السبت، يونيو ١٦

ولازال جانبي يؤلمني .......لكن كرامتي بخير


عبرت من سواقي المترو ناحية السلالم المتحركه

اسرعت الخطى كي الحق بالقطار الصارخ في الأسفل

وضعت قدما على السلم المتحرك
جذب قدمي في سرعه لم الحق به تعثرت

كدت اسقط على السلالم المعدنيه

القيت بنفسي ناحية السور

تمسكت بالسير الأسود المتحرك

تمالكت نفسي واعتدلت

وقفت معتدلا ولكن جنبي كان يؤلمني

من اثر الخبطه

كنت سعيدا انني لم اقع بالكامل ولم تهدر كرامتي امام الناس

لكن الألم كان قويا
كان جنبي يؤلمني
ولكن كرامتي كانت سعيده انها لم تسقط امام الناس

هناك ٤٩ تعليقًا:

ولــــــــــو يقول...

اللي كان ممكن يقلقني لو انا مكانك مش كرامتي اني اقع قدام الناس لكن اني لو وقعت الناس كلها هاتدوس عليا ولو عيشت لغايه ماكل الناس اللي ف المترو مايخلصوا وده مستبعد اني هابقى بالظبط زي المشايه اللي بنمسح فيها رجلينا

حمدالله ع السلامه ربنا ستر

Dalia يقول...

لو كنت وقعت كان هيبقي شكلك

ههههههههههههههههههههههههه

يلا مش عاوزه اقول بقي

الحمد لله انك ماوقعتش

Ehab يقول...

ولو
نورتني يا باشا واسعدتني زيارتك
ومدونتك اكثر من رائعه وعايز اعلق على حاجات كتير فيها بس قلت الأحسن اني اقولك تعليق واحد احسن من عشره
برافو عليك
ويا اخي صدقني ساعات جرح الكرامه بيوجع اكتر من وجع الجسم
___________________________
داليا
كده يا دوللي اهون عليكي يا شيخه
نورتيني طبعا
وبعدين انتي فينك من فتره
بقولك صحيح انا عارف انك قولتي ان حلمك للبنات فقط بس انا عيان وجنبي بيوجعني مصعبتش عليكي تاخديني معاكي دلوقتي
هههههههههههههههه
تحياتي يا ام قلب شقي وبريء
سلااااااااااااااااااااااااااام

hoda omran يقول...

ههههههه
تعيش وتاخد ومش تاخد غيرها
.
.
.
تحياتى ليك

shahy يقول...

ما يقع الا الشاطر ياشنكت
والحمد لله انها جت على قد كدة
ابقى خلي بالك وعلى مهلك شوية الدنيا مش هاتطير يعني والا اية؟

عصفور المدينة يقول...

حمدالله على الكرامة

Dalia يقول...

لا طبعا مش صعبان عليا ولا حاجه

وبعدين انا قولت للبنات بس ... ايه الغلاثه دى :@


على فكره اول مره حد يقولى ام قلب شقى و برئ
:$

NeRmeeN يقول...

انا كنت كاتبة كومنت بس مش عارفة راح فين...بس عموما هكتبه تانى
كنت بقولك تعيش وتاخد غيرها ...وكنت بقولك ان الموقف ده لسه حصلى من حوالى 4 ايام...بس كان فى الشارع..كنت نازلة من محل بسلالم وبردو كنت هدلق نفس الدلقة بس مسكت فى السور...لو وقعت كان منظرى هيبقى-----...ادى اخرة الكعب العالى...يلا بقى الحمد لله

سلامتك ...تحياتى

ahmad hussameldin يقول...

ya 3am shankoti kabar demaghak,
karamet eh ya 3am,, hewa fe 7ad ba2a fe demagh yebos 3ala 7ad wala yakhod baloo men ay 7aga,, kolo beyharwel

reri يقول...

