خلاص بقيت الريس
تم حسم الموقف
والنتهى النزاع
خلاص مفيش انتخابات وانتهت الخلافات
خلاص بقيت الريس
محدش يتخض ويتصدم ويقولي ريس مين بقى
انا بقيت ريس نفسي
وعشان تكون ريس مش لازم تكون ريس على بلد كبيره وغنيه ومليانه بترول ودهب وخيرات
كفايه الحمد لله انها تكون بلد وانت ريسها ودمتم
ان محدش يملك مفاتيح بلدك غيرك وان محدش يقدر يهددك بالخروج منها
ان محدش يراقب حياتك فيها
ان محدش يعايرك بيها
ان محدش يحسسك بفضله طول الوقت
وان محدش يحكم عليك بالظلم ويطلعك غلطان
ده هو احساس الريس يا جماعه
وانا اخيرا الحمد لله بقيت الريس
عقبالكم
هناك ٦ تعليقات:
ألف مبروك يارياسة
مبروك على الإستقلال ...
مبروك على الشعور بالقوة ...
مبروك على الشعور بالكرامة ...
مبروك على شراءك لنفسك ...
مبروك على الحياة الجديدة مع من أحببت ...
حايفضل يوم الإثنين 2012/4/2 هو يوم الإستقلال ممن القهر والظلم والإستعباد :)
الف مبروك يا ريس
ماتنساناش في الوزارة بقى
الف الف الف مبروك
بس عملتها ازاى اعترف
ههههههههههههههههه
انا رئيسة نفسي من زمااااااان
واحدة صاحبتى من فترة قالتلى
انا بحقد عليكي يا نورا
علشان انتى حرة اوى
ومتحكمة فى حياتك
ومفيش رقيب عليكي
قلتلها
يمكن مفيش رقيب بشري عليا
لكن يكفيني ضميري
وايماني بان ربنا موجود وشايفني
مبروك رئاستك لنفسك
المهم انك تحكم نفسك بالعدل واياك تظلمها
سلام يا هوبا
اختك خيخة
الف مبروك على الرئاسة عشان انت انسان كويس فربنا جزاك بناس حوليك كانت واقفه معاك وسعدتك تكون الريس مش حوصيك بقا على السيدة الاولى؛)
إرسال تعليق