الثلاثاء، سبتمبر ٢٤

خد موقف واستحمل بقى

انك تاخد موقف في حياتك من شخص معين او من موضوع او من اتجاه سياسي او من فكره معينه
اكيد شيء صعب 
لأنك ببساطه بتخرج من القوقعه المريحه بتاعة "ماليش دعوه" وتدخل في معارك دفاعا عن موقفك
وفي حالة انك تاخد موقف من شخص معين وخصوصا لو يهمك امره فأنت مضطر انك تقف قدامه وتواجهه واحتمال كبير تخسره علشان تدافع عن موقفك
علشان كده بنتردد كتير قوي قبل اعلان موقفنا وقبل ما ناخد موقف وساعات بنضحي براينا وموقفنا علشان منخسرش الشخص ده بس للأسف ده مش حل لأنك من جواك بتفضل شايله حته مش حلوه جواك ومش قادر تقوله عليها فممكن تتخانق معاه علشان حاجه تانيه هايفه وفي الحقيقه انت بتتخانق علشان حاجه اكبر جواك
مش عارف هل الصح نعلن موقفنا ونقبل احتمال خسارة حد بنحبه 
ولا نستحمل وبرده الكبت يخلينا نكره بعض بالتدريج

ليست هناك تعليقات: