الحب حريه مش لازم لما احب
حد او صاحبه اغيره وافرض عليه اللي انا عاوزه
مش عارفه اقول ايه تاني
بس بجد مبسوطه بالمدونه اوي

مريم يقول...

مش هنقدر نمنع
يبقى نتكلم ونحاول نحافظ ع الموضوعية والاحترام
وربك يهدى يا هوبا

سندباد يقول...

ممتازة جدا وجهة نظرك وانا اؤيدك في كل ما ذكرته

Ehab يقول...

one true thing
ده انتي نورتي المدونه
اتمنى المره دي متكونش اخر مره يارب دايما تكوني صديقة ليا
وبعدين انا كمان سعيد باللي اتعلمته من فاخر وسعيد اكتر بصداقتي ليه
انا اتمنى انك تكوني عجبتك كل مدونتي نورتي يا جميله
________________________
مريم
يا اسكندرانيه
معاكي حق يا مريم نحافظ على الموضوعيه
هو ده اللي بقول عليه يعني نفهم الغلطان غلطته ايه بس من غير اهانات لأنها في الحاله دي مش هيوافق يقبل مننا اي كلام حتى لو صح
نورتيني ووحشتيني يا جميله
________________________
سندباد
الله يكرمك يا باشا ده انت نورتني واسعدتني بتشجيعك
بجد شكرا ليك
سلااااااااااااااااااااااام

Dental يقول...

كلامك صح، امس انصدمت و انا اقرا كلام احد المثليين في مدونته

و كان مو بس عن الدين كان عن الله سبحانه و تعالى، استغفر الله

و المصيبةالأكبر كان أول يوم لي في المدونات و أخذت فكرة غلط عن التجمع كله و قلت في نفسي هذه اخرت حرية الرأي؟؟

keda-sponsor يقول...

مش عارف

مفهمتش الموضوع اوي ...بس أنا دايما ما أتكلمش في حاجتين .... الدين و السياسه

و عجبني قوي غللي أتعلمته من صاحبك فاخر

أنا زعلان علشان علقت متأخر كده ... بس كنت مسافر والله

سلااااام

Doba يقول...

عندى تاج تعالو جاوبو عليه - يلا بسرعة قبل مأى حد يسبقكم

مستنياكم
هبة

shahy يقول...

مالك يا واد داخل في البت شمال كدة لية

هي مش تقصد انها تجبرك على حاجة هي بتنصحك وبس

على العموم حصل خير

قولي بقى انت فين؟
واية اللي شغلك عننا
والا انت مخاصمني

بجد انا مفتقدة تعليقك

سلام

Ehab يقول...

دنتال
نورتني يا طبيب
واتمنى فعلا تعالج اسناني اصل انا مش هاثق في حد غير صديق زيك
اتمنى تقبل صداقتي
نورتني
____________________
كده سبونسر
ولا يهمك يا واد يا اسكندراني نورتني ووحشتني انا برده اتأخرت في الرد علشان كنت مسافر
وحشتني يا باشا
______________________
دوبه
عزيزتي وصديقتي واختي
من عيوني يا نور عيوني هاجي اخد التاج
______________________
شاهي
ده انتي اللي وحشتيني يا قمر بس والله الفتره اللي فات كنت مقصر مع كل احبابي واصدقائي لأن مكنتش عندي وقت ادخل المدونات براحتي وبجد ليكي عندي حق عرب سامحيني يا عزيزتي على التقصير
اما عن دوبه انتي عارفه انها زي هبه اختي عصبيه ودايما تزعق لي عشان خايفه عليه عشان كده نتخانق ونتصالح كتير بس عمرنا ما نزعل من بعض وتسلمي يا جميله على سؤالك بجد وحشتيني
سلاااااااااااااااااااام

hoda omran يقول...

عندك حق الحرية فيما لا يمس معتقدات وثوابت الأخر
بس المهم احنا نبقى عارفين كويس ايه هى الثوابت دى
:)

Ehab يقول...

همسات
معاكي حق لازم الواحد يعرف ايه الثوابت اللي مينفعش حد يخبط فيها
نورتيني يا جميله
اخبارك انتي ايه
سلاااااااااااااام

Doba يقول...

لقد بدأت العناكب والحشرات تسرى فى المدونة على راى عبده محتاس لعدم دخول صاحبها لتنضيفها وتهويتها

ايه ياعم انت هتبات فى الدرة وهتنسى المدونة ولا ايه - فين البوست الجديد

هبلغ عنك امن المحافظة علشان ميتنقلشى الفيروس ده لكل المدونيين

مستنينييييييييييييييين اهوووووووووووو

warDaya يقول...

