الأحد، فبراير 22

جنيه مسحوره

تحديث
ليس بالضرورة ان تكون كل اساطيري هي من واقعي انا
بعضها حقيقي وبعضها قرأته وبعضها سمعته من بعض الناس ولكني لا احب ان احكي الواقع كما يحدث والا كنت غيرت اسم مدونتي وسمتها برنامج حياتي القديم ده علشان كده بكتب قصص من مجتمعنا لكن باسلوبي انا زي ما تخيلتها مش دايما هاكون طرف في القصه وساعات هاكون طرف فيها ده للتوضيح فقط
جنيه مسحوره من ارض مهجوره
ههههه
حلوه قوي البدايه دي
عموما قبل ما ابتدي لازم احل اللغز اللي فات
الحل ان فاخر صاحبي مسافر عرفتم بقى طبعا معظمكم خمنوا الفكره صح
المهم حدوته النهارده ايه
عن جنيه من دنيا تانيه
دنيا غير الدنيا بتاعتنا خالص
الجنيه كانت شقيه الجنيه محدش قدر عليها طول عمرها
مجنونه ومغامره عايزه تجرب كل شيء عايزه تعرف كل شيء وعايزه تلعب وعايزه تضحك
واللي يجنن عايزه تحب
والحب عند الجن شيئ مش بسيط لأن اللي تحبه هتديله كنوز كتير لكن عليه يخلصلها ولو في يوم غدر بها راح تقتله
من كتر ما لفت وطافت في البلاد شافت كتير وكتير شافوها اتجننوا
لكن في يوم حبت ولد
مجنون كده قوي زيها لكن بشر
ولأنه يا اخوانا بشر
غلط اكيد وغلط كتير
والأكاده يا ساده يا كرام في انها لم تقتله
فضلت تحاول تعدله وتحسنه
بتحبه بنت الأيه قوي
لكن كما قلنا ووضحنا لكم
جنيه يعني مفيش معاها كلام هزار غدرك هيجي عليك قوام
وفي لحظه واحده خطفته وفوق جبال الدنيا طارت بيه ومن اعلى قمه حدفته
نزل مكسر زي تمثال محترق
جريت بتبكي نار ودم الغدر اصله بيحرق كل شيء لو حتى جن
جريت على العراف دموعها مولعه
عايزه تقوله وتساله فين الطريق
مسح على خدودها الجميله المذهله وشرحلها وسمع لها وشاور لها على السكه فين


فرحت وحست بالأمان وفي ثانيه ظنت انها بتحب عرافنا الهمام واترددت يا هل ترى تبوح تقوله بسرها
لكنها شافت كلامها وسرها باينين قصاده في نور ونار بنوره مسحوره قالتله سرها
وسمع لها


لكن ما يقدر يحترق بنار الغرام لأنه طول عمره عليه الحكم ساري من زمن
لا يحب واحده زيها ولا يقترب من سحرها
والا يصبح وقتها محبوس في قمقم من دهب
مقدرش يقبل حبها


وهي كانت عارفه كده بعدت وجريت من طريقه وسكته وفجأه اختفت
رجعت تلف بلاد بلاد وغابات تاخدها لأرضها
وبحور تشيلها تحطها وجبال تسافر وسطها
وفي يوم عجيب وقعت في حب جديد عجيب
صياد فقير
شكلو جميل وحبه باين من عينيه
بيحبها وبيحسها
وحلفلها ما يخونها يوم طول رحلته
فرحت صحيح بمحبته لكنها كانت خايفه منه في سرها
يا هل ترى هيصون حياتها وحبها
لكنها ملقتش غيره يحبها والوحده صعبه حتى عالجن الشجاع
فقررت تتجوزه
واتجوزوا
لكن الحكايه يا حبايبنا مخلصتش هنا
مجنوننه من يومها وعايزه قلب مارد من شرر مش عايزه صياد ابن صياد محترف
كان كل يوم يرجعلها ويضمها ما بين ايديه ويحبها
لكن حبه مكانش هو حبها
ازاي يا ناس تجوزوا جنيه مسحوره بقلب مليان نور ونار
لقلب غلبان زي ده
فأتجننت ثارت عليه
لازم تكون فارس شجاع لازم تكون امير كبير
مقدرش اكون زوجه انا لصياد فقير
صرخت وصرختها حرقت جوانب قصرها
وهو مش عارف يكون شئ غير كده
بسرعه رجعت ارضها
بحثت عن العراف بتاعها اللي نسيته من زمان
جت تساله ايش تعمل الجنيه ويا قلب من الحطب
لا قادره ترمي النار عليه لا تحرقه
ولا قادره تحيا ويا قلب من الخشب
عرافها بصلها ودور لحيته
عارف دواها وحلها لكنه لا يقدر يقول ولا يعترف
سالت وصرخت يا طبيبي فين دواك
سكت شويه وقالها
عشرين دوا ليكي هنا
لكني لا اقدر اجيبلك ايهم لأنهم في كل ترياق من تراييقي انا وسط الدوا في مر علقم بخلطه


