الأربعاء، سبتمبر 30

عيد ميلاد ويوم ميلاد

النهارده عيد ميلاده
وبعد بكره يوم ميلادي
زي النهارده احسن صديق ليا اتولد
وبعد بكره انا هتولد
انا بعد بكره هكون ان شاء الله هكتب كتابي على زوجتي المستقبليه ورفيقة الكفاح بقى
في مسجد فاطمه الزهراء بميدان فكتوريا بشبرا مصر
الحاضر يعلم الغائب بقى
اما النهارده فد عيد ميلاد احمد صاحبي ربنا يجيبه بالسلامه بقى من سفره
ربنا يقرب البعيد بقى
ابقوا نوروني
انا مش هكتب اسامي الناس اللي بعزمهم لأن هم عارفين نفسهم بالأسم بقى سواء اللي من شبرا واللي من بره شبرا واللي من الهرم واخويا اللي في الغردقه وهو عارف نفسه والبيه اللي في المعادي ومطنشني
وباقي احياء مصر كلها طبعا وانتي يا شعنونه طبعا عارفه نفسك
تحياتي ليكم وربنا يسعد الجميع
سلااااااااااااااااااااام

هناك 11 تعليقًا:

Appy يقول...

كل سنه انت قلقاسه يا هوبا

والف مبروك وربنا يتمم عليك بخير يا رب
ابقى ادينى تليفون الشعنونه علشان اقولها هههههههههههههههههههههههههههه

*البت المشمشية *حلوة بس شقية * يقول...

هوبا
مبقتش تيجى عندى
ده انتا عايز تتضرب

مبروك يا هوبة
عقبالى يارب

dodoo يقول...

كلللللل سنه وانت طيب

وكلللل سنه وصحبك طيب

والففففففف مليوون مبروك وربنا يتمملك بخير يارب

ساره يقول...

كل سنه وانت طيب
وكل سنه وصاحب عمرك طيب
والف مبروك على كتب الكتاب ... والله انا لو في مصر كان جيت عشان انت غالي عندي بجد ... الله يسعدك يارب ويوفقك انت وعروست امين

اختك السعوديه ساره :)

بت خيخة وأي كلام يقول...

يشاوروا عليه ويقولوا العبيط اهه
يشاوروا عليه ويقولوا العبيط اهه

انا حاولت اتصل بيك دلوقتى لاقيت موبايلك مقفول

كنت عايزة انصحك
كنت عايزة اشجعك على الهروب
كنت عايزة اقولك انفد بجلدك
وارجع يا مجنوووووووووووووون

كنت عايزة اشمت فيك واقولك
احسنننننننننن تستاااااااااااهللللللللللللل

خذوا النصيحة من افواه الخيخة

جاتكم نيلة مش نافع معاكم
لا نصيحة ولا شماتة
اشربوا بقى

انا هاعمل ايه اكتر من كدة
هاقطع نفسى

كل واحد حر وكل واحد ينام على الجنب اللى يريحه
وكل واحد يستحمل خزوقة الخازوق اللى هايلبسه


هو اجمل مافى كتب الكتاب انك هتبوس
وماشية معاك يا عم وهتبوس براحتك
ولا حد يقولك حرام ولا حد يقولك عيب
مراتك حلالك بلالاك تبوسها براحتك بقى

وانا لو منك ابوس كتير فى الفترة دى
لان بعد الجواز محدش بيبوس
وساعتها تسال نفسك
هو كله شتيمة شتيمة مافيش بوس


ايهاب
بجد قبل ما امشى عايزة اقولك انك هتصعب عليا اوى

اليوم فقدت مصر
شنكوتياً من اشجع الشناكيت
شنوكتياً من افضل الشناكيت
شنوكتياُ من اشنكت الشناكيت


عااااااااااااااااا
حبيبى يا خويا



انت مش كاتب ميعاد كتب الكتاب امتى ليه؟
وقافل موباليلك ليه
كنت عايزة اعرف امتى
علشان لو ينفع اطب عليك واشمت فيك بنفسى وجها لوجه



مع السلامة يا هوبة
خد بالك من نفسك

سلام
اختك خيخة

دعاء مواجهات يقول...

