الخميس، مارس 6

الشنكوتي اتهزأ يا رجاله.....ان ان ان اااه


ده الكلام اللي جاني وهاقولكم كانوا بيقولولي كده ليه

"اولا انت شكلك تافة بتاع كلام وبس واحتمال غيران لان القصة نالت اعجاب وانت فاشل ما عملتش حاجة على الفاس اتشهرت كدا يابنى روح اعملك حاجة موفيدة وبطل غلاسة وهبل على الناس"

طبعا كلكم عارفين موضوع الكتاب اللي هبه اختي نشرته وكان اصلا في ناس سرقت فكرة السلسله بتاعت " يوميات اتنين مخطوبين عمر وساره" وعملت عليها اجزاء جديده ونسبوا القصه لنفسهم المهم يعني لقيت ان فيه ناس كتير معجبه بالسلسله والمشكله محدش عارف مين الكاتب الأصلي ولقيت في جروب على الفيس بوك عن القصه وبينزل فيه اجزاء جديده منها والموضوع منتشر وحاجه فللي ومفيش اعتبار خالص للكاتبه الأصليه وسلملي على حقوق الملكيه في بلد كا مافيها يدل على ان السرقه هوايه اكتر منها حاجه ملحه

المهم يعني انا اخدتني الحماسه ودخلت الجروب ده وكتبتلهم كلمتين عن الملكيه الفكريه وان ميصحش حد يسرق مجهود حد والكلام ده

راحوا هم بقى ردوا عليا على اختلاف ارائهم كل واحد اداني كلمتين منهم ناس محترمه جدا اتناقشت بالزوق ومنهم ناس بجحت ومعندهاش اعتراض على فكرة السرقه على اساس ان بما ان مفيش قانون يمنع يبقى عادي ايه يعني القصه حلوه مسروقه مش مسروقه مش مهم زي برده اللي يقولك الفلوس حلوه مسروقه مش مسروقه مش مهم المهم ان يجيني فلوس هي دي المصيبه الناس مبقاش عندها فكره عن يعني ايه حرام نسرق مجهود غيرنا في اشغالنا مع زمايلنا في دراستنا حتى تلاقي كتير نفسهم يسرقوا مجهودك دايما ويفرحوا بنسبه لأنفسهم المهم يعني من ضمن الردود اللي جائتني ردا على كلامي هو الجزء اللي انا حطيته فوق ده وانا حبيت اوريكم بس ان ساعات ناس تدافع عن الباطل بحماسه وكأن هم اللي صح وانا اللي مجنون وبتكلم عن اوهام واحلام

وناس تسألني وانت مالك انت تتكلم ليههي هبه كانت اشتكتلك اصلهم ميعرفوش اني اخو هبه المهم شرحتلهم اني اخوها واني عارف ان محدش استاذن منها قبل ما يسرق الفكره ومستني بقى ردهم دلوقتي وهابقى اعمل تحديث بالرد لما يجي لو حد منكم مشترك في الفيس بوك ممكن يبقى يدخل يتفرج



ده اللينك بتاع الجروب بتاعهم


ابقوا اتفرجوا على باقي حلقات الصراع

كان معكم من اهدى مكان في الأرض

حازم فوده من باريس

سلاااااااااااااااااااااااااااااااااااام

هناك 29 تعليقًا:

بت خيخة وأى كلام يقول...

مش هبة خلاص نشرت القصة فى كتاب ومكتوب عليه اسمها
يبقى خلاص
طز فى اى واحد يقولك ده من تأليفى او الكلام الفاضى ده
هبة بنشرها للكتاب ده
هى كدة عملت اثبات فى ملكيتها للقصة

ومتحطش اعتبار للناس دى يا شنكوتى
ولا عاش ولا كان اللى يقولك كلمة تزعلك
تحياتى ليك
اختك خيخة

خمسة فضفضة يقول...

السلام عليكم ورحمة الله وبركاته

هي مال الحكاية كبرت اوي كده ليه ؟؟؟
علي فكره ام سما وحلا اللي في منتدي عمرو خالد اول ما بدأت خالص في يوميات اتنين مخطوبين كانت قايله ومعترفه بنفسها ان الحلقات الاولانيه اصلا مش من تأليفها وانها خدتها وعدلت عليها وبعد كده بدأت تألف حلقات كامله من عندها هي بس

يعني صاحبة الموضوع اصلا معترفه ومقره انها لاطشاه من حد تاني يبقي ليه بقي الناس تعد تدافع عن الباطل بالشكل ده
لا حول ولا قوة الا بالله

طيب هل كمان يوميات مما سارة وبابا عمر مسروقه
ويوميات اسرة مصرية جدا؟؟؟؟؟

لو كده الواحد ما يثقش في صوابع ايديه بعد كده

ربنا يطلعنا منها علي خير

خمسة فضفضة يقول...