وساعات يكون مسموم كمان
خايف لا سحري وقوتي وادويتي تيجي تفيدك تقتلك
يا هل ترى جاهزه يا جنيه يا حلوه يا مذهله تتحملي طعم الدوا
يا هل ترى هتفضلي علقم في زورك تبلعيه
ولا اجيبلك سم مخلوط بالعسل
ولا اسيبك ترجعي لصياد فقير حبك في يوم ومستنظرك

هناك 15 تعليقًا:

Appy يقول...

دي كان اسمها ابى الجنيه دي
بطل حواديت اخر الليل يا هوبه علشان خاطري علشان بتخض

ahmed_k يقول...

أولا يا هوبه دي صوره حد يحطها
وتصدق يا هوبه فكرتني بحكايات ألف ليله وليه
زمان لما كنت بأقرأ كتب ألف ليله وليله كنت بفكر في العالم المسحور ده كتير وكان متهيألي انه عالم واقعي وكان نفسي أعيش فيه
مش معنى كده أنه مبيحصلش تزاوج بين الإنس والجن هو بيحصل لكن نتائجه وآثاره بتكون مدمره خصوصا على الطرف الإنسي
نعوذ بالله من الشيطان الرجيم
خلاص كفاياك كده يا هوبه سيبت مفاصلنا يا جدع
بس قصتك إبداع ورائعه بجد
دمت متألقا يا صديقي

في أمان الله

maha zein يقول...

الله
حلوة اوي
عارف
كنت هزهق من الاول وكنت فكراها مملة
بعدين لقيت نفسي بقراها بشغف
ومش عوزاها تخلص
والصورة متركبة تمام مع تخيلاتي و جو جامد
بجد تسلم ايدك
انا اول مرة ازورك واشوف الجمال ده
بجد اسلوبها حلو جدا
وفعلا استمتعت بشدة

زهرة الكاميليا يقول...

الله
الله
الله

أجمل اللحظات .. عندما تقرأ وتحلق فى سماء الحرف وأنت ترتدى جناجان من السطور ..

تمسك بيدك عصا سحرية من خيال ..
تشير بها هنا هناك .. يمن .. شمال ..

تحقق أمانى
تعيش عمر تانى

ولما تخلص الحكاية
ترجع انت للبداية

زى طفلة صغيرة .. حطت ايديها على خدها .. تسمع حكاوى جدها ..
كنت أنا ..

إيهاب ..
ميرسى ليك ..
أصل كنت حاسة انى كبرت خلاص .. كبرت اوى



كل الود والاحترام أخى الغالى

الشنكوتي الكبير يقول...

أبي
ازيك يا بتنجانه انتي
حواديت ايه واخر الليل ايه بس يا بنتي

انا بحب احكي الواقع من خلال قصه خياليه
لأن الواقع مر قوي وساعات بيوجع قوي
وساعات مبيتفهمش والناس مبتتقبلوش وبينسوا الفكره والهدف علشان نقطه صغننه في النص
اما بقى اسمها ايه الجنيه فده بعدك مش هاقولك

-----------------------

Ahmed_K

ابو حميد حبيبي من ارض الغردقه الحبيبه
مالها الصوره بس ما هو عمك جوجل هو اللي اداني صورة عفريته لما طلبتها منه فقلت خلاص ولا هازعلك يا جوجل ورزعتها في البوست بس بذمتك مش ليها معنى بتضيفه للفكره
اما جواز الجن فربنا يحفظنا انا زمان كنت بحسبهم مزز وحلوين جن بقى
بس طلعوا نار ودخان وحاجات مش حلوه خالص

نورتني يا حبيب عيني
---------------------------


مها زين

ازيك يا دكتره عامله ايه
ربنا يسعد ايامك
الحمد لله انها مطلعتش ممله كنت هازعل قوي
اتمنى يكون اسلوبي حلو
ربنا يحفظك نشوفك انشاء الله في التبرع

----------------------

سلاااااااااااااااااااااااام

الشنكوتي الكبير يقول...

