الخميس، ديسمبر ٢٠

مـــــاااااااااء...مـــااااء...مااء



مـــــاااااااااء...مـــااااء...مااء

هم دول اخر 3 كلمات قالهم فقيد الأسره


العزيز الغالي خروفنا المبجل




قامت قواتنا الجويه والبريه والمبلوله بالهجوم صباح اول ايام العيد بتنفيذ عملية اغتيال الغير مأسوف على شبابه خروفنا الغالي




طبعا كل سنه وانتم طيبين




المجهود كان شاق قوي والخروف قاوم كتير وتعبنا قوي بس الحمد لله قمنا بالتغلب عليه بمساعدة قوى الشعب




بحب العيد قوي وخصوصا العيد الكبير لأنه اكبر طبعا يعني اجازه اطول وافلام ولعب ومتعه اكبر طبعا ده في الغالب بيبقى مجرد خيال عندي لأن العيد الكبير مليان شغل


اول يوم فيه الخروف والمعركه الداميه وبيبقى منظري تحفه وانا غرقان دم وماسك السكاكين والساطور وحاجه تحفه يعني لكن طبعا في نهاية اليوم وبعد انتصارنا على الخروف المزعج بنقعد نتغدى من لحمة اللذيذ ونفتكر حركاته المزعجه وازايي نطحني وضرب عبده ولما عبده اصر يركب عليه ويفطسه والخروف الغلبان بعد ما قعد ضيف عندنا من شهر رمضان وهو باشا ياكل ويشرب ويضربنا كمان بيجيي يوم العيد ونطلع عليه كل ده


افتكرت صدام لما اتكاتروا عليه وضحوا بيه العيد الليي فات علشان ينكدوا على المسلمين


عبط قويي الأمريكان دول ميعرفوش ان الناس خلاص اخدوا على كده اخوانهم بيموتوا كل يوم


في النشره يقولكك نهاركم سعيد وبعدين يرزعنا اخبار موت وحرق واغتصاب المسلمين والعرب كلهم وبعدين في الأخر يقولكك وختاما نتمنى لكم عيدا سعيدا


المهم يعنيي الناس خلاص بقت تسمع وتمصمص شفايفهم مش عارف بيمصمصوا من زعلهم ولا علشان العضمه لسه فيها لحمه تاني وعايزين يخرجوها بالقوه الشافطه الفمويه




العيد في ناس كتير قويي نفسيي اعيد عليهم


ناس عرفتهم طول عمري


وناس عرفتهمم من فتره قريبه جدا لكن معزتهم في قلبي وصلت لدرجه غريبه جدا


بقيت احسهم اخواتي اليي عمري ما قابلتهم في الواقع لكن معزتهم عندي كأنهم اخواتي فعلا




لكن منهم للأسف ناس مش عارف اطولهم واسلم عليهم ومن هنا بقولهم كل سنه وانتم طيبين






وطبعا احب اقول لنور عيني كل سنه وهي طيبه وسبحان الله من سنه بالظبط كانت الدنيا صعبه قوي والمستقبل مجهول تماما ومش عارفين رايحين لفين شوفي دلوقتي بقينا فين


الحمد لله رب العالمين




المشكله دلوقتيي اني عايز اخرج في العيد بس المصيبه اني مش عارف اروح فين الدنيا زحمه قووويي قويي




وانا عايز اروح حته حلوه وشيك و رخيصه ودمها خفيف وجديده وفيها ناس كتير وتكون برده مش زحمه


يعني من الأخر عايز لبن العصفور


مش عارف بقى فكروا معايا ولا تفتكروا اقعد في بيتنا واستنى الغداء وخلاص




عموما كل سنه وكلكم طيبين




سلاااااااااااااااااااااااااااااااام


كنت عايز احط صورتي مع الخروف بس لقيتها عامله زي الأمريكان بعد ما قتلوا صدام فقلت بلاش

هناك ١١ تعليقًا:

عصفور المدينة يقول...

كل عام وأنت بخير وتقبل الله منكم

Amr Ahmed يقول...

كل سنة وانت طيب يابو الشناكيت

truelove يقول...

كل سنة وانت طيب يافقري ويارب السنة الجاية تكون فرحان بيا ههههههه اقصد أكون فرحانة بيك يارب وتكون في اسعد حال وسلامي لحبيبة قلبك وجمعكم الله بكل خير يارب

غير معرف يقول...

كنت عايزة أشوف صورتك وانت بوحة :)
جزار نضييييييييييييييف...ماااااااااااااااااااااااء

عارف لو لقيت الحتة اللى بتدور عليها دى حاطب عليك و بغلاسة كده حلزق فيك لحد ما تاخدنى معاك بالعافية.بس كده.
و بالمناسبة أعتقد الحته دى ممكن تكون ف شنكوتيا مش كده؟؟
كل سنة وانت بتدبح يا شنكت.

غير معرف يقول...

صحيح..نسيت أسألك
انت سلخت قبل ما تدبح ولا لأ؟؟

3abdo me7tas يقول...

كل سنه وانت طيب يا مان
ربنا يكرمك يا رب كمان وكمان

Doba يقول...

بوحة
بوحة
بوحة

اييييييييييييه

يعععععععععع
دم
سكاكين
سواطير

افييييييييييييه
اخيييييييييييييه

شكلك بشع
----------------

كل سنة وانت طيب ويارب السنة الجاية نكون فرحانين بيك انت وغادة على خير

ربنا يتقبل منكم الاضحية اللى كنتو بتعذبوها من رمضان - والبقاء لله فى فقيدكم الغالى المحروص الخروف

تحياتى يا شنكت
هبة

shahy يقول...

كل خروف وانت طيب
والسنة الجاية يكون دبح الخروف في بيتك ان شاء الله

MerMaid يقول...

كل سنة وانت طيب يا شنكوتي

و عقبال الخروف اللي جاي او العجل او المعزة

بجد انت نورتني في مدونتي و اتمني دايما دايما

:)))

Unknown يقول...

كل سنة وانت طيب

ويارب يكون كان عيد سعيد عليك

وربنا يرحم صدام

مروة الزارع يقول...

كل سنة وانت طيب ومش عشان العيد بس

عشان السنة الجديدة كمان

يارب تبقى سنة سعيدة عليك يارب