الجمعة، أبريل 4

اعتصام وثوره .......... بس من منازلهم


طول عمرها مصر المحروسه


حكام ظلمه وفراعنه بكل لون



جبابره ومقرفين



اموالنا بيسرقوها



وولادنا بيقتلوها



والغاز في بلدي راح


على ارض المجرمين


يتباع هناك رخيص


علشان عيون حبيبته


دي تاج فوق الرؤس


كلمتها لازم تطاع



مش عارفين هي مين



معقوله ده كلام



امريكا ست ابوها



وست كمان اخوها


وست اللي جابوها



بنبيع حديد وغاز



بترول وكمان ازاز



يمكن لما نساعدهم



في الخطه الجايه ليهم



يدونا حته برده



من الكحكه المستويه


مادمنا خلاص شاركنا


في قتل المسلمين


عرب ومسيحين


خلاص يبقى هناخد حته من فلسطين



بقينا شعب خاين



خاين لنفسه طبعا



علشان سمحنا ليهم



يكونوا واجهه لينا



مقدرش حد فينا



يقف يقول كفايه



والراجل اللي قالها


عملوله ميت حكايه


في السجن هناك رموه



من ودنه علقوه



وبكره هيقتلوه


وتقولوا هوبه قال



طول عمر بلدنا نايمه



والناس غلبانه خايفه


ويجي حبه منا



ينادوا بالشجاعه


يقولوا يالا بينا



نقف وقفة شجاعه


قدام كلاب جياعه


مفيش خلاص شجاعه


والناس تهرب تسيبهم



قوم هم ياخدوا بالهم



من الحبه الرغايين



ياخدوهم يسحلوهم


وبكره يرجعوهم


يا اما ناس جديده


يا اما على الحديده


في الصحرا يدفنوهم



او ممكن يرشو ابوهم



انا عارف بكره ممكن


نعمل وقفة شجاعه


قال يوم ما قلنا ثوره


هنقضيها في بيتنا



قالك ما تنزلوش




والشارع متشوفوش



والسوق متخشهوش



وشغلك متروحوش


وهم هيفهموا


قال ايه كده شجاعه


يا عالم ارحمونا



في النشره عرتونا



خلاص انا برده مالي



انا هاقعد جنب ماما



العب لي ماتش كوره



وهاسمع الأذاعه



وبكده راح اكون شاركت



في ثورة المياعه



اوعوا تقولوا انهزامي



لحسن هاقول لمامي


هناك 29 تعليقًا:

كاميليا يقول...

كل شئ وله آخر
افتكر ان الآخر ده خلاص بقى قريب
كتر الضغط يولد الانفجار

واعتصام 6ابريل افتكر زي
اول الغيث قطرة

يارب يكون ايجابى
وله تأثير
يا رب

الساكت عن الحق شيطان اخرس

وكفاية سكوت
اصل مش هانموت
ونموت ازاى واحنا مش عايشين
افواهنا مكممين
خايفين
لنصبح فى يوم مساجين

يارب
ارفع عنا يد كل ظالم

تحياتى لاخى العزيز

كاميليا

Abo 7anf يقول...

السلام ايها الشاب شنكوتى
موضوع جميل
وبصراحه هايل
دى اول زياره ليا
وان شاء الله تكون متكرره
وتقبل مرورى

الساحرة يقول...

دة احنا كدةهنريحهم

والبلد هتبقي هايله

وهيبقي سهل يمسكوة اللي طلعوة برة بيوتهم

وبعدين ماتش ايه اللي هتلعبه

دة اضراب

عصفور المدينة يقول...

عسل يا باشا أتفق معاك تماما وحلو الإبداع ده

لـــى لــــىِ يقول...

هييييه هيييييه هيييييه

حنضرب يوم الاحد
حنضرب بس يارب مانتضربش

انا هاخرج فى الاضراب
بس هالبس بدلة بتكهرب ااه
عشان لو حد قرب منى يتصعق

هو انا عبيطة عشان اخرج من غير سلاح؟

اقولك على حاجه غريبة؟
انا مش خايفة من الامن المركزى
انا خايفة من الناس نفسها
من التحرش اللى بيحصل فى اى مظاهرة
مش قادرة انسى المشاهد بتاعت وسط البلد
والصور اللى شوفناها فى كل الجرايد

بجد
مش عارفة اخاف من مين ولا مين؟؟؟؟

يارب استر يارب

سلاماتى ياهوووووبا

walaa يقول...

ايه يا عم الايحابيه دى كلها لاحت تكتب البوست بسرعه كده
لالالا انا بحييك جدا على روح الثوره
بجد احنا عايزين نتحرك وكفايا نوم بقه
دى بلدنا ودى حقنا
لازم نتحرك بقه كفايا نوم وسلبيه
تحياتى ولاء

Dalia يقول...

