الأحد، سبتمبر ١٦

نبا هام هبه اختي هتنشر الكتاب بتاعها بتاع " عمر وساره" يوميات اتنين مخطوبين


ايوه يا ناس اخيرا هتنشر الكتاب الحمد لله طبعا ممكن ناس منكم متعرفش ان هبه هي صاحبة السلسله دي اصلا وكانت بتنشرها على مجلة بص وطل لكن للأسف في ناس سمحت لنفسها تستغل القصه ونجاحها ويكتبوها بأسمهم وانتشرت جدا على النت لدرجة اني كان بيجيلي من اصحابي اجزاء جديده كل يومين وهي اصلا مش بتبعت الأجزاء اللي عندها للمجله علشان متحرقش باقي السلسله الي في الكتاب والغريب اني لقيت ناس بتكتب اعتراضات في النت عن ان القصه بتغلط في الدين وان فيها بجاحه وحاجات عجيبه المهم ان هبه كانت زهقت من الناس اللي سرقت القصه وكانت قررت متكتبش ولا تنشر باقي الأجزاء لكن الحمد لله هي اتعاقدت مع دار نشر وهتنشر القصه والكجله بتاعة بص وطل نشرت الخبر في العدد الجديد وحاطين صورة هبه وهي بتمضي العقد كمان علشان كده عايزكم كلكم تستنوا الكتاب لما ينزل وتقروا وتقولولي رأيكم ايه وانا ممكن ابقى اوزع نسختين تلاته هديه لأصحابي المدونين

اللي عايز يحجز نسخه يبقى يقولي بسرعه

عايز تشجيع من نار لهبه اختي
تحديث
الكتاب هيتنشر تبع دار نشر " اٌكتب" معلش هو حصل خطأ في اسم دار النشر يا جماعه
وده الأسم الصحيح للدار اللي هتنشر الكتاب
وهينزل انشاء الله في معرض الكتاب واحتمال ينزل قبل كده بكام يوم علشان في معرض تاني عايزين يلحقوه المهم انا هابقى احط اللينك بتاع مجلة بص وطل علشان اللي عايز يقرأ التفاصيل كلها
شكرا لكل اللي علق وهنأني اتمنى ليكم كلكم النجاح
رمضان كريم

هناك ٢٩ تعليقًا:

shahy يقول...

علم ياباشا وهانشترية ان شاء اللة

انا مش طمعانة في نسخة هدية ولا حاجة

بس انا حاسة كدة انك هاتأخد عمولة من البنت الغلبانة علشان الدعاية اللي عملتها لها على النت
اوعى ياشنكت عيب دي مهما كانت اختك برضة صحيح العيشة بقت غالية قوي بس معلش خليها عليك المرة دي
سلم لنا على هبة كتيييييييييييير

وربنا يوفقها ان شاء الله

سلام

فى القلب يقول...

ألف ألف مبروك لهبه و عقبال ما نسمع عنها أديبه كبيره جدا جدا و مكسره الدنيا و حاضر يا شنكوتى هنشترى الكتاب ألى أكيد روووووعه
طبعاً ماهى أخت الشنكوتى هتجيبه من بره يعنى
وألف مبروك مره تانيه ليك و لهبه و لينا

Ehab يقول...

شاهي يا سكر ربنا يسعدك وعقبالك انتي وابو الدراويش والواد الشنيور كمان تكتبوا كتاب عائلي كبييير
ربنا يسعدكم ويبارك فيكم
شكرا على التشجيع يا اختي العزيزه
سلاااااااااااااام

Ehab يقول...

في القلب
انا كنت عارف ان ورايا ناس جامدين
ربنا يخليكي يا اوشه عقبال ما تديني نسخه من كتابك انتي كمان
وتبقي تعزميني زي ما وعدتيني
تسلمي يا سكره
سلااااااااااااااام

البِـئرُ والظمّأْ يقول...

السلام عليكم
الف مبرووك لهبه اختك يا شنكوتي
و بالتوفيق ليها و ليك يا رب
تحياتي
.
زيزي

Ehab يقول...

زيزي
ربنا يخليكي تشكري يا زوق على الدعوه الحلوه عقبال ما اجي احضر حفلة كتابك وتديني نسخه هديه كمان
نورتيني واتمنى تكوني من اصدقائي هنا على طول
سلاااااااااااااااام

Unknown يقول...

الى حبيبى مبروك على نشر الكتاب وبارك للسكر هبة مش قولتلك يا باشا ان حبيبى من عيلة عبقرية بس اية الدعاية الجمدة دة اكيد بعد الدعاية اللى القمر دة عملها ان شاء الله الكتاب هاينجح خصوصا ان انت المدير التنفيذى للدعاية بتاعتة مبروك يا سكر

غادة

Ehab يقول...

