السبت، أغسطس ٣٠

رمضان كريم ---- الله اكرم



رمضان كريم
الله اكرم
جمله نقولها لبعض في رمضان ولكن اريد منكم التوقف عندها للحظات
فهي تذكره من كل منا للأخر بأن هذا شهر الخير فيه كثير وكرمه فائض فيكون الرد عليها ان الله اكرم يعني كل هذا الكرم هو من الله اصلا وانه لا يقتصر على رمضان فالله واجد في كل مكان وزمان وليس في شهر واحد من السنه ولكنه يمنحنا في رمضان ما لا ندرك عظمه
لذلك ادعو الله ان اقدر انا وكل منكم احبائي واخواني ان نستفيد من هذا الشهر الجميل
شهر ملئه الله بمغفره ورحمه وعتق من النار
لقد امتلأت جعبتي بسيئات واخطاء وزلات كل جوارحي ملت من كثرة ذنوبها اصابني الهم والغم والأكتئاب كثيرا وادعيت اني لا اعلم السبب ولكني اعلم انها ذنوبي تثقل على روحي وانفاثي تخنقني لكنني اعاهد نفسي امام الله ان اسقط كل تلك الحمول عن ظهري في رمضان واطمع في رحمة ربي الواسعه واطمع في رحمته ومغفرته وكرمه وحبه الجميل لعباده اللهم اجعلني من عبادك المخلصين

ادعوا لي جميعا ان اخرج من رمضان هذا وقد سقطت عني كل سيئاتي واستبدلتها بحسنات
واعملوا جميعا على ذلك فرصه جميله وكرم من ربنا انه امهلنا الى رمضان
اللهم اغفر لي ولوالدي وللمؤمنين
يارب اغفر لي يارب اغفرلي
ولكن لأني اعلم ان شروط التوبه ثلاث او اربع
ثلاث اذا كان الذنب مع الله بينك وبينه
اقلع عنه
اندم عليه
استغفر الله
اما اذا كان الذنب متعلق بحق شخص ما
عليك ان تعيد الحق لصاحبه لتكتمل توبتك
لذلك اطلب منكم جميعا من كان يعتب علي في اي شيء ان يسامحني ويدعو الله لي بالمغفره
ارجوكم الى كل من خدعته او اذيته او ضايقته او كذبت عليه او اي فعل صدر مني ان تسامحوني

اما عني فأنا اسامحكم جميعا ولا اجد في نفسي اي غضب او ضيق من اي شخص والحمد لله
كل سنه وانتم جميعا بخير
رمضان كريم ______ الله اكرم

هناك ١٧ تعليقًا:

Empress appy يقول...

كل سنه وانت طيب يا ايهاب والسنه الجايه اقولها لك فى بيتك ومع زوجتك يا رب

Empress appy يقول...

ايهاب بما انى اول تعليق
اقولك اه انت كداب وانا مش مسمحاك وهشهد عليك خطيبتك مش قولت هتجيب ليه فانوس
فين ها فين


ولا ال مش انت صح ما علينا هات الفانوس وخلاص ليه واحد ولخطيبتك اتنين ليه معرفش بس كده

سمر الشافعى يقول...

ربنا وحده يعلم اد ايه انا خايفه الايام دى بجد

خايفه اوى اقصر فى اللى نفسى اعمله

وخايفه كمان اطلع من رمضان زى مادخلته واللى نفسى اغيره ميتغيرش

يارب ياكريم تقبلنى الشهر دا وسامحنى على كل ذنوبى اللى عملتها

كل سنه وانت طيب ياايهاب

(احمد سكر ) يقول...

كل سنه وانت طيب

تقبل الله منا ومنكم

اخيك

احمد

رندا يقول...

ايهاب الغالى

كل عام وانت بخير وبصحة
وكل اسرتك بخير يارب
ربنا يحقق كل آمالك ودعواتك
وصيامك وقيامك

آلقاك فى عالم الدوين
بعد رمضان ان شاء الله

رمضان كريم

رندا

الـسـيـدة نـون يقول...

كل سنة وانت طيب يا شنكوتى
وسلامى لغادة كتييييييييييييير

Ahmed Al-Sabbagh يقول...

كل سنة وانت طيب

واسرتك بخير

ورمضان كريم

وبعودة الايام

تقديرى ومحبتى

أحمد

ahmed_k يقول...

كل سنه وإنت طيب يا هوبه
وبعوده الأيام عليك بخير وسعاده
وقفص ذهبي على كيفك

وذنوبك كتير أوي كده من أيه يا إيهاب
أنا عارف
من اللي عملته وشفته في الغردقه
ههههههههه
بقا يا راجل حد يعمل اللي عملته ده

إستغفر ربنا بقه
وخليك متأكد أنه حيسامحك
هههههههههههههههههههههههههه

سلااااااااااام يا هوبه

همس الاحباب يقول...

جزاك الله خيرا
وكل سنة وانت والاسرة الكريمة بخير
ربنا يتقبل منا ان شاء الله
وربنا يغفر للمسلمين جميعا الاحياء منهم والاموات بفضل هذا الشهر الكريم
ورمضان كريم
والله اكرم يا باشا
تحياتى ومودتى

Doba يقول...

كل سنة وانت طيب يا أيهاب
ويارب يتقبل منك ويقويك على تحقيق ما تتمناه

روح يا إيهاب يا بنى ربنا يوفقك دنيا وآخره ويسعدك ويريح قلبك ويجمعك بخطيبتك السكر

فى حفظ الله دوما

هبة

Lyssandra يقول...

كل سنة وانت طيب يا إيهاب
وربنا يعيد الأيام دايماً بالخير

---------

ليه مش بتعدّي بقالك وقت طويل ؟؟

عموما رمضان كريم
وكل سنة وانت طيب مرة تانيه

Lyssandra

Unknown يقول...

أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان

Soooo يقول...

رمضان اللي فات ابتديت انا سوووو التدوين
واتعرفت بأول واحد من المدونين ونشأت بيني وبينه صداقه غريبه ولقيته بيشجعني من غير مايعرفني

الشخص ده انت يابو الشناكيت

ربنا يسعدك ويكرمك ويبسطك ويرضيك ويوفقك دنيا وآخره


باحبك ياد انت بطريقه غريبه قوي



سلاموووووووووووز

Unknown يقول...

كل سنة وانت طيب والسنة الجاية تكون حققت لكشة احلام من اللى نفسك فيها

بسمه عبدالباسط يقول...

كل سنه وانت طيب يا ايهاب

وربنا يغفر لنا كل ذنوبنا يارب

غير معرف يقول...

كل سنة و أنت بالف خير و صحة و ربنا إن شاء الله يتقبل مننا كلنا رمضان يا رب و يتقبل صيامنا و كل حاجة


و وعد منى إنه إن شاء الله مع كل دعاء أدعيه حدعيلك برضه و أنت كمان لا تنسنا بالدعاء :)

Unknown يقول...

القافلة الثانية
القافلة الطبية الثانية تجاوز عددها ال250 مشارك
وتتكون من أوتوبيسات ضخمة
وسيارات شركات
وسيارات خاصة
ومشاة يبحثون عمن يقلهم
والقافلة الأولى رجع بعضها
والاخرون ذهبوا متسللين مع الاستاذ مجدي حسين
ووصلوا إلى كوبري السلام
وإن شاء الله نتابعكم بآخر الأخبار