رحت الفيس بوك ، ولقيت برضو ام سما معترفه بالفُم المليان في اول الجروب بالكلام اللي قلته في التعليق اللي فات

يبقي ليه الخناق بقي

A.SAMIR يقول...

ياعم ملكية فكرية ايه بس؟
انت ناسي انك في مصر؟
يا سيدي الفاضل
في بلدي مصر اي حاجة بتاعة اي حد
مفيش ملكية خاصة الا لو كنت بني ادم لك حيثية ومكانة خاصة غير كدة
انت وما تملك ملك للمجتمع
تحياتي واحتراماتي

Desert cat يقول...

بالبظط زى مال الدكتورة خمسة فضفضة قالت ام سما وحلا كانت معترفة ان بداية الحلقات مش بتاعتها لانى كنت متابعة القصة اثناء كتابتها معاها
الف مبروك لهبه صدور الكتاب
تحياتى

كاميليا يقول...

عفا الله عما سلف

الكتاب جميل

ومختلف عن ماسرق الحمد لله

والحق رجع لأصحابه

اسمحلى اشكر لى لى

لانها بعتت لى نسخة من الكتاب

عقبالك ما تنشر انت كمان كتاب لك

تحياتى وتقديرى

لهبة صاحبة الكتاب لاسلوبها الرائع

ولك ايضا

كاميليا

فرنسا هانم يقول...

ياسيدى الف مبروك على صدور الكتاب وانتشاره
ولو عايز مساعده اجيب الحريم بتوعنا كلهم ونقلبها مجزره
هو برضه الشنكوتى يتهزأ واحنا نقعد نتفرج ؟

صوت من مصر يقول...

يا صديقى فى مثل بيقولك انا اسرق اذا انا موجود اذا انا عايش اذا انا بقيت مهم وهكذا ؟

عاشقه الفردوس يقول...

لاااااااااااااااااااااااااااااا

ثانيه واحده كده


ايه ده
بقي القصه اللي انا حبتها تطلع حضرتك اخو اللي عملتها

طيب بقول لحضرتك ايه خلي اختك تكتبلنا كمان قستين تلاته كده


:)))))



وعايزين نشوف حاجات ليك قريبا

انين الحزن يقول...

اولا الف مبروك للنزول الكتاب


وزي ما فرنستي قالت نجيب الحريم كلهم ونروح نقطعهم .....

بجد المدونه جميله جدا واسمها حلو اوي
وبالنسبه لاسكندرية انا كمان بحبها اوي اكتر بلد في الدنيا

.....

سلامووووووووووز ....... انا وزة

Soooo يقول...

عارف يا ابو الشناكيت .. اول مره سمعت فيها عن القصه اللي ألفتها اختك كانت جايالي عن طريق ايميل .. وكنت بتابع الحدوته من احد الجروبات اللي عالياهو وبتبعت الحلقات على الايميلات بتاعة الناس المشتركه في الجروب ده .. ومره واحده قطعو الحكايه وانا كسلت ادعبس وراها .. مش عشان القصه وحشه ولا حاجه لا سمح الله .. بالعكس .. انا شايفها حلوة قوي وبتتكلم بمنطقيه وواقعيه لدرجة انك تحس انك عايش وسط الحدوته
لكن اللي خلاني قفلت من اني اتابع الحدوته اني لقيت نفس الجروب عالياهو باعتلي ايميل فيه حاجات انا كنت ألفتها زمان
.. خد عندك مثلا
مقارنه مابين الطفل البيئه والطفل الفافي
حكاية التلات بنات
مسطول في امتحان عربي
----
اعمل سيرش عالحاجات دي في جوجل هتلاقيها منتشره في بتاع عشرتلاف منتدى .. واقسم بالله العظيم انا اللي ألفت الكلام ده .. ونشرته في منتدى اسمه مصر اليوم او ايجيتوداي .. حاولت اقول للجروب ده ان دي سرقه وبعتتلهم لينك المنتدى اللي نزلت فيه الموضوع ده واللي هو أول منتدى نزلت فيه المواضيع دي واللي تاريخ نشر المواضيع قديم وبيؤكد اني فعلا صاحب المواضيع دي واني انا المؤلف ليها .. لكن لا حياة لمن تنادي
وبعد فتره .. المنتدى ده كمان وقع وضاع حقي في الحوارات دي
----
يابو الشناكيت احنا بنتسرق عيني عينك .. ابسط حاجه .. غاده برايد عايزه اتجوز .. جاني موقف من مواقفها اللي كتبتها في المدونه في ايميل .. أخف دم .. جاني بتاع اربع مواضيع من اللي كاتبها في البلوج بتاعه
يعني من الاخر احنا مالناش حمايه ياعزيزي .. بس تصدق يابو الشناكيت .. انا بعد ما جاتني الايميلات اللي فيها موضوعاتي بفتره .. فرحت اني ماشي عالطريق الصح واني الحمدلله باعرف اكتب واقول حاجه تبسط الناس
ودي عندي كفايه