غاده
الى زوجة المستقبل انشاء الله
تسلم ايدك وشكرا على التشجيع يا عمري
ربنا يخليكي بس يا بنتي بلاش تدلعيني على الهواء مباشرة كده لحسن نتحسد وبدل ما انا نازل قر ونق على المتجوزين هم اللي هينقوا عليه بعد كده
كل سنه وانتي طيبه
سلاااااااااااااااااام

غير معرف يقول...

السلام عليكم يا شنكوتي
كل سنة وإنت طيب ده أولا
ثانيا أنا بعشق السلسلة دي
بس أنا مش عارفة
أصل عمر و سارة اتجوزوا و خلفوا عيل كمان
بقلم أم سما و حلا
يا ريت تعرفني هي ولا كمان دي مسروقة منها
و في انتظار الكتاب
وألف مبروك ليها
إن شاء الله فاتحة خير عليها
منى المحمودي

ياسر مدني ...دينامو الإخوان يقول...

أدعوك وأدعو كل الزوار إنهم يلحقوا فوازير رمضان وكل اللي فاتوا فزوره ممكن يلحق يحلها عشان كل فزوره ممكن تلحأها خلال عشر أيام وإن فزورهأول يوم رمضان حنأفل باب الحل بعد يومين

وبفكركم بردوا إن الجوايز جامده ..وإن الوازير عباره عن خلق وصحابي

تــــ(حـنة)ــــر يقول...

مش عارفة اقول اية
انا كنت جاية اقول
كل رمضان و انت بخير
يعنى
و رمضان كريم وكدة
لقيت فى كتاب بيتنشر و حركات
المهم
الف مبروك لأختك
وعقبال متنشر كتاب ليك انت كمان
وهى تبقى اكبر كاتبة فى مصر
و بعدين الوطن العربي
و بعدين ...
زى ما تيجى بقى

تحياتى
تمر حنة

Ehab يقول...

وحدانيه
تسلمي على تعليقك ومباركتك
عموما هي في الأجزاء كلها لم يتزوجوا الجزء اللي فيه جواز وخلفه ده مش بتاع هبه
سواء حلو سواء وحش مقدرش اعلق عليه
عموما اتمنى الكتاب يعجبك
نورتيني وسعيد بصداقتك جدا
سلااااااااااااااام
_____________________
دينامو المدونات
يا باشا نورتني واتمنى اكسب في المسابقه وافوز بخير رمضان كله ربنا يسعدك ويبارك فيك وشكرا على الدعوه الحلوه دي
سلااااااااااااام
____________________

تمر حنه
انتي صديقه جديده وتستحقي تاخدي هديه يمكن نبقى نديكي نسخه من الكتاب مجانا ويمكن تدفعي تمنها برده
عموما سعيد بزيارتك وكل سنه وانتي طيبه
نورتيني
سلاااااااااااااااااام

أبو أمك يقول...

مبروك لهبة صاحبة السلسلة
وعقبال كده ما تبقى صاحبة العقد والإسورة والخاتم والمحبس...إلا صحيح إيه المحبس ده ؟

Ehab يقول...

ابو امك
نورت يا باشا عندي
وتشكر على الدعوه الحلوه ربنا يسعدك
اما عن المحبس ده تلاقيهم سموه كده علشان الزواج تهذيب وتأديب واصلاح يبقى الخاتم بتاع الجواز اسمه محبس من فعل حبس يحبس حبسا
وربنا يسترها عليك وعلينا
رمضان كريم
سلااااااااااااااام

يا مراكبي يقول...

ألف ألف مبروك

إبقوا إفتكرونا لما تتشهروا جامد .. ماشي وألا هيبقى فيها ندالة؟

ربنا يوفقكم جميعا إن شاء الله

شيماء الجيزى يقول...

على فكرة انا من متابعين هبه وهى فعلا ليها اسلوب جميل جدا
والف مبروك ليها
وبجد اتمنى ليها كل النجاح
وطبعا مش مستنين هدايا حضرتك
هنشتريه اكيد
انا بقى عايزة اعرف ايه حكاييييييييية السجاير بتاعت دار ميريت دى
كل الناس بتقولى على السجاير
اعرف بقى
افيدنا يا شنكوتى بالله عليك
وشكرا
:d

مبارك لهبه مرة تانيه
تحياتى

Ehab يقول...

يا مراكبي
نورتني يا استاذ يا صديقي
عامل ايه وبعدين احنا برده وش نداله عموما سعيد جدا بزيارتك الحلوه دي
نورت يا باشا
سلاااااااااااااام
_______________________
شيماء الجيزي
اولا كل سنه وانتي طيبه
ثانيا شكرا لردك الجميل وعقبالك يا ستي
اما حكاية السجاير دي لأن بالصدفه في ماركة سجاير عالميه ومشهوره جدا اسمها برده ميريت زي اسم دار النشر
فهمتي يا ستس
تحياتي
سلاااااااااااااااااام

hoda omran يقول...

