الخميس، فبراير ٢١

هبه اختي نشرت الكتاب وهتعمل حفل توقيع تعالواااا


واخيرا وبعد طول انتظار

كتاب يوميات اتنين مخطوبين نزل يا رجاله في المكتبات والمحلات
متوافر بمكتبة عمر بوك ستور
مكتبة مدبولي
الديوان بالزمالك
مكتبة ساقية الصاوى

وكمان حفل توقيع في: عمر بوك ستور
15 شارع طلعت حرب فوق مطعم فلفله ( عند محطة مترو السادات
من الساعه 6 مساء الى الساعه 9 مساء
وذلك يوم الجمعه الموافق 22 فبراير 2008


وقناة OTV هتيجي تصور حفل توقيع الكتاب
والدعوه عامه وهنبقى لمه
تعالوا شرفونا واحضروا معانا اللحظه دي
كلكم مدعوين
تحديث
الحفله تمت الحمد لله على خير
وحضر معانا ناس كتير حلوين
صحيح OTV اعتذروا ومحدش جه لكن فيه واحد صحفي من الدستور جه حضر معانا
واجمل حاجه ان لي لي جت حضرت معانا
عقبال كل الناس لما تنشر كتبها كده

هناك ٢٨ تعليقًا:

Ma 3lina يقول...

الف مبرروووووووووك

انا كنت متابعة الحلقات على جروب فى يااهو و عجبتنى اوى

اول مرة اعرف انها اختك سلملى عليها باه :))

MerMaid يقول...

كويس والله
عيلة فنية اهو كلكم
مبروك يا ايهاب عقبال كتابك انت كمان
او كتب كتابك
اي حاجة فيها كتاب و خلاص

تحياتي ليك وسلمللي عليها كتير بجد
الدعوة مقبلولة طبعا غير اني مش هاقدر البيها لظروف خاصة

تحياتي

صوت من مصر يقول...

الف مبروك
الف مبروك بجد

خمسة فضفضة يقول...

السلام عليكم ورحمة الله وبركاته

هي ام سما وحلا تبقي اختك ماشاء الله ( مش هي برضو ولا ايه )

متبعاها علي منتدي عمر خالد ، وكمان قرتلها يوميات ماما سارة وبابا عمر
وحاليا يوميات اسرة مصرية جدا

ربنا يوفقها يارب والكتاب يكسر الدنيا

الف الف مبروك

حواء يقول...

مبرووووووووووووك وعقبال كل المدونين المتميزين

يا مراكبي يقول...

أولا ألف مبروك تاني وتالت ورابع

ثانيا .. البوست اللي فات واللي قبله تحفة بجد .. ضحكوني كتير جدا .. كوميديا بجد .. وإن كان ظاهرهم كوميديا سوداء

هأروح أقراهم تاني

إبـراهيم ... يقول...

آآآه ألف مبرووووك ..

.. و هنتقابل إنهاردة إن شاء الله


هنــــــــاك يا شنكوتي

قلوب بتغنى يقول...

الف مبروك يا عم الشنكوتى
جميله فرحتك
ربنا يسعدك على طول

Unknown يقول...

الف مبروك بالتوفيق ان شاء الله و شكرا على الدعوة ،

لـــى لــــىِ يقول...

آلف مبروووووووك ياريس

الحفلة كانت جميلة

والمناقشة كانت غاية فى الرقى

متشكرة على النسخ الهدية

عقبال حفل توزيع الكتاب التانى يارب

مع أطيب تمنياتى بمزيد من التقدم

لى لى

فرنسا هانم يقول...

الف مليون مبروووووووووووك

عاشــــــ النقاب ـقــــة"نونو" يقول...

الف مبروك كنت بتابعها في حارة زعتر مش هي بتاعت سارة وعمر
دة دلوقتي حاطين يوميات سنة اةلى زواج
صح ولا غيرها
عموما تحياتي لاختك بس الحكاية دي حقيقية صح ولا خيال عموما هي جميلة اوي تحياتي لك ولكاتبتها وجزيت بكل الخير

عبده الرايق يقول...

عبده الرايق
مدونه ساخره
عبده الرايق
لعب وجد وضحك وضرب ................
عبده الرايق
يقدم لكم احلى تشكيله من المكسرات والمفتفتات والمطحونات والتعلب فات فات وفى ديله سبع لفات
عبده الرايق
راااااااااااااااااااااااااااااااااااايق
ومرووووووووووووووووووووووووووق
والدنيا كاسحاه فى ديلها

عبده الرايق يقول...