ايه يا ايهاب الكلام الجامد ده
انت بتكتب شعر كمان

لا بجد برافو عليك
احنا فعلا كده .. ماعندناش شجاعه
بس اللى عنده شجاعه بيسحلوه
و ع المعتقل بيسحبوه

و سمعنى سلام بودعك

عاشقه الفردوس يقول...

انا خايفه اوي

ربنا يستر

خمسة فضفضة يقول...

السلام عليكم ورحمة الله وبركاته

حلو الكلام الجميل ده
بس انا مش متفائله ، ربنا يستر

الشنكوتي الكبير يقول...

كاميليا

منوره يا باشمهندسه
يا بنتي مش عارف اقول ايه الناس خلاص هتطق من جنابها الظلم بقى صعب قوي والخرس مش بيحل حاجه هنفضل خايفين من السجون لحد امتى
مش عارف
لو الناس كلها اتحدت اكيد هتفرق بس ده لو اتحدوا
ربنا يستر بقى على البلد دي

نورتي يا استاذه

سلاااااااااااااااااااام
اخوكي ايهاب

==============

ابو حنف
انت نورتني جدا واسعدني وجودك
يارب فعلا تكون مش اخر زياره ونتعرف اكتر
تحياتي يا جميل
سلاااااااااااااااام

=============

الساحره

انا مش هارعب ماتش كوره ولا حاجه ده اسقاط سياسي على الشغل عندي بمناسبة يعني الضارب
بس ده هاحكيه في بوست تاني
المهم يعني انك لفتي نظري لمصيبه انهم فعلا ممكن كده يبقى سهل يمسكوا كل اللي يخرج بره بيته يعتصم مادام معظم الناس في البيت يبقى فاضل مين يشهد على الظلم
مبقتش عارف ايه الصح وايه الغلط
ربنا يسترها

نورتي

================

عصفور المدينه

ربنا يسعدك يا اخي الكريم
مادمنا متفقين يبقى تمام ياريت باقي البلد دي تتفق على حاجه مره واحده من نفسهم


سلاااااااااااام

============

لـــي لـــي

يا لهوي انا نسيت صحي الشعب برده مكبوت وبما انه يوم الفك عن الغضب والتفريج عن المشاعر المكبوته كله هيفكها اليوم ده
طيب نصيحه بقى على جميع المزز الأعتصام من منازلهم

محدش يقول اصله يوم الكل لازم يشارك
لا الله يخليكو اقعدوا في البيت وادعوا بدل ما بعد الأعتصام نكتشف احنا فينا سفاله مستخبيه قد ايه

قلبتي المواجع كالعاده وسط الهزار يا لي لي
نورتيني يا اطيب اخت

سلااااااااااااام

===============

ولاء

ايوه لحقت اكتب امال عايزاني اكتب بعد الأعتصام يعني
انا قلت الحق اشارك علشان نتحبس مع بعض يا شباب

تسلمي يا سكره

سلاااااااااااااام

=============

داليا

ياااه جمد الله على السلامه يا ناس يا منفضين يا بياعين الصحاب
بقالك كتير غايبه
وحشتي المدونه يا ستي
احلى سلام بودعك يا جدع ورقصني يا معلم

سلااااااااااااام

===========

عاشقة الفردوس

مش تخافي
خلينا نتوكل على ربنا وهو اللي بيده المر كله
قل لن يصيبنا الا ما كتب الله لنا

نورتيني جدا
بس بطلي تخافي
سلاااااااااااااااام

==============

خمسه فضفضه

ربنا يسعدك
بس انا بصراحه مش عارف تفاؤلك او عدمه ده بخصوص ايه بالظبط
النتائج يعني
عادي
ممكن اقولهم من دلوقتي
الحكومه هتنزل بيان بأقالة حكومه نظيف
والشعب هيفرح وهناخد وعد بحلول جذريه
وهتبقى الدنيا وردي
والناس هتهتف بأسم مبارك
وبعد اسبوع هنكتشف ان مفيش اختلاف
واننا انضحك علينا قوي
بس هنكون خلاص هدينا ومش هنقدر نجمع اعتصام زي ده تاني

ربنا يستر بقى
سلاااااااااااااااااااام

appy يقول...

يعنى كنت ماشى حلو قوى لازم تضحكنى فى الاخر اقول لمامى
هما دول يعرفوا اعتصام ولا حاجه
يا رب تيجى بنتيجه يا هوبه من قلبى بجد

فى القلب يقول...