الف الف الف مبرووووك ياأحلى هوبــا ف الدنيا كلها

وياارب يتمملك بخير ياارب ويوفقك

ويبارلكلك ويبارك عليك ويجمعكم فى خير يارب ديما

وكل سنة وانت معانا اوعى نفسك توزك وتبعد عننا احنا هنسيبك فترة راحة بس .. منتظرينك .. ياعريس

===========

البت خيخة دى مصيبة من مصايب الزمن اوعاك تسمع كلامها ههههههههههههههه

وبعدين مش قايل الساعه كام لية صحيح ؟؟ وكمان قافل الموبايل شكلك عاوزنا نيجى اوى فعلا

ههههههههههههههههههههه
اول مرة اعرف اننا جيران يابرنس
المهم ربنا يوفقك ..

بت خيخة وأي كلام يقول...

يا لهوىىىىىىىىىىى
من اولها كدة قاعد مزنوق
بقى اكلمك انا وشاهى تقوم تقفل معانا فى الكلام؟

ده واضح ان العروسة كانت كابسة على نفسك

وايه جزاكى الله خيرا دى؟
انت كنت رايح جنازة يا واد؟

ايش حال ده احنا مكلمينك قبل كتب الكتاب
امال لو بعد كتب الكتاب كنت هتقولنا ايه؟
كنت هتقولنا سعيكم مشكور وذنبكم مغفور؟


يا خسارتك يا ابو الشناكيت

كنت بعقلك يا خويا

يا حسرة قلبي عليك ياايهاب

سلام
اختك خيخة

الشنكوتي الكبير يقول...

آبي
انا قلقاسه يا بتنجانه

ههههههه
ماشي براحتك يا طويله براحتك

هديهولك وهجيبهالكم بنفسها ان شاء الله في اقرب تجمع علشان تتعرف بيكم بقى

====================

البنت المشمشيه

عقبالك يا مشمشه يارب
ونفرح بيكي قريب
بس انا اتشغلت شويه كده سماح بقى بلاش ضرب الله يخليكي

=====================

dodoo

وانتي طيبه يا قمر


عقبالك ياااااااارب

==================

ساره

اختي ساره السكره
بجد كنت اتمنى تيجي وتنوريني وتبقى معانا في اليوم ده
ربنا يسعد ايامك ويحفظك نشوفك على خير يا سكر

====================

بنت خيخه


اقولك ايه يا مجنونه اولا ابويا كان معايا في العربيه ومتأخرين وعمال يشتم على السواق اللي انا جبته ويزعق فيا خلاني على اخري ومتوتر جدا وجه تليفونك خرجني من العصبيه وفوقني ربنا يكرمكم يارب انتي واختي شاهي
ياريتني افتكرت اقولكم مكان المسجد والموبايل كان بيفصل شحن مش قافله ولا حاجه صدقيني
ان شاء الله اجيبلكم العروسه بقى في اقرب تجمع تتعرف بيكم يا فقريه وتعملي معانا حوار صريح ونناقشك دلوقتي وبعد سنه من الجواز تقابلينا تاني ونتكلم
ايه رايك

اما موضوع البوس ده فمش قادر اقولك اخوكي ما هيصدق طبعا
ادعولي بقى ربنا يقدرنا

ههههههههههههههههه

سلاااااااااااااااااااااااام يا اجدع اخت
عقبال شريف يارب



سلااااااااااااااااااااام
اخوكم ايهاب

الشنكوتي الكبير يقول...

دعاء

تسلمي يا دعاء ربنا يكرمك يارب ويسعد ايامك يا فنانه

نشوفك على خير يارب

سلاااااااااام

واحدة مفروسة يقول...

ههههههههههههههه
انت لسة عايش يا ايهاب يا شنكوتي؟؟؟؟؟
انا قلت الجواز مش حيخليك تبان ولا تظهر
تلاقيك يا حبة عيني بتدخل على النت لما المدام تكون فى المطبخ
ههههههههههه
و حشتنا يا شنكوتي
المهم يا سيدي اليوجا مفيدة جداااا فى حالات المتزوجين لأنا حالات متعصية بعيد عنك بتجيب هبل طبيعي على كساح على كل حاجة
المهم اعمل انت بس التمرين ده و انت تبقى زي الفل ههههههههه
سلام اختك مفروسة و سلملى على العروسة الننوسة

Plogs يقول...

This is such a nice addition thanks!!!
فعاليات الصوتي
شات صوتي
شات صوتي
شات صوتي
غلا الصوتيه
شات صوتي
شات صوتي
شات صوتي
شات صوتي
الشات الصوتي
غلا الصوتيه