الجمعة، مايو 2

التاج بتاع خيخه

تاج الدكتوره خيخه

اذكر عشرة اشياء عن نفسك
1 - ايهاب سيد
2- مسلم
3 - خاطب غاده حبيبتي
عارف خيخه هتقولي بلاش حمرقه واكتب عن نفسك مش بطاقتك
طيب نقول تاني بقى
هاديء الطبع غالبا
لكن اتقي شر الحليم لما بتنرفز بتصرف بطريقه عصبيه جدا
بحب المزز جدا وبعتبرهم سلعه تقدم مجانا على الطريق
مش كل البنات طبعا
لكن كل واحده بتسمح لنفسها تتحول من انسانه لنوع من العروض المجانيه تبقى متستاهلش اني احترمها
بكره التحرر اللي من غير هدف
جبان ساعات قوي
مبحبش حد يستكردني ولما بحس انه بيستكردني بكرهه قوي وباديله على دماغه بس من بعيد لبعيد
وزي برده اللي يحاول يأذيني بدون داعي ومن بعيد لبعيد بروح انا اطلع افظع منه واخليه يندم انه جرب يطعني في ظهري
ساعات بكون لئيم قوي قوي
وكتير بكون متفاجأ
متفاجأ دي من تصرفات الناس لأني بحب ابص جوه الناس مش على المنظر من بره وبالتالي بشوف بلاوي جواهم
بحب اسمع من الناس كتير علشان ادخل جواهم قوي
حشري وفضولي جدا
مش عارف كده كام حاجه
بس انا خلاص مش عايز اقول حاجه تاني
كفايه كده
هاوصف نفسي اني امير ولو كنت حتى غفير
فارس واقف في ساحته حتى لو شرابي شاحته

سلاااااااااااااااااااااااااااام
بهدي التاج بقى ل كاميليا طبعا
هبه دوبه
سووووووووووو حبيب قلبي
لي لي
ابي بتنجان اموت واخليها تعترف بالحقيقه

هناك 19 تعليقًا:

3abdo me7tas يقول...

يا عينى يا عينى
وكمان اول تعليق دا انا المدام بتحبنى بقى
:P
بقولك بالنسبة لكاميليا انا بقولها ان كل ما بتكتبى بوست جديد بيتبعت للإيميل نسخة منه
يعنى انا شايف ان مش هيضيع منك حاجه تانية
اه انا شايف ان التعليقات هى المشكلة بس انتى عرفتى كل تعليق بيقول ايه وصاحبة عايز يوصلك ايه
اما ايهاب بقى اللى هبهدله
ولا اقولك عشان خاطر غاده بس
يلا هبقى اكلمك تانى
سلام
:P

انين الحزن يقول...

ايهاب

حمدالله علي السلامه جيت من اسكندرية

اول مره اعرف انك خاطب مبروك مؤخراً


سلاموووووووووز

وزة

رندا يقول...

اية الكلام الجامد والعشر تقط دول
على فكرة انا برضة اديت لى لى التاج قبلك كدة بقى يبقى لازم ترد فية ههه
وبالنسبة لكاميليا سيبها عليا
هخليها تفرح ان المدونة اتحذفت مش تقلق خالص هههه
هقولها كلمة السر الى بينا هتنسى على طول
وسلامى لااجمل خطيبة ليك لااجمل خطيب ايهاب
يابختها باخف دم

بس مش تنسى دعوات الفرح بقى انا جاية ان شاء الله
ولا هى صداقة مدونات بس يعنى

دمت بكل الحب

رندا

بت خيخة وأى كلام يقول...

يا خرابى
انا كنت هتجنن
مش عارفة ادخل مدونتك خالص
معرفش انت كنت عامل فيها ايه
كل ما ادخلها يطلعلى صفحة كدة انى ماينفعش ادخلها

وكنت هتجنن علشان عايزة اعرف انت جاوبت على التاج ازاى

اكتر حتة عجبانى حكاية البيتين الشعر اللى فى الاخر دول
يجننوا

ولا يا شنكوتى
انت مجمع كل الاشعار اللى بتكتبها ولا لأ
والاشعار كمان اللى بتكتبها فى تعليقاتك عندنا

لو مش مجمعهم
ابتدى جمعهم من دلوقتى
علشان عايزاك تبعتهوملى اسيفهم عندى على الجهاز
علشان بحب اوى اقعد من وقت للتانى امزمز فيهم


تحياتى ليك
اختك خيخة

مفقوعة مرارتي من حماتــــــــــــي يقول...

هاوصف نفسي اني امير ولو كنت حتى غفير
فارس واقف في ساحته حتى لو شرابي شاحته


ده انت بتقول شعر يمس القلب اهوه ياشنكوتي .. أيه الحلاوة دي ياراااااجل

Doba يقول...

انا جالى التاج من قبل كده وانت قافل المدونة وجاوبته وكده تمام بقى كفاية تاجات

كفاااية
حراااااااام

سلامى لغادة
وخد بالك منها
وقلها تخلى بالها منك

تحياتى يا صديقى
هبة

walaa يقول...