الواحد لما بيقع بيفضل طول اليوم حاسس إن كرامته تعباه وبيتلفت حوليه وحاسس إن كل الناس بتضحك عليه
ورغم كده بضحك لما أشوف حد بيقع
داء بقي بعيد عنك
:))))
ألف سلامه علي جنبك
المهم كرامتك فداها أي حاجه

سلاماااااااااااااااات

Ehab يقول...

همسات
الله يباركلك يا بنتي انا مش حمل وقعه تانيه
وعموما نورتيني جدا يا جميل وياريت تبقي تيجي كتير وتقوليلي على شوية همسات حلوين
___________________________
يا شاهي
ربنا يخليكي ليه يا رب
وبعدين انا كنت ماشي على مهلي بس كنت سرحان الظاهر الواحد بقى بيفوت خلاص وعقله صواميله لخلخت
هههههههههههههههههه
نورتيني يا شربات
_____________________________
عصفور المدينه
الله يكرمك

متشكر يا زوق على اهتمامك مش تغيب تاني كتير ماشي عشان انا بحب العصافير
________________________
داليا
آه يا شريره
ماشي خليكي فاكراها
طيب ايه رأيك انا هافضل اقنع اجنده حمراء واديها رشوه كبيره لحد ما ترضى تبقى تدخلني من وراكي
اما حكاية القلب بسيطه قوي
اقرأي كتاباتك كلها تعرفي انك لسه جواكي طفله بريئه واقرأي حلمك السري تعرفي ان جواكي قلب شقي نفسه يكسر الدنيا
حاولي متخسريش اي حاجه من الصفتين دول عشان قلبك نادر فعلا
سلام يا ام قلب شقي وبريء
______________________________
نرمين
وماله يا حبيبتي اكتبيه تاني مش هايخسر
وبعدين انا مش بلبس كعب عالي والله غير لما بحب اجرب الجزم الجديده بتاعة هبه اختي وده بيكون في البيت
بجد ربنا يكون في عون البنات اللي بتلبس كعب ده صعب قوي بس بصراحه بيبقى شكله شيك جدا كأنها فاتن حمامه او اميره من الزمن الجميل واضح انك شيك يا بنوته في لبسك مسيري اشوفك واعرفك
نورتيني يا سكره
وخلي بالك من السلالم بعد كده
___________________________
احمد حسام الدين
والله يا عم احمد الظاهر ان معاك حق ده مفيش حد في المترو قالي سلامتك حتى احسن برده عشان انا كنت هابقى في وسط هدومي لو حد كلمني ساعتها
المهم ان الناس اللي بيهموني سألو عني شكرا ليك ولكل اللي سأل عني
_________________________________
ريري
انتي فين يا بنت من فتره مش باينه
يعني يا قله لو كنتي موجوده وانا بقع كنتي ضحكتي عليه ماشي انا هاستنى لما تقعي واضحك عليكي
يارب تقعي
في حبيب قلبك
وتتجوزيه
ههههههههههههههههه
سلاااااااااااااااااااااااام
____________________________
شكرا لكل اللي سأل عني يا احبابي
سلااااااااااااااااااااااااااااااام

غير معرف يقول...

الحمد لله انك موقعتش عشان كنت ممكن تتعور بس كرامتك كانت مبسوطة ليه؟
عادى ان واحد يتخبط و يوقع.مش عيب يعنىولا برسيجه اتهز بالعكس هوه ماوقعش عشان اهبل ده وقع غصب عنه.
سلامتك يا شنكوتىو تيك كير بعد كدة

Ehab يقول...

صدقيني يا قلم رصاص واستيكه
وجع الكرامه بيوجع قوي اكتر من اي حاجه تانيه
ومش حكاية برستيج الموضوع مش كده خالص
بس محدش فاهم
سلااااااااااااااااااام

Doba يقول...

مانتا لو ماشى مفتح ومش بتبص يمين وشمال مكنشى ده كله حصلك

نفتح بقى واحنا ماشيين - واديك اتعلمت - وزى مبيقولو غلطة الشاطر بألف مابالك بقى لما الشاطر يقع

بس بصراحة بصراحة هههههههههههههههههه شكلك تحفة لو وقعت

سلامووووووز-----دوبه

AHMED SAMIR يقول...

الف سلامة
ولو انك حتى لو كنت وقعت دي لا تقلل من كرامتك في شيء
تحياتي لك

keda-sponsor يقول...

ألف سلامه يا استاذنا الكبير
وما الشنكوتي إلا كرامه لذلك أتفهم موقفك لأن ألم الجسم يهون جنب ألم الكرامه
وتمنيات من رابطه الشناكيت الإسكندرانيه بزوال الألم

و لو المترو ضايقك تاني نادي الرابطه و إحنا نلغيه خالص

غير معرف يقول...

الحمدلله على سلامتك وسلامة كرامتك يا شنكوتي :)

دير بالك الكرة الجاي وشوي وشوي على حالك :)

على فكرة أنا لاحظت انك ضايف عنوان مدونتي تحت ، شكرا كتير .

بس على فكرة أنا اسمي "حلا" مش حاله
:)

غير معرف يقول...

الكرة = المرة هيهيهي

نبض اسكندرية يقول...

الف سلامة يا ايهاب

عشان تبطل تشاغب

وعموما كل واقعة وانت طيب

وعلى فكرة ملهاش علاقة بالكرامة انك تقع على الارض قدام حد

لانك انت لو فى مكان الناس وشفت حد بيقع استحالة تضحك علية

بالعكس انت هتقف جمبة وتروح تساعدة

مش كدة باردو

وعموما بص تحت رجلك بعد كدة واهى ذنوب ونزلت من عليك

الف سلامة

وليك عندى بقة احلى هريسة من ابراهبم الغفير ياعم

عشان متقولش حرمينك من حاجة

انتظار مؤقت يقول...

يا باشا حمدالله على سلامتك و سلامة كرامتك و ياريت تبطل شعبطه في المتروهات احنا مش مستغنين عنك

3abdo me7tas يقول...

حمد الله على سلامتك يا مان
ابقى خلى بالك يا راجل
الف سلامة

Ehab يقول...

دوبه هبهوبه
متشكرين يا باشا وبعدين بيقولوا ما يقع الا الشاطر وانا كنت مفتح طبعا هو انتي فاكراني عبيط بس السلم هو اللي كان مستقصدني اعمله ايه يعني حقد بعيد عنك
ولو كنت وقعت كنت خليتك تجيبيلي هديه كبيره
سللللام يا فقريه
___________________________
احمد سمير
ربنا يخليك يا احمد انا عارف ان الوقعه مش تقلل كرامتي طبعا بس غصب عني لما بقع قدام الناس بكون محرج جدا وبخجل جدا مش عارف ليه
نورتني يا جميل وتحياتي
_____________________________
كده سبونسر
لنت جيت يا اسكندراني نورتني يا واد يا تحفه انت مدونتك شكلها هتبقى جنان ربنا يوفقك شكلك اسكندراني بس ميه ميه جدع شد حيلك كده
ونورتني خالص عايزك تكون صديق دائم
حتى عشان لما اتزنق انده على الرابطه يجوا يلحقوني
تحياتي
__________________________
حلا
الله يسلمك يا جميله
انا اضفت مدونتك من زمان عشان عجبتني جدا واعتذر عشان انا فهمت الأسم غلط
بس بصراحه انتي احلى حاله شوفتها عشان كده قولت يبقى اكيد اسمك حاله
اما اذا كنتي مصره اغيرهولك من عيني
تحياتي
انا عارف طبعا ان الكره يعني مره اخرى
دي في القرآن كمان
تحياتي وشكرا على الزياره
__________________________
نبض اسكندريه
نوتيني يا اسكندرانيه
وبعدين انا غلبان مش بشاغب خالص واكيد لو حد وقع قدامي هاروح اساعده ربنا يغفرلنا جميعا
بس صحيح هاتديني هريسه ربنا يخليكي ليه ويبارك فيكي يا طيبه يا غاليه
بس هو مينفعش تجيبيها من احمد حسنين
تحياتي
__________________________
انتظار مؤقت
الله يسلمك يا واد يا مكافح انت عملت ايه في الأمتحانات
وبعدين هو انا اتشعبط ده انا كنت قاطه تذكره بجنيه بحاله
شرفت يا باشا
__________________________
عبد محتاس
هو انت محتاس ليه سلامتك من الحوسه
نورتني والله يسلمك يا زعيم
وعشان خاطرك هاخلي بالي
بس مش عارف اخليه فين؟
تحياتي
**********

