الاثنين، ديسمبر 21

واحد وعشرين

النهارده واحد وعشرين
بعد ما الفرح انتهى
وبعد ما الناس روحت
بعد ما الكل انطلق على وجهته
اللي روح
واللي بايت
واللي جاي يزفني
كل ده عدى عليه عشرين نهار
والنهارده واحد وعشرين يا بشر
ناس قالولي دول يومين
وناس قالولي اسبوع يادوب
وابقى قولنا رايك ايه
بكره تزهق
بكره تندم
بكره هتموت من النكد
اكتر المتفائلين قالولي شهر او شهرين كمان
بس لازم اه ولابد هتتقهر
بس تفتكروا اني اخاف
ولا اتراجع واشك
يا بني انت وهو والبنت التخينه الواقفه ديه
وانتي برده يا مسلوعه يا متداريه
انا زيكم شفت مليون مشكله قدام عينيا في بيتنا نفسه وبيت قرايبي وبيت صحابي كمان يا عم
بس دايما كنت افكر ايه السبب
واقعد اسرح واستكنيص وافتكر
ايه يخليني منقهرش
ايه يخليني منجرحش
مش هقول اني بقى فلفوس كبير وعرفت احل المعضله
عدت علينا اربع سنين قبل الجواز مليانين بردك مشاكل وخناقات
مهما كنت هتفتكس برده لازم تنتكس اوقات كده
بس عارف لو تفكر باعتدال
لو هتكسر عندك القاسي المحال
كل شيء راح ينصلح
لسه والحمد لله قوي متخناقتش يا بشر
بس حتى لو اتخانقت اوعى حد يقولي شفت
بكره نتخانق ونتصالح كتير
والحمد لله على كل ده
انا مش عارف اشكر الناس اللي باركولي والناس اللي حضرت الفرح وفرحوا معايا وفرحوني بوجودهم قد ايه بجد بجد وجودكم هو كان احلى هديه جاتني في فرحي ده غير الحاجه التانيه برده يا جماعه مش عارف اقول ايه يعني بصراحه
اتفرجت على الفيديو اخيرا بتاع الفرح وشفتكم واقفين وشفت اللي رقصوا كمان هههههه
بجد متشكر لك اخ واخت يشرفني دايما وجودهم في حياتي
حكيت لغاده كتير عنكم وفرحت قوي انكم جيتم واللي مقدرش يجي مسيري اقفشه في اي تجمع قريب ان شاء الله
عقبالكم جميعا
لولولولولولولولوليييييييي
محدش يجيب سيرة الرقص علشان معورش حد

هناك 12 تعليقًا:

فاتيما يقول...

الف حمدلله ع السلامة يا عريس
ربنا يسعدك يا إيهاب
و ايوه كدا ارفع من نعنوياتنا المنهبطة
و ربنا يا بنى يخلى حظك احسن مننا كلنا متجمعين ألف مليون مرة
سلامنا للعروسة الننوسة

وومن يقول...

حمد الله علي السلامة يا عريس والف الف الف مبروووك

ربنا يدوم عليكم المحبة والوفاق هي الدنيا كدة شوية فوق وشوية تحت محدش علي حاله علي طول

سلم لنا علي العروسة

حزينه يقول...

ربنا يهنيك ويسعدك

حزينه

ahmed_k يقول...

مليووووون حمدالله على السلامه يا عريس
عدى 21 يوم ماشاء الله
كفاره يا صاحبي ههههههه الجواز للرجاله ههههه
لأ بجد بقا ربنا يسعدكم ويجعل حياتكم كلها هناء وسرور
وعقبال متفرحنا بخبر حضور إيهاب الصغير

أطيب أمنياتي لك ولعروسك
دمت بكل ود

قلب ينبض بالحب يقول...

العريس رررررررررريس والعروسة سوسسسسة مبرزك ليكم انتوا الاتنين والله يا ايهاب فرحتي بيك كانت زي فرحي بالواد بلال اخويا وعقبال ما نحضر سبوع اول مولود يارب يارب "بدورة"

دعاء مواجهات يقول...

الف الف حمدلله على سلامتك
وربنا ديما يكتبلك السعادةوولفرفشة ويبعد عنك الحزن والنكد والخناق

وبعدين خدها منى ياهوبا اللى عاوز يعيش ف نكد بيعيش ف نكد واللى مقرر يبعد عنه هيبعد عنه

ربنا يوفقك وسلملى على العروسة كتيير
...

اتمنى نشوفك قريب

Princess de la tulipe rouge يقول...

ربنا يسعد قلبكم وأيامكم كلها :)

ساره يقول...

يارب يسعدك على طول يا هوبه
وان شاء الله عقبال واحد وعشرين سنه بعد المئه وانتم احلى عروسين

انا سعيده عشانك وكنت اتمنى احضر فرحك بس مع الاسف امور كثيره عاكستنى

سلامي ل احلى عروسه

Sharm يقول...

مبروك يا ايهاب

قلب ينبض بالحب يقول...

وبعدين ياولد انت يالابقى اكتب تاني وورينا كتاباتك ياولد كده وانت زوج لونها ايه ربنا يسعد حياتك ويلونها بكل الوان الخير لانك تستاهله مش عارفة ام بدخل عندك بحس بقشعرة في جسمي ودموعي عاوزة تنزل بجد لاني فرحان اني عرفتك وعرفت هبة حبيبتي واتشرفت بغادة وبالوالدتك السكرة امانة تبوسلي ايديها وسلامي ليها وليك ولغدغودة ولهوبة ربنا يسعد ايامك

أختك
بدوووووووووووووورة

mimi يقول...

ألف مبروك يا عريس ،،

ويارب كل 21 فيمتو ثانية تعيشها في سعادة مع غادة

لووووووولوي

Plogs يقول...

This is such a nice addition thanks!!!
غلا الروح
شات صوتي
بنت ابوي
شات صوتي
شات الغلا
عرب كول
انحراف كام
عذاب كول
عذاب كام
عذاب كول
شات صوتي
شات مغربي