السبت، أبريل ٣

ارض الخليج العظيمه تييييييييت

تحديــــــــــــــــــــث

ساره

اكتر حاجه ممكن توجعني اني اقول كلام في غضبي ويجرح حد بيعز عليا جدا جدا وبحترمه جدا جدا وانا اعتقد اني قلتلك قبل كده اني عندي اعتراضات كتير على الخليج وتقريبا مره اتكلمنا على خناقه بين سعوديين ومصريين وكان فيها اهانات متبادله وكده وانا عشان الزهايمر بتاعي مش فاكر اصلا احنا كنا توصلنا لأيه في نهاية الحوار وده الطبيعي بتاعي يعني لكن اللي اقدر اقوله يا ساره اولا انتي شخصيا من ارقى واطيب الناس اللي اتعاملت معاهم في المدونات

ثانيا بشهادة زميلي اللي فلوس ابوه راحت عليه قاللي ان فيه برده منهم كفيلين - معرفش ده جمعها ولا بتجمعوها ازاي - المهم فيه منهم مثقفين ومتعلمين بتكون المعامله معاهم جميله ومحترمه جدا لكن للأسف قليلين

وانا اعتقد اني راعيت ضميري في الموضوع ومحكتش حاجه خرافيه او مشفتهاش بعيني وبشهادة الاف الناس اللي عاشت هناك وياريت تقري رد فاخر صاحبي بعد الكومنت بتاعك وشوفي هو بيتكلم بعقلانيه ازاي برغم انه محروق منهم جدا طولت انا في التحديث وبعتذر ان كان كلامي اساء ليكي او زعلك مني لكن صدقيني اللي بيحصل صعب اعرفه ومقولش تييييت وبقول تيييت علشان محبش اني اقول لفظ وحش على اخواتي في الدين

تحياتي ليكي وتحيات غاده زوجتي

ارض الخليج العظيمه تييييييييت
من يومين كنت بتكلم عن السفر للخليج ومشاكله وللأسف" يوحنا" رئيسي في الشغل اتدخل في الحوار, تقولولي للأسف ليه مش فيه وحده وطنيه وحركات هقولكم ايوه فيه وانا بتكلم مع يوحنا في اي موضوع عادي بس المره دي الموضوع كان سخيف عارفين ليه لأنه سألني سؤال وجاوب بنفسه عليه
قاللي هو مش الأسلام حرم العبوديه عندكم ليه بقى العرب رجعوا العبوديه من تاني لكن بصوره مقننه ومحدش منكم اعترض وكمان بتوافقوا تسافروا الدول العربيه تشتغلوا هناك بصوره ابسط وصف ليها هو العبوديه.


يعني ايه كفيل ؟ يعني شخص يضمنك طول اقامتك هناك علشان لو عملت حاجه وحشه يبقى هو مسؤل عنها وده يعني كانك ناقص اهليه او لو فعلا عملت جريمه مش هيعاقبوك ويسلخوا راس اللي جابوك
الكفيل طبعا بما انه خيره عليك وعلى اللي جايبينك بفلوسه يا كلب فمن حقه طبعا ان يكون ليه عليك بعض الحقوق والفروض منها ان باسبورك يفضل معاه طول الوقت وانك متتحركش لأي مكان داخل البلد او خارجها الا باذنه لأنك لو خالفت اي من تعاليمه واوامره تبقى فاجر فاسق داعر عايز الحرق وتترحل على بلدكم يا معفن ومترجعش هنا تاني الا بعد خمس سنين ده لو رجعت يعني
طب عايز اشتري عربيه لازم الكفيل يوافق
عايز اعمل رخصه لازم الكفيل يوافق
عايز اروح احج لازم الكفيل يوافق
عايز اتجوز لازم الكفيل يوافق
عايز اخد نفسي لازم الكفيل يوافق
من الأخر انت بقيت ملكيه خاصه للكفيل برغم انه بيشغلك بمرتب وفيه عقد والمفروض ان الموضوع قانوني تماما لكن هو القانون كده انت بقيت من المماليك الف مبروك