ملحوظه
الف شكر ياعمنا على لينكاية مذكرات طفل طخين .. وبجد انا كنت متضايق منك ومخنوق وعايز اعضك عشان انت منفضلي بقالك فتره .. لكن اتضح انك صاحبي بجد .. والف شكر يا ابو الشناكيت على الحركه الشيك دي
بقولك .. ماتجبلي موبيل ثري جي بمناسبة ان اختك نزلت الكتاب بتاع يوميات اتنين مخطوبين





سلامووووووووووووز

walaa يقول...

الحمدلله الحق رجع لصحابه
مش عارفه الناس دى لييه مبقاش عندها ضمييير
ازاى يسرق مجهود غيييره
على العموم مبروك لهبهوب وعقبال الكتاب التانى
وكويس اللى جمعته فى كتاب فيه اسمها
عارف ده كمان بقت بتسرق اشعار كاميليا علشان كده من هنا انا بقولها
ياريت انتى كمان تحطيهم فى كتاب باسمك
ودمت صديق وفى للاصداقك
ولاء

3abdo me7tas يقول...

انت قلت ايه
ابقى سلملى على حقوق الملكية
بس خلاص
كبر

appy يقول...

ما عاش ولا كان اللى يهزئك يا راجل وبعدين زى ما بتقول من طريقه حوارهم انهم ناس مش كويس
دى ناس تافهه سيبك منها وبعدين المفروض هبه تسجل الموضوع ازاى متسأنيش بس اكيد فى حمايه

فضفضة يقول...

شنكوتي

اولا الف الف مبروووك للكتاب بتاع

اختك هبة

وعايزة اقولك انى قرات السلسلة على النت من قبل حتى ما افتح مدونة

وهى رائعة جدا

وربنا يوفقها

ولو فيه اى خناقة انا مستعدة انضم لفرقة الحريم المتحدة مع وززززززتي وفرنسا هانم

وقلبك ابيض

والحمد لله انها نزلت الكتاب وده اكبر ضمان لحقها

ومتزعلشي نفسويتك انت ولا هبة

ومتنساااااش

يبقي انت اكيد اكيد فى مصرررررررر

بت خيخة وأى كلام يقول...

يلا تعالى عندى علشان تحلف اليمين
انت مختفى ليه
انت اتقبض عليك ولا ايه يا شنكوتى
سلام
اختك خيخة

الشنكوتي الكبير يقول...

بنت خيخه....كلام

الله يخليكي يا نوران يا مجدع
انا مش هامنني منهم حاجه بس انا حبيت اخش اقولهم الكلمتين دول لأني كنت متضايق قوي من موضوع انهم معندهومش دم ولا خشا انهم واخدين شيء مش من حقهم
عموما ربنا يكرمك ومتشكر جدا على كلامك
-----------------

خمسه فضفضه

معترفه او غير معترفه
الأعتراف جه متأخر قوي يابنتي وبعد ما هبه اختي طلع عينها
خاصة ان مش كل الناس كانت شافت الأعتراف ده زمان اول لما بدأت تنشر
المهم يعني حتى لو معترفه
الأعتراف مش معناه ان هبه سمحتلها تعمل كده
ولا انا اجي اخد الحاجات اللي في مدونتك وانشرها على مزاجي واعدل فيها براحتي وبعدين اقول انا اخدتها من عند خمسه فضفضه ايوه كده هاحفظ حقك لكن غصب عنك يعني هو كده مزاجي عاجبك عاجبك مش عاجبك اتخن حيط وعلمي براسك فيها قوي

