الاثنين، يوليو 4

عايزين اختراع






علشان البلد دي تنهض لازم اول حاجه نفكر فيها هي التفكير العلمي والبحث العلمي



يعني عايزين كل واحد يشغل دماغه ويخرج بفكره جديده



كل واحد يحاول يتعلم ويقرأ في كتب العلم والعلوم المختلفه لأن مش شرط كلنا هنخترع لكن اكيد لو كلنا دماغنا تفتحت للعلوم هنتقبل الأفكار العلميه بصوره احسن وهنقدر نساعد المفكرين



واللي يقدر يعلم الناس يحاول



واللي يقدر يوصل لطرق الصناعات الحديثه ينشرها على النت وباي طريقه علشان كلنا نتعلم



يعني صناعات الكمبيوتر



والبوردات بتاعة الأجهزه



مش معقول نستورد ملايين الموبايلات والأم بي ثري والأجهزه التانيه ومش عارفين نصنعها هنا



تخيلوا كم التوفير والنمو اللي هنوصله لو حققنا ده وصناعه زي دي بقت في بلدنا



مش معقول يبقى عندي 29 سنه ولسه مش عارف البروسيسور ده بيتعمل ازاي وبيشتغل ازاي



والصينين بيصنعوه تحت السلم عندهم



الفوانيس ولعب الأطفال الصيني مش عارفين نعمل زيها ليه



التكنولوجيا يا ناس



الله يخرب بيت كل واحد في النظام القديم وقف في وش مشروعات التكنولوجيا



شايفين ماليزيا وصلت لإيه وهم اتحرروا بعدينا ب25 سنه



حرام على المصريين نبقى اجهل دول العالم ومش عارفين نعمل حاجه كده



فين العقول فين المهندسين فين المبدعين



كفاينا بقى تفاخر بعدد الرقاصات والفنانات والعاهرات في بلدنا وكأن كل حضارتنا تنحصر في اجساد النساء



يارب انصرنا

هناك 5 تعليقات:

زهرة الكاميليا يقول...

اللهم آمين

قبل الاختراع ، لابد أن نقول "عايزين ضمير"
إذا توافر الضمير ، سنتعلم صح، ونعمل صح ، ونستخدم الوقت صح بدون إهدار ..
سنفهم ديننا صح ، ولا نتاجر به كما يفعل البعض الآن.

نحتاج ضمير يا عالم

يقتلني التعجب حين أرى أهل الغرب المسيحي منهم والملحد ومن لا يعرف له أي دين ، حين يعمل وضميره أكثر يقظة من عينيه التي تتوسط وجهه!!!

يصيبني الخبل حين أراهم يطبقون تعاليم الدين الإسلامي حين يتقنون ما يسند إليهم من أعمال ولا يغشون ولا يأخذون أكثر من حقهم ولا يتواكلون على غيرهم بحجة مناصبهم أو يسرقون

لا أقول أنهم جميعا ملائكة ، فمنهم من يقول له الشيطان: أحسنت ياعمو

نحتاج أن نحب البلد
لكن قبلها نحتاج أن تحبنا البلد وتشعرنا أننا لنا قيمة ، وليسنا حجارة ترصف بها طريقها السياسي.!!!

مقارنتنا بماليزيا غير عادلة يا إيهاب ، هي نالت استقلالها الحق، لكننا لم ننل منذ عهد الانجليز اي استقلال، خرجنا من استعمار دولي إلى استعمار محلي صنع في مصر بايدي مصري ترتدي قفازات الاحتلال

عذرًا أطلت عليك إيهاب

ساره يقول...

مصر في قلبي وقلب كل عربي
يارب يحفظها و يوفقكم يارب

ايهاب انت اجدع اخ :)

Fakher يقول...

أرجع وأقول الموضوع عائد على التربية ، لازم نتعلم إننا نشتغل بضمير علشان البلد قبل مايكون علشاننا ، واللي عنده معلومة ، مايبخلش بيها على اللي أصغر منه علشان يكمل الطريق ويبدأ من حيث انتهى اللي قبله ، مش ينام على المعلومات اللي عنده ومايعلمهاش لحد علشان خايف الصغير ياخد مكانه ، وبكده هو مش هيفضل كبير القعدة صاحب الكفاءة المعملية الفذة ، لازم نتعلم إننا كلنا بنكمل بعض ، مش ضد بعض ، وكل واحد يعمل اللي يقدر عليه في مجاله ، وهو ده الدين ، مش سايبين المهم ، وقاعدين مضعين وقتنا في مظاهر الدين ودعاء الركوب ودعاء دخول الحمام ، الناس قاعدة بتفكر تهاجر القمر ، واحنا لسة بنجادل في اننا ندخل الحمام برجلنا اليمين ولا الشمال ، والنقاب والخمار والإسدال ، والدقن واللبس القصير ، عايزين نتعلم نفكر صح ونركز في المهم بأه ...

ندا منير يقول...

انا معاك جدا فى كلامك
والبحث العلمى اهم حاجة هتخلى مصر حاجة تانية خالص

بس والله احنا عندنا عقول زى الفل
بس فين فرصتها ؟
هو احنا اللى بنستورد ولا الحكومة
ولما واحد بيعمل اختراع ابسط رد مفيش امكانيات لتنفيذه عدى علينا السنة اللى جاية نفسا ليوم

والله مصر فيها الكوادر البشرية اللى تقدر تنهض بيها بس فين فرصتهم ؟؟؟

Ramanaro0o يقول...

فعلا ربنا ينصرنا واكيد فيه نصر لان ربنا لو مكنش كاتب لبلدنا انها تتغير للاحسن مكنتش الثورة نجحت بس التغير هي من جوا الناس الاول من نفوسهم بيبدأ الاصلاح ودا اللي انا مش عارفة ازاي هيحصل ؟؟؟
احنا عندنا ازكى عقول ف العالم بس مفيش بيئة تساعد ع تنمية العقول دي ومفيش دعم لاي شخص صاحب فكر او صاحب اختراع او صاحب علم

ربنا يصلح الاحوال ويجي اليوم اللي نكون فيه اول بلد ف العالم بتهتم بالتكنولجي والبحث العلمي و الادب ونرجع متقدمين ف كل جوانب الحياة ان شاء الله