وتخيل بقى ان المصيبه في ان معظم الشخصيات دي عندهم فلوس ومعندهمش اي تعليم والتزام حقيقي بالدين هي بس شوية مظاهر ويا سلا م بقى لما يحب ياكل حقك ابقى تف على وشي لو حد رجعلك حقك لينا زميل في الشغل الكفيل هبش كل تحويشة عمر والده في السعوديه وقاله يالا على بلدكم وهو راجل كبير وحاول يشتكيه لكن القاضي طلع قريب الكفيل السعودي الراجل راح يا عيني يشتكي للأمير والحق يتقال الأمير قالهم ازاي قرايب يحكموا في قضية بعض غيروا القاضي وفعلا القاضي الجديد حكمله برجوع فلوسه لكن هيهات يا معلم مين اللي ينفذ بقى ورحلوا الراجل من السعوديه واديه عمال يهاتي هنا من مصر لكن مين بقى كل سنه وانت طيب الكفيل اتكفل بيها
ومواقف كتير جدا بالطريقه دي والسبب اننا بنقبل علشان لقمة العيش اننا نتحمل ابشع الظروف علشان بلدنا مفيهاش غير الرقاصين والطبالين واللصوص ينهوبوها ,انا معنديش مانع ينهبوا براحتهم ويكسبوا ويزيطوا ويتجوزوا الرقاصات والمغنيات ويقتلوا بعض براحتهم بس يسيبوا الناس تاكل عيش يحفظوا كرامة الناس ميبقاش كل من هب ودب وطلع عنده شوية بنزين تحت الغنم بتاعته يبقى كفيل ويزل الناس براحته
وتسمع بقى العرب بيتريقوا على المصريين مثلا في اننا بنذل نفسنا للقرش واننا بنريل عليهم لما بيجوا مصر واننا بننصب عليهم علشان ناخد فلوسهم مع ان اعتقد ده بيتعمل معاهم في كل دول العالم اللي بيروحوها لأن واحد جاهل معاه فلوس وبيدور على شهواته وخلاص لازم كل ضعاف النفوس يطمعوا فيه
انا كتبت البوست ده علشان اسال كام سؤال لما احنا ربنا حرم علينا العبوديه دي بنرجعها ليه تاني بمسميات جديده
وليه كل واحد ربنا يفتحها عليه بعد شقاء وجوع بيبقى مستمتع قوي بأنه يذل ويفتري ويظلم كده
وعايز اعرف برده العرب دول واهل الخليج الكرام دول لما الدائره تلف بيهم والنفط يخلص ويقعدوا جنب غنماتهم من تاني هيبقى موقفهم ايه ومتوقعين معاملة الناس ليهم تبقى ازاي

كان معكم عز الدين ايبك من مصر وببعت سلامي لقطز صاحبي اللي دايق الويل من العرب التيييييييييييييت

هناك ٨ تعليقات:

همس الاحباب يقول...

مع الاسف العرب دول ينطبق عليهم شبعة من بعد جوعة
لكن العيب فى حكوماتنا الخانعة لانها لابد لها من حماية كرامة المصرى فى الخارج
بس ازاى تحافظ عليها وهى بتديله بالجزمة جوه والعرب بره
لما يخلص البترول ويرجعوا يقعدوا جنب غنماتهم
اوعدك انى هشترى منهم خروفين وهوزعهم على الفقراء
هههههههههههه
تحياتى

همس الاحباب يقول...

وبما انى اول تعليق
احتمال ابعتلك خروف تعمل بيه عقيقة ان شاء الله
وهيكون خروف من شيخ القبيلة كمااااااان

ساره يقول...

كنت اتمنى اعلق على الموضوع لو لا انه اخذ اسلوب التريقه والمعايره

اشكرك اخي ايهاب

غير معرف يقول...

إلي عز الدين أيبك
السبب الرئيسي في فكرة الكفيل في الخليخ
إنهن أيام ما كانوا لسة بدو قاعدين في خيم وجت الدول الأجنبية طلعت لهم البترول علشان مصالحها الشخصية المعروفة طبعا ، وبما أنهم شوية بدو مش فاهمين في البتنجان قالك إحنا محتاجين أيدي عاملة وناس تظبط بلادنا ، ولو إعتمدنا علي الأجانب ممكن يزيدوا مع مرور الزمن ويحتلونا زي زمان وياخدوا اللي عندنا ، طب نعمل إيه ؟؟
نجيب الناس اللي محتاجه شغل في بقيت الدول العربية يشتغلوا عندنا عمال ، ونجيب المثقفين والمتعلمين يربونا ويعلمونا ، وطبعا لأننا أقل منهم في البيئة وأسلوب الحياة والتعليم والثقافة والدماغ النضيفة ، فده ممكن يخليهم يركبونا ويستغلونا ، طب خلاص ، لازم نققيدهم ونخليهم مايعرفوش يتصرفوا ولا يعيشوا في بلادنا غير لما ياخدوا إذن مننا ،.... وقد كان ... زي ما أنت شايف بأه الحال أكنه متجوزك ، ممنوع تسافر إلا بإذنه ، ولا تعيش عير برضاه ، ولو حب يطلقك قصدي يكنسلك ، يقوم يطلع عينك لغاية ماتقول جااااااي وتقدم إستقالتك ، وفي الحتلة ديه يبقي أنت بتبريه من كل حقوقك عنده المكتوبة في العقد وفي عقد العمل.
يتبع

غير معرف يقول...

