الاثنين، أبريل ١٣

سنين وسنين كتير

قالي بأستغراب انت مبهدل نفسك كده ليه
بالراحة على نفسك محدش هيقدر تعبك
بصيت بأستغراب ازاي يا عم اكيد اللي هيتعب هيلاقي
مش عندكم  الناس دي مبتقدرش تعب حد هي محسومة كل واحد معروف ديته ده يشتغل وده يترقى مفيش علاقة بين التعب والمقابل يبقى كبر دماغك واعمل المطلوب منك بس
بس انا معرفش ابقى كده انا عندي طموح اني اكبر واترقى وحياتي تبقى احسن وموافق اتعب قوي علشان اوصل لحلمي  ومعنديش سكة تانيه غير الشغل بتاعي هفضل احاول لحد ما اوصل
براحتك بس مترجعش تشتكي تاني وتتصدم لما غيرك يستفيد من تعبك وانت يتقال عليك متنفعش غير حمار شغل
انا فاهم قصدك ومش لاقي رد غير اني اقول ربنا هو اللي بيعوض
لكن انا متفائل خير ان شاء الله

وبعد سنين......
ايه الأخبار لسه برده مموت نفسك في الشغل
عادي يا سيدي الحمد لله
طيب

وبعد سنين......

ايه الأخبار
تمام الحمد لله من ساعة الترقية اللي فاتت الدنيا ظبطت معايا قوي
طيب مبروك يا سيدي انت كنت تستحقها
الحمد لله