يااااه شنكوتي...ازيك
هي العرافه شغلتك اوي كده
؟؟

;)
المهم

ممكن جنب بس؟..اصلي اكلت كنتاكي باللي وعندي حالة قرف..وبصراحه كل مابتيجي سيرة المواضيع دي بتاديق اكتر
ماعلينا
المهم

عارف؟
من احد اسباب انقطاعي عن عدم زيارة اي مدونه

اني اتخبطت كتير في مدونات منيله زي دي
كنت بقول زي بالظبط

بس لما لاقيت ان الكلام دخل في الدين وبيفصلولهم دين على مزاجهم
جالتي حالة صدمه شديده جدا
يعني انت اتكلمت وكتبت و و و
انا بقى ازبهليت شويه وقعدت اعيط كتير
وحسيت ان العالم بيفنى
ربنا هايخسف بينا زي قوم لوط

ف لحظه حسيت ان انا اللي مش طبيعيه
حسيت ان الناس كلهم كده
شكيت في صوابع ايدي
ف اهل بيتي وف الناس اللي في الشغل

تعبت اوي
وصلت لدرجة اني شكيت في فطره
لا حول ولا قوة الا بالله
وحسبي الله ونعم الوكيل بجد

مش عارفه اقول ايه بس الحمدلله ربنا موجود ويهدي فيا كل مافرقع

انا خايفه اوي...خايفه اتجوز...لا يطلع جوزي كده...خايفه اتجوز وعيال يبقوا كده...ماهو كتير الكلام ده بيحصل غصب عن الواحد ...
خايفه اعيش..


ارحمونا بقى..

warDaya يقول...

ايه ده؟دوبا هنا؟:)))))
حلوه اوي الصدفه دي

كتبتي تعلقيك قبلي مافيش بثواني..

على فكره انا كنت لسه في مدونتك اساسا..
اسفه يا شنكوتي على المداخله اللي مالهاش لازمه دي
بس انا بحب دوبه اوي اصلا...ماشاء الله عليها ربنا يحميها يارب

Ehab يقول...

يا قمري الغالي
هوبه دوبه
انا هاكتب بوست جديد من عيوني بس بظبط فيه شويه وبقارن بينه وبين فكره تانيه عايز اكتبها
ربنا يخليكي بلاش البلديه لحسن يكنسوني
سلااااااااااام

Ehab يقول...

وردايه
يا زهره جميله عايزك تكوني واثقه ان زي ما فيه حواليكي في الجنينه شوك وطين واعشاب ضاره ويمكن تلاقي حيوانات عايشه اكيد فيه زهور جميله ومفتحه واشجار مظلله عليكي وحاجات كتير تفرح
يعني مش عشان شوفتي غلط منتشر تبقى الدنيا كلها وحشه
اقولك على حاجه انا زمان كنت شايف ان كل البنات منحلين وسفله وان البنات المحترمه قليلين جدا ومش ممكن الواحد يلاقيهم بسهوله وكنت بفترض ان اي بنت اقابلها تبقى زباله
بس عارفه بعد ما اتعرفت على ناس كتير قوي لقيت ان المشكله ان البنات الوحشه بتلفت نظرنا قوي وبتخلينا ننسى ان البنات الرائعه الجميله كتييير جدا
اقولك على حاجه كمان انتي بتقولي بتحبي هبه انا بقولك ان هبه من اكتر البنات اللي خلوني اقتنعت ان فيه بنات اكتر من محترمين وشخصيتهم رائعه بجد هبه انسانه اعتز اني اقول انها صديقتي وافخر اكتر لما بقولها يا اختي
اصل اسمها على اسم هبه اختي
نورتيني يا قمر
سلاااااااااااااااااااااام

امرأة من عبير الورد يقول...

أزيك يا أيهاب ...

انا طبعا مش حدخل في جدال ديني لان الدين أصلا مش موضوع جدل .. القرآن الكريم لم يحدد حد الردة بالقتل ولكن أعتقد أنها اجتهادات علماء الفقه قد أجازوا إحلال دماء المرتد عن الدين الإسلامي ..قاتل الله تعالي" و أدعوا الى سبيل ربك بالحكمة والموعظة الحسنة "
و ل يقل اقطعوا رقبتها بل قال "لكم دينكم ولي دين "
ولكن رأي جمهور العلماء حد الردة كي لا يطول المجتمع فتنة الأرتداد ....


خلاصة القول .. انا طبعا ضد الردة ولكل مرء دينه ولكن هل نسأل أنفسنا السؤال الأهم لماذا يرتد المسلمون .. الأجابة طبعا ليست لأن هناك عيب في الدين ..إذا فالنبحث عن السبب.


فالنهاية حمد لله علي السلامة يا ايهاب وانا و كل الغايبين.

Ehab يقول...

امرأه من رحيق الورد
عزيزتي انا سعيد بزيارتك جدا
ثانيا عايز اقولك ان معاكي كل الحق في سؤالك اننا المفروض ندور على السبب وراء اللي بيخلي مسلمين يغيروا دينهم
الفكره ان كتير منهم اصلا بيكونوا بعيدين كل البعد عن الدين اصلا
عموما لا يفيد بكاء على اللبن المسكوب
ولم يهمني ما فعله ذلك الذي ترك دينه ولكن ما احزنني هو هجوم الناس على شخصيه كبيره مثل المفتي
سلااااااااااااااااااااااااام

Mirage يقول...

انت فين ياعم انت

العنكبوت عشش على المدونة بتاعتك

انت مش ناوى تكتب بقى حاجة تانية ولا ايه ؟

الشينيور يقول...

ياجماعة محد يقول حاجة