حتى مامى يا شنكوتى

بعدوها عنى وخدوها منى

أستخصروا حضنها فيه

لما أعتصم مبقاش غير اللب و التلفزيون
أعتصم أدمهم وأطلع فيهم غضبى

أه الفيلم حتى ألى كنت بعتصم وأنا بتسله بيه كان أمريكانى

ياه يا شنكوتى كلامك الرائع وجع

بت خيخة وأى كلام يقول...

صقفة كبيرة ليك يا شنكوتى
وكفاية عليك كدة
مش هاقول حاجة تانى
علشان بابا حسنى
هيجى يدينى علقة
ومش بعيد ياخدنى
يرمينى فى سجن القلعة
ويجيب حزام ويجلد
ويعلم فى كل حتة
وانت عارف اختك
دى بت خيخة خرعة
من اول قلم هاقر
ومش بعيد أشر
واعمل على نفسى مية
ومافيش بامبرز مقاسى
وشريف هيقول دى مامى
رجعت بيبى تانى
ومش بعيد عليا
يفتن عند هانى
ويشمت فيا هانى
ويقول اه يانى منك يانى
يامراتى يا مجننانى
واحتمال يطلق
ويبيع كل القضية
والشقة تبقى ليا
و اقعد وابرطع براحتى
وامثل دور الضحية
وكل ده بسببك
يا ايهاب يا بن سيد
وسلام بقى يا هوبة
علشان انا مزنوقة
ومش عارفة اختم بإيه
غير الله عليك

The Queen يقول...

الصراحة انا عجبني كلامك جدا لانه الحقيقة بجد

الثورة عايزة جراة ومش عايزة خوف
بس عايزة اقولك حاجه دي كانت بداية طيبة وان شاء الله اللي جاي هيكون احسن انت ناسي ان الشعب نايم بقاله زمن لا بيعترض ولا بيثور فالاعتصام ده لوحده خطوة كويسة ولولا انها خطوة هددت امن اللي ما يتسموا مكنتش وزارة الداخليه اصدرت بيان قبل الاعتصام بيوم وعملوا له حساب

اصبر انت بس وان شاء الله بلدنا هتتغير بينا

تحياتي لك

simple girl.. ..simple dream يقول...

6 ابريل كان مجرد بداية
وهى مش انهزامية ولا مياعة لكنها محاولة
انا شايفة انها نجحت كخطوة اولى
بس احنا لسة المشوار قدامنا طويل ولازم نكمل عشان نرفع الظلم وناخد حقوقنا

ojg يقول...

والله انتوا ناس ظالمين بجد
الاضراب جه بنتاااااااايج كتيييييييير
وأنا اول واحده حسيت بيها

أولا وبادئا زي بدء
كان في مشاركة وجدانية فظيعة،، يعني كتير ناس قالوا وننزل ليه افرض يا عم حصل حاجه وحشه ولا الحكومة جريت ورا اللي هيتظاهروا وخدونا في الرجلين تتحرق البلد علي المظاهرات علي اللي بيتظاهروا-شفت ازاي كان قلبنا علي قلب بعض-وقعدوا في البيت يحموا ظهور الأمن المركزي -بضم الميم وفتح الراءو وضع شدة علي الكاف- اللي تقريبا هو اللي عمل المظاهرات بانتشاره الفظيع في الشوارع

وثانيا ومن واقع تجربتي الشخصيه يومها
المايكروباص اللي بركبه لحد امبابه كان جميل وماشي طااااااااير ووصلني في مفيش-يعني أزمة المواصلات اتحلت اهيه-
وكمان بعد كده باخد تاكسي لجامعة الدول
ساعات مش كان بيوافق عشان الحتة الزحمة اللي تحت كوبري امبابه
يوميها الراجل وافق بانشرااااح صدر -يعني الحالة النفسية للمواطنين استريحت-
وكمان وصلني بسرعه برضو ما الدنيا جميلة والشوارع هاديه ،، مش هقول فاضية ودي حلاوتهاوعجبتني قوي-يعني الاضراب فادني انا شخصيا-
وتقولولي الاضراب مش جه بنتيجه؟؟
وانه كان روح سلبية
سلبية ميييييييييييييييين
يا عم رووووح
تحيا ثقافة "يا عم وأنا مالي"

DayDreaming يقول...

كلمات معبره اوي
خصوصا ثورة المياعه دي

بس بره كتر خيرهم انهم فكروا يعملوا حاجه
وان شاء الله المره الجايه يتعلموا من اخطائهم:)

dina يقول...

والله صحيح هم يحزن وهم يضحك
صحيح 6 /4 خطوه
صحيح تدمير اللى حصل فيه خطوه
بس اللى جاى احلى
4/5
عيد ميلاد الريس
احتفالات بالدماء

appy يقول...

