الخميس، فبراير ٢٦

ورده ريفيه



القصه عن ورده
مش ورده في جنينه
دي ورده بريه في الريف كانت عايشه
مزروعه من سنتين بالحب مسقيه والطيبه راويها
الورده كانت حلوه لكنها خجوله
برائتها وجمالها عملولها اسطوره
الناس بتعشقها ولا يوم حدا يقدر يقطفها بصوابعه
وفي يوم في عز الصبح وردتنا جت صحيت على هيصه وحكايه
راعيها وحارسها قرر يجيب عنده هنا مزرعه للنحل
من زهره يعمله عسل بأنواعه
النحل كان يجي حواليها ويعدي واول ما يلمحها على طول كده يهدي
شغاله ولا اتنين واقفين كده عليها
وفي يوم بطرف العين شافت من النحاحيل
ذكر في غاية الحسن
بيشتغل حارس في قصر مولاته
ولا عمره فكر يوم يجي على ورقها او حتى يلمسها
عجبها الوانه وشكله ومقامه ما بين عشيرة النحل
الورده ببرائه مالت بورقاتها
عشان عينيه تشوفها فتحتله براعمها
نشرتله رياحينها
واتبسمت لجله
مالت بطرف الغصن علشان تبان اكتر
لا هو حس بشيء
ولا هدى حتى يبص
وفي لحظه واحده بس
وبدون ما يدرك حد
الورده منزوعه
من جدرها بتصرخ
اتاري طير احمق
لمحها قدامها
الوانها عسوله
وورقتها مفتوله
خطفها بضوافره
عشان يقدمها لعصفورته في العشه
الورده نزفت شهد
لفت بأخر نفس
ناحية مكان بيتها
واتنهدت وفي يأس
بصت لبيت النحل

يمكن بيها يكون حس
لكنه ولا شافها
ولا حس احساسها
ضيعتي عمرك ليه
على حد مبيدركش
ولا عمره يوم يفهم غير في الحرس والدم

هناك ٢٤ تعليقًا:

حروف يقول...

هي هي انا اول تعليق

حروف يقول...

لما اقرا واجي اشوف ايه نظام

حروف يقول...

بجد بجد جميلة اوي وخصوصا المقطع دة



الورده نزفت شهد
لفت بأخر نفس
ناحية مكان بيتها
واتنهدت وفي يأس
بصت لبيت النحل
يمكن بيها يكون حس
لكنه ولا شافها
ولا حس احساسها
ضيعتي عمرك ليه
على حد مبيدركش

Doba يقول...

جميلة قوى قوى قوى
بجد

شوف لما تمخمخ كده وتطلع تفانينك وانت مركز بتبقى بتكتب العجب العجاب

بس بجد ممتازة
مش قادرة اختار مقطع معين لان كتير عجبونى

تسلم ايديك
هبة

حروف يقول...

الف لبعد الشر علي مشاعرك ومحاسيسك بس اهو الواحد بيتخيل الدنيا في اولها فرح وبعدين تبدا مشاكل وتبدا الحياة الحقيقة اتمني بجد الحلم يتحقق بس من غير ميكون في مشاكل بعد كدة وحبئا ارسالكم من هناك والله ناس طلبت انزل اجزاء للحلم هههههه
دمت بالف خير ومتبئاش تغيب

Lyssandra يقول...

مممم

جميلة أوي يا إيهاب

فيها أكتر من معني
وأكتر من حكمة

بس اتوجعت عشان الورده المسكينه دي

:(

........

ع الهامش :

الجزء التاني من القصه نزل يا عم إيهاب
ياريت حضرتك تعدّي عشان أعرف رأيك النهائي

وماتنساش الشيكولاته من فضلك

:)

.......

سلاااام

أختك :
Lyssa

حروف يقول...

ممممممممممممم ربنا يخليك
منورني دايما وربنا يكرمك

حروف يقول...

صحيح انت كنت التعليق رقم 40 لك جائزة خليك مع كنترول عشان تعرف حتاخد الجايزة ازاي
"وش بيكركر"
سلام

رئـــــيسـة حزب الأحلام يقول...

قصة جميلة جدا
وبجد فيها كتير من الواقع بس ليه مش خليته ياخد باله منها ويلحقها قبل مايجى الغراب ويخطفها كانت تبقى نهايه سعيدة بس بجد تحفة
تحياتى

dodda يقول...

الله حلوه اوى

حدوته صغنطوطه
بالعسل ملتوته
حاكلها كلها
مش حسيب ولا فتفوته
:0)

انا حره يقول...

عشان هبله وقلبها دق

جميله اوى ياشنكوتى

TIMMY !! يقول...

اللاكم رائع جدا بجد ,
و المعنى عميق و جميل ,

للأسف فعلا الوردة ضيعت حياتها في خدمة من لا يعبأ بها أصلا !!

ahmed_k يقول...

ياااااه يا هوبه
معناها كبير اوي
والمغزى منها واقعي جدا
فعلا ضيعت نفسها
لجل من لا يقدر ميزتها

دمت مبدعا موهوبا يا هوبه

خالص تحياتي

Unknown يقول...

عاليه عاليه عاليه
حلوة جدا يا ايهاب
والمعنى فيها راقي جدا
حسيت اني بقرا نفسي انا كمان فيها
تسلم ايدك حقيقي
بس انا محدش قطفني يا عم ولا حد يقدر
هغزه على طول
قصدي هشوكه :))

*البت المشمشية *حلوة بس شقية * يقول...

لأاحول ولا قوة الا بلله
طب ليه قطفها
بس ايه الوردة العسولة دى
رقيقة كدة
وناعمة
بس بقه انا حسيت ان الوردة احلا منى

Lyssandra يقول...

إيهاب

أنا جايه أقولك

إن في

صورة جديده

علي

وحي الصورة

...

:)

ياريت تشرفنا يا فندم

شكرااااا

سلاااااااام

Lyssa

funckydoctor يقول...

ياه ولا شافها حتى
معندوش نظر صحيح :D

شخـا بيــط مـحـجـوب يقول...

جميل اوى القصة دى

تسلم ايدك

تحياتى ليك
وتقبل مرورى

شخابيط mahgoub

حزينه يقول...

بجد قصه حلوة اوى
بس قلوب كتير بتتجرح
واللى جارحها حتى مش يعرفها
عيش يا قلبى واتعلم

حزينه اوى

Foxology يقول...

حد مبيفهمش غير فى الحرس والدم

اسقاط شديد يا شنكوتى :)

حلوة بجد

شكلى كدة هبقى قاعد هنا على طول :)

تحياتى

Unknown يقول...

شعرك جميل
لفت نظرى جميلة كدة
بيشتغل حارس في قصر مولاته
ولا عمره فكر يوم يجي على ورقها او حتى يلمسها

فظيييييعة بجد
تسلم ايدك

صوت من مصر يقول...

هل انا تلك الورده
اظن ذالك

PrInCeSS BeRy يقول...

ازيك يا ايهاب يارب تكون بخير كلماتك جميلة مع ان وردتك حزينة بس معنى اللى وصل قد اية جميل وحساس للامام يارب دايما

دعاء مواجهات يقول...

يااة ياهووبا ياجاامد

مش حقول حلوة ولا تحفة ولا تجنن

لان كل دا معرووف

لكن المعنى هو اللى بيحتوى المهم كلو

وم المكنون يظهر المقصود

=====================

بشكرك على كل دعوه جميلة تركتها عندى

انت بجد حد بعتز بية بشكل خااص

تحياتى