مبروك على الكتاب
وعبقال ما تصدر كتابك
ونيجى نبارك
ونشرب الساقع
وناكل فراخ
وناخد نايب العيال معانا

صحفية روشة يقول...

هتيجى امتى على الotv
مش هعرف اجى
هتفرج

الـسـيـدة نـون يقول...

الف مبروك يا ايهاب
وعقبال كتب كتابك انت كمان
:)
المهم معلش انا بعتذر انى ماقدرتش اجى يوميها
بس ان شاء الله لما انزل وسط البلد هابقى اشترى الكتاب
الف مبروك
سلام
اختك خيخة

3abdo me7tas يقول...

شنكوتى
تصدق انا مش عارف اسمك آه افتكرت إيهاب :D
المهم مبروك يا سيدى على الكتاب عقبال ما نشوف الكتاب عندنا هنا فى المنصورة عشان نشتريه
الف مبروك
ربنا يبارك فيك ويكرمك

Empress appy يقول...

مبروك بس والله كان نفسى اجى بس معرفتش بس ان شاء الله اشترى الكتاب وميرسى لزيارتك ليه

Mo3Az يقول...

ممممممم
للاسف انا لسه شايف الكلام دا دلوقتى
كنت اتمنى والله اجى اهنى وابارك
:)

الف مبرووووووك
ويارب دايما من نجاح لاخر
(F)

----
على فكرة لك تاج عندى
:)

نبض اسكندرية يقول...

ازيك يا هوباااااااااا

والف مبروك لاختك

تحياتىى

ساعد نسرين الايمن يقول...

مبروووووووووووووووووك

كان نفسي اجي اوي
بس والله مش قي مصر

انا بحب مطعم فلفلة اللي التوقيع فوقيه ده اوي

يالبت تتعرف ليا علي حد فيه
لغاية لما انزل

وياليت الكتاب ينزل عندنا هنا

تحياتي
تقبل مروري الاول

kafrawy يقول...

مبروك

النجاح شىء مش من فراغ

غير معرف يقول...

ألف ألف مبروك يابو شنكت..
احنا نطول تبقى اخت صديكنا المدون كاتبة مشهورة جدا و بتكتب توكيعات على الكتب بتاعتها؟؟
مبروك كمان مرة يا إيهاب بس المرة دى بلغها لأختك...سلام

Doba يقول...

تقول لهبة بالذوق كده تجيب كتاب وتعمل عليه اهداء وتبعتهولى عالبريد

اه بلطجة

عندك مانع
تعالى قول عندك مانع

يا عبده - الكورباج
ولا الطيب احسن

الف مليون مبروك وعقبال الكتاب التانى
سلام يا صاحبى
هبة

simple girl.. ..simple dream يقول...

الف مبروك على الكتاب
انا فعلا كنت هاجى حفل التوقيع دة بس حصل حاجات منعتنى
بس انا بجد كنت عايزة اتعرف عليك انت واختك
ياريت تعملوا اى تجمع قريب وهتلاقينى فيه

Ehab يقول...

ما علينا

الله يبارك فيكي
بس انا اعتقد انك كنتي متابعه الحلقات المسروقه لأن الكتاب اتسرق منه جزء واتفبرك منه جزء وكانت شغلانه كبيره بس الحمد لله اتمنى تقري النسخه الأصليه المره دي وتعجبك

--------------------

ميرميد
يا بنت احنا عيلع فنيه جدا جدا
ده انا حاسس ان عبده اخويا هيطلع موسيقار من كتر ما احنا فنانين

كان نفسي تيجي
-----------------

صوت من مصر

الله يبارك فيك
تسلم يا اخي الكريم على شعورك الجميل
-------------

خمسه فضفضه

ايه رأيك بقى ان ام سما دي ولا حلا مش عارف
من اكتر الناس اللي كرهتهم بسبب سرقتهم للقصه ونسبها لنفسهم
واللي يغيظ انها تنشرها على منتدى عمرو خالد اللي نهار ولليل يقولك حقوق الملكيه ومتسرقوش الدش
ما علينا انا اختي هبه هي الكاتبه الأصليه
اتمنى تقري الكتاب ويعجبك