تابع ردي يا عز الدين
بعد ضغط من منظمات حقوق الإنسان في العالم ، إتلغت الكفالة الكاملة بالشكل الفج ده من أغلب دول الخليج ، ماعدا 3 دول هم المتمسكين بيها لمصالح شخصية طبعا ، وهم : السعودية والكويت وقطر ، أما الإمارات ففيها كفالة بس مش بالتعصب ده ، .....
طبعا مبدأ الكفالة يدل أن صاحبه ضعيف ، واللي يأكد؟علي كده أن العراق أيام ماكانت العراق ولغاية دلوقت عمر ماكان فيها موضوع الكفالة ده ، لأن ديه ناس عندها حضارة ، وكمان هم عارفين أنك لو عملت أي حاجة هيجيبوك هيجيبوك حتي لو رحت فين ، ونفس الموضوع في الدول الأروبية كلها طبعا ، لأن هم أقوي منك ، وبالتالي مش محتاجين يربطوك .
أخيرا ، طبعا إحنا مش راضيين عن الموضوع لانه ضد حقوق الإنسان بكل المقاييس ، علشان كده إحنا كلنا بتمني أنها تتلغي ، زي مابنتمني حاجات كتير أوي طبعا أنت عارفها ، .... وأولها أني أشوفك ياحبيبي ...

بس أنت ماقولتليش : لما أحب أكلم مصر أكلم مييين ؟؟؟؟؟؟
مع تحيات المناضل قطز ..... قصدي فاخر

ساره يقول...

تعرف يا ايهاب انك فعلا غالي عندي .. وان اعتبرك اخ لي بجد لانك زي ما بتقولوا في مصر جدع و انسان محترم جدددددددااااا ... و كفايه عندي انك اشتريت خاطري وحطيت تحديث

انا مش زعلانه من الموضوع وانا قلت لك في تعليقي ... اللي زعلني الاسلوب والتريقه .. لان الموضوع لو انطرح باسلوب يساهم في الحوار .. كان علقت ... لكن زي ما شفت عشان اسلوبك كان ساخر التعليقات من المعلقين كلها حتكون تريقه وشتيمه .. مافي مجال لي للحوار اوالنقاش
ايهاب انا اتفهم زعلك وغضبك ... وزي ما قلت تناقشنا عن الموضوع هذا من قبل ... واتفقنا ان احنا ما نعمم مواضيعنا .. وقلت لك كمان اني واجهت ناس من مصر كانوا قمه في النذاله .. ومع ذالك عمري ما فكرت اعمم واقول المصرين فيهم وفيهم .. لاني اشوف الجانب الحلو فيهم مش السيئ ...... كفايه ان فيهم شخصيه محترمه زيك
انا اسفه اني احرجتك لاني والله ما كان قصدي
ايهاب مازلت اخ عزيز عندي ولا تفكر ان اختلاف الرأي يفسد للود قضه ... لسه احترمك واعتز بصداقتك وبصداقه الغاليه غاده

اختك ساره

شاب جدع يقول...

يقال أن أحدى الحدائق السعودية أحضرت أسد من دولة أفريقية....
فرح الأسد وقال بس بنشبع من الكبسة والمندي والمضغوط
في اليوم الأول أحضر الحارس للأسد الطعام، فرمى له موز في القفص
في اليوم الثاني فعل نفس الشيء ورمى له موز على العشاء أيضا
إستغرب الأسد من ذلك التصرف
و في اليوم الثالث الأسد مسك الحارس
وقال له:أنا ايش ؟
رد الحارس : أسد
قال الأسد : طيب ايش الاسد بياكل ؟
رد الحارس: لحم
قال الأسد طيب وين اللحم ؟
رد الحارس: أنت جاي بتأشيرة قرد
مسكين الأسد ما سمع بالأنظمة اللي بالسعودية

غير معرف يقول...

كلامك صحيح وفيه منه وبشكل منتشر .. وانا اعرف قصص لاقارب لي في السعودية ..
وازيدك من الشعر بيت .. اي ربح يربحه قريبي يبلغ نصه الكفيل
والله يتولاه :)

الوناتك