كاميليا

الله عليكي
ربنا يسعد ايامك
وبعدين تكبري ايه بس
ولا هو شكله مسافر اليومين دول وعماله ترزعينا بوستات فزيعه عن الغياب وانا اصلا صاحبي مسافر وقلبي واجعني عليه
وبقرا كلامك بيوجعني قوي
مش عارف اقولك ايه
ربنا يحفظكم ويسعد ايامكم

سلااااااااااااااااااااااام
اخوكي ايهاب

زهرة الكاميليا يقول...

ههههههههههههه

اااه مسافر ..

بس خلاص مش فيه همسات تانى ..

أصله قالى
((انتى ايه حكايتك .. عاملة المدونة بتاعتك قاعدة صواريخ وكل شوية تطلقى عليا صاروخ قسام يقسمنى بين هنا وعندك؟))

هههههههههههههه

قولت كفاية كده وعملت هدنة
هههههههههههه


ان شاء الله فاخر يرجع بالسلامة
ربنا مش يحرمكم من بعض يارب

كل الود أخى

(F)

*البت المشمشية *حلوة بس شقية * يقول...

حرام
حرام حرام
هو انا ناقصة رعب
هنام ازاى
خليك فى القصص بتاعه اله الشمس والحاجات دى ارحم
والصورة اللى حاتطها لزقت فى مخى

dodoo يقول...

الله

فكرتنى بقصص الف ليله وليله

وشدتنى اوووووى ع فكره

بجد جميله

بس انا خفت من الصوره

TIMMY !! يقول...

انت بتقول فيها يا إيهاب ,
أنا أعرف واحد كان متجوز جنية ,

و أصحابه داخوا بيه عند الشيوخ علشان يرقوه و الحمد لله اتعالج في الآخر ,

ربنا ما يحبب فيك جنية :)

الشنكوتي الكبير يقول...

كاميليا

يا بنتي تعبتي الراجل وقسمتي نافوخه حرام عليكي

ههههههههههههههههه

ربنا يسعدكم وتصدعيه كمان وكمان يااختي

ربنا يرجعهولك بالسلامه
تحياتي ليكم وسلامي ليه كتير بقى لما يجي
سلاااااااااااااااااااام

اخوكي ايهاب

Doba يقول...

جنيتك مش عاجبها حد
عاوزة تتنقل بين المهتمين بيها
ولما يهتمو بيها بتمل وتبقى عاوزة التغيير

وهتفضل كده اللى تحبه تجيبه واللى يحبها يتجرح من حبها

كالعادة تسطر القصص بشكل جميل ودائما تميل للفارس الهمام الطيب الجميل

بس خلاص
هبة

ليلى فى عالم ادم يقول...

plz visit my new blog d tell me what u think

http://lailavsadam.blogspot.com/

حروف (دلو مرة ثانية وجرح ثاني سابقا) يقول...

انا لسة اخدة بالي من البوست بس جميل القصة اوي عارف القصص الغنائية بجد جميله
وفينك بقاللك كتير جداااااااااااااااا

kiki يقول...

情趣用品,情趣,A片,AIO,AV,AV女優,A漫,免費A片,AIO交友愛情館,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,情色論壇,色情影片,微風成人,嘟嘟成人網,成人,18成人,成人影城,成人圖片區,成人圖片,成人貼圖,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,視訊聊天室,視訊聊天

麻將,台灣彩卷,六合彩開獎號碼,運動彩卷,六合彩,線上遊戲,矽谷麻將,明星3缺一,橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,遊戲區,電玩快打,cs online

情趣用品,情趣,情趣商品,A片,AIO交友愛情館,AIOAV女優,AV,A漫,免費A片,本土自拍,自拍,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,色情影片,情色網,色情網站,微風成人區,微風成人,嘟嘟成人網,成人,18成人,成人影城,成人圖片區,成人圖片,成人貼圖,成人文章,成人小說,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,080中部人聊天室,080聊天室,中部人聊天室,080苗栗人聊天室,苗栗人聊天室,免費視訊聊天,免費視訊,視訊聊天室,視訊聊天

情趣用品,情趣,情趣商品,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,AIO交友愛情館,一葉情貼圖片區,情色論壇,色情影片,色情網站,微風成人區,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人文章,成人小說,A片,AV女優,AV,A漫,免費A片,自拍,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,080中部人聊天室,080聊天室,080苗栗人聊天室

情趣用品,情趣,情趣商品,愛情公寓,情色,情色貼圖,色情小說,情色小說,情色文學,色情,做愛,寄情築園小遊戲,色情遊戲,AIO交友愛情館,AIO,色情影片,情色網,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人文章,成人小說,成人電影,麗的色遊戲,自拍,A片,AV女優,AV,A漫,視訊交友網,視訊,視訊交友,免費視訊聊天室,免費視訊,視訊聊天,視訊聊天室,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園