مبرووووووووووووك
بس لينا نسخة هدية
:)

غير معرف يقول...

مبروكات لهبة يا ايهاب وان شاء الله هستني منك نسخة واحدة هدية مش اتنين علشا احمد ملهوش في القراءة قوي يالا وفرتلك اهو ومبروك ليه وبالتوفيق دايما يارب

bastokka طهقانة يقول...

ربنا يوفقها و يوفقك
مبروك ان شاء الله

Ehab يقول...

همسات
يا عزيزتي من عيوني نسخه هديه وعليها توقيع هبه وتوقيعي كمان انتي يعني تأمري
نورتيني وبقالك فتره مختفيه ليه
سلاااااااااااااااااام

____________________

قلوب حائره
يا سلام على الكرم كمان هتوفريلي نسخه دي حاجه هايله خالص
عموما انا هابعت النسخه لأحمد في الجيش وهو يبقى يحكيلك
عقبال ما تكتبي انتي كمان كتاب حلو كده
____________________

طهقانه
يا ستي الله يبارك فيكي
وعقبال ما اشتري كتاب طهقانه من الأسواق ويكن مكسر الدنيا كمان
تحياتي
سلااااااااااااااااااااااااااااام

غير معرف يقول...

كتاب هبه "يوميات اتنين مخطوبين" هيتنشر إنشاء الله تبع دار اكتب وهى دار جديدة بس رائعة لإن عندهم هدف و مبدأ هو النشر للشباب إللى مش لاقى حد ينشرله وتشجيع المواهب لوجه الله!ه
ويا شنكوتى أنا قلتلك اسم الدار 100 مرة مش
الف سلامة عليك من الزهايمر

غير معرف يقول...

ازيك عامل ايه
انا مثلى قوى قرات مقالك وعجبنى بجد

والكتاب حلو
انت ذو عقليه وتفكير جميل

اسمحلى اعرفك بنفسى انا من المثليين العربولدت فى مجتمع ينبذ المثليين ويعاديهم ويكرهم على شىء ليس باديهم

فى جين ان كل العالم المتحضر اعترف بالمثليه

اكبر صريحين علميين فى العالم كله اعترفوا بعد الدرسات العلميه ان المثليه امر طبيعى والذى بهم معظم اطباء وعلماء العالم وذلك بعد الدرسات

بجانب الدرسات العلميه الحديثه التى اجريت على الحيونات والحشرات ايضا
ووجدت ان المثليه امر طبيعى وعادى

ولكن كما تعلم فى بلادنا الشيوخ هم علماء ويفسروا القرءان حسب ما هم مقتنعون به فاخلطوا بين اللواط والمثليه

والعلم اثبت اختلاف الهيوبلاتومس وهى المنطقه الموجوده للدماغ للمثليين عن المغايرين

العيب فى الشيوخ وليس فى الدين
كما سبق وان فسروا سابقا ايه فى القرءان على ان الارض بيضاويه وظلوا نصف قرن يعتقدون هذا وكل الناس تناضل من اجل رايهم الى ان اتى العلم واثبت انها كرويه

وبعدها ادركوا انهم اخطاوا

علاوه عن المجتمع الذى يمارس الكراهيه والنبذ ومعاده المثليين

انا فاكر كويس كل يوم
كنت بقعد بليل وافتكر اى حد قلى كلمه جرحتنى فى المدونه
وابكى طول الليل وكنت اشعر بالحزن جدا
بجد نفسنا كلنا نحب بعض بدون كراهبه او ضغينه

ما اردت ان اقوله لك اننا نمد ايدينا اليك بكل الحب والصداقه
واريد ان نكون اصدقائكم

انا هعطيك اميلى
h_h6497@yahoo.com

ممكن تضفنى وتكلمنى
هنتظرك

وعلى فكره بجد انت مدونتك حلوه وعجبانى
مووووووت جدا بجد انت تفكيرك جميل اوى جدا
سانتظرك تاتى مدونتى
وتضيف اميلى

Oct

Monday, October 01, 2007

October 1, 2007 10:46 AM

Soooo يقول...

طب تصدق بجد بجد القصه دي من اكتر القصص اللي عجبتني وكنت متغاظ قوي لأنها كانت بتيجيلي عالايميل بتاعي من واحد صاحبي وانا كنت بابقى مخنوووووووق عشان ابسط حاجه هي اسم المؤلف لازم يبقى معروف يا ناس
اصل الحكاية دي حصلتلي كتير وكنت بابقى كاتب حاجه مثلا اقوم الاقيها جايالي عالايميل او حد حاططها في فوروم او منتدى والناس عماله تهللو وتشكرو وتقلو انت فزيع فزيع فزيع .. وهو يروح رادد عليهم برد الفارس .. دي اقل حاجه عندي
!!!!
بجد بجد بجد حاجه تخنق .. عموما الف الف مبروك عالكتاب وان شاء الله لما ينزل هاجيبه .. ماتخافش مش هقوللك هاتلي نسخه

Ehab يقول...

