الخميس، أكتوبر ١٦

كاميليا الف مبروك يا عروسه




النهارده فرحي يا جدعااااااااااااان

بس الحقيقه بقى انه فرح كاميليا يا جدعان وانا فرحان جدا والكل فرحان الف مبروك يا كامي ربنا يوفقك ويسعدكم ياااااارب
انتي اختنا كلنا وكلنا فرحانين بيكي ومع اننا مش قادرين نسافرلك لكن كلنا قلوبنا عندك طبعا بتباركلك وتغنيلك وتقولك
طالعه من بيت ابوها داخله بيت الجيران
واخده من الشمس طرحه ومن القمر فستان

وبرده عايز اقولها كام نصيحه كده
خدي بالك من نفسك ومن جوزك وان غلبك بالمال اغلبيه بالعيال
وقصصي طيرك ليروح لغيرك
وخلي بالك ان تحت الساهي ايه .....


يعني خدي بالك من جوزك يا بنت والف الف مبروك وانا جاي اهدي النفوس بس

ويحضرني اغنيه عظيمه بتقول

يا عشاق النبي صلوا على جماله دي عروسة البيه تعالوا بنا نسندهاله
وادي نور جمالها اهو هل هلاله يا هنيا للي ينولها يا هنياله
مين شاف كده بني ادمين
راح تطلعي وحشه لمين
ده الأب عريض وسمين
والأم لون الياسمين
يا سلام يا حتة سكره
يا ترياق ياللي معطره
يا عريسها يا زين ما انتقيت

يا عشاق النبي صلو على جماله
عليه الصلاة والسلام

الف مبروك يا كامي ربنا يتمملك بخير ويسعد ايامكم ويحفظكم ويجمع بينكم في خير

عقبااااااااااااااااااااالي يارب

هناك ٢٣ تعليقًا:

Empress appy يقول...

لوووووووووولى
عقبال يا هوبه وازفك ببطوط لا وحياتك لاجيب لك عربيه اكبر وانا برضه اللى ازفك واسوق العربيهوانت والعروسه قاعدين ورا واشتغلك شوفير يا عم
والف مبروك لكامى

Ehab يقول...

الله يباركلك يا بيبي
عقبالي وعقبالك
وتسلم بطوط وصاحبتها
وبعدين يا برينسيس ميصحش تبقي الشوفير طبعا
انتي هتيجي علشان الواعين بس بعد الفرح
ههههههههههههههههه

منوراني يا احلى ابي

سلااااااااااااااااااام
اخوكي ايهاب

لـــى لــــىِ يقول...

والله كنت عارفة

قولت انك مش هتسكت ولازم تعمل زفة وهوليلة
هههههههههههه

الف مبروك لزهرتنا الرقيقة الطيبة
ام عيون بريئة

قلبى معاها والله وكأنى شايفاها من امبارح حبيبة قلبى


عقبالك انت وغدغوود يارب

ربنا يسعد كل حياتك

ojg يقول...

والله انت مفيش منك يا هوبة
مش عارفه أقولك أنا فرحانه اد ايه عشان كامي
وفرحانه اكتر بيكو
عقبالك يااااااارب
نفرح بيك
زي مانت فرحان كده بكاميليا
بجد بجد
تسلم يارب
:)

saragebaly يقول...

الف مبروك لاجمل زهرة

النهاردة فرحتنا كلنا

ربنا يسعد قلبها وحياتها كلها

تستاهل كل خير

شاب شنكوتي

عقبالك يارب
نفرح بيك مع اللي بتحبها

عقبال كل البنات والشباب وكووول اللي متجوزش واللي اتجوز مرة يخليه في حاله ههههه

سارة

رندا يقول...

لولولولولولولى

ياواد ياهوبة عقبالك وكمان جبت التورتاية لالالا بس كام دور ههههههههه
طمع بقى بقولك اية انت طويل
عليك بقى بالدور الاخير تقطعة اصل محدش هيوصل لية مش انت هتجيبها برضة 20 دور بس ياريت يكون جوة التورتاية كوين فضة ههههههه بلاش دهب ياعم اى حد يجيلة الكوين دة يبقى هو الى علية الدور هههههههههه اية رايك فى الفكرة دى
مبرووووك ياكوكا الف مليون مبروك
كوكا مشغولة على الاخر
عقبالك انت وغادة يامعلم

اابى بقولك اية لا يامعلم هزوق عربيتى لهوبة واخليكى تسوقيها كمان يالا يامعلم اتبسطى

عقبالك انت وحبيبة قلبك يارب نفرح بيك كلنا

بقولك اية ياهوبة وانت جاى مدونتى ابقى غمض عويناتك التنين هههههه
اصل الكل هيرقص يامعم

Empress appy يقول...

رندا
=======
وانا موافقه انا مش هلاقى اعز من ايهاب اسوق له
والله كل اللى عاوز ازفه انا مستعده وانا سواقه ايه مقولش لكى ههههههههههههه

همس الاحباب يقول...