----------------

بوسي كات

الله يبارك فيكي
وعقبالك انتي كمان يا سكره

--------------
يا مراكبي

يا باشا انا سعيد جدا جدا برأيك ده ودايما زيارتك ليا بتسعدني وتشرفني
دمت لي اخا كريما
اسعدك الله
---------------

ابراهيم معايا
الله يكرمك

مجتش يعني يا اونطجي
مع اني فرحت قوي انك هتيجي
ما علينا تبقى تيجي الكتاب الجاي

---------------------

قلوب بتغني

الله يسعدك وعقبال فرحتك يارب

------------------

عاليا حليم

الله يبارك فيكي ياريتك كنتي جيتي

--------------------

لي لي

انتي يا جميله نورتيني
ولو اني مش عارف انتي اختفيتي ليه دلوقتي
وقفلتي المدونه ليه
وحشتينا

---------------------

فرنسا هانم

الله يبارك فيكي ويسعدك

-----------------

nonoymm

الله يبارك فيكي
وتاني بكرر القصه في منها اجزاء مسروقه واتنشرت في اماكن كتير وناس نسبتها لنفسها
عموما ما علينا
نورتيني

-----------------

عبده الرايق

يا سيدي على الروقان
جامد انت قوي
نورتني قوي وسعيد بزيارتك
وعقبال ما تنشر كتابين تلاته انت كمان

---------------------

صحفيه روشه

معلش يا بنتي بتوع او تي في اعتذروا في اخر لحظه
وانا زعلت قوي كنت لابس اللي على الحبل بس مش مهم في صحفي من الدستور جه حضر معانا

-----------------

بنت خيخه.....كلام

مع اني استنيتك كتير وزعلت انك مجيتيش بس تتعوض
ربنا يسعدك يا رب

----------------

عبده محتاس
ربنا يسهل والتوزيع يوصل المنصوره يا باشا
تسلم على الكلام الجميل

--------------------

APPY

كان نفسي تيجي بس مش مشكله تتعوض
اتمنى الكتاب يعجبك

نورتيني
--------------

معاذ
الله يبارك فيك
بس هو انا عملت لك حاجه تاج كده مره واحده

--------------

نبض اسكندريه

خليكي كده تغيبي تغيبي وتيجي ترمي كلمتين في السريع
عموما الله يسعدك ويبارك فيكي يارب

نورتي يا جميله
-----------------
معلش يا جماعه اتأخرت في الرد سامحوني
بحبكم كلكم

سلاااااااااااااااااااااام

Ehab يقول...

ساعد نسرين الأيمن
يا بنتي اسم مدونتك شدني قوي
هاروح اشوف ايه الحكايه عندك
نورتيني جدا وسعيد بصداقتك

ياريتك كنتي في مصر فعلا وكنتي حضرتي

ربنا يسعدك

-----------------------

كفراوي
الله يكرمك
النجاح مبيجيش من الفراغ علشان الفراغ دي اللي هي الدجاج صح؟
وده بيبيض مش بينجح

هههههههههههههه
تسلم على زوقك

-----------------


كوين ايريسر
يا بنتي ده انت تطولي وتطولي
انا شفت صورتك على الفيس بوك وشكلك طويله فعلا

ههههههههه
ربنا يسعدك يارب
عقبال ما تبعتيلي نسخه من كتابك الأول

نورتيني
سلااااااااااااااااام

-----------------------

دوبه
كرباج ايه يا بنت انتي
هو اللي يحي بيعمله فيكي هتعمليه فيا انا
لا ده انا ورايا ناس شبراويه جامدين قوي
واخده بالك انتي ولا ايه

سلااااااااااااااااام

-----------------

SImple Girl ....Simple Dream

يا ستي كأنك جيتي كفايه زوقك
وبعدين في عندي تجمع قريب للحلاقين والسباكين اصحابي ايه رأيك تيجي
واهو اي تجمع نشوفك بيه وخلاص
نورتينيا يا جميله
اخبار الواد ايه ؟؟؟؟؟
سلاااااااااااااااااااااااااام

المـــفـــــــقــــــــوعـــــة مــرارتـهــا يقول...

الف مبروووووك وعقبال ماتخاويه ياشنكوتي باشا