مثلي قوي

انا كنت محتار اجاوبك اقولك ايه مش علشان انا مكونتش رأي في المثليه او الموضوع غريب عني لكن علشان انا اتمنى ارد رد اجزى به خيرا من ربي وافيدك بيه جايز انت مش هتقرأه لكن هاعمل اللي عليه وارد عليك عزيزي اولا وقبل كل شيء انت بتقول ان المثليه موجوده برده في الحيوانات والحشرات يا عزيزي لقد كرم الله الإنسان عن باقي المخلوقات فلا تشبه نفسك بهم
بتكلم عن ان الشيوخ خلطوا بين اللواط والمثليه وفي النقطه دي انا هاقول رأيي الشخصي فكرة اللواط اللي حرمه ربنا هي الممارسه بين شخصين من نفس الجنس يعني رجل مع رجل او امرأه مع امرأه وبيسمى سحاق والأتنين حرام حرمهم ربنا ومفيهاش مناقشه النقطه دي لكن انك تقول ان فيه فرق بين اللواط والمثليه يا عزيزي عايز تقنعني ان المثليين لا يمارسوا الجنس مع بعضهم لو ان الأمر يقتصر على الحب فقط ومشاعر رومانسيه لكنت قلت كل واحد حر يحب اللي هو عايزه لكن متقوليش اصل احنا مبنعملش حاجه حرام كل علاقه لازم يدخل فيها الجنس لأن احنا بشر مش ملايكه والجنس غريزه فينا لا ننكرها ولا نقدر ان نستغني عنها
نقطة الهيبولاتيموس دي معرفش عنها حاجه لأني لست بطبيب لذلك لن اعلق عليها
اما عن معاداة المجتمع ليكم انا مش بحب اللي يحكم على حد ويهاجمه لو انا شايفك بتعمل غلط يبقى واجبي انصحك وارشدك مش اهاجمك واقتلك لكن يعني هي دي بس اللي في مجتمعنا حاجات كتير في مجتماعتنا غلط يعني انا اسيب كل ازناه والبلاوي واقول هم المثليين اللي بوظوا الدنيا طيب ليه منقعدش مع بعض نتناقش ونحاول نساعد الغلطان
وياريت متتحاملش على علماء الدين لأنهم رافضينك لأ حاول تفهم وتعرف الصح فين لأن الموضوع مش مجرد قضية رأي وحريه دي حاجه ممكن تضيع في الأخره
ربنا يهديك وعموما انا هاضيفك عندي جايز لو اتكلمنا تقتنع بكلامي وجايز انت اللي مترضاش تضيفني
تحياتي
سلااااااااااااااااااااااااااام

Ehab يقول...

sooo
يا عزيزي اتمنى اشوفك كده وانت بتدعيني لحفلة نشر احد كتبك انشاء الله وتصدق انت جبت المفيد لما الواحد بيحس ان مجهوده بيتنسب لحد تاني بيكون متضايق جدا وبيحس انه بيتسرق عيني عينك كده
تحياتي يا صديقي الجديد
سلاااااااااااااااااااااام

Soooo يقول...

اللي يغيظك بجد بجد يا شنكوتي مش ان شغلك يتسرق منك وتنشر وخلاص .. لأ
اللي يغيظك فعلا ان الشخص اللي سارقه لما تيجي تكلمه بأدب مش يقولك اه انا سارقها .. ولا يقولك معلش حقك عليا
ده تلاقيه بيقولك وهو قمه في البجاحه .. اللي عندك اعمله
وكأن السرقه بقت شطاره في الزمن ده؟؟؟
بجد حاجات تخنق

ملحوظه:
انت بهدلتني ياعم بردودك في مدونتي كلها .. طب انا كاتب بتاع خمس ست مواضيع لسه وباسخن نفسي .. وانك ترد على خمس ست مواضيع معقوله .. انما قوللي انت .. اعلق ازاي انا بقى على العشرميت موضوع بتوعك؟؟؟؟

Ehab يقول...

sooo
يا عزيزي انا علقت عندك علشان كنت عايز اتعرف عليك ويكفيني زيارتك وتشريفك
نورتني
وبعدين هنعمل ايه هي الدنيا كده مفيش حل غير الثري جي
سلااااااااااااااااااااااام

أُكتب بالرصاص يقول...

ألف مبرروووك
وعلى فكرة
كتاب يوميات زوج طهقان نزل المعرض

):