ما علينا اللي حصل حصل
واللي يغيظ فعلا الناس اللي بترد تقولي مش مهم مسروقه مسروقه ايه يعني

----------------------

احمد سمير

يا جدع انت على قد ما بتقول كلام كويس على قد ما انت عقدتني في عيشتي
الدنيا وحشه اه لكن متقوليش في وشي كده دعونا نضحك على انفسنا
ههههههههههه
متشكر يا اخي الفالضل على كلامك
وربنا يهدي المصريين ويفرج عنهم كربهم

----------------

Desert cat

يا ستي زي ما قلت في الأول معترفه دلوقتي بس انها مقتبسه الجزء الأول
لكن غصب عن هبه يعني بدون استئذان


------------------

كاميليا

ربنا يسعدك يارب
وعقبال ما تنشري انتي كمان احلى كتاب
وعقبلا الكتاب الأهم هههههههه

وتشكر لي لي اجدع واحده في الدنيا علشان عرفت توصلك الكتاب اللي مكنتش عارف ابعتهولك ازاي

ربنا يسعدكمم انتم الأتنين

---------------------

فرنسا هانم
سيبك انتي من ده كله اللي بيعجبني فيكي يا فرنسا جدعنتك دي
مبحسش انك اونطجيه
ساعات بحس انك فعلا ساعة الجد ممكن الاقيكي في ضهري واقفه تتخانقي جنبي
زي اجدع اخ
ربنا يسعدك يا قمر


-----------------

صوت من مصر

الأول بس انت عامل ايه واخباراتك يا باشا

وبعدين انا اتسرقت اذن انا مخنوق دي برده معروفه يعني

نورت يا باشا

----------------

عاشقة الفردوس

يا بنتي انتي فاكراني اي كلام ولا ايه
مع العتذار لخيخه يعني

هههههههههه
ده احنا عيله فنيه جدا
ده مش بس بنكتب كمان ده انا كمان برقص ههههههههههههه

نورتيني يا ستي وربنا يسهل وهبه تكتب حاجه جديده
تسلمي ونورتيني

---------------------

انين الحزن

حلو قوي اسم وزه
ربنا يسعدك
وبعدين يا ستي انتي متدخليش خناقات خليكي للكبيره
الله يسعدك
نورتيني جدا

---------------------

Sooooooooo

الطفل الجامد مووت
يا باشا اولا ربنا يكرمك على ردك اللذيذ
ثانيا انا مقدر احساسك قوي على كلامك الي اتنهب وناس نسبته لنفسها غتاه كده
معلش زي ما الناس كلها كاتبه اهي هي دي مصر يا عباس

وبخصوص اللينك انا فعلا كنت مقصر معاك قوي قوي
وكنت عايز اعتذرلك ووالله
لكن انا عملت اللينك مش بس علشان الأعتذار ليك
لكن اعتذارا للقصه التحفه اللي انت كاتبها واسلوبك الفظيع اللي ازاي انا مقريتهوش
بس الحمد لله قريتها كلها ومستني الجزء الجديد على نار الشوق

سلااااااااااااااام

الشنكوتي الكبير يقول...

ولاء

ربنا يسعدك يا ولاء
ولو انك غايبه من فتره مش عارف ليه
يارب تكوني بخير

وعقبال كتابك انتي يا سكر

اما عن شعر كاميليا
دي عيله هتجنني تقولي جمع كلامك في كتاب وهي سايبه حاجتها بتتسرق كده

اصلهم عارفين انها في اخر الدنيا مش هتعرف تقفشهم
ولو قفشتهم مش هتعمل حاجه دي غلبانه قوي
ربنا يعوضها خير
نورتيني يا ستي
سلاااااااام
-----------------

عبده محتاس

اله يسلمك يا باشا
وحقوق الملكيه بتسلم عليك وبتبعتلك التهنئه من ارض السراب اللي هي فيها دلوقتي
-------------


Appy

يعجبني فيك يا عبد الستار نضافة دماغك
لازم تسجل ومتسالنيش ازاي
ههههههههههههه
انتي من بتوع انا اخطط بس وانتوا تنفذوا بقى
ربنا يكرمك يا ابي
وبعدين عملتي ايه في اللينك بتاع كامي اللي كنتي عايزه تبعتيه لواحد صاحبنا يمكن يحس
ابعتيه يا بنت متنكسفيش هي الدنيا كده تؤخذ غلابا حتى في الحب