الف مبروك لكامى
وعقبالك يا ايهاب
ونيجى نهيص كمااااااااان
ربنا يتمم بخير
ويديم علينا الافراح
ويديم المحبة والاخوة ما بينا
تحياتى لاجدع شاب شنكوتى

قوس قزح يقول...

ههههههههههههههههههه
انت فظيع
دى نصايح دى ؟؟

انت تسكت خاااالص و اوعى تنصح حد تانى ابدا ههههههههههههههه

و بعدين عايزين فرح فيك بقى
بس اوعى تكون طالعة العروسة للاب اللى فى الاغنية هههههههههههه


الف مبروك لاجمل زهرة فى بستاننا
و ربنا يسعدها يارب

princess يقول...

هو انا معرفهاش بس ولا يهمك لولولولولوى
ربنا يوفقها:)

nona يقول...

الف مليون مبروك لكامليا
و ربنا يجعلها سعيدة دايما يا رب و تمليلنا عالم التدوين عيال قمرات زيها يا رب

و اعقبالك يا ايهاب و نعملك احلى زفة و هنيجى و نكبس على نفسك و هناكل من صنية العشاء بتاعت العروسة هههههههههههههههههه
ما احنا ضيوفك و لازم تكرمنا باة

كـــيــــــــارا يقول...

واحلي زغروطه لكامي

ولولولولولولولولولولولوللللللللللللللللي


زغروطه عاليه مش اي كلام

واحنا عندنا كام كامي

بس ايه المواهب دي

مكنتش اعرف ان ثوتك حلو كده

ريمان يقول...

عقبالك يا رب ان شاء الله

والف مبروك لكامليا

ahmed_k يقول...

ألف مبروك لكامي
وعقبالك يا هوبه

المـــفـــــــقــــــــوعـــــة مــرارتـهــا يقول...

عقبال مانفرح بيك ياإيهاب ويتعملك فرح كبير كدة ذي فرحها

إيمان قنديل يقول...

مبرووووووووك وعقبالك ياشنكوتي

mahmoud abuzaid يقول...
أزال المؤلف هذا التعليق.
mahmoud abuzaid يقول...
أزال المؤلف هذا التعليق.
Soooo يقول...

mahmoud abuzaid

بص .. أيا كان الخلاف اللي مابينك وبين اي حد
مجرد انك تجيب سيرة الاهل يبقى ده بيعبر عن الاسلوب اللي اتربيت عليه
وده مش جديد على واحد زملكاوي عامل مدونه بيقول فيها الزمالك فوق الجميع واول موضوع بيتكلم فيه بيعيط عشان الزمالك متشحور وبيدعي على الاهلي انه يروح الوبا .. مع ان الاهلي لغاية دلوقتي مش اول دوري .. لكن لأنك زملكاوي وعارف ايه امكانيات النادي بتاعك .. عارف برضه ان الاهلي ان شاء الله هياخد الدوري

حاجه كمان
مش انت اللي هتعرفنا مين هو الشنكوتي
ولو انت عارف حاجه وحشه عنه قولها

آخر حاجه بقى
لو عايز تتكلم .. يبقى تتكلم بذوق وأدب
لو عايز تتخانق وكده .. قوي قوي .. تعالالي مدونتي وقوللي نتقابل فين انا وانت ونتخانق راجل لراجل .. واللي يقدر عالتاني ربك يعينه
انما لو عايز تشتم وبس .. يبقى بلاش تجيب سيرة الاهل
اهلك واهلي ناس محترمين وفي بيوتهم .. بلاش نجيب سيرتهم في اي حاجه


معلش يا شنكوتي .. انت عارف دايما الافراح بتحصل فيها حاجات مش ظريفه
لكن برضه احنا فرحانين لفرحة كاميللو اختك واختنا كلنا





سلاموووووووووووز

mahmoud abuzaid يقول...
أزال المؤلف هذا التعليق.
دعاء مواجهات يقول...

الف مليون مبروك للجميله كاميليا

وعقبالك ياارب انت والى ف بالك

ويجمعكوا على خير

===================

انا بعد إذنك نزلت تعليقك عندى ف المدونه تعالى شوفوا ولو عاوز ترد ع التعليقات اتفضل

المدونه بتاعتك ...

سلام

دعاء مواجهات يقول...

إيه ياعم الخناقات

والكلام الجامد دة

بالراحه ياسوو

استهدوا بالله ياإخواننا

دا فرح ومش عاوزينوا يقلب


بيس ..

ahmed_k يقول...

يا هوبه فينك
كاميليا إتجوزت وشهر العسل خلص
وناس تانيه إتجوزت وأنت لسه قاعد في الفرح ههههههههههههه
ولا إنت قاعد حاجز المكان عشان تعمل فرحك فيه ههههههههههه

فين الجديد يا هوبه متتأخرش بقه