Mirage يقول...

ايه ده
انا فكر ان انا كنت جيت هنا وسبت الكوممينت بتاعى

هو راح فين
؟

Unknown يقول...

المشكلة ان المترو دا أتعمل للبني أدمين و بردو لما دخلناه بلدنا أتبرمج علي بهدلة البني أدمين ...معلش يا حاج شنكوتي .....تعيش وتاخد غيرها المهم تخلي بالك بعد كدة وسطك دا ملوش قصع غيار

حواء يقول...

فعلا الواحد بيبقى مكسوف اوى اما بيقع قدام حد مش حكاية كرامة ولا حاجة .. سلام

Ehab يقول...

بص يا ميراج بلاش نصب وحمرقه فتشني انا مخدتش حاجه يعني الكومنت بتاعك شوف وقع منك فين وروح دور عليه انما تتهمني في كومنت اهو ده اللي لا يمكن ابدا
وبعدين يا سيدي ماشي هاصدق انك جيت والكومنت وقع لوحده فين علبة الشيكولاته حلاوة رجوعي بالسلامه ولا انت بتيجي بإيدك فاضيه
نورتنا
____________________
ياسمين
متشكر جدا يا ياسمين انتي عرفتي ازاي ان وسطي مالوش قطع غيار
اوعي تكوني شوفتيني وانا برقص في الأفراح
نورتيني يا جميله
تحياتي
____________________
بوسي كات
ايه النور ده كله الرقه والمشاعر والأحساس جم كلهم عندنا شكرا على زيارتك طبعا وبجد بجد مدونتك رقيقه قوي والكلام لمسني قوي
انتي صريحه جدا ورقيقه ورومانسيه اتمنى ليكي التوفيق وتشرفيني كتير
******
سلااااااااااااااااااااااااااام

امرأة من عبير الورد يقول...

معلش مش تزعل نفسك ..انت راجل و حتفضل راجل ... و الف سلامة عليك

و تنساش أنه ميوقعش غير الشاطر

Ehab يقول...

امرأه من عبير الورد
شكرا يا جميله
وشرفتيني بزيارتك اللي عطرت المدونه بأحلى عطر في الدنيا
عطر امرأه
جميله
سلااااااااااااااااااااااااام

مريم يقول...

واضح ان كرامتك بتنقح عليك
ودى طبعا حاجة كويسة
بس انت لو كنت بتسمع كلام ابوك
وقدرت تكون كده كرش محترم
ثق انه هيعملك توازن هايل
ههههههههههههه

سلام

سكتم بكتم يقول...

علي رأي الشاعر

أصون كرامتي من قبل جنبي

سلامتك ياباشا

Ehab يقول...

مريم
ماشي يا فالحه فكرك يعني الكرش هو اللي كان هيسندني
ده كنت هابقى عامل زي الشوال ومش هاعرف حتى امسك في السور
على العموم متشكرين يا جميل على الزياره
تحياتي
________________
سكتم بكتم
الله يسلمك يا باشا
وفعلا الشاعر ده كان معاه حق
تحياتي
سلاااااااااااااااام

غير معرف يقول...