سلاااااااااااااااااااااااام


---------------

فضفضه

يا سلام كده بقى عندي فريق مصارعه حريمي جامد جدا بقيادة فرنسا
والأختين الطعمين وزه وفضفضه
ربنا يحميكم يارب
ويسعدكم

وعقبال كتابك
ومش هانسى ان انا في مصر
وزي ما فيها حراميه كتير
فيها ناس جدعان زيكم كتير

------------------


خيخه
انتي عاملالي حصار
صدقيني لو مكنتش في الشغل يومها هاجي
بس انا بروح الشغل يوم السبت ويوم الجمعه غصب عني لازم احسن دخلي عايز اتجوز يا ناس

ربنا يسعدك ويجعله في ميزان حسناتك

سلاااااااااااااااااااااام

عاليا حليم يقول...

للأسف السرقة خاصة الاعمال الادبية انتشرت جدا و المشكلة ان ما فيش جهة تريحك و تخليك تسجل اعمالك عندها بسهولة ابدا غير الفلوس الى بتدفعها طبعا

و الناس الى موراهاش غير مهاجمة الناس عن جهل دول ما اكثرهم ربنا يهدى

Queen eraser يقول...

أنا شوفت الجروب يا شنكت..بس افتكرته تبع هبه..بص الحل انك تعمل جروب و تعمل دعايه كويسة على فيس بوك و تنويه ان الجروب ده هوه الرسمى..بس كده..استنى عليه شوية و كله حايبقى تمام


http://pencil-eraser.blogspot.com/2008/03/2.html

الشموع السوداء يقول...

المشكله فعلا اننا فى مصر موضوع الملكيه والخصوصيه والحاجات دى زى الطلاسم كده بالظبط محدش بيحاول يفهمها او يطبقها..حاجه مؤسفه فعلا..عموما مبروك على الكتاب ومنتظرين المزيد منكوا الاتنين

صحفية روشة يقول...

عندما نمشى الى الوراء ونتقدم الى الماضى
توقع اكتر من ذلك

فى القلب يقول...

وعهدالله يا باشا أنا مسرقت حاجه
حتى فتشنى يا بيه

مش هتلاقى غير ربع شندوتش جبنه رومى

يا عم بقه كبر و لايهمك و لا تحرق دمك يا كبيييييييييييير

Smartphone يقول...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Smartphone, I hope you enjoy. The address is http://smartphone-brasil.blogspot.com. A hug.

همسات يقول...

السرقة بقت موضة يابنى

ابتسم ... فأنت هنا
:)

بت خيخة وأى كلام يقول...

فين جديدك يا عمنا الشنكوتى

امرأة من عبير الورد يقول...

أولا مبروووووووووووووك لهبه ... أنا قريت الكتاب ... وأتبسطت جدا أنها قدرت تحول حلمها حقيقة والموضوع جميل ويستاهل يتعملوا سلسلة .. اتمنلها التوفيق ...
ثانيا .. موضوع السرقات دا مشكلة موجودة وحتفضل موجودة عشان كدة اللي حيبين تفوق هبه هو اسلوبها فالكتابه لانها لا يمكن تتشابه مع حد ولا يمكن حد يقدر يكتب الموضوع زيها ....

ثالثا أنت فبلد مبتراعيش اي حاجة ... فمنتظر أيه ....
رابعا أنا زعلانه لانك مختفي

المفقوعة مرارتها يقول...

مادام اتعملت اليوميات كتاب يبقي خلاص كبر دماغك وماتحرقش دمك
روق كدة ياجميل
بس تعرف عاجبني انك ماسكتش علي حق أختك
انت دمك حامي اوي
عارف لوكنت اخويا كنت كسرت بيك الدنيا

غير معرف يقول...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

A片,aio,av女優,av,av片,aio交友愛情館,ut聊天室,聊天室,豆豆聊天室,色情聊天室,尋夢園聊天室,080聊天室,視訊聊天室,080苗栗人聊天室,上班族聊天室,成人聊天室,中部人聊天室,一夜情聊天室,情色聊天室,情色視訊,美女視訊,辣妹視訊,視訊交友網,免費視訊聊天,視訊,免費視訊,美女交友,成人交友,聊天室交友,微風論壇,微風成人,sex,成人,情色,情色貼圖,色情,微風,聊天室尋夢園,交友,視訊交友,視訊聊天,視訊辣妹,一夜情