هو انت كنت قافل المدونه ليه
اكيييد رحلة اسكندريه كانت روعه
وهوا البحر قفل المدونه صح
كل اجابتك حلوه
بس بلاش الجبن ساعات والنبى
تحياتى ولاء

Soooo يقول...

طب والله العظيم ليك وحشه

وبعدين ايه الاستعباط ده ياعم
تاج ايه
لا ياعم مش هاخد تيجان ولا بتاع
انا اصلا بالبس كابات عشان اداري قرعتي
تقوم تلبسني تاج .. يبروز القرعه


ماتغبش تاني كده






سلامووووووووووووز

كاميليا يقول...

هههههههههههه

انا جاوبت التاج ده قبل كده

تقريبا كان اخر بوست

واخد المدونة وطار

هههههههه

خايفه اجاوبه تاني في المدونة التانيه
احسن هووووووووووووب
تطير هي كمان

شنكوتى
ظلمت نفسك فى الاجابات
انت اجمل من كده بكتير

تحياتى

أبو خالد يقول...

أبنى الحبيب /ايهاب
لا يمكن لمن يملك كلماتك أن يكون حاد
الطبع ..دمت إنسان جميل رقيق الأحساس
و أرجوا أبنى الحبيب حين ترى تعليقى
تقوم بزيارة لمدونة أبنتى الرقيقة
Lyssandra
فهى سألتنى عنك و أنتظر رأيك فى
باقى الصفحات بمدونتى فرأيك يهمنى
أرجوا التواصل

appy يقول...

هههههههههه جاوبته واتهد بقى
فيه بوست اسمه بنت مصريه عاديه
هتلاقى كل اللى انت عاوزة هههههههههه

اول مرة اعرف انك خاطب سلم عليها كتيررررررررررررررررر وقولها ربنا يكون فى عونك

3abdo me7tas يقول...

انا جاى اعزمك اهو عشان متقولش انى نسيتك
خطوبتى يوم الأربع تعالى البلوجر بقى وبارك ليا ولداليا

عاليا حليم يقول...

دايما الخطيبة او الزوجة تبقى رقم تلاتة

سكــر يقول...

تحياتى

مع اول زياره هنا

اشوف الكلام الرائع دا

اللى عرفنى بشخصيه محترمه زى حضرتك

تحياتى

احمد سكر

سمية يقول...

والنبى بلاش سيرة المزز دى لحسن بتنرفزنى و بتغظنى .. و بتخلينى محموأة اوى و عندى كلام كتير عايزة اطلعة ..

وربنا يستر و ما اكلعهوش هنا


سلااااام

mostafarayan يقول...

تحياتي لك يا عم الشنكوتي

بت خيخة وأى كلام يقول...

كنت عمالة ادعبس فى مدونتى
وقعدت اقرا الشعر بتاعك اللى انت كتبته مرة تعليق على بوست عندى وانا عملتهولك بوست مخصوص
وقعدت اعيط تانى
وبعدين افتكرت انك بقالك فترة مش بتكتب حاجة جديدة
قلت اجى ارمى السلام
واطمن عليك
ليك وحشة يا واد يا ايهاب
عايزين جديدك
سلامى لغادة
اختك خيخة

بت خيخة وأى كلام يقول...

انت غريب اوى
يعنى بتقول معندكش حاجة جديدة تكتبها
ورايح تكتب عندى تعليق ينفع يتعمل بوست

انت يا واد مستخسر فى نفسك تحط التعليق اللى عندى ده فى بوست لوحده

انت عايز تكلفنى انا بوستات من عندى تكون باسمك

بص بقى التعليق اللى عندى هناك بتاع فلسطين
هتاخده وتعمله بوست
لو معلمتش انت كدة
انا اللى هاعمل كدة
بس انت كدة هتضطر تدفع ارضية
اه
ماهو مش كل شوية ااجرلك بوست من عندى انشرلك فيه تعليقاتك
من غير ما تدفع ايجار بوست


موهوب يا واد يا هوبة
ربنا يحميك

بجد التعليق اللى عندى ده يستاهل يتحط بوست تنور بيه مدونتك

سلام
اختك خيخة

مدونات مصرية للجيب يقول...

للجيبلا تننسوا الخميس 22/5
الساعة السادسة والنصف مساء
حفل توقيع العدد الاول من سلسلة مدونات مصرية للجيب
بمكتبة عمرو بوك ستورز
شارع طلعت حرب
فوق مطعم فلفلة
--------------
اماكن توزيع العدد :
1- عمر بوك ستور شارع طلعت حرب
2- مكتبة البلد امام الجامعة الامريكيه
3- سندباد وسط البد خلف مكتبة مدبولى
4- سنابل شارع شريف
5- الهيئة العامه للكتاب فرع الزمالك
6- مكتبة ديوان الزمالك
7- مكتبة ديوان مصر الجديده
8- مكتبة أفاق شارع القصر العينى
9- المكتبة الدوليه مدينة نصر ش الطيران
10- كشك جرايد كوفى الامريكين - الاسعاف
11- كشك جرايد الجامعه الامريكيه
روابط الفيس بووك والمدونة :
http://www.facebook.com/group.php?gid=13820826455
http://sneen.blogspot.com