الف الف سلامه عليك عزيزي و ربنا ستر
فعلا بيكون موقف مش و لابد لما بنقع قدام الناس في الشارع و خصوصا ان فيه ناس ظريفه اوي بتقف و تقعد تضحك مش مثلا يساعدوك تقوم
ربنا يستر عليك دايما عزيزي و حمدلله علي سلامتك و يارب الألم يخف تحياتي لك
:)

Ehab يقول...

اجنده حمراء
اسعدتني زيارتك واشكرك كثيرا على اهتمامك واحييكي بشده على بوستك الأخير
تحياتي ليكي واتمنى متغيبيش تاني كتيير كده بتوحشنا يا مفتري
هههه
بجد نورتيني
اتمنى تيجي كتير مش لازم اتعور يعني عشان تزوريني
سلاااااااااااااااام

انتظار مؤقت يقول...

امتحانات ايه يا باشا انا خلصت امتحانات من كام سنه و محامي قد الدنيا ..شاور بس و انا ارفع قضيه على المترو و السواق و المحطه و على نفسي كمان لو حبيت
سلامات يا باشا

Rosa يقول...

:)
طيب الحمد لله جت سليمه
والف حمدالله على سلامتك
:)

Ehab يقول...

انتظار مؤقت
لامؤاخذه ياوالدي العتب على النظر وعموما مادمت بقيت محامي قد الدنيا ايه رأيك ترفعلي قضيه على الدنيا كلها اصلها بقت متعبه قوي
نورتني يا باشا ونورت المدونه
عقبال ما تبقى مستشار كمان
تحياتي ليكي يا اخي
__________________
روزه
rosa
الله يسلمك وشكرا على السؤال يا ستي نورتينا ويارب نشوفك هنا على طول
سلاااااااااااااااااااام

بسمه عبدالباسط يقول...

حمد الله على السلامه وكويس أنها جت على قد كده
تحياتى

truelove يقول...

اعمل ايه فيك بس قلتلك ميت مرة بلاششقاوة ...اما صيحيح شباب طايش

Ehab يقول...

بوس بوس
الحمد لله انها جت على قد كده فعلا يا جميله شكرا على السؤال
ونورتيني
______________
true love
والله يا ابله انا مش عملت حاجه وكنت ماشي كويس بس هو السلم الوحش هو اللي كان عايز يوقعني وشدني وانا مش كنت واخد بالي
سماح المره دي يا ابله عشان خاطري ماشي
نورتي يا عسل
سلااااااااااااااااااام

barbie girl يقول...

هههههههههه


حصلتلى قبل كدا

تعيش وتاخد غيرها

warDaya يقول...

هههههههههههههههههههههههههههههه
ضحكت اوي
وف نفس الوقت اتدايق علشانك
بس هاقولك حاجه

مش عارفه ليه انا قعدت فتره في حياتي مابيفرقش معايا الكلام ده

هاقولك موقف يفطس من الضحك
كان فرح اختي...وبعد الزفه واللذي منه
اختي وجوزها راحوا قعدوا في الكوشه...وماتفهمش دي عاده ولا ايه لاقيت اهل العريس واهل العروسه-اللي هم احنا-رايحين يباركولهم وكده
فقولت ايه الهبل ده كله راح ماعادا انا اخت العروسه
وقمت ايه
رايحه وبكل خفه ورشاقه
ههههههههههههههههه
وانا ماشيه بسرعه وبوصل عنده
وبمد ايدي عشان اباركلها وابوسها
هههههههههههههههههه
لاقيتني ببوس رجليها
ههههههههههههههههههههههههه
اتاري في ستب عاليه شويه كده الكوشه محطوطه عليها...وانا ماشوفتهاش...
طبعا ماقولكش على المنظر...والفستان اتقطع
والانقح...الكاميرا كانت متثبته عليهم ساعتها
ههههههههههههههههه
تخيل بقى عملت ايه
نياهاهاهاها
قمت بكل ثقه..وانا مبتسمه وصفين سناني قد كده...عدلت نفسي ومشيت وانا بتنطط اكني عيلله عندها 5 سنين
هههههههههههه
ايه يعني؟هو ماحدش بيقع غيري ولا ايه؟

Ma 3lina يقول...