يا مجامنينو الواد مجاش عندي انا كنت عاوزاه يدخل عندي
علشان اجيبه من الترافك فيد

ثانيا خيخه فى عامله فيد باك من عداد الزوار هتعرفه
فهمت وانا فهمت دوبا الدبدوبه دي

بص بقي لازم تقدم ليه اعتذار دا انا لسه مدافعه عنك عند قطه الصحراء علشان واحد مستخدم اسم شنكوتي وشاتمها انا غلطانه عاااااااااااااااااااااا

همس الاحباب يقول...

والله عندك حق فى كل الى انت قولته
اعلق اقول ايه بس ما دى الحقيقة المرة
اول زيارة
وتقبل تحياتى
خالد

nigro يقول...

إيهاب بك الشنكوتي الكبير
بص يا إكسلانس دي تقريبا كده الزيارة رقم سبعتلاف خمسمية و حداشر بس للأسف ده أول تعليق على ما اتذكر
بص يا مون بيه انا بقى شكلي وحش قوي في البيت بعد ما فأجتن كده لاقوني بصقّف و انا قاعد قدام الكمبيوتر
أنا متفق معاك تماما ماعدا حاجة واحدة إن دي ثورة مياعة
يا إيهاب باشا مش يوم ما نقول يا تغيير نعمل انقلاب
الناس أصلاً نايمة و ناسية حاجة اسمها ثقافة الإعتراض
بياخدوا فوق دماغهم و يقولوا قمااان
فنخليها واحدة واحدة
و يا ريت الواحدة واحدة دي حتى عملت حاجة
اقل من عشر الشعب قام بالإعتصام ده
سمعت حاجة عن أسيوط ولا بور سعيد ولا مطروح؟
يا عزيزي كلنا عايشين في مية البطيخ
جي سوي تري ديزوليه على الرغي الكتير ده
بس ممكن تعتبر التعليق ده بتاع السبعتلاف خمسمية و اتناشر زيارة
ما احنا هنحسب دي كمان

Whispers just for a Night يقول...

السيد "شنكوتي"

أتفق معك ياسيدي ولكن بشكل مختلف
فأنا معك قلباً وقالباً أنها ثورة "مياعة"
وأعتبر أن كل ما قام من أجل دنيا زائل لا محالة
تم القبض على جورج إسحق وقيل عنه -وهو رئيس حركة كفاية- أنه إخوان مسلمين؟
ماذا تقول في هذه المهزلة
ولكني ياسيدي أعلم أقواماً غزو بلاداً وأقطاراً بأعواد السواك..
فلماذا إذاً أيدهم الله وخزلنا نحن الله قبل أن نخزل أنفسنا؟

عسانا أن نستفيد من الدرس هذه المرة

إحترامي وتقديري

Khaled Farag يقول...

المدونة بتاعتك لذيذة يا معلم
تسلم

عروس البحر يقول...

بصراحة القصيدة دي معبرة اوي و عجبتني جدا
تحياتي

Mo3Az يقول...

:)
جميلة يا شنكوتى
بس برده يا عم الاضراب يعتبر وسيلة كويسة مش مياعة ولا حاجة يعنى
ربنا يصلح الحال

رصيف نمرة خمسة يقول...

السلام عليكم
البوست جميل ويوجع اوى
يمكن نقدر نعمل حاجة بس احنا بس نحاول
وانا كمان هقول لمامى ههههه
بحييك على البوست ده اول بوست اقراه عندك ان شاء الله خير خير
سلاااام

بنوته مصرية يقول...

حمدالله علي السلامه غبت كتير يا هوبا

متبقاش تغيب كدا تاني

بجد الاوضاع دي بقيت تخوف ومش في ايدينا شئ نعملة

ولا هنقدر نمنع الغاز والحديد انه يتصدر

ربنا يستر من اللي جاي

دمت مبدع
رودي

فارس بلا جواد يقول...

عجبني اسلوبك جدا .. واضح انك فاجومي قديم وبتنتمي لمدرسة أحمد فؤاد نجم .. اجمل حاجه انك بتختار كلام سهل وقريب من القلب
أتمني تنور مدونتي واسمع رايك

kiki يقول...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣商品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣,情趣商品,自拍,UT聊天室,聊天室,豆豆聊天室,哈啦聊天室,尋夢園聊天室,080聊天室,080苗栗人聊天室,H漫,A片,AV,AV女優,A漫,免費A片,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,SEX,微風成人,嘟嘟成人網,成人,18成人,成人影城,成人圖片,成人貼圖,成人圖片區

情趣用品,情趣用品,情趣,情趣,情趣商品