الف سلامة عليك

الحمد لله جت سليمة و موقعتش
بس برده يعنى مفيهاش حاجة لو كنت وقعت مش فضيحة سعنى الحمد لله على كل حال

smraa alnil يقول...

بص بقي دي رابع مرة اقرا البوست دة وكل ما اعلق النت يا يفصل يا الجهاز يهنج
بركاتك يا عم شنكوتي

المهم الف سلامة عليك وعلي جنبك
ان شالله اللي يكرهك من غير سبب
يا ابني هو الانسان ايه غير شوية كرامة فوق بعضيها لو وقعت منه في المترو يعمل ايه

بجد الف سلامة عليك

Ehab يقول...

باربي جيرل
الله يخليكي يا ستي
وحمدالله على سلامتك انتي كمان
_______________
وردايه
نورتيني يا جميله
وبعدين يا ستي ولا يهمك ايه يعني وقعتي في الفرح قوليلهم بقرصها في ركبتها عشان احصلها في جمعتها
وبعدين ياريت الواحد كان عنده روحك الحلوه دي عشان ميبقاش مكسوف كده لما بيقع
بجد نورتيني تحياتي
سلاااام
_______________
ماعلينا
معاكي حق طبعا المهم الحمد لله على انها مش اكتر من كده بس سيبك انت منورني يا باشا
___________________
سمراء النيل
وكمان سمراء النيل عندي وبتقولي الف سلامه انا خلاص بقى خفيت يا رجاله
وطبعا الواحد عامل زي شوال الكرامه اللي اندلق
ههههههه
بجد نورتيني تحياتي


سلاااااااااااااااااااااااام

!!! الراس الكبيرة منة يقول...

تصدقنى لو قلتلك ان كلنا عدينا بالموضوع واحمد ربنا انك ما اتكفيتش عى وشك زى معظمنا

ربنا يسترها معاك وسلام

Ehab يقول...

الراس الكبيره منه
شكرا يا جميله على زيارتك
وعموما انا زمان برده وقعت وانكفيت على وشي امال انا بخاف ليه من الوقوع اصلي اتأذيت جدا في الوقعه اللي فاتت

Antony يقول...

ساعات الواحد كرامته بتوجعه أوي ، وممكن تأثر عليه أكثر من أي وجع مادي في أنحاء جسمه .... بس عايز أقولك أن مش كل الناس كده ، فيه ناس كتير مش تفرق معاها حكاية الكرامة ديه ، والناس ديه مش ممكن تفهمك أبداً مهما أتكلمت
بس مش تزعل ، علي الأقل أنا فاهمك

rashida يقول...

يا عم شنكوتى كرامة ايه بس يا صديقى ، هو الوقوع فيه اهانة ؟
عادى
انا اعرف واحد صاحبي بيقع فى اليوم تسع مرات على الاقل
لانه طول الوقت ماشي يطوح بايده و يهزر و بيفقد توازنه كتير
و بعدين انا لما بلاقى حد واقع فى الشارع بجري عليه اقومه و اطبطب عليه و لو كان مخستك نقعده على الرصيف و نجيب له مياه و عصير و بنوني يعنى ايزي خالص
سلامة جنبك

Ehab يقول...

رغده صفوت
بتجيبيله ميه وعصير وبنبوني
وانتي يا فالحه كنتي فين لما انا وقعت قبل كده كذا مره انا عايز العصير والبنبوني دول
عموما انتي زيارتك هنا يا ستي احلى من البنبوني والعصير كفايه يا ستي سؤالك نورتيني وشرفتيني جدا
اتمنى نكون اصحاب
اروح اشوف مدونتك انا كمان
سلاااااااااااااااااااااااااااام